野郎Stone (Closed)

尖沙咀呢區不嬲食嘢都好貴 ，食塊牛都要二三百蚊，好難有啲平靚正嘅餐廳。 今次竟然畀我哋喺厚福街嘅盡頭搵到間超抵食嘅餐廳 ，百幾蚊就有一塊石燒牛 ，真係好抵食㗎，而且加30蚊就可以有個套餐，真係超值 。啲牛嘅份量都幾多下，你可以喺出面 部機買定飛先， 按自己嘅食量同埋喜好揀選自己鍾意嘅菜式，有200 ，300同埋400 gram揀，真係好貼心 。我就揀咗 300 gram嘅牛柳， 佢牛味好濃郁， 但係又唔會過膩，而且牛肉嘅肉質好鬆軟， 又夠厚身 ，食完都好飽 。而且仲有唔同嘅醬汁配埋牛一齊嚟食，包括柚子味嘅汁 ，仲可以落海鹽同埋黑椒添 ，真係好貼心呀 。仲加咗飯同埋湯㖭 ，我好欣賞個飯上面有調味料喺度， 呢啲飯係用特別嘅米嚟整嘅，一粒粒好開胃，連埋啲調味料一齊食真係好配合。

呢間日式小店真係幾地道 ，佢可以學到好似日本一蘭咁，喺出面買完飛先入去食，等顧客可以隨住自己嘅喜好嚟買自己鍾意嘅牛嘅種類， 都幾方便㗎！我就叫咗個骨付牛小扒，有300 gram其實分量都好似多過300 gram咁，佢足足俾咗四嚿骨，我真係食到津津有味。首先肉質都幾軟身 ，好易入口 ，亦都好有口感，而且配埋上面啲香蒜嚟食真係幾惹味，幾香口 。我仲試過配海鹽同埋配白松露蒜頭一齊嚟食，都有意想不到嘅夾 。一睇呢個牛小扒就知份量好多，而且賣相好吸引 ，打卡確實係一流 ！呢度可以加10蚊配搭飯，湯，沙律或者汽水 ，我好欣賞嘅湯 ，佢唔算太濃 ，非常清甜，而且仲有兩隻蜆肉喺裏面添，真係幾抵㗎！環境方面，坐梳化都幾舒服。職員都非常有禮貌，亦都好勤力，好好服務，抵讚！

今日去到尖沙咀，突然心血來潮想鋸扒，於是去到位於小巷內既野郎Stone😋提提大家，因為店面較細，位置不多，所以有興趣既朋友要早早去啦😎星期六大概6點去到，等咗大約15分鐘就可以入座🥳今次嗌咗2款唔同牛試一試:牛肋間隔膜 (300g 配薯蓉)牛板腱 (300g)一上枱已經聽到「滋滋」聲， 鐵板夠晒熱🔥而廚房只係僅僅將牛扒煎到表面轉色，由客人自己切開再按喜好煎熟👩🏻‍🍳👨🏻‍🍳牛肋間隔膜相比下肉質較軟，容易切開；而限量既牛板腱比較有牛味，兩者各有特色醬汁方面，個人偏好柚子汁，酸酸地，可以降低食牛嘅油膩感👍🏻薯蓉係凍食，夠軟滑；沙律菜夠新鮮，但如果係椰菜絲就更好🙈蜆肉味噌湯略嫌太淡🤭下次希望再試一試佢嘅牛柳!

最近多咗好多間石板燒嘅牛排🥩店，要凸顯風格都真係要有心思，呢一間過往經常企🈵人，今晚唔駛等就要試下佢龍定鳳先🤔.🐮牛柳200g🐮。諗住無死，應該係比較穩陣，上枱時見到只係兩面輕口煎過下，即刻劏開佢盡快用熱力將塊牛整熟，開可能塊板唔夠熱🤔🤔，點都係比較生，肉質又唔夠實，腍得滯好鬆散😫.🐮牛肋間格膜200g🐮。說是限量供應，但仍有得食，反而更有質感更有牛味，有咬口，或許這塊鐵板比較熱，所以比較好食🤔.每款都有炸蒜片伴上，醬汁同海鹽、蒜蓉都係自助形式，店面較狹窄座位比較劑迫，感覺不太舒適，性價比偏低🤔.

自從發現咗呢間食牛扒嘅專門店，蕃薯妹迅即當咗佢係食堂，每當和牛癮起嘅時候就要去會一會野郎夜晚嚟食可能要排隊，如果怕排隊嘅可以選擇食Lunch。門口有一部自助販賣機，學足日本文化，彷彿去咗東京街頭小店，既方便又有趣。不過自助販賣機只適用電子支付，如果要用現金付費都係要乖乖地走入去向店員落Order。所有牛排都大致分為200g、300g、400g，而A4和牛就分為100g、200g、300g。除咗可以彈性控制自己食量需要選擇牛牛嘅重量，仲可以選擇加配味噌湯/沙律/白飯/意粉/薯蓉/飲品，每項+$10，如果大胃王想任食呢幾個選項，+$30就可以，仲可以無限添食，其實真係幾抵！呢度最特別嘅當然係牛扒會以燒熱咗嘅火山石板上枱，除咗和牛之外，師傅會先將牛扒燒到一成熟，之後食客可以依照自己嘅喜好慢慢燒成唔同生熟程度。介紹主角︰A4黑毛和牛100g $188每日供應嘅部位都不同，店員會將一片全生和牛扒帶到去席前，即時用火槍燒香牛扒表面。佢地亦會細心講解和牛最佳食用口感係3成左右。真係無介紹錯咖！呢塊和牛扒充滿油香，入口即溶，太好味了。食o既時候加少少岩鹽同黑椒，唔需要沾其他汁料，先唔會蓋過咗佢嘅牛味。

中午原本想去吃一蘭，但要等三十多個，於是行前小小，看到steak , 無人。於是衝了入去。點好餐，再看OpenRice,原來尖沙咀店長期要排長龍。我點了牛小排200g , 加30蚊配套餐（薯蓉）上餐後，會彈小小油，等待期間吃了一口薯蓉，原來是凍的。非常震驚，甚少食到凍薯蓉。開始切牛肉，非常有肉味，生熟程度可自己調節，非常好。熱的牛扒後加一口凍的薯蓉，意外地匹配，好味。不過個骨有點難切，下次會試翼板位置。

今日難得假日，跟好友於尖沙咀購物血拼後，決定搵間餐廳吃個下午茶。當經過厚福街時，見到間餐廳名叫<野郎stone>，主打石板燒。門口還放置了一部售賣機供客人落單，感覺像日本餐廳一樣，非常特別，於是決定一試！一進入餐廳，便聞到陣濃濃的石板燒香味！而餐廳的座位不多，幸好我們來的時間不是午飯高峰期，不然很大機會要排隊等待。餐廳共有八款牛的不同部位可選擇，分別有牛舌芯，西冷，板腱，牛肋間隔膜等，加$30便可轉成套餐。而我們想嘗試較特別的牛部位，所以點了牛舌芯套餐配薯蓉，朋友就點了板腱套餐配飯。不消五分鐘，兩份套餐熱辣辣的送上！起初我十分心急，一上菜便想立刻拿走牛舌上的紙巾，但服務員提醒我，這張紙巾是用來放止我們被石板燒上的油濺到，所以最好待一分鐘後才拿走，非常貼心！而且上菜時，牛只有三成熟左右，服務員還提醒我，牛舌芯不要太生吃，需要燒較長時間，相反朋友點的板腱可因應自己對生熟的喜好，自由控制燒的時間！至於味道，我個人還是喜愛我點的牛舌芯！因為口感較爽口，不需要擔心太林或太硬，但朋友的板腱味道亦不俗，整塊充滿濃濃的肉汁，非常juicy！若喜歡濃味的朋友嫌味道不夠，更可自行到自助處添

最近熱石煎扒好受歡迎，好多地方都開左新鋪，今日小妹就黎左位於尖沙咀既野郎Stone試食😁。野郎Stone以牛為主食，有吾同部位可供選擇，分別有板腱、肩胛肉眼、西冷、骨付牛小排、牛柳、牛肋間隔膜😍。唔同份量唔同價錢，最扺$88就可以食到熱石牛扒😋。另外亦可以加$30轉套餐，薯蓉、湯及沙律無限添加，勁扺食，CP值勁高🤣。小妹同朋友分別點左西冷200g($128+30)同牛柳200g($138+30)。師傅會將一兩成熟既牛扒放起300度既熱石黎過黎，由小妹我再親自操刀慢慢燒到我想要既程度😎。牛扒肉質嫩滑，肉汁同香味都好濃郁，超Juice😋。燒既過程中品嘗薯蓉、湯及沙律。每一樣都好優秀，我每樣都添左一次😂。地址：尖沙咀厚福街7A號地下E號鋪Shop E, G/F, 7A Hau Fook Street, Tsim Sha Tsui

位於厚福街嘅野郎Stone不為顯眼，不過好食嘅嘢通常要捐窿捐罅，朋友是一個對食物好講究嘅人，是個「牛魔王」，所以好難抗拒鐵板牛扒嘅威力，所以揀咗呢間。嚴格來說其實唔算係鐵板，牛肉本來唔係好熟，它利用鐵板上嘅熱石調整熟度，牛嘅肉汁係上面「渣渣沙沙」，聽到聲就好吸引！我簡左牛肋間隔膜，餐廳切得比較厚身，食嘅時間要盡快切開，唔係就會過生，肉味較板腱更濃。少脂肪有咬口。400g嘅套餐岩岩好，夠食又唔太飽。食物總體水準比預期更高，牛肉冇加鬆肉粉或者其他調味，套餐配菜未算好有驚喜但抵食，30蚊有放題，以任食飯、湯同野飲，我就無叫呢個，叫咗啤酒。店內環境窄小，坐落都幾迫，不過可以一路食牛一路飲啤酒，簡直是享受！

尖沙咀除左多野買，野食選擇都好多。而厚福街入邊都有好多家有熱誠的小店。今日我同女朋友就去左一間食鐵板燒牛肉的日式小店-野郎Stone。餐廳位於內街，座位不多，入到室內已經聞到陣陣飄香。由於太肚餓，我同女朋友已經急不及待叫左兩個set我的是牛板腱200g 配秋田米飯。牛肉可以選擇200g/300g/509g，個人認為200g份量已經足夠。如果唔想食飯，你可以配意粉或是薯蓉。湯不是沖粉，新鮮蜆肉在內。飯粉湯都可以無限添食！牛板腱是牛隻比較少有的部位，非常軟熟，鐵板燒牛的好處就是可以自己調節牛肉熟透的程度。至於女朋友則點了牛舌。是一整條牛舌。在燒的時候職員亦提醒弓牛舌要燒熟先可以食。而且上菜時有紙巾擋在鐵板上，防止油脂四濺，頗為體貼。整體而言，餐廳唔算貴，而味道也幾好，唯一要挑剔之處就是通風可以改善一下

近排多左好多自助鐵板牛排，其實淨係睇片，聽到肉發出滋滋嘅聲，口水都流埋🤤。呢間店細細地，坐到十幾個人到。唔少附近上班族一個人黎食👔👗，抵食之餘質素都幾好。我叫左一份300G 牛板腱，呢個位置有牛味之類，肉質較嫩、肉汁豐富👍。 餐廳提供了幾款調味任客人選擇，我簡左岩鹽。牛肉本身新鮮，少少鹽味已經足以提鮮，唔駛落好濃味嘅醬汁。😎呢餐埋單都係百幾蚊，認真抵食。同傳統扒房價錢差不多， 但明顯肉唔會有鬆肉粉。

早前見到有推介好食嘅扒, 身為牛魔王嘅特登黎試下。 一去到已經排長龍了。 雖然店員話今日冷氣壞左, 但仍然保持住長龍。 這裡有個特色, 如Credit Card 就係佢部自助售票機搞。 現金就搵店員。 排左20 分鐘左右, 終於到啦。 將之前點的牛板腱 同 牛肋間隔膜 比店員。 依度嘅調味係自助式嘅。 試過嘅隻味 我都係較喜歡black pepper and salt. 佢地嘅牛應該準備時係偏生。 啱晒我地d 野人 生d 無所謂。 但唔鍾意太生嘅 就要自行切開煎熟啦。 總體 肉味 juicy 有咬口 非常唔錯。 只係抽風麻麻 冷氣雖然壞, 其實我個位涼嘅。 如果唔係廈天同唔太長龍嘅 我都想再幫襯

第二次嚟，下晝2:00其實第一次嚟嘅時候都係襯非正常食飯時間,因為鋪頭細細得11個位左右，預咗繁忙時間要等到隻野咁....再講，我相信有啲人食飯鍾意磨爛蓆，啖牛肉要咬到變漿先吞得落.....咁就勸佢哋唔好嚟，棧阻住人做生意。將心比己，生意難做吖！總括嚟講.....高品質牛扒，快餐style，花園餐廳價錢。牛扒係咁二煎香個面，放起火山石上面用張廚房紙擒住就上菜，襯熱將牛肉切開，塊石會繼續煎透件牛扒......加小小鹽已經食到牛肉嘅甜味 ！希望鋪頭細細可以維持落去.....絕對會長期幫襯 ！

見到好多人都講呢間尖沙咀鐵板牛扒 咁我地都黎會一會佢先 6點鐘去到排已經有廿幾人排緊😣 到7點半先食到 好誇張❗️先前食過好幾間唔貴既牛扒 講真 我寧願比貴啲食好食既都唔想浪費左個quota 不過今次又唔太失望🤣牛肋間隔膜200g+套餐(任食飯/意粉/薯蓉、沙律、湯+一罐汽水)其實+$30要個套餐都真係唔貴 一定食到飽🤤本身諗住叫200g係過下口癮同試下好唔好食 點知原來份量都唔細😂食落相對有咬口 建議都可以煎耐少少先切😬.肩胛肉眼200g呢個係我覺得比較好食既 牛味比較出色😛 同埋唔會好多筋 唔錯！總體黎講埋單大約200蚊係好抵食 我地都推薦大家可以試試 不過我就等之後少d人排再黎食過 哈哈哈

牛排、全部都是牛排！一睇個餐牌，全部都係我至愛既牛排，眼睛立即發光！不過隨即又有啲傷腦筋，平時食牛扒，通常係只得西冷扒同肉眼扒嘅選擇，但野狼stone有好多不同部位嘅牛扒牛肉，真係有啲唔知點揀。咁我就叫咗一個骨付牛小排套餐，套餐嘅蜆肉麵豉湯、日本珍珠飯、沙律菜係無限添食嘅！正！不過我添咗沙律同湯咋！汽水啤酒就冇得添。牛排上枱時係放喺燒熱左嘅大石頭上，用佢嘅熱力繼續燒牛扒，切開嘅時候嗰塊牛扒仲係有啲紅，如果你覺得生，可以輕輕在塊石頭上再燒下，咁就會熟啲，可按自己喜好巳定。牛排嘅肉質鮮嫩，好有肉汁，而且牛味香濃，呢個價錢相當抵食。