泉章居 (已結業)

記得兩年前在銅鑼灣廣場食過, 不至於好味, 尚算可以, 今晚朋友帶路再來吃, 原來己不是那味兒了。裝修光猛, 但枱與枱之間都非常緊密, 有點壓迫感。非常抵食的套餐, 睇咁嘅價錢, 質素應該都唔好抱太大期望了。非常抵食的套餐, 睇咁嘅價錢, 質素應該都唔好抱太大期望了。我地 ORDER 了4人套餐; 湯 x 1 小菜 x 3時菜OR 美食 x 1冬瓜盅 (套餐湯轉+$48)原個燉, 材料有絲瓜粒、蓮子、江瑤柱、瘦肉及冬菇絲等, 想個個飽到捧腹走人就一定要, 冬瓜肉食極都有, 我最少食左3-4碗, 若然下少啲豉油, 清清地會更好飲。 梅菜扣肉話曬都系老字號, 點都有啲水準啩? 我錯了, 不然也, 失望到極點子！完全貨不對版！先講腩肉, 不用五花腩不打緊, 但也不該用二層腩吧, 皮層80-90%肥肉, 下層是全瘦肉, 硬實實的, 就算偶爾有一塊7成肥3成瘦, 卻完全沒有入口溶化口感, 梅菜算多, 也腍, 味道卻一般般, 可能個汁唔系好掂, 鹹鹹地的豉油, 完全冇令我想用黎撈飯的味力！骨髓炆三鮮三鮮係蘑菇、秀珍菇及鵪鶉蛋, 骨髓口感腍滑, 本身無味, 靠個餸汁沾味, 可惜個三鮮汁亦唔覺得好味,

由於家人對中餐既迷戀親戚生日一行七人決定黎會一會泉章居之前都聽聞過有幾道菜名聲唔錯ｰｰｰ霸王雞、梅菜扣肉、冬瓜盅銅鑼灣分店有分開兩層，一去到有啲窒一窒枱同枱之間就只有一張櫈既位，有點兒迫先黎上menu我地叫左個四人餐，湯轉左原個冬瓜盅，再加龍躉兩味同琵琶豆腐先上冬瓜盅真係好大個，有蓮子同蟹肉數過夠八樣料…尚算正宗味道夠清，呢個天氣食真係一流霸王雞ｰ雞本身夠晒咸……咸過龍可以唔使點沙薑但雞肉唔(鞋)夠滑打個和啦香酥鴨ｰ原本以為真係成隻鴨，原來係芋泥整，只有中間有少少鴨肉雖然係炸，但都真係好清((淡))，淡到無味要成舊點汁先有味只能說唔識欣賞龍躉兩味ｰ兩碟真係堅咸完全可以送晒成碗飯梅菜扣肉ｰ扣肉好瘦夠健康，碟頭幾大琵琶豆腐ｰ又一緊咸之作最正常係個菜整體覺得有點兒名過於實一係好咸一係好淡，有待改進

潮流流行講本土，雲吞，點心……都不是香港本土產生。除了各海灣的漁民，香港地原本是客家文化的土壤。客家人聚居廣東東部附近山區（包括香港），其實不是廣東人，是古代北方的向南墾荒者。他們堅持傳統文化，有自己的語言文化，不融入本土，永遠客居異鄉。客家菜與廣東菜涇渭分明，此店宜篤守界線，重振客家菜。煎釀豆腐是北方飲食文化遺留的見證。因北人不吃米飯，吃餃子做主糧，在南方資源緊拙，便以廉價的豆腐取代，同樣釀入豬肉餡。此店提供多至三種釀豆腐，套餐餐單上豆腐類多至八種。干炸釀豆腐最不推薦，太乾了和未能承傳傳統做法。煎炆最有古早風味，因山林柴木多，客家人不吝嗇火力，喜愛砂鍋菜。煎炆釀豆腐正是用煲以火力煮熟。廣東人則喜愛紅燒豆腐，有汁醬，既濕且脆。砂鍋菜多佔達套餐餸菜餐單的三分之一。論火力，我喜歡枝竹蘿蔔斑頭腩煲，魚頭經油鑊爆炒，再被砂鍋熱力焗熟，上檯後10分鐘仍熱烘烘。論正宗，則應食東江豆腐煲，是釀豆腐的湯菜，十分清淡。亦可嚐試客家雜錦煲。梅菜扣肉亦是重視火功代表作。粵東客家地區盛產梅菜，不論咸甜梅菜，均有助送飯，令客家人有氣有力。扣是煮食方法名稱，把豬腩肉放在碗內蒸燉，再反盛在碟上。此店做法正宗，梅菜多

以前住北角嘅時候, 我地一家四口好多時都會黎呢間泉章居開餐, 因為呢度嘅四人餐份量足, 價錢平, 而且味道都唔錯。今日適逢外母生日, 我地揀左呢度為佢慶生, 俾外父外母試下呢度嘅菜式。我地一行六日訂左7點, 到餐廳時客人唔多。黎泉章居主要都係點套餐, 不過因為冇六位套餐, 所以我地點左個四人套餐再加左龍躉兩味同琵琶豆腐。我地用$48加錢改左套餐湯做冬瓜盅, 呢個冬瓜盅材料都好豐富, 原個冬瓜製, 我地六人每人一碗都仲有好多剩。油鹽水菜心味道正常。梅菜扣肉肉質唔夠軟腍, 梅菜味道都唔錯, 不過因為肉質比較乾, 同以前比差好遠。😞龍躉兩味其中一味, 西蘭花都幾好, 可惜魚封太咸。😌琵琶豆腐係特價菜, 性價比還好。荔蓉香酥鴨外層香脆, 芋頭蓉都好豐富, 可惜味道太淡。霸王雞係我地每次黎都必點嘅菜式, 雞肉好嫩滑,不過都係咸左d。龍躉第二味還不錯。

我哋六個人，要咗個八人套餐，有鹽焗雞、梅菜扣肉、粟米班塊、蒸魚、蟹肉扒豆苗和豆腐湯鹽焗雞 - 咸咸香香，味道唔錯，但唔夠滑，有部份雞肉有啲嚡。梅菜扣肉 - 望落好肥，食落就不太油膩，但味道一般，扣肉都唔係一層肥一層瘦，冇以前咁好味啦。粟米班塊 - 班塊味道OK，但sauce 太多，浸住啲班塊，所以好多都淋哂。蒸魚 - 條魚都算新鮮，但魚味一般又嚡咗啲。蟹肉扒豆苗 - 食唔出有蟹肉，豆苗老咗啲。豆腐湯 - 淡淡的豆腐味，都喺麻麻哋。埋單$670

忙碌了一個星期,到了星期五,可以放鬆下,晚上去了銅鑼灣廣場既泉章居吃飯,訂了位,8:00PM,到達後等了十分鐘左右就入座了。很多客,侍應做野做得好快,好趕,所以態度真的麻麻。研究左餐牌一陣,叫左以下既野 :四人套餐 ($298):鹽焗雞(半只) : 一食落口,咸左少少喎! 真係好"鹽焗",送飯都覺得偏咸,最後四個人都食淨一半。梅菜扣肉 : 好鬆化,半肥瘦,唔會好膩,但都幾大份,食唔哂。西蘭花炒魚片 : 西蘭花無味,凍凍地,好像一早煮熟放涼了未煮返熱就上碟,魚片則不錯,份量多。加了$30轉了招牌冬瓜盅 : 上桌時理應好熱,但也只是很"微暖",飲完好口乾..小食 (每款$18) :海蜇頭 : 好味,好爽,幾開胃皮蛋酸薑 : 很普通,$18不能要求太高呢加了幾個飯,四個人吃得飽飽埋單才$450,很抵食。

8.7 與部分接近兩年未見的同學仔飯聚, 攪手提議來泉章居, 之前從未光顧, 同學指銅鑼灣店好食,同事力陳此餐館的不是及菜式之難食 。一行14人, 一張大枱, 剛剛好坐得曬, 多一個人也要分枱坐。 可惜位置不理想, 後面有一班醉酒佬, 整晚在嘈嘈鬧鬧, 環境氣氛完全是大排檔格調。 空調愈來愈細, 我愈坐愈熱, 愈食愈流汗。 空調的問題好明顯要大大改善!! 鹽焗雞: 普普通通, 不值得是招牌菜。 有咸香味, 雞肉尚算滑身。冬瓜盅: 大大個冬瓜盅, 可以分到16 碗。湯水沒有味道, 君子之交也。湯料有火腿, 肉粒, 冬瓜等等, 吃之無味, 棄之可惜。不建議叫此款。乳豬拼盤: 價錢不算貴。 拼盤有乳豬, 叉燒, 油雞, 燒鵝。 試了乳豬及叉燒, 乳豬皮脆, 肥膏與豬肉合乎比例; 叉燒不吃也罷, 凍冰冰, 肉質又鞋又硬。梅菜扣肉: 高脂高卡高膽固醇, 我沒有試到。茄子鰻魚燒: 以為真的像壽司店的鰻魚, 上桌發現是「掛羊頭賣狗肉」, 鰻魚其實就是是鱔。這個中國鰻魚切成球狀, 略煎/炸後與茄子同炒。 茄子惹味非常, 鱔球普通但有骨。 不過此碟是最快清曬的。西檸鴨: 同學指這裡的西檸鴨好好味。黎到發

唔想等親死所以一朝早就book 定位, 一去到, 原來新裝修, 幾舒服, 仲安排左卡位俾我地添~~媽媽很是高興~~~叫左五道菜~~上菜快, 食物有水準~~吃得飽飽的~!~!非常滿意!!! 推介*** 梅菜扣肉 ! 原本唔係好似張相咁架, 因為食到一半先記得映相, 所以已經俾我地整到亂晒喇~!~! 肥膏多, 肉瘦唔un~!~!而且阿媽話li度d梅菜係最好味既~~~ 我唔識食梅菜, 但我食左好幾舊扣肉, 扒左好多飯~~看到幾乎是每枱都叫的~!~! 必食之選!!推介*** 霸王雞半隻 , 半隻雞個份量都幾多, 而且個脾位係好大, 好肥美~~好好食啊~! 皮太吸引, 我都忍唔住吃了兩片 !!又是另一必食菜! 推介*** 骨髓炆三鮮~~~ 有"um春蛋" 有大舊菇, 油唔多,而且骨髓滑雪雪 !!不妨試試~!~!推介*** 東江豆腐煲 - 阿媽至愛, 豆腐釀了魚肉, 煎過才煲湯~~ 份量足夠每人兩碗~~!~! 都幾大煲架~!~最後嗌左個栗米斑塊 - 魚okay, 但個粉唔係炸得幾脆~~一般而已~~~白飯一碗=兩碗~!~~! 我食左差唔多成個飯~!~!~真係飽得很, ~!~!地方闊落, 仲有兩

再來這裏午膳，也是叫了二人餐加四人餐。鹽焗雞：都保持到水準。梅菜扣肉：可說是為這道菜而來，仍然又香又美味。不過這次熱度不夠。咕嚕蝦球：不好吃，汁不夠熱，味道非常一般。雜菜火腩煲(正確名字不太記得) ：也是非常一般，汁醬太濃。香酥鴨：賣相還可以，食落就非常難食，只得剩了半碟。今餐很失望，除了招牌菜鹽焗雞和梅菜扣肉好一些外，其餘可說是劣質出品。整體而言，勉強給一個ok面，因為當日接近過年，仍然供應經濟的套餐，客人眾多，就當是偶爾失手吧。

泉章居的午市，供應午市套餐，分別有 “二人世界”、 “四位套餐”、和 “八位套餐”。七個人吃甚麼好呢，結果叫了二人餐和四位餐。因為這樣就可分別試這裏馳名的鹽焗雞和霸王雞，另外可在多元化的餐單上再選數款。先叫了兩款小食，分別是鹵水千層峰和鹵水雞腎片。千層峰是豬耳做成，爽爽的，但不太入味。梅菜扣肉：這餐最出色的一個菜，最早清碟。熱辣辣的送上，肥肉吃落口一點不覺油膩，瘦肉部份頗入味，只是鬆化程度上差了那麼一點點；梅菜既香又不太鹹，是非常美味的甜梅菜。受歡迎的程度，可說差點 “連汁都撈理”。鹽焗雞(半隻)：鹽焗雞是四人餐的，所以有半隻，因為大家都較愛惹味的鹽焗雞。半隻份量也不少，雞味不俗，也頗嫩滑，雖然應該是冰鮮雞，但功夫真不賴。霸王雞(一碟)：是二人餐的，份量也不少。較清淡的口味，還是鹽焗雞優勝。銀絲黃金蝦：雖然蝦細細隻，但都香脆，因為午市套餐，價格較優惠，不能要求太高了。脆皮炸鮮奶：這個做得最差，粉太厚，炸油較遜，只是內裏熱得燙口的鮮奶味美香滑。每位附上蕃薯糖水一碗，暖身暖胃，好。白飯略硬，魚湯客家米線則不錯。巳經很飽了，下次才試其他小菜。 午市免茶介，結賬不用四百元。原來午市時間，七樓供