一家

Open Now

Now Closed

筲箕灣美食攻略 2022年10月糖醋小排骨 一家蔥油白切雞上海炒年糕湯汁小籠包特飲X2 消費$510 10蚊位茶費,另加收一特式飲品係水吧出品,紅紅綠綠好好飲,夠甜,花茶溝JELLY ,仲有玫瑰香氣好順口食物方面好快上菜,即蒸小籠包,皮薄餡湯豐,食個陣要咬開飲湯再食,好熱辣辣好好食呢~糖醋小排骨,酸酸甜甜作前菜好夾,打開個胃口,唔油膩!肉多骨細抵食最好食係蔥油雞,白切雞超嫩滑,皮脂香嫩肉柔細滑,蔥油湯汁好提味令成隻雞鮮味更突出,好味道,個汁撈飯食一流最後係上海年糕,招牌炒年糕,醬油香氣十足,年糕Q彈好食味道豐富平均消費$260評分8/10筲箕灣筲箕灣道393號形薈地下G04號舖Shop G04, G/F, Lime Gala, 393 Shau Kei Wan Road, Shau Kei Wan

喺筲箕灣見完客，客仔介紹喺形薈嘅一家上海菜，梗係要去探店！以中國古式裝潢十分用心，多個打卡位座邊都影倒靚相！餐牌主打新派上海菜，除左傳統包餃之外，仲有D新派下酒菜、養生菜同特式茶飲！相當多選擇！一坐底會放底四寶茶，水滾茶靚又解渴！🦐櫻花蝦麻醬秋葵 $68擺盤精美嘅櫻花蝦麻醬秋葵，頂層放滿櫻花蝦，中間有特多麻醬，包著翠綠嘅秋葵，又健康又清新嘅一個前菜！ 🐟山藥蘆筍溜魚片 $138 店員介紹佢地採用黑魚魚片，所以特別嫩滑同魚味香濃，肉質滑流！冇得彈！除左秋葵，山藥都係另一個養生主菜！山藥煮得爽脆，配菜仲有蘆筍、百合、毛豆等，好夾好fresh!  🍜🍴一家三絲伴冷麵 $98 天氣熱我地想食冷麵，有雞絲、火腿絲同青瓜絲嘅三絲伴冷麵啱哂我地，上菜時仲有芝麻醬、辣椒油、醬油同陳醋，味道可自由配搭！麵質彈牙，口感豐富！🥤温文爺爺 $40 係椰子雲＋伯爵茶同椰子啫喱，相當好味！同事點了失魂堂弟 $34  係番石榴＋橙嘅汽水，唔太甜仲好清新！一家 地址： 筲箕灣筲箕灣道393號形薈地下G04號舖

🌟今日同朋友去港島東區食飯，本身諗住去東大街食，行行下見到開左好多新既商場，都幾多新既餐廳，所以就搵左間岩食既中餐試下——————🐽 雞絲粉皮、臭豆腐一坐低梗係嗌個前菜試吓，見隔籬枱啲臭豆腐好臭好香，所以特登都叫番個，估唔到都好有驚喜，臭豆腐炸到愛皮好脆，點埋豆瓣醬同甜醬食好襯；而雞絲粉皮同胡麻將一齊撈黎食，食落酸酸地好開胃🐽 外婆紅燒肉，流心蛋紅燒肉煮到好林好入味，基本上一咬落去啲肉已經散，肥膏亦都煮到肥而不膩，送飯一流🐽 高力芒果奶黃高力豆沙大家平時就食得多，但係我嫌佢平時豆沙餡太甜，今次黎個用咗芒果做餡，食落出其地夾，絕對值得一試

一家 ⛔將一家的溫暖帶給大家的初心🏠講起玩味新潮，可能第一樣都會諗起西餐，中菜餐館總係會俾人一種刻板啲嘅形象📺位於新樓盤樓下商場嘅新派滬菜餐廳，冇乜茶樓嘅感覺，反而主打復古懷舊風🎞 白綠色嘅格仔地磚、木枱木櫈木櫃、暖水壺同三葉風扇嘅裝飾，更添老香港嘅氣息，令人感覺置身五、六十年代嘅家一樣🛋🚪香辣炸茄子 🍆其實好怕茄子軟爛嘅口感🤣 但薄薄嘅粉漿令切成幼絲嘅茄子口感更脆口💢 賣相好似上海招牌前菜脆鱔👀 先甜後微辣嘅味道中和左油炸嘅油膩感，反而好開胃🤓樟茶鴨(半隻) 🦆半隻鴨伴以5件荷葉餅🪷 第一啖食落去有啲似德國鹹豬手😂 不過多一分樟木同茶葉嘅獨特香味🪵 配埋餐廳自家製嘅秘製醬汁，味道更昇華✨ 由於工序繁多，要先薰後蒸再油炸，所以都唔係好多餐廳有賣😋前者色澤金紅，口感酥香，外皮鬆脆，鴨肉柔軟可口，味道濃厚，兩者係視覺同味覺嘅對比都好強烈‼️菜肉鍋貼🥟正所謂「無餃子不成宴」，食上海菜又點可以唔嗌鍋貼呢😎 喺屋企從來只會烚餃子，因為每次煎都係外皮燶但係個餡又未熟🥲 更何況係冰花煎餃！鍋貼皮底金黃香脆，一咬開就爆汁🤤 唔好太顧儀態咁一口一隻就最好🫢 蔬菜同豬肉嘅比例大概各佔一半🥬 感覺更健康，同時

隱藏於商場深處 別有洞天的台式餐廳◉‿◉筲箕灣係帶有我好多回憶嘅地方，我以前生活補習返學都係呢一個舊區渡過，所以趁着唔使煮飯，所以今日同老公返嚟呢度，重溫下以前嘅歲月。☆ 水煮牛肉 ☆ $188辣是我的最愛，牛肉切得大塊，新鮮，唔會好似某些台灣店只有肉碎，配料和香料都很充足，吸收晒湯汁嘅精華，而更加令我停唔到手嘅地方係，湯汁唔油膩，在刺激起來都有純粹湯汁嘅清甜。☆ 臭豆腐 ☆ $78臭豆腐真係估佢唔到，真係臭，同太子執咗個檔有得揮，豆腐面頭脆卜卜，裏面嫩滑無比，配上甜醬同豆瓣醬，基本上我成碟食晒。☆ 蔥油涼拌山藥 ☆ $50想試一樣食材係咪新鮮，用最簡單烹調嘅方法就可以一是定輸贏，呢一款山藥，真係估佢唔到，佢只係用咗最簡單最簡單嘅炸蔥、蔥油、豉油陪着山藥山，山藥爽口而帶有蔬菜獨有嘅淡淡鮮甜，如炸蔥蔥油夠香，但又冇搶咗山藥嘅風頭，兩樣嘢夾埋一齊，好似喺身體上產生左淨化嘅作用。☆ 一家三絲拌涼麵 ☆ $98涼麵夾住火腿絲、雞絲、蛋絲、青瓜絲，涼麵整得夠彈牙，唔會太淋，伴着自家製嘅麻醬，係夏天天氣咁熱嘅必嗌菜式。☆ 紅卜卜堂妹 & 嬌滴滴姪女☆ $34 & $40想話呢度嘅飲品都好高質，而家

餐廳裝修得非常古色古香，小小懷舊感又帶點現代feel，每一個小細節都好有心思，連地板用既瓷磚亦好特色，卡位仲以屋仔既形狀展示，整體感覺都好溫馨，非常有家既感覺🥰外婆紅燒肉,流心蛋 $138外婆紅燒肉賣相勁勁勁吸引，份量仲好多，完全就係垂涎欲滴既菜式，肥瘦相間既五花肉，香甜鬆軟，入口即化，肥而不膩，味道入味，大大舊既紅燒肉，咬到中間既肉層，都充滿油潤既甜香味，百吃不厭，食落完全無一絲既負擔，入面仲有墨魚🦑作陪襯，咬感小鬆軟又仲保留到一絲既彈口，都非常出色，值得一食😋口水雞 $88其麻、辣、香味都好充足，令人心往神馳，潑辣紅油，加上花椒既麻香同芫荽清新香氣，香料味紛陳，層次夠哂豐富，調味亦恰到好處，互不搶味，配上新鮮嫩滑既雞肉同爽彈雞皮，超級惹味👍🏻👍🏻櫻花蝦麻醬秋葵 $68綠綠既秋葵山上面放滿粉嫩既櫻花蝦，賣相色彩繽紛，秋葵爽口清脆，咬至中心肉質柔軟，本身味道亦夠香甜，加埋麻醬同櫻花蝦，更提鮮性感大姨媽 $50 (伯爵茶，玫瑰，青檸汁，櫻花啫喱) 粉粉嫩嫩既顏色，少女心滿滿❤️，味道唔甜偏清新，一飲會有啖啖既伯爵香氣係口腔散開，再慢慢有玫瑰既花香，入面既青檸汁亦令整體更清香撲鼻，仲有勁多既

最近想食上海野，經過筲箕灣發現e間別緻嘅上海中菜廳。餐廳裝修都幾有中國風，座位設計同牆壁裝飾都好靚。餐牌入面都勁多傳統嘅上海野☺️🌸櫻花蝦麻醬秋葵櫻花蝦炒香後帶鮮味，秋葵配麻醬又唔會膩，都係涼拌嘅好味小菜🌸小籠包（4件）小籠包皮簿，入面有滿滿湯汁😋🌸雜果糖醋魚（半條）糖醋魚無骨，魚肉鮮嫩，上面鋪滿蝦仁同彩椒☺️酸酸甜甜幾開胃🥰🌸紅卜卜堂妹E個係士多啤梨荔枝梳打😋飲落好消暑🌸嬌滴滴侄女入面係芒果芝士奶蓋茶，芒果夠鮮甜，夏天飲岩哂😋

之前食過一次，今次特登返轉頭想試吓其他菜式～成日覺得呢間餐廳裝修好靚，好多細心位。每個卡位牆身都用左以下懷舊雜貨舖既地下磚，今次去我仲發現枱面仲多左把風扇仔，非常細心。餐廳除咗懷舊仲覺得佢好貼地又新潮，餐牌上面見到啲食物同埋飲品名都好特別。我哋叫咗可愛細妹(白桃茉莉茶) 同非常外父(芒果芝士雲，伯爵茶） 🤣🤣🤣••🌻櫻花蝦麻醬秋葵 賣相得意，成棵仙人掌錦，簡簡單單但係好好味。秋葵非常新鮮，入口爽脆，加上麻醬配合，減低左秋葵本身既草青味，非常開胃。•🌻水煮魚一大碗上，麻,香,辣 配合得岩岩好， 尤其係麻既感覺，好過癮（自己煮餸落好多花椒都唔係好出到味）。魚片薄而滑口，配料方面有蓮藕片、土豆片、木耳等。•🌻白肉翠紅霞 蛋白炒得岩岩好，我發現加醋配合更加好食。蝦仁爽口彈牙 。•🌻最後叫多個甜品，炸芝麻團 芝麻香，入面重有流心黑芝麻餡。•🌻今次落單我係有諗過鋪排過㗎😝叫一個味道比較龍嘅同埋比較淡嘅中和，最後食返個甜嘅甜品可以解辣！呢一餐真係大滿足，保留到傳統中菜味道，又有貼地新潮嘅味道。😋😋（應該係有史以來第一次咁詳盡嘅食評😆😆）

一家 🏠自從形薈開咗，筲箕灣唔係剩係得東大街有好嘢食，開左間新派上海菜，經典懷舊得來又夠潮，最啱同家人嚟食👨‍👩‍👧‍👦四寶茶要焗一陣先，水滾茶靚，有紅棗杞子香片好啱老人家同埋怕冷嘅女士養吓生麻辣香炸鳳尾魚🐟炸到好香脆加埋少少辣椒油非常開胃小食！白玉蒸蝦球🍤呢個海蝦球冇得輸！超級爽甜，食得出係用新鮮蝦😍😍不過個精華落晒個蛋白，超級滑同埋係有海鮮味一家三絲伴冷麵有辣椒油、醬油、陳醋，撈起再撈起加埋雞絲火腿絲青瓜絲，口味可以自己調配😍非常外父🥭芒果芝士雲伯爵茶芝士雲鹹鹹地酸酸地帶有淡淡芒果香紅卜卜堂妹🍓士多啤梨荔枝汽水，有新鮮果肉架！玫瑰桂花湯圓食埋就團團圓圓 夠圓滿嫲嫲係上海人下次一定要帶佢嚟試吓 裝修都幾有心思，有幾多打卡位📸

📍#老屎忽係筲箕灣#oldszefood #老屎忽 #老屎忽食飯 #老屎忽搵食 #老屎忽都要OT #筲箕灣聽朋友講筲箕灣形薈商場開左間特色上海野 入到去見到勁多霓虹燈 睇得出舖頭裝修都落左啲心思 而且仲有啲卡位好似包廂咁 食飯傾計一流一家醬鴨 ($75)呢度出名嘅菜之一。價錢唔算貴，但係鴨嘅份量比想像中嘅多好多🤣，個醬汁好惹味加埋啖啖嘅鴨肉，啱曬鐘意食肉嘅朋友。上海糯米燒賣 ($45)用咗籠裝上菜🤣夠曬傳統。燒賣皮包住粒粒糯米飯，要加d肉碎落去，細細粒好易食😋樟茶鴨(半隻) ($198) 呢個鴨係食落表皮好香口，加埋有個種獨特嘅樟茶做法，重口味啲嘅人可以試下點鹽醬 係我第一次食咗特別嘅鴨味😋懵盛盛大嫂($34)天口熱一定要叫返杯凍飲，配料有白桃,蔓越莓,汽水，呢杯梳打好fresh 中意食桃味製品既要試下😝一家 (筲箕灣)📍筲箕灣筲箕灣道393號形薈地下G04號舖

餐廳懷舊既裝修，多處打卡位例如懷舊木櫃，霓虹燈，令人感覺真係置身於老上海咁。一入座，餐廳先上咗四寶茶，焗一焗後飲都幾甘香。小籠包 ($50)熱辣辣拎出黎，小籠包皮薄得黎唔易穿，肉餡多汁都好食。點小小醋，更滋味，記住趁熱食呀😋臭豆腐 ($78)一上枱已經聞到豆腐發酵既特有味道，不過又唔算太濃既🙊 外層都炸得幾脆，入面就好似豆卜咁，甜醬同豆瓣醬係臭豆腐既靈魂醬汁，一定要點😗一家蔥油白切雞 ($128)蔥既份量真係好有誠意，多到蓋過晒啲雞肉。雞肉每件都好嫩滑！除咗有蔥香仲帶小小酒味。田園上素 ($118)健康之選，有齊雲耳，蓮藕，蘆筍，粟米芯，淮生。清清地咁炒，都唔錯。紅卜卜堂妹 ($34) | 瀟灑契爺 ($40)啲飲品名真係起得好盞鬼🤣 紅卜卜堂妹其實係大大杯既士多啤梨🍓梳打，仲有好多切咗士多啤梨。另外一杯就好特別，上層係芒果🥭芝士奶蓋，下面就係抺茶同紅豆，又好夾喎，奶蓋好濃好滑好好食。

依到有手搖飲品飲😆一杯係茉莉茶底加芒果果肉加芝士奶蓋，好多芒果果肉好甜，芝士奶蓋咸香。另一杯係士多啤梨，荔枝，蔓越莓梳打水，比較清新，酸酸甜甜咁。前菜係香辣炸茄子，小辣唔會好辣，茄子切到好細條，考刀功，炸完之後好香脆，調味酸酸甜甜。主菜係紅燒肉，仲有隻流心蛋，紅燒肉肥瘦相間，入口即溶，用咗南乳煮，所以顏色比較紅。蛤蜊豬肝澆頭麵幾特別，雖然個湯底好似好杰咁樣，但係食落唔咸的，麵條掛汁，又有幾多配料。最後甜品係玫瑰酒釀湯圓，聞到好香玫瑰味，酒釀清甜，湯圓是芝麻餡。係幾特別嘅上海菜餐廳，裝修又靚，晚巿人均$200-$300，可以一試😗

上海菜一向有點老派感覺，但其實在細微處稍為改變，例如改下啲餸菜名，餐廳裝修佈置…….🥗櫻花蝦麻醬秋葵秋葵食得多，但擺盤咁靚，又加埋櫻花蝦既真係比較少見，廚師好有心機一枝枝秋葵幢起，好香既櫻花蝦加埋麻醬秋葵，好開胃🐷外婆紅燒肉流心蛋叫外婆紅燒肉，唔知係咪外婆先識做呢😂紅燒肉用上一層肥一層瘦既五花肉，炆得好淋，脂肪層入口即溶，瘦肉層又夠淋，吸哂啲紅燒汁，非常惹味，除左紅燒肉，仲有啲魷魚條，都係非常入味，仲有隻清清地既流心蛋，令成個餸更豐富🥢紅油抄手有別於一般上海菜既辣紅油抄手，呢個較重酸味，辣味相對輕，偏重酸味反而令一般容易覺得油感重既抄手更清新🍹溫文爺爺叫“爺爺”其實係一杯椰子芝士奶蓋伯爵茶，伯爵茶裡面仲有椰子啫喱，口感🥣缸鴨狗玫瑰桂花湯丸賣相好靚，有幾片玫瑰花瓣在甜品裡，清新既桂花酒釀配上黑芝麻湯圓為成餐飯畫上完美句號

筲箕灣愈開愈多新潮餐廳，鍾意食上海菜又鍾意食辣嘢嘅人岩哂黎依間餐廳啦❣️🥟小籠包 $50小籠包最緊要皮薄！依度嘅夾起唔小心跌返落蒸籠都唔爛😳夾起都見到入面湯汁好飽滿！好食！🌶水煮魚片 $188魚片幾滑，湯底味道濃郁香辣！重點係入面有勁多寬粉😍勁煙韌，水煮魚必備！🍖糖醋小排骨 $78排骨肉質唔會好硬，酸酸甜甜好開胃最岩就係配飯食😋🥬炒包心菜 $78呢個炒菜唔好睇落好多辣椒會好辣咁，食落岀奇地爽口清甜！🍡玫瑰桂花湯圓 $45 🍹長氣嫲嫲 $34🍹脫俗大家姐 $34甜品就嗌左流心嘅芝麻湯圓～芝麻餡唔會好甜，配埋桂花底又幾夾😆而飲品名就非常有創意🤣個人最鍾意長氣嫲嫲，熱情果茉莉茶好解渴💛

我哩排同家人都有光僱，又佢新張到依嫁。至於D炒小菜同點心啱我同屋企人食，保持到水準。唔似有D食客講得咁，一係無味一係就太鹹，話我地食客味覺有問題，做為一個食客味道淡或鹹因個人口味唔同。有無換左大廚我就唔知。但味道保持住我同家人都話正。係D服務差左少少，同D凳坐得唔係好舒服，有待改進。但我同屋企人都會在光僱。一家我同屋企人支持你！＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊！