mezza9 Macau

Open Now

Now Closed

重未試過食咁多唔同口味嘅海鮮呀！清蒸、炸、白灼、上湯、焗～～～～～好正呀！等候時間又唔太長，好想好想再去多次呀最正係除左海鮮🦞，連青菜🥬牛肉串燒都可以有唔同做法題供，而且又係即叫即做！正呀！

Mezza 9 係人都知出名嘅難book ,今次幸運地上網可以預約到,就試吓佢有幾好幾特別先食自助餐真係中 西 泰 日咩菜式都有所以我都唔需要講啲唔係太吸引食材今次我淨係推介俾大家值得一試嘅食材波士頓龍蝦唔使講啦仲有一個龍躉青魚仲有蝦 鮑魚 蜆肉，蟹超過10種嘅海鮮每一款食材嘅海鮮order即叫即做有8款以上嘅烹調方法有 清蒸 蒜蓉 避風塘 焗芝士 豆豉炒等等然後煮好的時候亦都會侍應親自遞上你枱面上唔需要你起企係出面等仲有牛柳 羊架 龍蝦都係order完即時送上枱面甜品推介 椰汁焦糖布甸鍾意食海鮮嘅朋友不妨一試 我都食到唔好意思啊🙈叫咗8款唔同種類烹調龍蝦味道 🤤海鮮係非常之新鮮彈牙 魚肉都好香滑侍應好熱情

澳門超人氣自助餐 位於君悦酒店聽聞要早三個月前訂位先會有得食賣點係有多款海鮮 能夠即叫即煮而且煮法任君選擇🍽海鮮區有花甲 沙白蜆 鮑貝 紅蜆 鮑魚蝦 蟹 魷魚鬚 黃花魚 龍虎斑 而煮法總共有11種可以選擇只要話比廚師知你想點煮講埋枱號同埋份量煮好之後就會有人送到上枱我地試左幾款貝類全部都好新鮮無沙個人覺的得豉椒炒就最惹味🍽龍蝦+烤肉區又係即叫即整牛油杏仁烤 芝士焗同蒜蓉蒸呢三種煮法會係半隻龍蝦咁上枱啖啖肉又唔洗剝殼烤肉就只係試左羊架醃到好入味 燒得岩岩好 好多肉汁🍽蔬菜區蔬菜都有超多選擇有9種煮法🍽日式廚房有刺身 壽司 天婦羅 冷麵 茶碗蒸種類同款式都算幾多🍽燒味 熟食 沙律燒味有幾款 即叫即斬熟食就最推介龍蝦包個包好軟熟 入面有超多龍蝦肉🍽甜品 生果 飲品甜品款式唔算好多勝在全部細細件又高質除左基本果d蛋糕同撻之外仲有即做甜品朱古力心太軟超好食即叫即焗熱辣辣中間流心 朱古力味超濃又唔太甜焦糖椰子布甸亦好受歡迎職員會即場加入糖 然後用火鎗燒到微焦香滑濃郁嘅椰子布甸加埋香脆微熱嘅焦糖好好食☺️生果有4款 全部都已經去皮切粒 而飲品款式亦有好多最特別就係有鮮榨橙汁有部榨汁機放響度 自己放d橙

呢間Mezza9聽聞係全澳門最難訂既Buffet🏨🍽「與廚共饗」主打各款即撈即煮新鮮海鮮🌊有成11款做法🤤而回本位龍蝦有成6款烹調方法選擇‼啱曬去親buffet最鍾意食龍蝦既我😝今次男朋友生日早一個月訂咗君心喜悅Packages同佢慶祝🎉🎂😘唔驚訂唔到位之餘仲包埋酒店、早餐🙌🏻<環境/服務>環境空間大，樓底高，就算多人full場都唔會覺得嘈/逼，落地玻璃仲見到出面泳池個view、燈飾，好浪漫🌃服務態度亦好好，換碟快之餘仲好有禮貌好nice，會行過黎問下你滿唔滿意/最鍾意邊款😝龍蝦區、海鮮區、蔬菜區都係種類齊全，想食乜都有😍，各式各樣做法，有Staff幫你落order🧞‍♂️想食咩、做法、幾人份量/幾隻、檯號，仲係唔限每次叫幾多！呢點真心抵讚😆👍🏻師傅整好侍應就會送過黎🤤部分就會有震震機整好出去拎❣️。<龍蝦區>波士頓龍蝦有六款做法✨望到師傅係魚缸撈出黎即斬活龍蝦 勁生猛🦞試曬6款後 我最鍾意呢三款蒸龍蝦😝👇🏻上湯龍蝦食落比較juicy多汁，清蒸龍蝦搭配佢所調配既豉油灑上蔥花更突出龍蝦本身既鮮味🤤蒜蓉鋪滿龍蝦表面，蒜香十足，味道香之餘又唔會蓋過龍蝦本身鮮甜味💕

最愛的buffet之選book了3個月總於食到了位於澳門氹仔的Mezza9 的海鮮buffet, 提供多種炮製方法，全部都即叫即整。當然仲有其他熟食同甜品。但相信大家都會比海鮮吸引住，肚都冇咩空位食其他了。海鮮包括鮑魚﹑龍蝦﹑蝦﹑蟹﹑魚等還有牛﹑菜呢d都係即整的我地叫了蒜蓉蒸龍蝦﹑牛油焗龍蝦﹑椒鹽鮑魚﹑陳皮蒸鮑魚﹑椒鹽魷魚，避風塘炒蟹等龍蝦同鮑魚我地encode再encode, 雖然價錢貴dd mop699+10%, 但其實食幾隻龍蝦也回本好想再去

6點入座，當然要先去排隊哎海鮮，因為製作須時，一次過哎哂咁多款煮法的龍蝦！見倒廚師係即刻捉新鮮龍蝦去煮，咁的buffet真係少見。蒸的煮法是最好吃的，燒同焗的有少少哂左新鮮的龍蝦！另外仲有好多海鮮可以即叫即煮，哎左鼓椒炒鮑貝，果皮蒸鮑魚，美極蝦，避風塘炒蟹等，普遍水準都可以。龍蝦湯係一定要試！好耐無試過飲咁濃的龍蝦湯！好欣賞drink bar可以哎即沖coffee，同埋竟然有鮮榨的橙汁機。不過buffet的熟食太少了，好似無咩幾多款可以推介。甜品款式還可以，特別欣賞椰子奶凍，記得叫職員加焦糖燒下！

女友安排了到澳門慶祝生日，重頭戲是到Mezza 9 吃海鮮自助餐新鮮龍蝦🦞任食有六種煮法選擇 (清蒸、蒜蓉蒸、芝士焗、牛油杏仁焗、上湯、椒鹽)揀好煮法，十幾分鐘後煮好就有專人送上門。我地試哂六款，就喜歡係蒜蓉蒸同芝士焗！除左龍蝦，仲有石班，黃花魚，蜆，蝦，蟹，鮑魚.......仲有各類新鮮蔬菜又係自選煮法因為太愛海鮮，其他正常自助餐食物，如壽司，牛扒都無試食。但要試食龍蝦包，非常好食甜品亦做得不錯，我不太好甜也很喜歡下次絕對要帶埋父母家人一齊再來食海鮮大餐！

忙左一大段時間，上兩星期既周末去左澳門玩反兩日，順便抖抖。今次就去左舊區搵野食。中午黎到，本身係諗住食隔離間肥仔文，但係無開，見依間都係推介店，所以都決定一試。因為夜晚要去豪食，所以中午就唔食咁多啦，叫左個燒賣，燒賣好食，大大粒。腸粉都幾滑，算係中上水準。小菜叫左個炒咕嚕肉，依個有驚喜，估唔到係咁大碟既，份量多，而且又整得幾好食，皮脆肉嫩，所以要叫反碗飯黎食下。兩個人食都夠食，而整體價錢合理，值得一試。黎到澳門好多時候都會食自助餐。因為之前同事推介依間自助餐好食，雖然價錢都幾貴，但心思思都係想黎一試。我地book 左6點鍾既，早到左就等開門入。依度既賣點係新鮮，好多菜都係即叫即煮，以依個價錢無蠔其實都係貴，如果要回本，我個人覺得重點就係食龍蝦，龍蝦真係好新鮮，隻隻都好多肉，而且佢有唔同既煮法，大胃王可以試哂唔同既煮法，但我就唔得了。仲有魚生，有一般港人至愛三文魚，我就食左三文魚同甜蝦。飲品方面個人建議可以飲橙汁，即榨既，夠甜夠新鮮但肉方面就比較差，燒牛肉唔夠嫩，串燒肉其實都係一般。另外，龍蝦包有驚喜，但因為好飽肚，唔可以食太多。最後個人覺得食材係新鮮，大胃王加鍾意食龍蝦必來，不然試過一

為左補祝母親節，一家人去左澳門2日1夜，其中一個節目就係黎呢到食自助餐，呢到專食海鮮，一個字：好正！🤣環境舒適，服務好！讚啊！黎到第一件事緊係食海鮮啦！呢到有好多海鮮可以選， 有蝦有蟹有魚有龍蝦，仲可以比你選煮法， 服務員會建議你食法👍🏻選完之後會送到你枱， 淨係食海鮮都食到好飽好飽好飽😜其中一定要食既就緊係龍蝦啦，回本啊嘛，不過其實一個人既胃都唔係食到好多，大家量力而為唔好浪費呀😉😉😉超級推介龍蝦卷，真係好好食好好食啊！（立即 薛家燕上身🤣🤣）龍蝦包外面先煎香，再有醬汁同龍蝦肉超夾，我一口氣食左2個😅不得了。呢到仲可以叫炒菜，可以自選喜歡既配料食太到飽之後食甜品，呢個椰子布甸又係推介必食， 布甸上面係脆卜卜嘅焦糖， 布甸有微微嘅椰汁香，非常好！我建議大家食呢個自助餐要有攻略，唔好亂食食得太飽食唔到重點既野食！一定一定要食龍蝦包啊！

網上火紅buffet, 傳聞要3個月前預訂, 但我2個半星期前網上預訂就有位海鮮都算多選擇, 有龍蝦, 蝦, 蟹, 魚, 鮑魚, 魷魚, 花甲, 蜆......自選煮法 (包括清蒸, 避風塘, 上湯, 椒鹽, 蒜蓉等等) 烹製後部分餸菜會由員工送到檯上, 部分則需客人自取。蒜蓉蒸比芝士焗龍蝦出色, 保留到龍蝦肉汁, 相反芝士焗太乾身果皮蒸鮑魚 : 鮑魚本身細隻, 蒸完個size得兩隻指甲咁大避風塘魷魚及龍蝦 : 有d鹹, 亦可以說係好野味薑蔥炒蟹 : 正常煮法, 但隻蟹又係太細隻, 無乜肉食, 食龍蝦好過另外有燉湯, 炒飯, 麵, 鮮揸果汁汽水任飲, 沙律但比較失望嘅係刺身, 甜品選擇少, 無生蠔(只有焗蠔), 刺身得4-5款, 無帆立貝刺身甜品少款又唔好食, 雪糕只有軟雪糕, 無哈根大同movenpick😰😰佢最出名嘅焦糖燉椰子都好一般。8:04pm order左一客心太軟同薑汁梳乎里(職員說稍後會送到座位上)8:25pm 仍未有, 我問負責整甜品嘅職員姐姐, 佢話已經送左我話無見過喎。之後見到有個男經理問女經理, 應該佢地送錯檯😵女經理幫我re-order8:39pm 送到原本打算

第二次黎食喇！雖然價錢係有d貴，但係佢勝在即叫即煮，仲要係任食個種！有龍蝦、蝦、蟹、鮑魚、蟶子等等，你可以揀你中意既煮法，例如清蒸、上湯、避風塘等，6個鐘完全夠你時間試哂咁多野！

第一次到Mezza 9食Buffet, 用餐當日係Easter Holiday, 全場爆滿, 但因擺檯鬆動,所以唔會有逼既感覺. 即叫即點海鮮係呢到既賣點, 當日幾孚所有海鮮都試過哂, 最中意既始終係龍蝦, 以蒜茸開邊蒸係最好味, 彈牙啖啖肉. 其次係椒鹽鮑魚, 好惹味, 但粒鮑魚煮完其實得好細粒. 因有海鮮任食既關係, 其他肉食都冇試, 甜品亦只食左呢到都出名既焦糖椰子布丁, D焦糖燒到脆脆的, 好過癮!

趁不用請假又太趕報不到短線團, 決定過大海..上網做好資料收集, 發現此為必食自助餐,於是明知訂到機會渺少..但都試一下, 點知有後補位..即去.....諗住早到..食耐少少.(可以由6點到10點, 但9:30 LAST ORDER)去到必然去叫咗D 要即叫即煮的海鮮..坦白來說只有此賣點了...1) 龍蝦選了幾款煮法: 芝士焗, 牛油烤, 上湯煮及蒜容蒸, 前2者不太好食因為烤到太乾身, 十分"鞋", 一點都不"JUICY"2) 當天有蟹, 老虎斑,蝦, 黃花魚.鮑魚及4款不同的蜆其他海鮮都用了中式方法烹調; 所以都還好, 但 避風塘炒法真心推介,  食材方面: 龍蝦是用波士頓的, 所以一般, 蟹也都是一般的街市貨色, 鮑魚蒸後細到手指甲大小...(如花甲一般大少)所以, 用料方面真的不太上成.煮功只可以用中式除了即叫即煮, 其他食品也很普通, 龍蝦湯除了色水似龍蝦湯外...太"水"狀, 不似一般的濃香熟食的款式也很少, 牛類有2款可即叫即燒,但味道都很一般, 並無任何特色...日式料理有刺身及壽司 , 味噌湯, 天婦羅, 但無甚驚喜....只是甜品有即焗梳乎里及心太軟, 值得一試,

老婆喺早幾個星期話想食呢間，話之前同朋友早個幾月book都無位，上網見人地都係咁講，幸運地岩岩仲有位。黎到見到超多海鮮，門口係貝殼類。蜆都有成4/5款。魚蝦蟹尤魚鬚仲有好多龍蝦，見到師傅喺咁入面拎出黎斬件。菜都可以自己揀煮法。上面咁多樣都係自己揀烹調煮法，落左單就可以埋位等佢拎黎。甜品特別既有椰子布甸飲品除左酒其他都係任飲，橙汁仲要係即炸！魚生都好靚，大約有7款刺身。龍蝦蒸完又彈牙又甜。椒鹽炒到好香好惹味。鮑魚都好爽口，龍尾斑係起哂骨啖啖肉，好鮮甜。豉椒炒花甲，香得黎唔係好辣。甜品仲有梳乎厘同朱古力，叫完隔一陣就可以去拎。

訂了「君心喜悅」套票，包自助晚餐及早餐。晚上 Mezza9 的自助晚餐，龍蝦為主打，但廚師煑得略為過火，所以龍蝦也是乾乾硬硬的，又沒有即灼粉麵及焼味，牛肉、雞肉串燒有一股氣油味而且整個餐廳也沒有沙爹醬提供，即榨橙汁相當不俗，但最重要是大部分食物也嚴重不夠熱，希望餐廳注意，其實有點各過其實。反而早上的自助早餐，點心（生煎包、雞肉燒賣及蝦餃）十分出色，即整班戟、窩夫有一股麵粉香，無論味道、溫度也比晚餐佳。