金田家 (已結業)

平日見依間拉麵店長期排長龍，今日難得唔需要排隊就有位👍店內裝潢唔算太日本feel，坐位比較多，但就有機會需要搭枱。濃湯豚肉拉麵（$78）豚肉入口即溶化，湯味道還可以黑豚拉麵（$98）豚肉比較厚身，湯味道比較濃郁所有拉麵都可以自行選擇軟硬度大將餃子（$30）小妹真的很喜愛餃子，餃子配合酸酸甜甜的醬料唐揚雞塊（$35）雞塊令我十分驚喜，雖然雞塊用炸，但可以保持到肉汁，而且好嫩滑另外突登叫多個懷舊波子汽水（$25）今晚既晚餐十分滿足！

一再Encore嘅拉麵店，地點夠就腳而且水準一直Keep到！ 今次同朋友一齊去，可以試多兩款小食，發現除左拉麵小食味道都唔錯。雞白湯豚骨拉麵，連蔥都走埋望落確係有D齋，其實湯底好鮮味，而且我好鍾意呢個湯唔會過咸同油，加上今次叉燒肥瘦適中，食完唔會有好滯嘅感覺。黑豚拉麵好適合食肉獸，大大片豚肉圍住碗麵。湯底明顯比較濃，豚肉偏瘦食落好甘香，口感亦唔會乾柴。溏心蛋好靚！流心程度剛剛好，而且夠入味，個人覺得食拉麵一定要跟隻溏心蛋！再點左兩份小食：男爵薯餅外面炸得香脆，牛肉薯餅稍為偏甜；我更鍾意紫薯栗子口味，紫薯綿密又香甜。兩大塊食完都幾飽！平時黎都會食餃子，內餡味道清爽但未算突出，我愛餃子個皮，薄身但唔會一夾就散，食落好煙韌。好耐冇飲過波子氣水，重拾下童年嘅味道。香港地咁多拉麵店，好少會Encore，我諗金田家真係幾岩我口味。  

中午去了YOHO找餐廳吃午餐, 遠處看到金田家那個大大個的男人頭像lego, 剛好想吃拉麵, 所以就決定試一下!!拉麵的名稱都很像, 跟職員問一下有什麼分別, 原來豚骨MIX拉麵是混合了部份雞湯, 黑豚拉麵的叉燒跟豚骨拉麵的叉燒不同。辛子黑蒜拉麵: 我很喜歡蒜香味, 雖然湯底黑漆漆的, 不過很香濃的蒜香, 但不會很強烈的感覺, 容易入口, 帶少許微辣, 越食越過癮!! 而且我很怕湯會有一粒粒的湯渣, 雖然看起來好像是一點點黑色, 不過飲一啖湯, 又滑又香!黑豚拉麵: 較濃的豚骨湯, 加上又厚又大片的黑豚叉燒, 可以選擇麵的硬度, 我喜歡硬身一點, 想要多點蔥, 不過見到多蔥要加$5就放棄~ 另外點了小食芝士年糕及大將餃子, 芝士年糕又QQ又多芝士cream~ 食了芝士年糕覺得有少許膩, 再吃一口餃子就完美, 皮薄內有汁, 不錯!!同事點了蘋果汁, 我就見到波子汽水都會點, 童年回憶經常有波子汽水原來金田家在倫敦及福崗都有開店舖, 香港都有幾間, 我經常去荃灣, 下次可以試下荃灣分店。

Yoho Mall開左間金田家食拉麵，早前都想試，今晚終於過黎試下喇。內裏燈光光猛，裝修頗有時尚感，喜歡吊落黎嘅波波燈。廚房位置為開放式，用左日本酒做佈置，加強日本氣氛。每張枱放有杯子，餐具和檸檬冰水，最貼心係個櫃桶，用黎放手袋，好喜歡喔～😍豬食豚骨雞白湯拉麵，朋友食黑豚拉麵，另外我地叫左個大將餃子同唐揚雞塊。只要喺菜單上剔選自己想食嘅野就可以，麵嘅硬度同葱嘅份量都可以選擇，豬比較喜歡呢種模式點餐，可以避免遇到黑面姐姐，問多句等多陣都唔耐煩。順道一讚呢度嘅店員，有禮貌又好笑容，我地2個大鄉里唔識開波子汽水，店員哥哥好樂意教我地，今晚又長知識喇，哈哈🤣黑豚拉麵嘅豬骨湯底，湯味香濃，但入口唔會鹹，剛剛好。拉麵揀左普通硬度，麵係幼身，朋友覺得麵質唔錯，夠彈牙。豚肉好香，份量都唔少，唔會老同韌，幾好食。豚骨雞白湯拉麵，奶白色既湯底充滿雞肉精華，湯底真係有雞味，朋友笑豬低能，但豬真係食到，而且都幾香，夠濃又唔會鹹。豬碗拉麵麵身比較粗，軟硬適中，唔錯。唐揚雞塊每舊都好大，炸粉唔會太厚，啖啖肉，外層脆卜卜，內裏鮮嫰。不過朋友嫌油膩，食左一夠就冇食。大將餃子肉餡滿滿的，初時覺得有點燶，但食落又唔會太覺

跟男友去Yoho mall拍拖，見到金田家個人像logo，比佢吸引住，就行到去佢門口，原來金田家係九洲no1 拉麵🍜即刻入去試等左一陣就有位啦，我地簡坐bar枱因為可以睇到師傅整拉麵🍜野食亦好快送到黑豚拉面再額外追加黑豚正呀 黑豚又大塊 圍住成碗拉麵🍜比個近shot大家睇 流心到不得了既流心蛋一定要追加好重要！ 一定要加 一定要加 一定要加 ！麵質可以自由選擇，仲有d調味料可以係調味架上落！柚子辛口拉麵🍜又係追加黑豚但湯底好特別，辣辣地，配拉麵食幾香口大將餃子🥟 煎得十分爽脆，配上秘製醬油，金黃色，可爾必思呀，正！ 個杯仲要凍冰冰！同日本一樣

一直好想試金田家拉麵店，但平時夜晚經過都好多人 最終都係冇排到，星期六放假決定中午帶媽咪去食下日本拉麵🍜金田家有多間分店，最尾揀左元朗店，食飽飽順道可以行下YOHO MALL~去到門口等左陣就入得，餐廳裝修充滿日本感覺被安排了吧枱位置，可以看着師傅們忙碌地炮製拉麵媽咪揀左黑豚拉麵，我就揀左網上好多人推薦的黑松露拉麵🍜我地都追加左紫菜同糖心蛋🍳再點左個大將餃子一齊食🍜黑松露拉麵一送到黎，黑松露香味已經撲入我鼻子裡湯底濃郁富豚骨香，冇味精，湯濃稠度適中，將黑松露醬伴進湯底裡，散發出濃濃的黑松露味麵既質地我揀左超硬，食到最尾麵質都沒有變軟，吃每口麵都是黑松露香氣🍜黑豚拉麵中既黑豚肉分量十足 有好多塊，肉肥瘦適中，入口鬆化🐷糖心蛋滑溜可口大將餃子，皮薄餡靚，香脆不油膩，媽媽都讚佢好食，配拉麵吃一流好滿足的一餐

每次到日本，一定最少會有一餐係食拉麵，日本拉麵競爭好大，每家拉麵各有特色，而金田家能係眾多拉麵店中突圍而出，勇奪多個獎項，好幾年登上Tabelog最佳福岡拉麵店榜首，令人好想一試究竟！今日，終於和朋友相約，來到元朗的金田家分店。金田家一大個嘜頭，相當醒目易認。我們晚上六時半左右到達，幸好不用等位，離開時已看見門外數人在排隊。店內裝潢簡潔中帶點溫馨，一個個騰球吊燈從天花板垂下，燈光柔和不刺眼。廚房半開放式，可以看著拉麵師傅在廚房忙碌。坐下後，店員遞上冰水和餐紙，客人可以選擇麵質，辣度等等，還可以追加食物。北寄貝海鮮沙律自己好喜歡北寄貝，見到北寄貝沙律，當然不能錯過，北寄貝的鮮味十足，切成粒狀，配上薯仔粟米粒，毫無遺和感，加上新鮮沙律菜，作為前菜非常合適，亦可為金田家濃郁的湯底稍稍解膩。大將餃子餃子一碟有四隻，即叫即煎，熱辣辣，外皮煎得脆卜卜，但係內𥚃餡料多汁，豬肉軟腍冇筋，十分美味。柚子辛口拉麵+溏心蛋平日食拉麵會選普通豬骨拉麵，今日想試試新口味，點了柚子辛口拉麵，湯底雖然都係豚骨湯，但加入了柚子和辣醬，柚子味道清新帶點甘，朋友唔食得辣，覺得十分辣，但係我自己覺得還可以。拉麵軟度可以自己

記得早幾個月之前都黎過金田家，記得當日用餐經驗都十分愉快今日又黎到YOHO，所以想再食一次，睇下係唔係依舊好食的今日大約6點到達餐廳，未到晚餐時間，所以都唔洗等位。上次係下午時間黎，記得天光時燈飾同陽光都好夾。今次天黑黎到，唔知係呢係就到聖誕節了。更加有Feel~~~~~~~~~~~~~~~~~~~~~~~~~~~~~~點餐時間！！！ 今次終於試到一直都十分熱愛既黑松露拉麵了！！Truffle Raman黑松露拉麵($108)豚骨湯+黑豚叉燒+自家製黑松露醬+黑松露油+木耳+紫菜+青蔥~~覺得金田家同其他拉麵店唔一樣既一點係，呢度無一款濃厚湯底。因為本身湯底已經好濃好厚，而且唔會好油膩！溏心蛋水準依然好好，本身有用醬油浸煮過，好入味。蛋黃好黏口好香甜蛋味，金田家既溏心蛋可算係我係香港排名第一名的，但可能我食過既拉麵店大約只有十多間，未有機會食到更出色的。單食左小小黑松露醬，好香，聞落好重味但食落唔算太濃郁。但加上黑松露油，與湯攪勻左之後有好香既松露味，食落好舒服。麵揀左硬身，就算食到最後都唔會變到淋左。叉燒好軟，一夾就夾得散，如果鍾意有口能既可能覺得太淋，但我好怕咬好耐都咬唔開既肉，所

自從西鐵線發展後，元朗的中心區，也漸漸由元朗大馬路那邊，移到YOHO MALL這一邊。YOHO MALL共分成三期，最早一期在2015年己經啟用。而隨著商場陸續擴展，最新的形點I擴展部分，亦於2017年7月開幕，成為元朗人，甚至是區外人的好去處。形點I內有不少高檔食肆及商店，甚至全港最大的IMAX戲院也在這裡，可見該區人士的消費能力不俗。就在IMAX戲院的不遠處，接近形點I商場的最深處，發現了一間名為金田家的日式拉麵店，剛好和友人行得有點累，便決定在這裡用餐。我們分別點了黑豚拉麵及激辛拉麵。黑豚拉麵的湯底濃度剛好，可以一邊食一邊把湯底喝掉，再配合薄切黑豚，甚是美味。激辛拉麵則適合愛吃辣的人士，其辣味會在最後才「回甘」出來，甚有特色。除了拉麵之外，我們還追加了黑豚叉燒及腩肉叉燒，當是為湯麵加餸。小食方面，我們則點了大將餃子、唐揚雞塊、木耳及溏心蛋，每款都甚為可口，有興趣的可以一試。餐茶方面，我們分點點了玄米茶和煎茶，奉茶的茶具甚有特色，具有濃濃的日本風味。可能由於是平日的關係，商場內的店鋪不算多人，故這次也不用等位，很快便入座。但聽元朗朋友指出，YOHO MALL在周未時是人山人海，還有

好耐冇來元朗， YOHO MALL感覺完全唔同晒！多咗好多食肆，今次我專登嚟食金田家拉麵。呢間拉麵館係日本福岡開始，一直開分店開到香港，之前想食銅鑼灣嗰間，點知新界都開咗！我呢啲新界區朋友，一定要來品嚐！其實都有幾多人慕名而來，最好笑係坐旁邊個個係日本人，即刻加左分！由於我同男朋友對食物的口味完全不一致，男朋友鍾意食濃味軟身食物，但我鍾意食清淡或者fresh d食物！所以今次嚟到，男朋友就點左黑松露拉麵，應我就選擇較清爽嘅有柚子辛口拉麵！喜歡食辣嘅就可以加右面呢個配菜，但佢都幾辣架！要注意份量wo！拉麵賣相都唔錯，麵質非常之爽，以湯底非常濃郁，你哋睇吓佢嘅顏色！另外我亦加左個煎餃子，個底煎得金黃，咬落脆卜卜，但入面依然有湯汁，真係有驚喜！

Yoho Mall 新開嘅食肆有好多間，上次經過已經見到每間鋪頭門外都有大量嘅人喺外面等食。今日襯自己早左少少番到元朗，決定要過嚟呢度試新野。呢d過江龍食肆其實元朗係好缺乏嘅，當區外人湧入元朗食小店嘅時候，其實區內嘅人都餓左好耐市區式嘅食店。今次嚟試試銅鑼灣都有分店嘅日本拉麵--金田家。呢間係日本福岡過嚟開嘅過江龍，多數日本過嚟開嘅拉麵店都可以保持番咁上下嘅質素，等我試試呢間又得唔得先。2個每人都各自叫左一款拉麵試試，叫左豚骨MIX拉麵、辛子黑蒜拉麵、溏心蛋同埋餃子。辛子黑蒜拉麵湯底比較深色，亦都比較濃味。麵嘅軟硬度同埋蔥量都可以揀，不過關於蔥嘅份量就好似有少少小氣，多蔥要另加 $5。不過對我嚟講就無影響嘅，因為我只係要正常嘅蔥量。溏心蛋雖然要$14一隻，不過睇左d食評話佢嘅拉麵本身係無蛋嘅，所以最後都係決定要加番隻蛋，始終拉麵無左隻蛋真係唔係好似樣，加錢都係要加番隻蛋先掂！至於麵嘅軟硬度我揀左普通，始終係第一次食都係叫番正常會保險d！對我嚟講，麵嘅軟硬程度適中，普通已經岩我喇！至於叉燒係切左薄片，肥瘦算係適中，始終肉都係要有d肥先好食。豚骨MIX拉麵湯底相對辛子黑蒜拉麵湯底比較清，可

今日約左朋友去元朗行下，見到yoho商場一期新開左拉麵店當然要去試一試啦其實「金田家」嘅拉麵之前已經聽過下，依家仲要開係新界區，根本就係勁方便唔洗再下下去到銅鑼灣就可以食拉麵啦我同朋友一坐底就叫左兩碗拉麵，分別係「柚子辛口拉麵」，「黑豚拉麵」仲另外叫多左個「大將餃子」試下好唔好食大概等左10分鐘啲食物就到齊⋯⋯「柚子辛口拉麵」- 98$HKD我第一次食柚子味道嘅拉麵，感覺好特別～因為出面好少有見到有拉麵店係有柚子嘅拉麵佢嘅味道其實係好清新，比起平時我食開嘅拉麵好唔同 唔會係單單得一隻味，係有酸中帶一點鹹嘅感覺食落好有層次。「黑豚拉麵」- 98$HKD首先要講嘅係佢真係好香！一上台已經聞到濃濃嘅香味。食落好清，不油膩，豬骨味好濃，黑豚都好大塊，食落好有驚喜！「大將餃子」- 30$HKD食落好多汁同好脆，餡料也好好食，喜歡食餃子嘅朋友一定要叫！整體上係好食，同埋佢地嘅拉麵份量好足，我同我朋友都食到好飽，價錢都好公道，下次都會再黎食

咁大個女! 好日不過元朗, (因為唔識路!)但早排一個住在元朗的朋友, 一直叫我們入去探佢之餘,話附近一個叫YOHO形點的大型購物商場開幕, 可以順道行吓! 食吓! 或者看埋電影!因為自己大鄉理, 心怕不識路,故比大家相約時間特別早到很多,唯有自己一個週圍逛了一個圈.行到一邊, 有很多不同種類的食店, 可能是午市時間到了, 差不多每間食店,門外都開始有客人等候,而行到盡頭處, 有一間食店特別多人排隊.更有工作人員身穿和服正在為客人玩日本式抽獎遊戲,自己見時間尚早, 亦走過去玩了一次, 得了一張優惠卷.到了約定時間與朋友又再閒逛,有同朋友們提起這間食店很多客人,後來大家異口同聲告訴我, 這間是九州拉麵專門店,而且很出名, 原來叫--金田家!於是就這樣我們也來金田家一試, 什麼是九州拉麵了!他們暫時種類不算太多, 但勝在每樣都會有數款選擇,而且份量不少, 必定會令你填飽肚才離開.( 而且, 細心到, 可以任客人選擇拉麵要軟, 硬或普通.要蔥, 不要; 要辣, 不辣或可以辣醬另上. )我們4個女人真的一個墟, 打開餐牌, 這個又想食, 那個又想食! 最後,由一位比較冷靜的朋友,幫我們清楚分析