羲和小館 (Renamed) View

今日嚟到東涌shopping，買咗好多戰利品，滿足了購物慾之後，當然係要滿足下食慾商場最頂幾層非常之多食肆，有日式，中式，西式，任君選擇，超想食片皮鴨，見到羲和小館做緊七周年優惠，就入去試吓，裝修非常新穎，而且仲有好多卡位坐得好舒服✨黑松露烤鴨（半隻）＄328片皮鴨外皮酥脆鬆化而且肉質嫩滑，喺廚房剛剛新鮮熱辣燒出嚟，師父成隻鴨拎出嚟大廳喺你面前起肉，上菜時候鴨肉分咗三部份，有鴨髀，鴨胸，鴨肉，最特別係片皮鴨皮加上原片黑松露，黑松露醬配搭埋饅頭一齊食，餅皮上菜嘅時候仲係熱辣辣，晶瑩剔透，厚薄適中，配以黑手松露甜麵醬、山楂條，脆脆，京蔥條及青瓜一齊食一流✨沙律芥末蝦球$148蝦球炸到黃金色，粉漿好薄，蝦肉仲好新鮮爽口彈牙，芥末醬甜甜辣辣好開胃，鍋粑帶有米飯的焦香，食落好香脆索索聲✨京式小籠包 4個$68小籠包皮薄餡靚，裡面肉汁非常豐富，豬肉好新鮮，食完好想encore

趁住母親節，同阿媽喺東涌shopping完之後，就同全家喺附近食返個晚飯。 屋企人好鍾意食中菜所以我帶咗佢哋嚟食片皮鴨。因為想留肚食多啲其他嘢，片皮鴨淨係嗌咗半份，其實我覺得份量好多，四個人食已經啱啱好。 如果嗌一隻可能要六個到八個人食。 鴨有三個部位，我唔識分，總之好食啦。最緊要係個卷皮新鮮熱辣，夠香軟！ 跟住佢仲有得揀鴨肉兩食，我嗌咗薑蔥爆炒，啲鴨肉又係好入味！ 炒得好香好有鑊氣！跟住仲食咗個好抵食嘅薑蔥鮑魚雞煲，佢爆炒得好香，啲雞同埋啲鮑魚都好入味，平時食鮑魚多數都冇味，呢個勁好食！ 嚟到呢啲小館，梗係要叫返個小籠包。多汁皮薄係基本。呢度咁啱做緊個酸菜魚優惠，我屋企人平時唔食，但係我好鍾意食，個酸菜魚上到時我屋企人都話好香，佢個味道好平均，唔會太酸唔會太辣，我屋企人都話接受！跟住叫咗個櫻花蝦炒飯，正常發揮。 最後仲有個冰梅排骨，有少少拉絲，炸得好香脆，好好食。

📌餐廳環境好舒服，座位好闊落，每枱相隔距離唔會太近，啱哂一家人嚟聚會🔎每枱都有一壺茶跟埋蠟燭枱保溫，隨時都飲到熱茶🔺烤鴨(半隻) ($268)烤鴨係即場切完上枱，分咗鴨胸皮、鴨胸肉、鴨腿肉3碟鴨胸皮好脆，鴨胸肉肉質好腍，鴨腿肉最多汁🤤店員仲會介紹埋食法:鴨皮建議點藍莓醬同爆炸糖食，鴨胸建議點黃芥末醬，入口酸酸地又帶點甜🤤鴨腿肉可以包青瓜+京蔥+甜醬/山楂+紫洋蔥+藍莓醬，2種食法都好解膩💯🔺巴蜀口水雞 ($168)口水雞汁同口水雞肉好細心咁分開上👍🏻照顧埋食唔到辣嘅朋友，雞肉都好嫩滑🔺京式小籠包(4個) ($68)小籠包好多汁，每個都用咗錫紙兜住，就算夾穿咗漏哂啲汁都可以飲翻😋🔺濃湯水餃(8個) ($88)湯底好鮮甜，水餃大細剛好，外皮唔會太厚或者太薄🤓➡️ 整體Lamlam脷指數😋😋😋😋 (4/5)➡️ 整體評價: 價錢唔貴，食物質素都唔錯🥰

今日同屋企去咗東涌站上面嘅商場食晚飯，食咗呢一間片皮鴨中菜館。我哋揀咗幾款菜黎試。入到去先發現而家做緊周年優惠，片皮鴨八折，同埋每一日有唔同菜式有七折。馳名烤鴨啲皮脆啲肉嫩啲，完全冇乾柴嘅感覺。師傅仲要喺你面前幫你片，所以啲鴨仲係脆卜卜。最特色嘅嘢係佢有自製芥辣醬汁，唔係平時嗰種芥辣。嗰種味比較淡同甜加少少芥辣嘅味道。師傅同我哋介紹鴨嘅三個部位都用不同嘅食法。有啲就加山楂同藍莓醬，有啲就加傳統嘅醬汁，最後就係佢嗰隻自製芥末。 特色之餘都真係幾好食。 濃湯酸菜魚湯汁濃郁酸辣，魚肉鮮嫩，完全吸收咗湯汁嘅風味，裏面仲有好多芽菜，紅薯粉同埋萵筍。吸晒啲酸辣湯味，酸辣魚來講佢呢度唔會好辣，不過麻味比較重。建議食咗其他菜式先，如果唔係就會琴左陣味。金銀蛋浸萵筍呢個菜式喺出邊冇咩見到，萵筍爽脆，配合完金銀蛋又幾特別。有咬口之餘個味道有層次。薑汁紅棗小桃膠薑汁少少辛辣加紅棗甜甜地，小桃膠Q彈，而且有好多桃膠。食完都感覺到好補，女性啱晒。又驅寒又健康嘅甜品。總括黎講，呢間餐廳食物幾好食，服務周到親切，環境都好舒服，價錢做緊特價亦都合理。下次再黎一定會繼續試其他菜式。

羲和有個春日套餐好抵食,係抵食過散叫好多,所以2人叫左2人餐。首先有黃扒魚肚,即係南瓜加花膠,兩者好夾,同埋好入味。小食有巴蜀雞,中意佢個醬同雞分開,個汁好有風味,雞都好滑,冇諗過咁大份。酸菜魚有少少辣,但整體都好味,有青花椒,味道鮮甜,帶有酸辣麻香,中意食酸菜魚既可以一試!半套烤鴨都好正,佢係一鴨三種食法,同埋好多款醬汁任君選擇,烤鴨肉味香濃、油份適中,唔錯唔錯!鮑魚雞粒炆飯有雞粒、鮑魚粒炆煮、香腍入味。跟餐仲可以自選飲品,朋友叫左2杯啤酒。我就飲茶。甜品都好靚,個芒果布甸好似盆栽咁,好有心思。朋友食楊枝甘露,佢都好中意個甜品。

好耐都冇嚟過東涌行街，朋友話睇中對鞋特登入嚟ourlet碰下運氣，祝佢好運啦🤣冇嚟一排東涌都開咗好多新嘅餐廳，行到腳軟梗係要搵間坐得舒服啲嘅餐廳嚟食個靚飯餐廳環境好舒服，落地大玻璃採光之餘，仲可以望下景色。餐廳設計風格都好優雅，整體環境俾人覺得好舒服同呢位朋友食飯，佢就最憎揀嘢食😂基本上佢必叫套餐。餐廳都有啲自選套餐，$788/2已經包半隻烤鴨😳仲有前菜主菜湯同埋甜品，性價比幾高我地揀咗前菜蒜泥金皮蛋，我真係好鍾意食黃金皮😋外型非常討喜！！！鴨仔小碗超可愛！一上枱已經好吸引眼球！！蒜泥微辣配上皮蛋既Q彈口感，好開胃湯類我就揀咗松露海皇羹，朋友就揀咗黃扒魚肚。點知上菜嘅時候我哋彼此都覺得對方嘅比較吸引🤣松露海皇羹份量好多，基本上可以夠兩人享用，味道比想像中濃郁，入面既既蝦肉都非常多震撼眼球既相信都係呢塊有成個碗咁大嘅魚肚扒，仲以為下面有放其他材料，無花假就係一片又大又厚嘅魚肚扒🤟🏻一坐低見到餐牌有餐廳推介嘅磚爐煙燻叉燒王，我已經指住話要叫呢個！就算套餐冇得揀都要額外叫🤣好彩套餐有包，果然冇令我失望！一上枱係有個煙燻蓋冚住，打開件每件叉燒肥瘦均勻，秘製芥末醬有果醋酸香，中和叉燒既油膩感，完

羲和小館 （8/5/2024）今日同朋友去咗東涌東薈城行街買嘢，到食晚飯嘅時候，見到東薈城入邊都有好多食市，就去睇吓有乜好食，見到有一間食中菜，仲係有片皮鴨食，我同朋友都好鍾意食片皮鴨，當然入去食。這間餐廳叫羲和小館，位於東涌達東路20號東薈城名店倉4樓417號舖，港鐵東涌站B出口，行1分鐘就到，十分方便。餐廳門口招牌都十分光猛，一眼就見到，入到去餐廳個佈置好靚好整潔，而且地方都寬敞，座位好闊落尤其是卡位梳化，坐得令人好舒服，同埋有好多畫像喺牆上面，可以用來打卡，店員服務態度都好，來這裏食都唔錯。這間餐廳嘅餐牌啲食物相好靚，真係見到樣樣都想叫你食，尤其是烤鴨，以食物個選擇都好多，有羲和三寶、前菜、主菜、主食、京式熱點心、湯羮、開胃涼菜、甜品、飲品，尤其是羲和三寶都好吸引，三寶是羲和馳名烤鴨、黃扒魚肚同張氏獅子頭。仲有個春季自選套餐，都抵食嘅套餐，有招牌菜、前菜、主菜、湯羮、主食、甜品、飲品，真係下次搵多啲朋友再嚟食。當然叫三寶嘅羲和馳名烤鴨、主菜嘅張氏炒肉絲、京式熱點心嘅小籠包、甜品嘅薑茶芝麻湯圓同薑汁紅棗小桃膠。羲和馳名烤鴨最少有半只，片皮鴨係即叫即整，熱辣辣上枱，即烤即切的烤鴨就有

🛍️真的好喜歡來東湧outlet，這次籍五一的熱度必須來買一波！逛累了就給我發現了這家現烤的烤鴨聞明的餐廳，食物質素選擇也多，我們兩人點了一個午市套餐+半份烤鴨，已經非常足夠了🥰💛羲和馳名烤鴨（半只）/現烤現切的烤鴨有三個部分分別是鴨胸皮、鴨胸肉和鴨腿肉/店員還會告訴你最好吃的吃法🫶🏻🫐油香最為豐富的鴨胸皮:可沾藍莓醬加爆炸糖是很獨特的味道💛鴨胸肉是酥脆鴨皮和嫩滑鴨肉的組合，可沾黃芥末🫔鴨腿肉即可搭配薄餅，配有最傳統的蔥和青瓜，還可以試試藍莓醬和山楂條，超特別的！💗濃湯雜錦泡飯/ 這個熱騰騰的泡飯超足料，裡面有冬瓜粒，各種各樣的海鮮😋🍯蜜汁脆芋絲/ 這小食有驚喜😍甜甜脆脆的很nice 💛金湯海皇羹/ 超鮮的湯品，為逛街逛累的身子補一補

今日去左東涌行街，一行四人諗緊有咩好食，見到呢間有中菜食，於是一齊去食片皮鴨店內環境好好😛好適合傾計談心，仲有好多鴨畫像同咕𠱸☺️我哋叫咗半份馳名烤鴨，酸菜魚，四季豆，櫻花蝦蟹黃炒飯，小炒皇馳名烤鴨入面會有鴨胸肉、鴨胸皮、鴨肶肉，另外會配一個八寶盒，盒入面有齊配菜，青瓜，藍莓醬，芥末醬，山楂，爆炸糖等，等你味蕾可以試到唔同既味道酸菜魚都好好食，佢係比較麻個一種，魚肉亦比較爽身其他菜式如乾煸四季豆小炒皇、櫻花蝦蟹黃炒飯都很好食，飯炒得好乾身☺️行完街食呢間都唔錯👍

羲和小館係羲 唔係「義」。（ 好似周大褔，唔係周大福，中国文博大精深唔好搞錯。） 原來佢係同TST海運大廈篤篤嗰間同一夥人。咁呢間 lite 版，就親民好多，餐廳格局亦都冇咁拘謹，有放假feel。Sat lunch slot 都有幾枱客，環境倍感寬敞，裝修都非常舒適。天口開始翳焗，唔叫鴨啦，食得清啲。叫咗佢哋嘅lunch set：白灼田園蔬菜濃湯什錦泡飯 - 好啱呢個天氣，清清淡淡好開胃黑松露蝦球伊麵 - 汁濃 松露味，剛剛好三色雲耳蜜汁脆芋絲 - 脆卜卜 好香口金湯海皇羹松茸素羹甜品細細碗兩三啖，食完啱啱好。楊枝甘露 薑汁小桃膠 - 足料 薑味濃蜜糖雞翼4隻 - 大大隻 香脆 蜜糖適中，啱我口味。恕小弟讀得書少，我relate唔到呢到同「羲」有乜關係。

今日同朋友仔行完街過黎食野，一向都好鐘意食鴨既我地黎左羲和小館，見到食評唔錯，最緊要要坐得舒舒服服入到去餐廳個佈置好靚，而且座位好闊落，我地4個人都唔會逼，同埋有好多畫像😋由於想試多啲野食，我地叫左馳名烤鴨半隻😋烤鴨果然好味，佢分開左3碟，有皮有肉，再加上八寶盒既配料，配合佢建議既食法，好味😎酸菜魚做緊優惠價😋叫左個試下，味道偏麻辣，但唔算太辣😆岩曬我哩啲淨係食到bb辣既人小炒皇、櫻花蝦炒飯都好味🤤佢既中菜都好有水準，買完野想舒舒服服坐下超岩😛烤鴨下次會再encore☺️

今天到東湧東薈城逛街，很想吃片皮鴨，所以來到名店倉4樓的羲和小館，餐廳安排了四人卡座，沙發十分舒適，泡茶還有蠟燭台保溫，十分 享受。 吃北京菜當然不少得的是片皮鴨，所以點了半套羲和馳名烤鴨，烤鴨都是即場切片的，放在蒸氣底座上，慢慢品嚐都不怕涼，最特別的是配菜 餡料有芥末醬，多吃都不會膩，非常特別。 另外點了宮保雞丁，味道令人開胃，還有櫻花蝦海皇炒飯，色香味俱全，想吃北京烤鴨，一定會推薦羲和小館。 #pancake #pancakebb #東湧美食 #美食打卡 # #北京烤鴨 #片皮鴨 #我的美食日記 #餐廳推薦

東薈城名店倉一向出名食物選擇多，上次試完主打精緻片皮鴨嘅嘅「羲和小館」覺得好正，同大家推介下。作為主打片皮鴨嘅餐廳，呢度都有唔少鴨做主題嘅壁畫。當日我地三個人食，所以喺二人餐基礎上，加$260 叫多一碗湯、一份主食、一份主菜、一份甜品。夠曬食！以下係我地當日食左嘅食物：片皮鴨：師傅係即時片啲鴨嘅，睇得出功架十足！師傅介紹唔同嘅皮同肉部位原來係點唔同醬食，好有特色呀！熏魚：外脆內軟，同外層嘅酸醬好夾！好好味！鮑魚雞粒燜飯：好香，而且唔油！雞粒同鮑魚粒唔少，可以話係相當足料！櫻花蝦蒸飯：賣相唔錯，荷葉香同櫻花蝦嘅鹹香令個飯嘅鮮味提升唔少！孜然羊架：肉質出奇地juicy，而外層嘅調味好惹味。叉燒皇：煙燻過嘅叉燒原來可以咁好味，加上呢度嘅叉燒本身肥瘦度啱啱好，可惜份量唔算太多，唔夠喉呀！

行開東涌outlet就去咗呢間出名食鴨嘅餐廳，新式食法好有驚喜！上枱會用微溫keep住溫度，令鴨油唔會凝固。分咗3小碟：左：直接食，一咬開就有油份bit出嚟，好香中：點醬食，有新式醬食法，好驚喜右：包薄餅，除咗傳統，仲有新式，好特別食法1：藍莓醬+爆炸糖超特別嘅食法，口感真係似跳舞！首先點藍莓醬，之後再點爆炸糖，放落口首先食到藍莓醬嘅味，然後係爆炸糖jarrr嘅口感，最後食到鴨油香味，味道好奇特，但又意外地夾！食法2：秘製芥茉佢隻honey Master偏甜，有好香嘅甜味，而且芥末味唔會好攻鼻，所以唔會搶咗鴨香味。佢建議唔包薄餅，就咁食，所以食到勁香嘅芥末味，但係我包埋薄餅，都好好食，比傳統食法更為香口，令我鍾意咗呢個食法。食法3：藍莓醬+山楂條+洋蔥山楂條本身都有香甜味，再點埋藍莓醬，令甜味更加特出。蠔仔泡飯蠔都有好多隻，加上菇同瓜，令到湯飯好fresh，唔會好鹹，冬菇嘅香味已經好足夠。蠔味落晒啲湯到，一啖啖都好似飲緊湯咁咁正。籠仔櫻花蝦海味蒸飯啲飯係粒粒分明，每粒都棵住咗蛋，每啖都好香，再加上櫻花蝦，比起一般蝦米更加香口，而且魷魚唔會整到啲飯好濕。小籠包 好彩用兜，兜住咗啲湯汁，好

今日出去東涌，午餐就去左東薈城嘅餐廳食飯。去左羲和小館用膳，餐廳充滿住中式古色古香嘅佈置同氛圍。依家7週年紀念 點心拼盤有優惠，只要188就試到11款菜式包括黑松露煙燻鵝肝伴脆炸饅頭黑松露味道香濃，鵝肝質感軟綿，食落唔會有羶味。炸饅頭做得薄脆，一口食落好有滿足感，味道都好平衡。冰鎮磯煮鮑魚，鮑魚肉質彈牙但唔韌，磯煮調味鹹甜，仲帶有鮑魚本身嘅鮮甜味。撈汁海蜇花，調味香辣，食落惹味，配上爽口海蜇。山渣汁淮山，山渣汁酸甜清新，淮山爽口，酸汁黑白耳，開胃小菜，黑白耳爽脆，味道唔錯。芥末墩兒，有心機嘅菜式，用調味左嘅菜配上芥末，一口食落好清新，酸甜口味好開胃。羲和蝦餃王，賣相靚，脹卜卜，蝦肉大粒，調味剛好，蝦餃皮煙韌。鮮蝦燒賣，食落幾鮮味，味道都唔錯。小籠包，小籠包有肉汁，肉餡保持到咬口之餘唔會太肥，配上醋一齊食，味道更有層次。一口鹹水角，外層酥脆，裏面煙韌，肉餡夠味，好食！仙桃布丁，賣相好靚面層由白朱古力製成，敲開係牛奶布丁，玩味十足，幾有人思。依家優惠價點心拼盤好抵食，多款菜式可以嘗試。餐廳氣氛同食物味道都唔錯，順路可以一試