鳥炎屋

营业中

休息中

1 -燒鱈魚乾~~~條條都燒得幾脆，唔點沙律醬都食出好香嘅燻鱈魚味~~2 -牛油果沙律~~~牛油果都幾多, 沙律菜都好有光澤, 新鮮+清新~~3 - 鵝肝多士~~~試過其他放題/居酒屋的鵝肝多士，鵝肝都係例牌比一細舊你「交功課」。不過，鳥炎屋嘅鵝肝多士絕不欺場，大大塊而且厚切，一啖咬落去仲有鵝肝油溢出，頭一次覺得法包唔夠大塊去索油呢~~4- 芝士海膽燒珍寶大海蝦~~~成晚有驚喜的高潮位正是鋪滿芝士同海膽的特大海蝦~~ 既足料又濃味，一般只會比少少海膽或者海膽醬，但芝士下面塞滿海膽，令人超回味, Ichiban~~5- 厚燒鰻魚玉子~~~招牌之一果然名副其實，玉子滑嫩且蛋漿蛋味濃, 內裏的鰻魚竟有一層脆皮，配埋甜鰻魚汁，接近完美的作品~~ 呢個真係必食!! 6- 冷烏冬~~~大熱天點了一份冷主食，烏冬份量夠分兩大碗，沒有鋪碎冰也很有冰涼感。而且好彈牙，加少少蔥花食，是為消暑小品~~

Wednesday night 約左個朋友係TST食飯，book左檯準時8點3入座。首先，鋪面比我想像中大，檯同檯算隔得幾開，又有竹簾，唔會有傾計好嘈既問題出現。D staff好nice好attentive，特別係店主，好helpful咁介紹野食同解釋你唔明既食物。其實我同朋友叫左幾多野，不過有D冇影到，重點咁講下啦～刺身－ 叫左yellowtail油甘魚＆珍寶帶子，雖然個scallop唔平，但真係好。大。隻。啊！<3 味道都好fresh，唔會感覺雪藏。油甘魚都不錯，3塊的厚度適中，魚油香味如可更香濃就好了，但還是不錯的。同埋我個人喜歡有紫蘇葉伴sashimi，店主可以考慮一下啊~「波波壽司」－以前都有係日本食過呢種sushi，不過幾少係香港見到~ 魚生黎講，帶子＆三文魚一樣不錯，海膽＆Tuna不太夠鮮味，應該是食材level－－但呢個價錢冇理由太太高要求，我覺得overal呢個quality已經算好worth個price 呢個Eel Tamago係黎之前最想食既野，簡單2樣食材但真係好夾！呢個tamago整得幾好，蛋入面滑溜溜的，但表面輕微熟左D。饅魚份量個人覺得可以多番少少

星期六與老公外出去尖沙咀亞士厘道晚餐，諗住去19樓....點知full哂，所以我哋就落咗4樓鳥炎屋，入到店內心想….大事不妙，得幾枱客，想走人，但年青老闆盛意拳拳帶我們入座，只好試下，店內四周環境裝修似家的感覺都好舒服。看看餐牌，便點了食物。老闆非常細心說明先上什麼食物，後上什麼食物。醬汁調教得非常好，少少酸，有些海帶又唔係好諗，咬落去有朝頭，沙律菜新鮮，加埋溫泉蛋真是一個美味的開胃菜。份量多，非常抵食，枝豆上枱是熱的，不似其他店舖好似在雪櫃拎出嚟咁，豆的硬度剛好。$85整條魚，好抵食，需然是炸魚，但肉質非常肥美，好厚肉，炸漿好薄，我食咗兩片魚肉，想再食都無，因為老公食哂…成條魚連骨，值得推介。夾落去已覺得不差，食落口是暖的，蛋非常滑，有流心，加上鰻魚及汁，雙重口感，真喜歡這個玉子燒，誠意之作。燒日本山芋$35即是鮮淮山，味道清淡，爽口，可除去之前食過的炸魚及鰻魚。咖哩黑豚飯$88非常大碟，吉列黑豚香脆，肉質彈牙，肉味香濃，咖哩汁是有少許甜這款，配飯一同食，好快KO整碟飯。

今次已經是第三次光顧鳥炎屋，為何會鍾情於此餐廳？除了是食物質素外，就是那份人情味。這次帶了家人去，點了日式沙律，鹽燒大蝦，雞翼，厚燒鰻魚玉子，鍋燒烏冬，泡菜叉燒炒飯。雖然只是大路菜式，卻做得比一般日式料理美味。鰻魚玉子啲蛋燒得剛剛好，質感軟滑。炒飯做得乾身，泡菜與叉燒的味道很夾。餐廳老闆是一位非常有禮貌的年輕人，有同顧客傾計，了解菜色啱唔啱口味，臨走還要送到出門口致謝。由於是樓上舖，而且成條街都是食肆，要殺出一條血路不容易。希望老闆能keep 住食物質素，加強宣傳，一定可以將餐廳做得最好！

星期四嘅晚上嚟到呢度，地方唔算大而且冇乜人，好似包場咁。兩個人叫咗個壽司拼盤，厚燒鰻魚玉子，清酒煮蜆，林尾再追加燒鱈魚乾，同埋燒芝士年糕。壽司拼盤有九件，上枱嘅時候望見魚生同海膽都好有光澤，識落一啲都唔腥。第一題係件蝦刺身壽司，蝦身透明，蝦肉鮮甜。厚燒鰻魚玉子，要夾起唔係咁容易，因為玉子好滑好滑。稍為用力少少，玉子蛋都會散開。火喉啱啱好嘅玉子，包住一片薄薄嘅鰻魚，再配上甜甜地嘅鰻魚汁，完美配搭。清酒煮蜆 有殻蜆肉分量一啲都唔小，仲有「海量」咁多嘅海帶。雖然清酒味不算太濃，但因為蜆肉海帶分量多，個湯都好夠鮮味，當係蜆肉湯飲啦！燒鱈魚塊 其實普普通通，可能因為唔係太熱，好似食緊包裝魷魚絲。燒芝士年糕，熱辣辣加埋半溶芝士，基本上十拿九穩，零意外。

近幾年都有唔少小店相繼結業，一係傳統手藝無人接手，一係就租金太貴不敵大財團。相信好多同我一樣嘅本地香港人都覺得好可惜。 一次朋友聚會打聽到呢間小店係幾個年青人創業而開，而且好有人情味，要支持一下!約食飯前一晚OT到好夜，所以上openrice訂座最方便，點知10分鐘後竟然有whatsapp提示! 店主仲問我地想坐室內定室外，又提供menu推薦咗幾款必食，真係幾貼心! (當時已經半夜12:45!!) 第晚因為有微雨涼涼地，所以都係決定坐返室內用膳。我地三人要求卡位可以傾下計，侍應即刻幫我地安排，介紹下套餐。清酒煮蜆未入口先見到D蜆仔粒粒都幾大隻~ 上菜時熱騰騰清酒味撲鼻。達到居酒屋應有水平!燒雞翼串 & 大蝦天婦羅雞翼不過不失。天婦羅賣相好，炸粉唔厚，大蝦有我手掌咁大～  甚有「天丼」感覺。厚燒鰻魚玉子前一晚店主whatsapp落力推薦，結果都冇失望！玉子蛋漿同鰻魚配合，加上濃濃鰻魚汁，好開胃！好快就清咗碟！海鮮鍋因為朋友唔太舒服所以冇點刺身，但叫左熱食海鮮鍋，一嘗鮮味。海鮮足料，食得出冇冰鮮味。我個人認為最驚喜係個湯底，牛奶色，新鮮微甜。之後要再另外點左兩碗白碗撈海鮮湯食, 哈哈! 臨