老點點心缽仔飯 (已結業)

一向好鍾意食創意點心 係佢旺角店開張時 已經好想去食 隔左一陣先約到fd去左食 個次覺得旺角店好正 因為有我最愛既斑蘭味馬拉糕 加上其實點心都係好有特色 就impress左我 而元朗店開左之後都有同frd去食過lunch 晏就食點心但毫無違和感 個次啲frd都覺得無介紹錯而前個禮拜我就帶左媽媽去食 4點幾左右媽咪放工 就想帶佢試下依間我好鍾意既點心食店我地兩個人都嗌左好多野食 而佢啲點心有啲都為兩人而設 燒賣蝦餃個啲都係2個2個甘一碟<無老點你架>咸香黑魚子燒賣 $19粒燒賣大大粒 好誘人 入面啲肉好結實 蝦同豬肉都好平均 欣賞佢既豬肉同蝦都彈牙 依家好餓搞到好想再食 19蚊2粒 但大粒過平時個啲 尚算接受到百花蟹籽釀魚肚 $26 依個係我同媽媽覺得最好食同出色既一道點心 魚肚好滑 勾左個茨稠稠地 令魚肚沾滿晒啲汁 吾係豬皮泥架 勁驚喜 成日食到啲雞扎定吾知咩點心入面成日都係豬皮 不過我都愛豬皮既 只係魚肚更加正必點依個吾係老點小漢堡 但我媽媽就吾食得wasabi 所以我自隊左兩舊 而我真係激愛佢 中間既蝦肉餅脆口又彈牙 加埋啲honey mustard醬 極重芥末嗆喉

母親大人最愛一盅兩件,所以知道這店評價還OK, 就順路帶她試食一下。由於舖細, 所以不是太多人也要在門口等位, 等了半粒鐘左右就可以入坐, 幸好出面有櫈給老人家坐一坐, 否則都不會考慮等那麼久。舖面細, 坐位自然不是太寬敞啦~但還OK的, 點心款式不算太多, 我揀了不少他們推介款式:小漢堡 - 細細件, 炸蝦膠配WASABI醬汁都幾清新, 人少像我們份量就剛好, 可以讓我們試多一點款式 麥皮小煎堆 - 口感很豐富, 因為有芝麻又有麥皮還有疑似蓮蓉餡的東東, 炸得不俗, 外脆內熱, 雖則有點甜同膩鴛鴦臘腸卷 - 滿足我母親大人的口癮, 無得輸, 根據我母親大人評價, 價錢合理, 味道還可!鮮蝦腸 - 味道一般, 不過價錢不算太貴, 若論CP值都還可以的魚子燒賣 - 味道一般, 不過價錢還可, 可以一試的~總括來說, 這間價錢跟食物水準都不俗, 如果可以不用排隊, 可以考慮再入內一食。

之前嚮旺角食過番尋味，知道元朗開左分店，襯週末瞓飽近近地嘆個一盅兩件!店內以卡位為主，地方較狹窄，2:30咁晏都差唔多爆滿，好在行快一步唔使排隊咋!食物款式算多，仲有是日燉湯添!不過今日唔想飲湯，叫左黑芝麻豆漿，本以為係杯裝，點知係600ml香港製造的大支裝，一支都足夠2個人飲lu!黑芝麻味重，低糖唔太甜岩曬我 炸饅頭最快上，外面黃金，內裡鬆軟，可惜暖暖地，略賺唔夠熱!腸粉賣相唔錯，豉油另上，鐘意落多落少由我控制，好細心 軟滑腸粉皮包住脆卜卜既嚮鈴，大大粒蝦肉同豬肉做餡，好香口 隨後熱辣辣蒸到出曬煙既點心上檯，豉汁蒸鳳爪既味道好濃，炆得好入味!百花釀魚肚用蟹子鋪面，蝦膠嫩滑彈牙，配軟綿綿既魚肚，非常入味  湯汁中仲有滑溜溜既蛋白，營養豐富!小漢堡夠精緻，自家製既皮包住生菜同炸蝦膠，同蜜糖芥末沙律醬好夾  雖然已經好飽，但係食甜品係有第2個胃架嘛 一排4款小甜點好可愛 由左數起，焦糖燉蛋，朱古力，石榴，香芒味小布甸，質感滑溜，燉蛋最好味!整體黎講，食物賣相精緻，用料豐富，保持一貫水準，期待將來有更多創意既點心

表妹自從看過我上月那篇, 元朗老點點心的食後感之後, 堅持要前往一試綠色的馬拉糕和小漢堡; 今天我終於兌現承諾, 一償她心願。遠遠看到老點紅色大招牌, 表妹興奮不已。 今天較客滿, 我們等位10分鐘入座後,便立刻點菜。班蘭馬拉糕, 顏色青翠, 班蘭味香。 可愛吾係老點小漢堡, 2件都給表妹全吃了。黑松露上素粿, 最新出品, 薄薄的皮包裹冬菇,紅蘿蔔,筍等的雜菜粒, 爽口清淡中帶點點黑松露幽香, 這款素點心是我今天至愛。復刻紅棗糕, 又是新品, 賣相不晶瑩, 口感煙韌不太甜, 紅棗味淡, 味道一般。白汁芝士磨菇批, 用三隻小勺子盛著磨菇批, 賣相別緻可愛, 很吸引! 白汁磨菇雞肉餡, 味道有保證。一星期天天有不同款式的燉湯, 今天是蓮藕眉豆雞腳燉響螺。 雞腳, 豬展, 蓮藕等等, 材料十足。 味道清潤, 應沒有味精。豐富的一餐, 水準不俗, 價錢唔貴, 老少咸宜, 價得 encore!

媽媽突然話想試上次元朗那間點心鋪，今次再黎增添了很多新菜式而且亦都很美味，定期有新菜式為食客帶來不小新鮮感，值得一讚，媽媽今次再試仍然有讚無彈，絕對無被人老點。先黎一盎燉湯，今日星期三是日燉湯是木瓜雞腳燉唐排$42燉湯好真材實料，有不小木瓜和雞腳，份量多得滿載燉盅，底下亦塞滿瘦肉等湯料，湯鮮甜無味精，好滋潤，但略嫌油多了小小。吾係老點小漢堡$22中間是蝦餅配上芥末沙律醬好惹味咸香黑魚子蒸燒賣(兩件$18)大大粒，口感爽滑，黑魚子增添不小咸香。冬筍鮮蝦餃(兩件$18)裡面是啖啖彈牙的蝦肉，十分足料，還有筍粒增添不小口感!冰梅炆豬手$18醬汁酸酸甜甜，有點兒似咕嚕肉那此醬汁，但改為用冰梅，更清甜和消除豬手的油膩感，豬手炆到好稔身，外皮仍保持彈牙！這是媽媽至愛。懷舊糯米雞$22份量都頗大，這是真正糯米雞，餡料豐富，全是雞肉，足料過出面食到那些，糯米充滿荷葉香，口感覺唔會太黏口。臘腸蘿蔔糕$18煎到外層好香脆，但太多油，蘿蔔糕好香臘肉味，一啖咬下仍見到粒粒蘿蔔，口感一流！七味虎皮尖椒$22虎皮椒煎到好香脆，但略嫌油膩，面層灑上七味粉，好惹味，裡面既魚肉爽滑彈牙。復刻紅棗糕$16口感彈牙，一層層

吾係老點小漢堡$22 (兩個)迷你漢堡兩件，用牙籤插固定，中間是炸蝦餅，蝦餅彈牙，配上日式 Wasabi 味沙律醬，加上爽口沙律菜，很滋味。鮮上肉響玲腸$24 (6件)以腐皮包著豬上肉和蝦膠炸熟，再以蒸腸包裹，淋上甜鼓油，蒸腸粉軟滑，腐皮鬆脆，蝦膠彈牙而且鮮味，$24有6件，勝價比高戚風班蘭馬孻糕$18 貼度適中， 入口鬆軟，不太甜，有淡淡的椰香味，但欠缺班蘭味，而且是用現成班蘭油做，含色素，顏色太過綠。復刻薑汁糕$16 (3件)薑味濃，一層一層，口感煙韌，但甜些更能帶出薑味。五香鹹水角 $16 (4件)皮脆，但皮太厚，內裏肉粒，沒有豬肉味，沒有冬菇，沒有五香粉味，除了鹹味，沒什麼味道。愛心白汁芝士磨菇雞批 $24 (3件)賣相吸引, 入口芝士味濃，批底鬆脆, 內有白汁磨菇雞肉粒，放在小湯匙，方便拿起來吃，有心思。 

搬來元朗這個美食馳名的地方不久, 有幸不用長途拔涉,當然想好好嘗試一下。以前, 想嘆一盅兩件, 會去大大間的茶樓; 但現在不同了, 很多餐廳都提供點心菜式給選擇。好像今日午謄的餐廳 - 老點點心砵仔飯, 就是創新傳統飲茶好例子, 透過創作及改良經典美食, 吸引不同層面顧客在不同時段光顧。這間餐廳不大, 門外紅色”老點”招牌, 易見, 易認。 內裡座位略嫌狹窄, 我們點了8款點心同時擺放在二人檯面, 不夠空間。黑松露帶子餃: 外面薄薄的餃皮, 包著帶子, 蝦仁和波菜餡, 上灑黑松露碎; 吃一口, 蝦爽肉滑, 豐厚多汁, 少許清菜點綴, 不覺油膩, 加上黑松露滲出獨有陣陣幽香, 美味得勾人!鮮上肉響玲腸: 名列人氣榜No.1, 賣相似炸兩。 外層腸粉幼滑, 包住脆脆的響玲卷, 內裹滿滿鮮嫩豬肉餡; 由外至內三個層次, 三種質感, 簡單做出奪人的口感, 果然名不虛傳!班蘭馬拉糕 : 翠綠清新的賣相非常吸引, 馬拉糕鬆軟, 帶幽幽的斑蘭草清香味, 別具風韻。吾係老點小漢堡: 這款賣相可愛別緻, 小朋友一定喜歡。 漢堡中間夾炸蝦餅及沙津醬, 是香脆加甜綿的味道, 但稍嫌小漢堡包有點乾硬, 美中不

再帶台灣朋友遊香港，來元朗買老婆餅，行舊街，當然也去吃吃點心，上網看見這間點心店名相當有趣，便來一試看看會不會是「老點」，結果沒有讓朋友失望。珍寶鮮蝦腸（6件，$24）果然是珍寶大大隻蝦被滑溜的腸粉包著，鮮味十足，腸粉不會蒸得太軟身很爛的感覺，啖啖蝦肉爽口。咸香黑魚子蒸燒賣（2件，$18），用精簡木盒載著，感覺很fusion ，幸好咸香味不過重，因為本身怕會太鹹，黑魚子的咬口比一般燒賣放蟹籽更突出，很創新。XO醬蒸鮮肉排（$20）味道不錯，XO醬與肉排很搭配，而且有椒絲調味，令鮮肉排更香口。清酒雲吞雞（$28），可能是新鮮製所以需時等候，但絕對值得等，因為酒味很香醇，完全滲入雞肉，而且肉質很嫩，咬下去酒味很出很棒。雲吞也是很足料，薄薄雲吞皮又不會穿，非常考功夫，最後我連清酒湯也一同吃光光，大讚。吾係老點小漢堡（$22）實在沒想到這間點心店居然有漢堡，而且應該是本店出名之作，因為附近幾枱也有點，我們也當然一試。漢堡裡是夾著炸蝦，而且加上芥末醬，味道出奇地夾令炸蝦的油膩感減低，但漢堡包太軟身，若烤脆一點會更佳。新鮮肉排缽仔飯（$24）肉排半肥瘦，缽仔飯有飯焦，味道不錯，朋友吃很津津有味，而

有驚喜的新派點心很久沒上茶樓嘆番一盎兩件，但晚餐時段茶樓又沒有點心吃，喜好近排開了好幾間主打創意點心既店鋪，所以決定和女朋友來試試。店舖主打黃啡色調，以梳化椅為主，環境都尚算舒適。七味虎皮尖椒虎皮椒煎到好香脆，加上面層既七味粉，都頗辣，但好惹味，裡面既魚肉爽滑彈牙。吾係老點小漢堡兩件迷你漢堡用牙籤插住固定，賣外可愛精緻，中間塊肉用蝦餅代替牛扒，件蝦餅裡面有好大隻蝦，仍保持肉汁，配上日式 Wasabi 味芥末醬，真係好滋味！咸香黑魚子燒賣上面有粒粒黑魚子，中西合璧，裡面仲有幾隻蝦仁，豬肉也稔軟。白肉蓮藕餅炸到外層好香脆，裡面仔有爽口既蓮藕粒，好有口感。冬筍普通鮮蝦餃皮薄餡靚，晶瑩通透，鮮蝦吃下去爽口彈牙，配上冬筍更能突出蝦的鮮甜味，比普通茶樓做得出色。南乳炆豬手南乳醬好惹味，豬手炆到好稔滑和入味，一咬就散但仍持膠質。新派點心味道和賣相相當有驚喜，室內環境都舒適，邊個話點心無綽頭，視乎你有無諗頭

近年成日和朋友出去食了許多不同的美食，有時都應該陪媽媽出街食下飯，不過媽媽只愛粵菜和中式點心，所以我在 ig 見到朋友去過元朗老點食飯既相，覺得 d 點心都幾得意，於是就帶媽媽黎試下啦。雖然舖仔細細，不過座位都係梳化椅，坐得都幾舒服的。和其他茶樓一樣，先在點心紙上點菜，然後廚房便即叫即做，點心上菜的時候，是新鮮滾熱辣的。首先我揀既，就梗係人氣 No.1 的吾係老點小漢堡。兩件迷你漢堡用牙籤插住固定就唔會散開，中間塊肉用蝦餅代替牛扒，件蝦餅仲有幾隻蝦仁添，真係好滋味！仲有配上日式 Wasabi 味芥末醬，不太攻鼻卻老少咸宜，但令整件小漢堡的味道畫龍點睛。戚風班蘭馬拉糕 - 綠色的馬拉糕整得好鬆軟，有好香的班蘭葉和少少椰香味，兼且比一般的黃色馬拉糕還要香，媽媽一路食一路讚不絕口~好靚既咸香黑魚子燒賣，上面有粒粒黑魚子，仲有幾隻大大隻蝦仁，豬肉也鬆軟，仲有啖啖油香，好味丫。竹笙棉花雞 - 雞肉都幾大塊，肉質相當嫩滑，仲有啖啖雞油就更加滑溜丫~ 魚皮都好鬆軟好juicy啊。蟲草花雞砵仔飯，份量雖一人份，但飲茶梗係好嘢要同家人分享啦！上面有幾條蟲草，當堂成碗飯矜貴左，細細條幾爽口幾好味丫。件件雞

 上個星期試左大肚腩點心腸粉專門店, 覺得幾抵食, 唔錯…今個星期試另一間 – 老點! 佢位置係千色前面個條街…之前仲以為好多人, 點知今日都有好多位wor...我地點左鮮上肉響腸, 咸香黑魚子燒賣, 冬筍普通鮮蝦餃, 清酒雲吞雞, 吾係老點小漢堡, 百花蟹籽魚肚, 千島脆炸蝦春卷, 呂宋香芒小布甸同一口忌廉糖蛋…茶無得自己倒, 但好在都會主動幫你加...鮮上肉響腸: 外皮味道比較淡, 多d醬油先夠味…入面既脆脆比大肚腩薄, 但係都未夠脆, 入面蝦肉比較多…老點-勝!咸香黑魚子燒賣: 黑魚子存在感低, 但係外表特別d, 加分…豬肉比大肚腩少, 但係蝦比大肚腩既一隻多…果然好食d…如果老點係好食點心燒賣, 大肚腩就係有d質素既學校燒賣…老點-勝!冬筍普通鮮蝦餃: 外皮幾好味, 入面有少少肉同兩隻蝦…知得咁清楚係因為外皮痴住個籠, 一夾就解體哂…係咁咁情況下, 我唔可以as a whole咁judge, 佢就算好食我都要話: 大肚腩-小勝!清酒雲吞雞: 應該係最遲上既熱點心…好滑既煲湯雞, 幾好味…正常雲吞, 蝦好食, 但皮有梘水味…最正係個湯, 有雞油, 好少好少清酒味…個湯幾清, 但係

有時有空的話，都想同屋企人飲茶，不過香港的茶樓大多擠逼，想靜一下吃點心、談談天就比較困難了。最近上網見到這家「老點點心」，以小店形式經營，主打創新點心，今天與家母逛過元朗後，就過來試一試了！店內環境寧靜，裝修雅致，仍具舊式茶樓風味。與現在的茶樓一樣，都是用點心紙點菜。點心紙上的點心名字都很新奇，大抵是傳統的點心上再加一點新意，如「魚子醬燒賣」、「綠茶馬孻糕」等。除了點心紙外，店家也有一個人氣榜，列出了最受食客歡迎的點心，其中最受歡迎的，是「吾係老點小漢堡」($22)，我們也叫了一個試試： 這小漢堡真的很細小，只有約一個杏仁餅的尺寸。因為漢堡細小，很易散開，店家就用牙簽將麵包和餡料固定，就像公司三文治一樣。漢堡中間夾著的，似是炸蝦滑，再配上爽脆的生菜和芥末沙津醬，既刺激又美味，一口一個，方便得很。 之後其他點的點心也陸續奉上，這個「鮮上肉響鈴腸」($24)的賣相沒有甚麼特別，不過夾在中間的響鈴挺有嚼勁，而響鈴內又包著一些碎蝦作餡料，所以整道腸粉的口感很豐富，外面軟滑，內裡煙韌，很特別。「清酒雲吞雞」($28)可以嘗到清香的日式清酒味道，比平時吃到只有雞湯鹹味的雲吞雞多了一種味覺層次。雲吞

放假就緊係要同嫲嫲去飲茶啦～今次就去左係元朗既新派「茶居」，去到等左一陣就有位，但可能落雨既關係，餐廳入入有點'扇'，不過店員佢地好細心提醒地面比較滑，好喇終於安全坐低了，馬上剔點心先～千挑萬選下揀左呢幾樣...豉汁蒸鳳爪---飲茶必點點心，呢度佢蒸得好入味，又夠曬林，好岩嫲嫲食咸香黑魚子燒賣---雖然一籠得兩粒，但佢粒粒都有好大粒蝦係入面，超有口感，一人一粒就岩岩好了~燒賣圖睇下幾大粒吾係老點小漢堡---新派點心，中間個層用炸蝦代替了免治牛肉，再配埋清新既沙律醬(我覺得有少少wasabi味)口感好鮮味，食多幾個都得漢堡的則面圖彩絲正常牛柏葉---而家好多茶都冇整薑汁牛柏葉呢個點心了，因為聽嫲嫲講同洗豬大腸一樣都幾考功夫，洗得唔乾淨就會有味道，所以我當然唔會錯過食佢既機會。。。入口好香蒜蓉味，反而冇咩唔薑味，第二個唔同既地方係佢呢度好大兜，幾抵食冬筍普通鮮蝦餃---呢個同燒賣一樣粒粒都超飽滿，個蝦餃皮晶瑩剔透，唔"痴牙"最後係戚風班蘭馬拉糕---之前係新加坡食既班蘭蛋糕好香班蘭葉味，但呢度都出奇地好香呢隻味，佢仲有好香椰子味添!!!好正啊

之前在九龍城食過創意點心後,成日都想帶媽咪去食,假期早起對我來講實在難過登天!九龍城對於住新界大西北的,就遠左少少,轉車轉到暈.....前一陣子,朋友同我講元朗都有創意點心,上星期趁放假就同媽咪一齊去試下啦!青色馬拉糕....中毒......哈哈!芫茜帶子腸自家拉的腸粉薄身又滑溜,切得工工整整,每件都有一件約 HK$1 大小的帶子粒,芫茜份量不多,手拉腸粉只要夠滑溜,我已經覺得合格有餘...咸香黑魚子燒賣坦白講,麻麻地,肉質比較乾同韌,上面的黑魚子同蟹籽分別不大,唯一是每隻燒賣都至少有兩隻蝦,沒半點小家子氣!冬筍普通鮮蝦餃有燒賣怎可以沒有蝦餃,蝦餃皮薄晶瑩剔透,可以透視到入面的餡料,餡料豐富,主角蝦肉彈牙,啖啖肉,吃得滿足,整體不錯蝦膠燒汁釀茄瓜平常在家我們也會用燒汁煮茄子,當日有點似曾相識的感覺,原來加入了蝦膠,口感更加彈牙,沒單吃的"削",媽媽即時也說下次在家整也要試試加蝦膠喔!在這裡,當然要試一下人氣的新派點心,在菜單第一頁已經列明了每月人氣之選!我也叫了幾個趁趁熱鬧 吾係老點小漢堡小漢堡真的非常細小,直徑比HK$5大小小, 不過造型一樣一絲不苟,漢堡包皮有芝麻粒,而且入口是微熱