Video
Introduction
The stylish design features grey colour and Japanese warrior elements. The menu is diverse and mainly serves yoshoku dishes and Japanese dishes. It is a nice place for gathering and dating.
continue reading
Opening Hours
Today
12:00 - 15:30
18:00 - 23:00
Mon - Sun
12:00 - 15:30
18:00 - 23:00
Public Holiday
12:00 - 15:30
18:00 - 23:00
Public Holiday Eve
12:00 - 15:30
18:00 - 23:00
Above information is for reference only. Please check details with the restaurant.
About Reward Scheme
Video
Photos
海苔墨魚他他 / 帶子他他
+2.9K
+295
Recommended Dishes
-
海膽右口魚邊蝦卷
-
究極炎之丼
-
黑松露牛油果軟殼蟹卷
-
究極丼
-
究極海鮮杯+12
原來銅鑼灣永光中心哩度有間寶藏日本餐廳—究極堂。細佬一向中意食魚生，今次帶佢黎試試佢。呢度選擇都好多，除咗有魚生海膽，亦都有正常嘅便當飯、串燒、壽司。我地叫左：1️⃣究極丼呢個好似係招牌嘅，好有啲似日本海鮮市場食嘅丼飯。一上菜呢道菜色彩豐富😍，好多新鮮嘅生魚片，包括三文魚、吞拿魚、拖羅魚同海膽，搭配埋鮮甜嘅魚子醬同一隻彈牙嘅蝦，蝦真係似岩岩係海水撈上嚟嗰隻，有海水味🤣🤣成個飯配合蛋漿一齊食，要撈起啲魚生先再倒入個蛋漿，口感層次分明。整體全部魚生都好新鮮好正好好味，只係個蝦真係有啲太過新鮮，太多海水味，但其他都好高質素！2️⃣ 迷你三色丼睇Menu覺得呢個好靚，而且又可以試唔同口味。份量比較少，不過好精緻。有三個未分別係：蛋漿拖羅魚丼、蟹肉丼、海膽魚子丼，全部都係日本signature既料理。個人最鍾意係海膽魚子，因為我本身都唔係好食得生，但係佢呢個唔會太腥，而且個海膽入口即溶，配埋彈口嘅魚子真係好正。3️⃣啤酒薯條配蜜糖芥末醬接住嚟係啤酒薯條，睇似簡單，但充滿驚喜。佢個薯條係用啤酒嘅酵母粉去整，所以特別脆，同平時食開薯條脆嘅口感係有少少唔同，薯條外脆內軟，搭配嘅蜜糖芥末醬真係食到停唔到落嚟4️⃣海膽右口魚邊蝦卷最上面嘅海膽同左口魚非常之新鮮，內餡炸蝦肉鮮嫩多汁，因為嗌咗丼飯已經幾飽，所以覺得呢個份量非常之適合5️⃣搽茶牛奶➕荔枝-檸檬酸酒飲品我地叫咗搽茶牛奶同荔枝-檸檬酸酒。抹茶呢杯真係睇得又飲得，好濃郁嘅抹茶味，個cream係甜甜地，試過飲過出邊啲cream係真係完全冇味。而荔枝-檸檬酸酒非常之fresh，個荔枝味竟然同asahi sour個味混合得好好, 如果飲唔到酒嘅朋友佢會換梳打水俾你Overall 呢度嘅食物，我比100分，因為真係好新鮮，環境係有啲日風配咗少少港式嘅style，覺得呢間樓上鋪真係寶藏，值得比更加多人知道！
continue reading
年廿八，去行花市之前，先到位於銅鑼灣的究極堂吃午飯。除了銅鑼灣，炮台山亦有店舖，多一個地點選擇。因為同伴尚未放工，所以就只一個人吃飯。如果有大班朋友聚會，可以預訂VIP房。在炮台山和銅鑼灣店舖也有VIP房呢。午市套餐選擇眾多，我選了究極丼。究極丼色彩豐富、食材新鮮，無論是在視覺還是口感上都令人驚艷。豐富的海鮮配料和精緻的擺盤，讓人忍不住想立刻品嚐。丼飯配搭種類非常多樣化的海鮮刺身，例如三文魚、大蝦、海膽、帶子及三文魚子等等。三文魚厚切，更能感受當中口感和鮮味。大蝦經過細緻處理，滿滿感受大廚的心意。每種海鮮都能感受到其新鮮度與獨特的海味，口感鮮美，讓人欲罷不能。丼飯面頭添加調味，而且可窩入蛋黃，提升色香味。午市套餐配搭麵豉湯及沙律，味道清香可口。明太子芝士玉子燒色澤金黃，外觀精緻，散發著誘人的香氣。獨特的配料組合讓人期待其豐富的風味。口感滑嫩，入口即化，帶有柔和的蛋香。明太子與芝士的結合為傳統日式料理帶來了新鮮感，豐富了整體的口感層次。芝士的融化效果良好，為玉子燒增添了濃郁的奶香，平衡了明太子的鹹香。這種搭配讓整個菜品變得更加豐富，口感也更加圓潤。上面的明太子和細碎的海苔不僅增添了色彩，還為這道菜帶來了額外的口感和風味，使整體更具吸引力。海苔墨魚他他外層脆皮完美地包裹住內餡，咬下去時發出清脆的聲音，瞬間帶來酥脆的口感。內部的墨魚餡料滑嫩，與脆皮形成對比，讓整體口感更加層次分明。墨魚的風味濃郁，海鮮的鮮香在口中散開，帶來豐富的海洋氣息。墨魚的質地柔軟，增添了口感的多樣性。海苔的加入為這道菜增添了獨特的香氣和風味，讓人感受到海苔的鮮美，與墨魚相得益彰。搭配的醬汁味道濃郁，增添了整體的風味，讓每一口都更加美味。荔枝有氣果酒擺放在冰涼的杯中，口感輕盈，氣泡感十足，讓人感到愉悅。荔枝的甜美與微酸相互交融，清爽而不膩，飲用時十分舒適。荔枝的天然香氣在口中綻放，帶來濃郁的果香，令人回味無窮。
continue reading
聽講餐廳仲有另一間分店，座位都好闊落，多人嘅話好似仲有間房仔俾你。唔同嘅居酒屋都有佢自己嘅特色，而我覺得究極堂嘅特色一定係個海鮮杯。就咁睇Menu其實真係唔知食咩好，太多嘢揀，樣樣都想食，不過建議大家記住睇一睇牆上面嘅展板，真係會有驚喜。‣ 明太子芝士玉子燒 $78‼️超級推薦‼️最鍾意佢嘅玉子燒有種淡淡嘅奶香，啲芝士喺入邊都超過癮。明太子醬可以將成個蛋嘅香味提升一個層次，同埋個蛋真係煎到滑捋捋，好鍾意佢半生熟嘅口感。‣ 究極海鮮杯 $98‼️打卡一流‼️呢個杯真係好有創意同埋值得嗌，中間每一層唔同嘅魚生，有吞拿魚蓉、海膽、三文魚子等等，味道都好新鮮。但係我覺得最特別嘅係底層嘅柑橘啫喱，本身諗住呢個配搭應該會好奇怪同埋唔好食，點知入口嘅時候發覺超出預期，驚喜地發覺原來咁樣嘅配搭都幾正，所以推薦俾大家。‣ 蟹味噌蟹棒壽司 $14蟹棒本身就甜甜地，而啱啱好同味噌嘅鹹形成一個幾正嘅對比，整體口感都好柔和，呢個價錢嚟講都值得一試。‣ 蝦味噌熟蝦壽司 $15如果朋友仔都係鍾意食熟蝦，我覺得都值得試吓，因為味噌嘅調味都真係幾唔錯，唔會太鹹，令到件壽司都幾鮮甜。‣ 玉子鰻魚炸蝦卷 $68佢並唔係Menu入邊，而係是日精選嘅展板上面。本身睇Menu嘅食就諗咗好耐食邊一個炸蝦卷好，結果見到佢我就毫不猶豫嗌咗，超級豐富又鰻魚又炸蝦，真係一次過滿足我兩個願望。‣ 芝士甲羅燒 $98甲羅燒真係可以話係我每次去居酒屋必嗌嘅食品，好鍾意嘅蟹膏嘅香甜，仲有蟹籽增加口感，撈埋芝士真係不得了，味道夠出色。‣ 啤酒薯條配蜜糖芥末醬 $48同朋友談心一定要嗌薯條，而且我好鍾意食幼薯，因為一定夠晒脆卜卜。‣ 雙色魚生冷豆腐 $48豆腐本身好滑溜，整體口感清爽，而醬汁都唔會太過鹹，撈埋啲魚生一齊食啱啱好。‣ 京蔥地雞配蒜蓉法包 $68‼️超級推薦‼️覺得好抵食，佢啲炸雞真係好大嚿，而且搭配芝士忌廉汁，撈埋法包一齊食啱啱好，又唔會太漏，同埋食得出本身雞件有醃製過，夠晒誠意。
continue reading
明太子芝士玉子燒 ($78)份量足夠，玉子好順滑，加上明太子同芝士，口感豐富😋海膽右口魚邊蝦卷 ($78)右口魚燒得岩岩好，加上鮮甜既海膽，仲有好爽脆既炸蝦，口感一流🤤 味道亦好match, 又有炙燒香味👍🏻玉子壽司 ($12)正常發揮，玉子大件柔滑，飯比較細件，可以突出玉子既味道😙究極之戀壽司 ($48)唔知有冇數錯，一小舊壽司裏面有5款海鮮，包括：帆立貝、吞拿魚蓉、三文魚籽、海膽同埋黑魚子😍 內含多種新鮮既海鮮，一啖咬落去真係好正，口感好豐富！炙燒黑松露燒帆立貝壽司 ($22)炙燒過既帆立貝加埋黑松露好香，肉厚飯細舊，可以感受到嘴巴充滿着帆立貝肉☺️蟹膏豆腐蟹肉壽司 ($20)蟹肉蟹膏無吝嗇，滿滿嘅肉😋 肉質都柔滑，豆腐味道反而唔太出。魚子醬赤蝦壽司 ($18)赤蝦大件新鮮，魚子醬增加口感，唔錯嘅壽司🤤芝士年糕 ($38)年糕好Q彈，外皮脆、年糕煙靭、中間嘅芝士質地好流心，正，食一嚿唔會太膩👍🏻牛油帆立貝（粟米汁）配蒜蓉法包 ($88)帆立貝鮮甜又大粒，好香，側邊嘅配菜，例如洋蔥都好香好爽脆，加埋香脆嘅蒜蓉包，口感幾特別，忍唔住食晒成兜😆炸半熟玉子 ($23)簡稱炸蛋🤣🤣 炸到外酥脆內軟滑，配上少少流心既蛋黃，一啖咬落去，又滑又脆咁，口感幾好。佢嘅味道唔算好濃，但配少少少少少少鹽就已經足夠調味🤓啤酒薯條配蜜糖芥末醬 ($48)出色！薯條本身已調味，唔需要再加調味料，鹹味剛剛好，加蜜糖芥末醬都有特色，冇咁單調。薯條有輕微啤酒味，唔會太突出，而且非常脆，脆得黎比一般薯條有種韌啲既感覺，口感very good!🫰甜蝦唐揚 ($48)甜蝦唐揚外酥內嫩，炸得黎好乾身，亦都俾圖片多好多(以為得4隻點知有一兜😍），好脆口，夠味粟米天婦羅 ($48)一排新鮮粟米炸成天婦羅，口感就好似炸番薯加好多粒爽口嘅粟米，幾特別👍🏻 調味正常唔算濃🙊結論🫰食物上菜速度算快🫰好味😎🫰氣氛幾好，又日本居酒屋感覺食完會想飲水好味度：8/10回頭度：8/10🎡餐廳資料餐廳名稱：究極堂餐廳地址：銅鑼灣登龍街28號永光中心11樓營業時間：星期一至日 12:00-15:30 & 18:00-23:00
continue reading
📍 究極堂 (永光中心) (銅鑼灣)銅鑼灣登龍街28號永光中心11樓Overall: 😋😋😋😋.8/5在這次的用餐中，我品嚐了多道精緻的海鮮料理，每一道都展現了餐廳的用心與創意✨究極炎之丼💰138呢個丼飯真係「究極」！用嘅係新鮮海鮮炙燒，加埋特製醬汁，味道濃郁又唔膩。每一口都可以感受到海鮮嘅鮮味，配搭得相當完美，實在令人一試成主顧✨鰻魚芝士玉子燒💰78鰻魚芝士玉子燒簡直係一個味覺嘅享受！玉子燒鬆軟滑嫩，鰻魚嘅香氣加上芝士嘅濃郁，味道層次分明，咬落去仲有一種醇厚感，實在好味✨明太子芝士焗豆腐💰58明太子芝士焗豆腐係另一道必試嘅佳品。豆腐嘅滑嫩同明太子嘅鹹香搭配得恰到好處，焗到金黃酥脆，口感非常好，令人一口接一口✨燒油甘魚鮫💰98最後嘅燒油甘魚鮫真係唔可以錯過！魚肉鮮嫩，經過燒烤嘅處理，外皮香脆，內裡卻保持住濕潤，搭配少少檸檬汁，滋味更加提升，實在係完美嘅一道菜。回頭: yes，今次嘅餐點每一道都令人驚喜，如果你鐘意海鮮同創作料理，呢間居酒屋絕對係一個好選擇！
continue reading
You may be interested in