武士拉麵 (已結業)

一個人既晚餐唔知食咩好？相信拉麵係一個好好既選擇！當然啦 有伴一齊食拉麵都同樣開心！呢間拉麵小店係朋友介紹既 話無論服務同食物質素都好好喎 今次就黎試試佢啦！去到時間尚早 所以都仲有少量吉位 好快就坐得低喇！本身係想叫佢個「武田將軍」（北海道牛乳拉麵）既 但店員好專業 佢話當日天氣比較熱 食牛乳湯底可能會有點膩 不過如果我真係想食武田將軍佢都好樂意整俾我 呢d咪加分位囉！最後我聽從佢既專業意見轉左叫「武士沾麵」（柚子魚介Wasabi沾麵）真係好慶幸自己有聽佢意見 果然冇介紹錯呀！麵條既口感唔錯 煙韌且相當彈牙 而且掛湯力高 每一口麵條都掛滿湯汁 每一口都係享受！叉燒肥瘦度適中 帶有淡淡既炭火香氣沾汁非常濃郁 而且裡面有好多叉燒粒 非常足料！食完麵後 問左店員加少少高湯落剩餘既沾汁入面 一碗美味既魚介湯就出現喇！成碗飲晒好滿足！加埋佢地既特製魚油 味道又提升到另一層次！溏心蛋好入味 而且個蛋黃流緊出黎非常養眼 同時滿足左我既視覺同味覺！至於小食方面 佢地有供應日式煎餃子、武士小丸子同埋唐揚炸雞正當我差點陷入選擇困難之際 店員話小丸子同埋炸雞已經售罄喇 好啦！一於試試佢個餃子啦！餃子口感香

拉麵之旅來到尖沙咀，兩三年前曾經同朋友來過這裏，當時排隊排了近1小時，今天晚上剛剛好一去到有兩人位！店舖的模樣就是像日本橫街拉麵店，地方較狹窄，但座位都舒服。【武士沾麵】柚子魚介wasabi沾麵，醬汁幾濃厚，味道方面就很重魚介味道，亦吃到淡淡的柚子香味，反而Wasabi的味道不太清楚，不算攻鼻亦不算辣，吃不到辣的人都可以接受。叉燒上面有黑胡椒粒，又幾特別和香口。【豐臣將軍拉麵】四國香蔥油湯底拉麵，最喜歡刺鼻的香蔥，蔥油味道亦很香醇，很開胃的湯底。另外加了糖心蛋，中間流心！正！【日式煎餃子】這個小食很出色，薄薄的一層餃子皮，包着香濃的肉餡，比較用心的煎餃子。久違了的拉麵之旅再度展開！

今日行開佐敦果頭見到有條街勁多韓國野食，但偏偏又唔想食韓國野，點知比我搵到呢間食日式拉麵嘅！就去試試啦⋯⋯小店形式，感覺都幾舒服！睇睇餐牌先！我呢碗係四國香蔥油湯底嘅豐臣將軍拉麵我加咗溏心蛋！佢有教學係先飲一啖湯先然後再加佢地特製魚油第一啖湯係好濃郁蔥香味！溏心蛋做得唔錯跟住加佢地嘅魚油，感覺好飲升華咗湯嘅濃郁度而佢地嘅叉燒都幾「林」而且燒到有d油香出黎！加埋個湯底一齊食就perfect 朋友叫嘅係沾麵，柚子魚介wasabi 湯底！佢個湯底比我嘅拉麵湯底更加濃味！同樣加咗蛋！整體黎講麵算唔錯，只係個湯底太快凍！感覺店主可以參加下用石鍋為湯底保溫，咁樣就會令呢個沾麵更上一層樓！

揾左幾間拉麵鋪, 最後決定黎武士試一試兩個人夜晚黎左呢間拉麵鋪, 鋪頭細間, 全部bar 台位叫左德川將軍拉麵 同埋 唯一既武士沾麵, 加多溏心蛋, 餃子寫紙有麵粗幼度, 湯底濃度. 諗唔到既建議圈店長推薦, 由佢幫你諗點配德川將軍拉麵 - 配左幼麵比我, 湯底唔太特別, 屬一般水平, 幼身麵質感覺上都無驚喜, 武士沾麵 - 本身想食沾麵, 佢只有呢款. 個湯底都幾特別, 有柚子味, 但同魚介有d 互蓋既感覺, wasabi 就唔覺, 沾麵湯底偏濃, 試落都幾得意. 麵質無過硬都還好, 掛湯中等溏心蛋 - 太熟, 無咩蛋味, 唔需要特別叫餃子 - 都算皮薄, 煎底唔會太窿, 食落質感都ok總結一下, 沾麵可以一試, 拉麵比較普通, 唔順路既都唔洗突登黎食

晚飯決定唔到食咩好，兜兜轉轉都係去番食拉麵。武士拉麵唔係大街，店面又唔大，真係幾易忽略，不過味道好自然吸引到客啦店內大約十個位，排排座望住師傅整拉麵。拉麵款式唔少，唔知命名將軍同拉麵口味係咪真係有關聯呢🤔等麵個陣研究左d調味料，最特別係特製魚油，師傅話加入拉麵後湯底會更濃郁，真係要試試。先黎武士沾麵，份量好多！麵湯好濃郁，就咁飲會偏咸，但配埋麵食就剛剛好，魚鮮味突出，到尾會感覺到柚子的香氣；麵比較粗口，做沾麵掛湯一流；叉燒燒得香口，仲有豬肉甜味，成碗食完真係好飽坂上將軍即係蕃茄豬骨湯，入口已經食到濃濃蕃茄味，調味好好，濃郁之餘唔會過甜或過酸；麵質比沾麵軟滑，亦較幼身；糖心蛋火喉同入味程度剛剛好，好味！所以話，拉麵真係唔會食厭，因為每間拉麵口味都各有特色。武士拉麵的確充滿日式風格，湯夠濃郁，麵質都有用心選擇搭，滿足嘅晚餐

今晚約左朋友響諾士佛臺飲酒，飲酒前緊係要打定底先。之前朋友介紹過一間呢間拉麵，咁啱又響附近，啱哂！因為時間尚早，客人不多唔使等就可以用膳。入到去感覺環境比較細，但坐得都幾舒適的。因為坐響吧台到，可以好近距離咁睇到老闆用心地泡制每一碗拉麵！沾麵最重要係佢d湯汁，而呢個武士拉麵嘅汁就做得十分出色。濃濃的魚介味加上清淡的wasabi味，呢個佩搭刻到好處，魚介的鮮味無畀霸道的wasabi盖過，而又有少少wasabi味令到濃濃的湯汁食上來唔會有膩！個麵就指定用粗身麵條，食上來口感更彈牙爽口。仲有果兩塊自家日式叉燒肥而不膩，真係想加多兩塊！朋友揀左黑蒜油豬骨拉麵，上枱時係熱辣辣的，陣陣黑蒜香味沖入個鼻，朋友話個湯底十分濃郁，食落個口膠膠地，應該就係因用真豬骨煲出來的。揀左幼麵口感也是爽口彈牙！最後加入本店特製魚油，又有呢一番風味！今次的食物真係令我和友人十分滿意，大家都異口同聲話食好拉麵唔一定要去日本！

和朋友在佐敦找到一間拉麵小店, 便進去了。這裏的環境比較狹窄, 我們去到的時候只剩下三個坐位, 餐廳很像日本的拉麵小店, 因為小店裏只有幾個坐位供客人坐。老闆非常親民, 不時會和客人聊天, 分享日常生活的瑣碎事情。他亦會分享一下煮食心得。沾麵的麵條有嚼勁, 每條粗身的麵條由第一口到最後一啖都保持彈牙的質感。沾麵湯底濃稠, 掛湯力強, 湯底加入了wasabi, 帶點辣味好惹味。這碗沾麵的份量有160g, 食完都真的很飽。

係10號風球嘅前夕，我哋親聽日放假可以玩夜少少，就嚟到呢一間係尖沙咀非常出名嘅拉麵- 武士拉麵。一坐低睇餐牌，已經見到有好多唔同款式嘅拉麵，而且最特別嘅就係呢度有牛奶味嘅拉麵同埋有沾面！沾面真係唔係間間鋪頭都有，自從兩年前我哋喺日本食完返嚟之後已經好耐冇食過啦今次就過足呢個沾面癮！首先嚟到嘅就係呢一個地獄武士拉麵，一開始驚一個地獄拉麵會好辣，所以我同左師傅講小辣，但師傅同我講唔使擔心一定唔會好辣，包你食到！一嚟到就聞到陣陣嘅辛辣香味，我習慣先飲下啲湯，十分之正！！！帶動左成個面嘅口感同味道出晒嚟，鍾意食辣嘅朋友一定唔可以錯過。之後就黎到呢一個武士沾面，沾面嘅食法好唔同，係將啲面夾落個濃湯度再食，呢一個食法會令到啲面更加彈牙，亦都啱女仔，因為女仔食嘢唔係太快，可以慢慢享受個面，唔好俾個面吸晒啲湯。我覺得今次沾面反而係個面比個湯更出色，因為個面係轉咗做粗麵，令到個面更富口感，而將個面放落個湯嘅時候，湯仲係熱辣辣！超級濃嘅魚介味，我呢啲鍾意食濃味嘢人真係連個湯都飲埋！餐廳內亦都有唔同嘅調味品可以配合返自己嘅口味，更有無限嘅綠茶添飲，師傅嘅禮貌同服務亦都十分之好！

做完治療之後，剛好朋友差不多收工，來附近搵食....見到這間拉麵好多人，要排隊，看了看有什麼美食，有一款沾麵，好多人說不錯，但基於說是有wasabi，我一般般，反而想食黑蒜味拉麵。自己剔單-＞朋友選了武士沾麵（柚子魚介wasabi沾麵）-我試吃了一撮，麵身較粗，軟硬適中和彈牙，沾麵的湯有點辣味，內有叉燒肉粒，幾嫩滑，魚介味好重，食不出柚子和芥末味，辣味不似由芥末發出，似辣椒的辣，湯底偏鹹，日本叉燒半肥瘦，好滑有肉味~我就要了足利將軍拉麵（黑蒜油豬骨湯拉麵）-選了店長推薦配搭，選上豬骨湯底、濃湯、幼麵，麵軟得來好爽滑彈牙，湯底濃郁，黑蒜油好香，見到好多黑蒜碎粒，叉燒一樣半肥瘦又嫩又香，充滿黑蒜香，很美味，湯都飲了不少！糖心蛋好滑，雖蛋味不濃，蛋黃好金黃油滑，還不錯！由於只有10個吧位，所以有點窄，見到師傅好用心用力熬煮豬骨湯，用上好多大豬骨去熬，好多煲好多蒸氣，但坐在吧枱不覺得焗，應該冷氣好夠勁，食麵時雖然有點熱，但是是內裡散發出來的，不是外在環境，所以感覺地方雖少，卻用沙發椅子，櫈與櫈之間好擠迫，但一人一張沙發仍然感到頗舒適~唯獨有小食，只有拉麵，可能人手都不夠，地方細細都不能容納，再

還記得早年在一個落雨的下午在尖沙咀遊蕩，同一個位置也是拉麵店，當時叫作東京アグラ，因為下著雨還是有十數人在排隊，就心生好奇了。最近重遊舊地（？），鋪頭名字轉了，人龍少了，但仍然是一堆日本的報導。原來武士拉麵的拉麵師傅，師承自東京アグラ的師傅。師傅後來在灣仔開了東京アグラ，徒弟繼續在原址經營武士拉麵。不過對一般食客即是我而言，這些故事聽了就算，只要知道東京アグラ的長谷川忍師傅，在日本很有名，然後其徒弟在香港經營武士拉麵就夠了（這不是谷阿莫版本）。這裡的佈局是很常見的開放式廚房加上不算寬敞的吧枱座位，鋪租不菲嘛，值得體諒。枱頭有拉麵胡椒、魚介油和一些醃物。還有奇怪的綠色飲料，噢原來是綠茶，綠茶是頭一回遇上，不過在日本試過遇上冰凍麥茶，不一定配冰水。背後能掛衣物，這貼心是連鎖店很難做到的。 這裡的拉麵有鹽味豬骨味醬油味等，都是日本常見拉麵湯底，不過坂上似乎不是戰國時代的將軍吧？（笑） 追加配料裡有蟹棒和帶子，比較少見。另外還有布甸呢。 店員推介的是九州地獄拉麵但我又不能吃辣，問一下店員有甚麼其他推介，最後還是老樣子吃沾麵，因為店員提醒沾汁也會帶微辣，就問我要不要走辣，既然可以就這麼做吧。沾麵