SUKIYAKIYA

营业中

休息中

Lunch心血來潮想食壽喜燒決定試試收藏了很久的這間一進店舖是簡約日式風格 空間很闊落研究了一下餐牌我們決定壽喜燒套餐點各一 油脂高和赤身肉的黑毛和牛套餐首先上的是四品前菜侍應很仔細介紹各款前菜包括青瓜/明太子魷魚/他他牛/帶子邊最深刻的最配他他牛嘅鵪鶉蛋 極濃郁蛋味食前菜的同時已經有專人為你翻熱鍋身送上兩碟和牛 然後專人會問你想要幾熟亦會介紹食法 例如可以先咬一口原汁原味再沾一下蛋漿配珍珠米到第三塊時可能已經有點油脷專人又會介紹擠幾滴青檸汁和牛即時變得好清新個人感覺兩款和牛分別不大食和牛的中途有另一個專人已經係旁邊另一個鍋煮野菜同烏冬珍珠米同烏冬都可以任意添加亦可以額外添加和牛最平有300幾蚊一份不等但基本上食完套餐嘅所有野已經好飽仲有甜品係豆腐味雪糕最後兩個人帳單大概1400多但感覺大滿足性價比高👍🏻

幸福嘅一餐 服務好到一個點完全唔駛自己郁手燒 又唔駛擔心燒唔好只顧食就得😆坐位唔多 所以每張枱都好闊落前菜開始每道菜式都一一介紹由A3食到A5 油脂分布由少至多五成熟岩岩好 燒汁係師傅自己調配 唔會太漏店員重會比一碗飯用黎連埋和牛一齊食減少油膩感幸運地當日有限量日本生蠔同神戶和牛食到捧住個肚走＊日本即開生蠔＊本身唔知道有 店員介紹下試試佢好肥好鮮甜如果唔係太飽應該會再叫＊前菜＊有四小碟 由淡至濃味去品嘗番茄沙律 加上一點醋 新鮮清甜芥末八爪魚 芥末味相對濃 生和牛他他 已調味 加上鵪鶉蛋完美柚子汁配海蜇 爽口清甜＊A5神户和牛＊油脂最多 油花好平均 建議可以試下唔加蛋漿或青檸汁牛味會更突出如果怕太膩可以加啲青檸汁入口即溶就係咁解＊A4日本產黑毛和牛＊油脂分布相對A5少啲啲肉同脂肪比例相對平均唔鍾意食太多油脂但又想感受到入口香軟嫩滑點上蛋漿 增添口感＊A3日本產黑毛和牛(赤身肉)＊肉嘅比例較多 牛味更重一點油膩感減少 但唔駛擔心會冇咁好食肉質依然好軟滑＊蔬菜 + 甜品＊食晒牛肉後就黎到蔬菜時間鰹魚湯加燒汁再加上牛嘅油脂蔬菜充分咁吸收之後嘅湯重會用黎煮烏冬最後最後重會有甜品今次係雪糕 但一

今個星期五約左老表一齊食飯，本身大家都無咩頭緒，不過因為有件好事發生左，而且返工咁辛苦為乜嘢呀，就梗係辛苦搵黎志在食啦，最後大家揀咗樓下一間日本餐廳，呢間餐廳平時都都係行過無乜特別留意，原因當然係價錢好吸引啦，係貴到死啊~ 不過今次為咗慶祝下就破例食餐好啦。為免當日Full晒，所以都電話預約左先。當日一放飯後大家都快快手搵位。餐廳門面係傳統嘅和式設計，未入去已經感受到嗰個氣氛吸引，入到去坐環境清幽舒服，座位寬敞。之後店員就開始介紹餐牌，呢間餐廳主打關西風嘅壽喜燒，但係亦有涮涮鍋選擇，咁唔駛問就一定揀個關西風試下啦，基本上和牛佢分開三個級別：A5、A4同埋A3，分別在於質素同肉質既比較，高級既A5油脂分佈比較多，而中級既就係A4級數，A3赤身肉就係比較偏瘦，聽完佢介紹我哋每人分別嗌咗$619同$529呢兩個套餐，當中包括咗前菜、飯同埋烏冬，職員都話一定夠食。首先簡單形容下環境先，餐枱中央有個煮壽喜燒嘅盤，週邊都有好多唔同嘅調味料，每樣嘢都乾淨整齊，食環境已經滿分。等咗一陣間，職員就上咗綠茶潤一潤先，接住落嚟就係前菜開始，由於我對於生牛肉他他唔係太敢食，所以店員都因應我嘅需要煮熟咗做咗A5

大家記住要Book位啊😚侍應服務一流，見朋友仔生日，都盡力安排坐卡位。餐廳一啲油煙味都無，坐位好舒服，空間感十足。😆一坐底就有杯暖茶🍵 (最後食甜品前，仲會換茶，成件事好細心)。然後會好詳細介紹食物，當日店員就建議我地叫一份特級A5黑毛和牛🐮同 黑毛和牛既赤身肉，一次過享受2種口感🧡🔸前菜有4款如果唔食生牛肉他他，廚房可換其他野🔸特級A5黑毛和牛🐮油脂分佈較多，入口即溶🔸黑毛和牛赤身肉牛肉味較A5重，口感一樣咁嫩滑，無咁易膩可配生蛋或青檸都別有一番風味☺️初頭以為6片肉會唔夠食，不過後期配送嘅蔬菜🥬🧅同烏冬都好大份，吸哂啲汁，非常滿足。另外，全程都有店員幫手燒，按返每個人食牛肉既生熟度，唔洗怕自己燒衰咗塊靚牛🐮怕唔夠飽嘅，可以中途追加牛牛😆。

幾年前去日本食過一次非常正宗嘅壽喜燒，一直念念不忘，最近終於俾我喺香港搵到一間啦🥳🅢🅤🅚🅘🅨🅐🅚🅘 🅢🅔🅣🐮特選黑毛和牛💰$689🐮黑毛和牛 (赤身肉)💰$529壽喜燒由專人烹調，務求為食客燒出最完美嘅熟度；每份set跟前菜、主食、野菜盛、日本生雞蛋🥚、烏冬🦪前菜共有四款，其中兩款我尤其喜歡💕蟹籽生蠔已經脫殼，輕鬆進食，面層嘅蟹籽令整體鮮上加鮮；A3和牛他他以鵪鶉蛋攪拌均勻，面層灑上開心果碎，增添層次；整體前菜酸酸甜甜，好開胃🐮主食兩份黑毛和牛均日本產✨A5特選黑毛和牛喺七成脂肪，三成肉嘅比例，油花相對地較多，油脂滋潤味蕾【一份肉兩份口感】侍應將第一塊肉先燒4至5成，肉質綿彈，沾上生雞蛋進食，入口軟嫩滑喉；另一塊煮至全熟，油香四溢，肉感較重，各有所長✨A3赤身肉喺三成肉，七成脂肪，油脂部分較少，所以肉感較重，肉味更濃郁，若然食到咁上下，感到油膩嘅，不妨配上青檸🍋及不同口味嘅七味粉，增添一點酸辣嘅層次下半場以野菜盛、烏冬為序幕盛開，以鰹魚湯、壽喜燒汁為湯底，加入各類蔬菜🥬、菇類🍄：黑皮雞樅菌、本菇、豆腐、蘿蔔、南瓜、大葱、蒟蒻、洋蔥，搖身一變成為野菜烏冬鍋🍲

🥩關西和牛壽喜燒🥩推介指數 ❤️❤️❤️❤️❣️睇返去日本旅行舊相，好懷念去京都食壽喜燒，日本和牛及專人烹煮；朋友極力推介位於灣仔的壽喜燒，即刻預約先🥰店員介紹壽喜燒套餐含和牛、仲有前菜4款、日本白飯、野菜盛盒、讚岐烏冬及甜品；先選擇好和牛級別、上每一道菜式時店員亦有介紹食材同食法❣️🥗前菜 4款前菜由右至左開始品嚐；日本高糖度Amela溫室蕃茄，蕃茄爽口配酸汁好開胃；軟腍帆立貝配爽口海草沙律，雙重口感；和牛他他拌鵪鶉蛋黃，賣相精緻而肉味濃；最後一款柚子爽脆海哲🥩日本產 特選黑毛和牛 (A5) HKD689🥩日本產 黑毛和牛(赤身肉）HKD529✨兩款和牛牛脂平均，各有有3大片，A5雪花更豐富✨蘸上蛋汁的A5和牛食落嫩滑、入口即溶油脂濃厚，配上熱焫焫日本米飯很完美❣️✨赤身肉先加上青檸汁、柚子味粉、最後蘸上蛋汁；先嚐到清新酸酸亦解了剛才食A5的膩感、肉質軟腍且牛味更濃厚；喜歡油膩一點定肉味？小朋友先做選擇🤭🥬野菜盛盒 & 讚岐烏冬✨壽喜燒汁煮野菜、豆腐、南瓜等；烏冬食落煙韌亦令肚皮更滿足🌸甜品✨細心換上甘甜爽口掛川茶解一解主餐膩感才食甜品；甜品先食蕨餅、和果子，最後是甜度較高的十勝紅豆🫘

到京都旅遊時，曾到訪一間擁有過百年歷史的壽喜燒餐廳，在充滿歷史感的建築內開餐，份外好味。想念壽喜燒，所以特意找一間壽喜燒——Sukiyakiya，讓味覺找找旅遊的感覺。這次選了日本產特選黑毛和牛A5壽喜燒套餐($689)和壽喜燒日本產黑毛和牛 赤身肉 壽喜燒套餐($529)，有和牛、前菜、野菜盛合、烏冬和甜品，保證捧腹而回。◽️ 前菜有4種款式，番茄清甜；新鮮又肥美的岩手生蠔，配搭柚子汁更開胃；拌勻鵪鶉蛋同吃的和牛他他，又滑又有牛肉味；清新味蕾的柚子蘿蔔，前菜精緻又好味。◽️ 日本產特選黑毛和牛 A5粉紅色的外表，雪花般的油脂分布，齌睇A5和牛個樣都已經流哂口水。由店員會按客人喜歡的生熟度即席烹煮。和牛放在鍋中即聞到誘人肉香，先試一口配壽喜燒醬汁的和牛，下一口則是沾滿日本蛋，令和牛更香更滑，入口即溶的口感令人回味！◽️ 日本產黑毛和牛(赤身肉)A5和牛重油香，這款A3和牛則是脂肪較少，但肉味更濃，同樣由店員烹製，可以先食原味，再沾蛋黃食一口，或是加一點青檸汁和柚子七味粉同吃，一種和牛有三種味道，同樣吸引！◽️ 蔬菜盤 + 烏冬有年糕福袋、洋蔥、南瓜、豆腐、冬菇、大蔥等等，心理上添一分健康，肚皮

自從幾年前第一次喺東京食過一餐正到爆嘅壽喜燒之後，就愛上左壽喜燒。可惜香港冇乜地方有壽喜燒食。今晚收工之後愛人特登安排左黎呢間招牌係壽喜燒嘅餐廳俾我過吓口癮。星期五即日訂位只能訂到6點，7點3就要交枱。黎到一見到餐牌都有d嚇親，黑毛和牛下下都要$500 - $600，雞肉就平d，$300樓下就搞掂。可以選擇追加黑毛和牛，雞肉或者豬肉。除左壽喜燒，仲可以揀火鍋。餐牌超簡單，完全唔知包既野食有幾多，真係食過先知道抵唔抵。另外飲品有紅白酒，啤酒，咖啡，汽水，果汁，同茶。茶水都靚過人，用個透明玻璃壺裝住茶同水，茶係玄米綠茶，我自己加左青檸落熱水飲。先黎前菜4小碟，服務員都有逐一介紹。生蠔生蠔細細隻，加左柚子醋同三文魚籽。雖然細隻，肉質都好實在而味道鮮甜，帶少少海水味而唔太鹹。A5和牛他他A5和牛他他加左生鵪鶉蛋喺上面，仲灑上開心果碎。服務員建議可以撈埋先食。味道好好，食落又滑溜又香又甜甜哋咁，仲食到少少果仁碎喺入面，味道層次感都不俗。松茸湯松茸湯好香甜唔油，不過松茸片就冇乜味。白蘿蔔漬物白蘿蔔漬物有三條，甜甜哋，正常貨色。每人一隻蛋，蛋黃勁橙色，先攪拌好用黎點肉食，好香滑。日本產黑毛和牛（赤身

事隔一年多終於再返嚟呢間我最愛嘅壽喜燒專門店🤤比起當初開業嘅時候難book位咗上次試咗午市 今次就嚟試下晚市先分兩個時段5:30/7:00通常7:00時段都會較快爆滿呢度供應日本A5 A4和牛當然仲有雞肉同其他鍋物餐廳近灣仔碼頭個邊格局都非常闊落一半卡位一半方枱坐得舒服 環境乾淨依舊全程都會有專人服侍今次同朋友一個A5和牛/雞肉壽喜燒套餐壽喜燒一人前 包括前菜 主菜 野菜 烏冬/飯 甜品🥩日本產 特選黑毛和牛(A5) HKD$689🐓德島縣產 阿波尾雞 HKD$289/🥒前菜/前菜嘅款式會定期轉換和牛同雞肉套餐嘅前菜當中會有一至兩款會唔同由淡至濃味去品嘗🍜三文魚籽蝦蕎麥麵涼浸浸嘅蕎麥麵質感彈牙加入柚子醬油鹹鹹地但有柚子清香配以三文魚籽同蝦味道新鮮而開胃🥃燒鮑魚配梅酒果凍燒過嘅鮑魚再冷製質感依然保持爽口一啲都唔韌配搭嘅梅酒果凍好特別淡淡酒香同鮑魚鮮味好夾🥩A5和牛他他和牛肉非常新鮮脂肪比例比較平均唔會有羶或腥味加入日本鵪鶉蛋 質感滑身🥕汁煮蔬菜呢個就比較普通紅蘿蔔 蓮藕 香菇 汁煮再以冷盤上味道清淡 但算幾refreshing!🍊柚子醃大根前菜嘅最後以醃大根作結🤤大根好爽脆充滿柚子清香酸

上星期中，外面落大雨，以為此店會滿座啦，去到竟然大把位🙀，仲可以坐得好鬆動𠻹！點菜之後就有專人燒和牛同埋煮雜菜、烏冬，真係可以慢慢嘆、慢慢食呀❤️日本A4黑毛和牛 (HK$619/一人份) x 3日本A3黑毛和牛 (赤身肉) (HK$589/一人份) x 1前菜，4小碗，每一款都好精緻：．柚子醃蘿蔔 — 清脆蘿蔔條，無渣，酸甜醒胃．和牛他他 — 撈埋鵪鶉蛋黃，牛味鮮甜美味呀！．毛豆漿配鮮蕃茄 — 蕃茄清甜多汁．三文魚籽冷蕎麥麵 — 三文魚籽清脆鮮甜，蕎麥麵彈牙爽口黑毛和牛．和牛的雪花紋好靚．上面嗰碟是A4，下面嗰碟是A3．剛燒好的和牛片點落日本蛋裡(蛋黃超橙的！)，真係好好味呀😋．每人3大片，看似不夠食，但連埋午餐的前菜、野菜、烏冬、飯等等，最後係捧住個肚離開餐廳的🤭野菜煱．我好喜歡腐皮做的福袋包，因為裡面有麻糬．其實蔬菜煮得入味美味日本米飯和烏冬．午餐時段是任食任添，直至另行通知甜品．是日口味是豆腐雪糕，打造午餐的完美結束

期待左好耐食呢間壽喜燒啦😍 SUKIYAKIYA好似無咁多人識 但係牛肉真心好高質🥰 仲要裝修好簡約 坐得舒服🏠 有侍應專人幫我地燒🔥可以自己調教調味同熟度😋 服務好親切 好有去左日本既感覺🇯🇵 叫左一個A5和牛同一個黑毛和牛😋兩款同樣高質 仲要套餐好豐富🍱CP值好高⭐️ 柚子大根 🥕⭐️ A5和牛他他 🐮⭐️ 龍蝦蕎麥麵 🍜前菜有三款 賣相好精緻同樣低調地奢華✨ 龍蝦彈牙 而麵條帶點茶味及麥味🍵 和牛他他唔會太濃太羶質感好Creamy🤪 三味同樣有個特點係調味唔會太重手 比較Refreshing🌱 唔會搶和牛既Focus📷⭐️ 日本產 特選A5黑毛和牛 🥩黎到重頭戲啦😋 期待已久既和牛完全沒有失望 ‼️燒既時候油香好重 唔加任何調味已經食到油花分佈好均勻🤪 入口即溶 唔會成口油 再裹上蛋汁🍳口感十分嫩滑 果然有A5質素 🏅️⭐️ 日本產 黑毛和牛 🖤另一款和牛相對油脂無咁多😚 嫩滑度差左少少 反而肉味濃多少少😅 特登叫侍應姐姐壽喜燒汁調味唔好咁重手🤩 所以可以凸顯肉味 另外有三種調味粉可以配黎食🌶 我自己都幾鍾意七味粉 提升肉味既同時令脂肪重既和牛更清爽 💚⭐️ 季節野菜盛合 🥗配菜都好豐富同新鮮

想試好耐嘅壽喜燒，比想象中容易book，星期六晚即日☎️都有位，座位非常闊落，裝修風格偏日式簡約日本產 特撰黑毛和牛A5餐 $6⃣️8⃣️9⃣️ 一人份🥗前菜 - 和牛他她、醃蘿蔔、蕎麥麵 🥩A5和牛三片🍚白飯 🥬野菜拼盤 🍮綠茶蕨餅、紅豆、小丸子全程都有店員幫忙煮，因為鍋傳熱快，好容易燶🔥第一片只沾蛋汁，肉質嫩滑差唔多入口即溶，不過略嫌調味偏清淡，冇令人驚艷；食到第三片店員介紹有幾款調味料可以點，wasabi粉+蛋汁真係無🉐️彈，同肉片又夾後勁又齒頰留香🥰⚠️千祈唔好睇少三片呢個份量，真系好夠做！食完第二片已經開始覺得飽同少少膩，要加啲青檸汁解膩🍋🌟🌟同差唔多價位嘅中環sukiyaki mori 比較，肉類質素有過之而無不及，但係調味醬汁方面，mori醬汁較濃味比較出色👍🏻同埋個野菜拼盤真係好普通，成盤一齊煮🤢所以個人比較鍾意mori😇