古琴雅苑 (QRE Plaza)

Open Now

Now Closed

我同同事又再出動覓食喇！其實公司附近嘅QRE Plaza有好多餐廳都未食過，我地決定要逐一拜訪😆.古琴雅苑就專食烤鴨嘅，一坐低，我地以為要等好耐，所以先叫半隻烤鴨先啦。另外再叫一個至尊拼盤。.至尊拼盤可以試到唔同嘅冷盤，仲有我喜歡嘅醉雞，烤麩亦好入味，涼拌青瓜好清爽呀，款款都唔錯。.至於個烤鴨都皮脆肉嫩，配埋青瓜，京蔥，哈密瓜，搽上京醬，一口咬落去，口感豐富。烤鴨會奉上一個小碟，有四小片烤鴨皮，依四片特別酥脆，齒頰留香。.

今日同同事嚟食Farewell飯，餐廳環境舒服呢啲餐廳一定有肴肉，不過冇乜特別，同出面食嘅一樣雞絲粉皮，佢嘅粉皮喺偏幼身同碎，個人就比較鍾意粗身少少嘅，不過佢嘅花生醬撈埋都好香醉雞，酒味夠，但係唔會到苦，肉質亦都嫩滑皮蛋豆腐，呢一度又係唔會有咩特別嘅菜，不過豆腐都算滑拼盤，上面介紹過嘅幾道菜加埋蟹粉菜，其實食落唔係好食到蟹，如果唔睇樣，食落去就好似普通烚菜京蔥炒牛肉，肉質其實做得唔錯，加埋京蔥一齊食有提升咗個口感，可惜就係醬汁太濃味，有啲過鹹北京填鴨，不過不失，屬於中上水準，但唔到令人驚艷其實之前食過呢間覺得質素唔錯，但係今次再去食就覺得相對地失色咗

今日老闆請食飯，佢擇左食片皮鴨😍呢間片皮鴨幾抵食！又好食，難怪Book左成個星期先有位啦😢。每枱會有「餐前小碟 $16」、茶芥每位 $13。小食花生幾好食🤭。。首先我地order左半隻「烤北京填鴨 $195」，片皮鴨皮脆肉嫩，配料仲有好多款，包括砂糖、填鴨醬、青瓜、哈蜜瓜、京蔥等。片皮鴨肉質細嫩，又唔會太肥，鴨皮亦烤得非常香脆可口，配上薄薄潤皮，真係好出色。。🍴古琴酸菜魚 $288好好大份既酸菜魚，下面仲有啲寬粉墊底。個湯唔算辣同酸，但就好麻好好味。有好多酸菜木耳，魚肉既份量都足夠，又夠滑。。🍴瑤柱蛋白炒飯 $108炒飯炒得爽口，唔算好油，瑤柱提升口感，炒飯入味，飄散出濃郁香氣。。🍴無錫脆鱔 $98好好食！整得好地道！甜中帶咸，酥松可口！。🍴上海粗炒 $108大碟多料，喜歡粗炒既爽口彈牙，好有咬口。。呢間片皮鴨真係無得輸！好正

🥢🫖🐤出色片皮鴨，一口酥▫️茶錢$18/位茶錢吾平，推薦大家飲瑰荔堂煌，即係玫瑰荔枝，都幾濃幾香，而且較特別，個人幾中意。▫️ 餐前小碟 - $18吾知有冇得吾要，味道一般，是日係酸菜，有酸白蘿蔔同紅蘿蔔，白蘿蔔味道還好，但酸的紅蘿蔔味就比較奇怪。☑️烤北京填鴨(半隻）-$218雖然加左價，但都仲比其他店抵食嘅。有一小碟一口酥，點砂糖食，係鴨皮，雖油膩但入口即溶，好邪惡。捲餅皮大約有10塊，用蒸籠上，厚薄適中，每一塊皮中間都有點心紙隔住，令到d皮吾會痴埋一齊。另外喜歡這店嘅配料多，除左傳統嘅京蔥、青瓜同甜醬，仲有哈蜜瓜同杏脯醬，食落會清新好多，吾夠仲可以refill。鴨嘅質素都吾錯，鴨皮脆，鴨肉都吾會有膻味。☑️砂鍋雲吞雞 - $218真係用砂鍋上，黎到會有職員拎d雞肉出黎切，再用碟上，等你食得方便d，但切得麻麻，切唔到底，痴住晒，而且冇起到骨。雞冇醬油點黎食，所以純雞味，中意清淡嘅人就啱啦。另外職員會每人上一小碗先，有湯、菜、同一隻雲吞。雲吞總共有六隻，幾好味，皮薄，餡料有口感，除左肉仲有木耳絲、芫荽、芹菜等，味道清新。湯底清甜好飲，冇一層雞油浮喺面，吾會油膩。娃娃菜新鮮翠綠，健康好味。

在灣仔古琴雅苑食晚飯，非常有驚喜，主打北京填鴨，但朋友唔太好食鴨，所以我地就叫了其他菜式，都非常多選擇而且幾好食，推介推介！蔥油海蜇伴青瓜清甜脆爽，與海蜇完美相襯，口感爽口鮮甜，有涼爽的口感，再帶點麻油香，幾開胃呢。1.瑤柱蛋白炒飯口感香糯，配料夠多又豐富。瑤柱既咸香和蛋白的煎炒合而為一，再加上帶子和蝦子的鮮，更帶層次的口感。炒飯粒粒分明，柔軟中帶有點還在微微焦香。農家醬爆炒牛肉，醬汁和青椒、洋蔥等牛肉的肉質柔軟鮮香，細密的口感和層次感，口感豐厚，咀嚼感強烈，讓人非常過癮。砂鍋雲吞雞湯底汁濃郁滋味，雞肉、冬菇、菜、紅棗等。雲吞肉嫩皮薄，湯汁與雲吞融入口腔後，層次感分明，口感細滑又柔軟。桂花糕賣相亮麗晶瑩！柔軟的口感動L動L! 味道桂花極香，給人以一種極其舒適的口感。桂花芝麻湯丸彈性十足，芝麻香味好突出，加入桂花做base，獨特的芳香韻致瀰漫在口腔中。

有同事決定移民，所以喺佢走之前我哋就揀咗呢一間古琴雅苑嚟食Farewell，我哋就喺OpenRice訂4人台，佢會附送左一個至尊拼盤，嚟到我哋覺得個四人餐幾抵食，所以就叫咗啦❣️❣️我哋揀咗個set A （$1,368）我哋前菜呢就揀咗半隻花雕醉雞🐣然後揀咗個烤北京填鴨🦆半隻，風味松子魚🐟農家醬爆牛肉，乾煸四季豆🥰🥰津白雲吞湯同上海粗炒麵🥬再配埋個送嘅至尊拼盤： 花雕醉雞，水晶肉，雞絲粉皮同青瓜🥒🥒我自己最鍾意呢就係醉雞，北京填鴨同埋四季豆啦❣️❣️最醉雞嘅雞肉鮮嫩🥰🥰而且花雕味都唔會過濃😋 四季豆炒啲肉碎，炒得超香勁惹味😍😍 我哋真係好期待呢一個北京填鴨，餐廳都提供好多款配菜：有薑絲，青瓜絲，蘿蔔絲，砂糖，哈密瓜🍈🍈同酸梅醬等等，隻鴨烤得啱啱好，個皮夠脆而且唔會好油膩，肉質鮮嫩🤩🤩🤩

今日同成班同事出灣仔食野最後就喺度揀咗一間餐廳俾佢一個午市套餐吸引咗主打當然是片皮鴨，我地因為叫咗好多餸，所以淨係叫咗半隻片皮鴨俾咗一個叫做一口酥，是點白砂糖食既入口非常之酥脆，油香感十足呢度嘅片皮鴨皮皮肉相間，感覺唔會太油膩片皮鴨🐤油香肉滑鴨皮熱辣辣🔥肉質甘香可口，帶有少許鴨膻味醬香雞醬汁非常之濃郁，用砂鍋上枱所以依然熱辣辣雞肉入口吾會靭，但係如果配飯會更加適合乾煸四季豆是傳統上海小菜，四季豆沒有青草味，軟硬適中雞絲粉皮我鍾意佢用既麻醬好香，而且粉皮都吾會好厚蜜汁火方依個都是重點推介，鹹鮮得黎又甜滋滋，用咗鬆軟嘅麵包夾住一齊食份外滋味

今晚和太太及媽媽出外食晚飯，媽媽突然想吃片皮鴨，想吃朋友介紹這家古琴雅苑，於是來試試水準。餐廳位於灣仔QRE Plaza 19樓，裝潢以現代中式作為主題，位置空間感足夠，環境令人放鬆，平日晚市亦接近全院滿座，記得要早點訂位。餐廳主打片皮鴨，亦有不同的涼菜、小食、麵食、小菜、飯類以及甜品，價位適中，更有多款套餐可以選擇。烤北京填鴨(半隻) $195先點一客半隻的烤北京填鴨，先品嚐一小碟的烤鴨皮，輕蘸白砂糖，一呷鴨油脂香在口腔爆發，之後開始試試片皮鴨，鴨肉半皮半肉，加上餅皮軟糯，配以香蔥、青瓜、京醬同吃，完全滿足想吃片皮鴨的慾望，到後期可以包入蜜瓜同吃，減輕油膩感。錦繡大盤雞 $258然後點了一客錦繡大盤雞，鮮美大件的雞件夾雜著紅椒鮮亮的色彩，事先炸香的薯仔的澱粉混合在醬汁之中，用筷子夾起的刀削麵，在香濃微辣的醬汁中攪拌幾下，立刻被稠密的湯汁包圍，放到嘴裡惹味鮮香，菜式看似簡單，但其實調味分量之間的平衡拿捏恰到好處，粗糙細膩並存。南翔小龍包 $78熱烘烘的上枱，小籠包皮薄而夠韌度，肉餡味鮮而湯汁清香，小籠包的皮經得起用筷子夾帶而不破裂漏汁，輕蘸薑醋同吃，一流。津白鴨架湯 $125最後點了一

古琴雅苑 (QRE Plaza) (灣仔).▪️烤北京填鴨▪️$195.呢到嘅招牌，價錢唔貴同埋我真係好耐無食片皮鴨🩵🩵一口氣食左五件，，配埋青瓜絲蔥絲哈密瓜條，仲可以按個人口味加入甜醬，或者砂糖，由於份量好多另外我哋再叫多咗一個烤鴨皮.▪️ 葱油海蜇拌黃瓜▪️.喺底部嘅青瓜索晒啲酸汁，海蜇爽口.▪️松花皮蛋伴豆腐▪️.皮蛋豆腐比較清，作為清淡前菜不錯.▪️揚洲水晶肉▪️.上海菜必叫肴肉，唔肥膩，但略嫌食到少少碎骨.▪️古琴酸菜魚▪️.非常大盤😂酸菜魚塊勁滑溜，入面仲有寬粉！.▪️瑤柱蛋白炒飯▪️.炒得乾身嘅飯粒，蝦仁係偏生.📌 古琴雅苑 (QRE Plaza) (灣仔)灣仔皇后大道東202號QRE Plaza 19樓

［灣仔］古琴雅苑烤北京填鴨(半隻)食剩指數:0/100呢度既北京烤鴨好出名現場好似每枱都有點片皮鴨新鮮出爐皮脆肉軟切得大小均一配料有青瓜、京葱、哈蜜瓜配料醬料亦有砂糖、京醬或秘製蜂蜜黃梅醬砂糖鴨卷餅皮都好細心每塊都有隔開唔會曡埋一堆餅皮軟綿煙韌包左鴨肉同配料口感層次豐富.至尊拼盤食剩指數:1/100拼盤有齊5種想食既小食包括雞絲粉皮、拍開洋黃瓜、花雕醉雞、四喜烤麩、揚州水晶肉拍青瓜爽脆清新醉雞花雕酒香濃郁雞絲粉皮幾滑,多少少麻醬更好!四喜烤麩吸哂醬汁好爽水晶肉唔會死咸同好硬,食落有肉香又有層次.招牌擔擔麵食剩指數:1/100擔擔麵麻醬味好香唔會太辣麵條質感彈牙作為主食都唔錯.地址:灣仔皇后大道東202號QRE Plaza 19樓.ps最近就到父親節出左雙親節套餐優惠即日起至6月30日堂食惠顧4人/6人/8人套餐贈送紅酒Santa Mia Cabernet Sauvignon乙支唔同分店仲有其他訂座優惠

最近好想食片皮鴨，於是就黎左呢度食中餐。呢度環境好舒服，坐得好闊落，而且啲姐姐服務都好好，超有禮貌～ 酸菜魚（4-6人份）呢個酸菜魚味道好豐富。第一啖食落去即刻由椒麻嘅味道，之後再慢慢有酸菜同鮮魚既味道，再加上小小嘅辣，味道balance得好好，亦都好有層次。佢魚嘅份量亦都好多，而且魚肉仲新鮮香滑，一啲都唔會鞋口，配埋酸菜湯底，令人食完一塊1有一塊。最後仲有一啲薯粉，吸收曬湯底既味道。北京烤鴨（半隻）另一樣食咗嘅就係呢度嘅招牌，係北京填鴨。隻鴨燒完之後皮脆肉嫩，無論雞胸定雞髀都一樣會鞋。佢嘅餅皮好煙韌，夾埋啲配料又可以中和左鴨嘅油膩～ 真係perfect match! 仲要可以不斷添加，唔怕唔夠食。最估唔到係連個茶包既茶都好好飲，散發住淡淡的荔枝香氣～～

环境一般，8人唔好座，没有圓枱可能是兼職務员，服务態度欠佳食8人套歺，價格跟份量，还可以但歺上片皮鸭，只有2小碟，感觉少了些建議食片皮鸭，散叫可能会多些其他食材也算ok的。

二人共餐， 要了七道菜。 分別係:烤北京填鴨半隻啦， 拼盤，無錫脆鱔，蟹粉撈麵，杞子桂花糕，腰果露 仲有訂咗優惠送嘅花雕醉雞~ 味道唔錯 非常欣賞烤北京鴨嘅配菜 仲教咗你點樣食㖭 只要留意 menu其實有教， 呢個幾好因為我屋企人唔識食， 佢第一次食呢一度菜。 致臻拼盤就一次過試多幾款唔同嘅小食。 生日肯定食 長壽麵，普通麵就冇意思，所以嗌個 特別 啲嘅蟹粉撈麵。 無錫脆鱔，煮得好好，唔似街外嗰啲得外面脆入 淋曬。 醉雞質素好高 唔會好似出面咁樣一陣酒味，但係唔好食囉，佢控制得過個酒 香，雞好滑又好入味。 最後又係桂花糕 唔會太 甜 ，但係 口感好好。 腰果露 必定嗌喇 鎮店之寶呀~ 連埋餐前小碟同埋茶加熱水， 埋加一。$921， 佢二人套餐都要 700左右， 我覺得可以畢竟份量都係畀套餐多，而且是既花款都多~

openrice 訂枱有碟至尊拼盤送，食物質素正常，至尊拼盤同扁皮鴨好味，二人餐嘅魚湯+桂花糕無味，我今日6點入座，當時只有一台食客!樓面個阿姐級（長髮扎馬尾灰色西裝）同book枱d客講嘢都好串到爆，好似5想食客幫襯咁！我地都未食净完，完全無問過我地就收走個碟！！！最搞笑我地叫埋單，俾錢嗰陣順便麻煩收錢個女經理(短髮）幫忙影幾幅相，距竟然話：要快，我從未聽過一個經理咁同客人講嘢，我明白叫你影相可能好阻你做嘢，但有必要要講出口俾客人聽？不過呢道想稱讚下男經理同其他普通職員嘅服務態度好好，除了嗰两位阿姐級極品之外！

從未到過此歺館，由於是京/上海食品，所以要人多才可試。這晚舊同事從澳洲回港相約聚舊，3⃣️女1⃣️男飯局，吃了$960，尚算OK；最抵是經Openrice訂枱有小食併盤送，機乎不用叫前菜，但環境頗嘈，而且人手略嫌不夠，但服務也算好，資力較深的侍應提醒我們不要點前菜，因與送的拼盤食物相若，好窩心！食物味道可以，吃了蔥爆牛肉、蟹粉扒小棠菜、上湯津白、生菜包、小籠包、高力豆沙、腰果露和薑茶湯圓。