鉄人旨花

营业中

休息中

日本菜的Omakase 從沒令人失望，其精髓是以大廚當天搜羅到最好的食材，加上一身好工夫泡製而成的一桌盛宴。今晚又來一頓O餐……，真係好味到O哂嘴……😂😂😂環境優美，濃濃的節日氣氛，未開餐已先開心😍😍先來熱身的三式前菜海藻醋啫喱配雪魚白子，白子完全無腥味，口感柔軟豐腴，日本人視為補身良品。三星漬配和牛海膽，和牛入口即溶，牛味濃郁；跟海膽甜味相當融和。柚子醋配水母刺身，水母本身沒什麼特別味道，主要取其爽口感，配以重味柚子醋，特別醒胃。第二道菜是原隻活龍蝦刺身，起肉過冰水冷河，提升爽口度；肉質爽嫩鮮甜，可以拖鹽板或塗芥末點醬油，兩者都極美味，感覺奢華。接著是五品刺身，有鰹魚刺身、螺片刺身、薄切左口海膽刺身、梳子魚刺身及火炙吞拿刺身。刺身新鮮肥美，口感各有不同，但同樣美味。最喜歡另上的火炙吞拿配醋漬芥沒子，以脆口紫菜奉上，放上手時，感覺到火炙後的暖和 😍😍。火炙將吞拿的油份釋放出來，紫菜吸點油，沒那麼乾，但仍然脆口，當然要盡快食。咬開吞拿，大量的魚油滲出，即被醋酸味的芥沒子中和掉，油潤郤不肥膩，互相配合互補不足，完美配合。間場用的柚子蘿蔔，紅酒喬頭，是出自大廚獨家漬物，味道上佳。清一清味蕾之

平時都有聽到鐵人旨花尼個名，知道係一間好特別既日式餐廳，有日式燒肉同日式魚生刺身。於是趁住三週年紀念日, 決定同男朋友一齊去食好D。鐵人旨花正門打開個 menu，其實野食真係花多眼亂。樣樣都想食，但又怕嗌得太多，所以我地揀左一人一個Shika Omakase (師傅發版) 既餐。鐵人旨花餐牌師父話前菜食返少少酸野可以開胃。因為之後會好豐富咁話！水母刺身配柚子汁，水母本身無咩味道，但就非常襯柚子汁，而且好爽口。海苔蟹肉啫喱，無柚子汁咁濃味，蟹肉味突出，口感好特別好滑。至於櫻煮八爪魚，特別在個日式醬油，其實佢無櫻花味，只係覺得佢煮完出黎似櫻花而命名(笑)。左上有水母刺身配柚子汁，右上海苔蟹肉啫喱，中下係櫻煮八爪魚。之後都係食D味道比較清既龍蝦刺身。尼隻龍蝦非常生猛，嚮湯佢之前，師父仲比我地捉住隻龍蝦影相添。即湯龍蝦刺身平時食魚生我地都會點日本豉油同埋加芥末，但係食得尼度既師父發版，當然會有特色好多啦。尼度既魚生拼盤有真鯛，鰹魚，赤貝同埋拖羅。特別在師父係會用唔同既配料黎配合Ｄ魚生帶出另一種風味。好似真鯛咁，師父配左海苔同埋海膽一齊食，原本味道比較淡既真鯛，襯返濃味少少既海苔同埋海膽就帶出左

上次來鉄人旨花吃爐端燒，已經十分出色，這次來吃omakase，更加驚喜！先吃幾道前菜，熊本蕃茄十分鮮甜，比一般甜幾倍。冰頭漬是三文魚的鼻樑軟骨位，非常珍貴。師傅用醋及味醂等醃製，入口非常爽脆，酸酸甜甜的。松葉蟹肉拆肉再加蛋黃醬，鮮甜帶蛋香。右口魚刺身，肉質軟滑，煙韌中帶點粘口土佐醋啫喱，珍蠔日本蠔的吃法通常都要燒，生蠔還是第一次吃到。珍蠔大隻肥美，肉質鮮嫩細滑，土佐醋啫喱的酸度令珍蠔鮮味更突出！除了右口魚薄切，還有金目鯛及拖羅刺身。金目鯛輕輕火灸過，魚皮微微焦香，拖羅則配上山升漬，山升漬是北海道特產，甜中帶微辣。帶子外層煎香，內裡肉質依然鮮嫩彈滑，再用爽脆紫菜包著吃，口感又爽脆又軟嫩彈滑。鮮味中帶紫菜香。薄燒美國牛，首先熟成度剛剛好，外圍燒熟散發出肉香，中間位微微粉嫩帶有肉汁，配合上蒜片，沾點酸汁，加少許岩鹽，肉味濃郁而且惹味。即將準備吃壽司前，吃幾款漬物清一清味蕾。有柚子蘿蔔，牛旁，日本紅蘿蔔及蕎頭。 味道又清到濃吃起，先吃赤目張，肉質軟彈結實，飯粒煙韌軟彈。之後吃深海池魚，鮮甜肉彈帶有粘口膠質。油甘魚就軟綿油潤，入口慢慢溶化。 火灸赤蝦，先去殼及抽出蝦膏，將蝦膏放上蝦肉上有火槍燒，

有老友就嚟出遠門去澳洲做嘢，一去就幾個月，多得另一老友搞局，等大家可以聚一聚。選址由老友決定，揀嚟「鉄人旨花」食廚師發辧（Omakase, $1,280）。都曾經嚟過「鉄人旨花」食鐵板燒喇，不過，已經喺兩年多前嘅事，由師傅即席做鐵板燒，邊睇邊食，感覺真喺好唔同。其實，真失禮，廚師發辧都喺第一次試。由於一切有老友安排，加上仲喺廚師發辧，所以，真喺乜都嚟使諗，等食就得喇。餐廳跟上次嚟都無點變，一入門口靠右喺壽司、刺身吧位，就喺我哋食廚師發辧嘅位置。再入到啲屈個彎，就喺鐵板燒枱嘅位置，共3張鐵板燒枱，同一時間可以應付唔少客人。整體而言，裝修帶和風，但就以簡潔為主，天花掛有唔少櫻花串做裝飾。此外，仲有一啲廂房，喜歡私隱高啲嘅客人就可以揀入嚟，不過，就唔知有無最低消費，或包房唔知要幾多。枝豆 $48朋友要遲嚟，所以，搵啲枝豆、魚乾攝吓時間。先嚟枝豆，暖暖哋，綿綿腍腍過吓口癮。燒河豚乾 $78啲河豚乾燒得好香口，望落好飲似好硬，其實軟軟哋，又好咬口，當餐前小食邊食邊等人就最好。三文魚冰頭漬小小一碗三文魚頭內啲軟骨位，搵少少醋醃漬，味道酸酸咁，口感卻好爽脆，真喺叫人幾開胃小食。前菜三味晌醬汁方面配搭

數數手指已有一年時間沒來過鉄人旨花了，早前與妹妹M說起吃，其中日本菜不是間間也有水準，對上來吃鐵板燒，那和牛已有深刻的印象，是夜再訪品嚐一番高級料理。Omakase廚師發辦可是日本菜中高境界之一，就是吃廚師的拿手菜式，而小妹亦特別喜歡那充滿神秘的感覺！點過後，店員先問問我們有什麼不吃，方便令師傅發辦。這個Set包括前菜，刺身，鐵板燒，壽司，燒物，白魚湯，每位$1,280。先來前菜，是漬物，野菜飯卷及芥末八爪魚，可能是個人口味的關係，漬物就不太懂欣賞，相反就最喜歡芥末八爪魚，粒粒分明爽口，滲透的輕輕Wasabi味提味，不錯呢。燒和牛上枱後還微熱，軟腍帶有嚼勁。 刺身非常有驚喜，是龍蝦刺身呢，單看賣相已經一絕，清晰可見每塊也晶瑩剔透，白雪雪。刺身十分新鮮，口感比預期中不同，極為爽口兼有咬感，一點腥味也找不到，相當好吃！熱切期待的壽司終於來到，日本師傅在我們面前即製手握壽司，亦即刺魚生，有見Toro已非常肥美吸引。粉嫩的拖羅壽司，入口已感受到選材之重要性，肥美帶少量油脂，滿滿幸福的感覺。這件深海池魚壽司的口感及味道與Toro大大不同，爽口及鮮味輕輕觸碰味蕾，加上厚切的關係，更好吃。夏天正是金

鉄人旨花對筆者而言並不陌生，前後已到訪過兩三次。餐廳內部保持簡潔的和式風格，一邊是壽司吧枱，主力出品由日本直送的刺身壽司；另一邊是鐵板燒枱，提供一眾火喉十足的鐵板燒美食。倘若人多而又早訂枱的話，更有機會要求安座貴賓室，一房一爐，私隱度更高。 近期與友人的飯局，碰巧都以日本菜為主，今日也不例外，二人共享了一頓美滿的師傅發辦 (Omakase)。 前菜由三款小吃構成，分別是三文魚、八爪魚及冰頭漬。三文魚本來不算特別，亮點在於刺身上方的柚子胡椒，果味幽香中又帶點辣勁。八爪魚講求質感軟彈，這兩片八爪魚交出預期中的水準，加上秘製泛酸的醬汁，味道不俗。冰頭漬多見於高級壽司店。所謂冰頭漬，其實是三文魚鼻樑的軟骨位，酸香爽脆， 十分開胃，是理想的前菜小吃。 接下來的美食是一客龍蝦刺身，餐廳選用日本的伊勢龍蝦，肉質潤白通透。送口品嚐，每口龍蝦肉均爽彈清甜。建議吃前以龍蝦肉輕蘸檸檬表面，鮮香味道更出，效果更佳。 鐵板燒屬鉄人旨花的名菜，在師傅發辦的餐單怎能或缺。兩片肥瘦適中的美國牛肉，在師傅嫻熟的功夫下，短短一分鐘，已製成這道既富肉香，惹味感又出眾的蔥蒜牛肉薄燒。 在大家細味牛肉薄燒的時候，師傅

想試呢間鉄人旨花好耐，life門一打開就見到用咗好多花做佈置。呢晚我哋食omakase，於是就坐晌壽司檯度。除咗omakase，佢哋仲有鐵板燒架。先嚟嘅係前菜，賣相唔錯。刺身係原隻龍蝦，師傅即席生劏起肉。雖然已經被切成刺身，但細心一睇龍蝦對眼同啲腳係仲郁嘅，生猛之餘又有少少殘忍。鐵板單品係和牛薄燒，肉質軟嫩，配埋香草醬就仲惹味。一邊食一邊欣賞師傅用心炮製刺身同壽司，都幾賞心悅目。帆立貝壽司，頂層嘅柚子醬幾清新。深海池魚壽司，食起上嚟有魚香。金目鯛壽司，表面經輕輕火炙過，幾爽滑。拖羅壽司，入口咬幾咬就即化。海膽壽司，味濃甘甜。花穴子壽司，外層嘅燒鰻魚有焦香同鬆化。烤物係喜知次，魚肉細嫩，仲可以唧少少檸檬汁提味。龍蝦清湯係用啱啱刺身嘅龍蝦頭同龍蝦腳煮成，飲起嚟都幾清同舒服。呢晚嘅甜品係春櫻杏仁豆腐，上面嘅係櫻花蓉同櫻花漬，杏仁豆腐滑溜，味道幾得意。

Omakase中文嘅意思係「廚師發辦」👺廚師會挑選當日最新鮮優質食材為大家準備炮製不同菜式今次嚟到銅鑼灣🌸鉄人旨花🌸帶大家一起品嚐十二道風味😋連加一每人$1100‪#‎食評有點長圖片有點多‬ ‪#‎但值得去認識一下日本人對食的要求‬————————————————————-✨前菜 - 三款(芥末山葵八爪魚、新鮮淮山片、蘿蔔蓉白飯魚)先由清淡爽口嘅淮山片開始食起👉然後比較香口的白飯魚👉再來就係偏濃而彈牙十足的八爪魚✨頭盤 - 龍蝦刺身 （2人份量）用上較上品的花龍蝦來當刺身，肉身在燈光下很透徹，入口更是爽口彈牙而不膠口🙊但味道偏淡帶一點鮮味✨壽司 - 五款不得不提今次壽司真的比較是水準之作🍣因為聽師父講醋飯都用上較貴的赤醋1️⃣深海池魚 - 魚紋分佈明顯，魚味濃郁黏韌2️⃣帶子 - 非常鮮甜，再灑上🍋檸檬鹽，鮮甜味道更出3️⃣赤綠魚 - 因輕微燒炙過🔥食落魚油香味較重4️⃣牡丹蝦 - 蝦身也輕微燒炙過🔥面頭放上蝦膏和三文魚子，口感層次豐富5️⃣拖羅 - 輕微火炙後🔥令油脂封住，肉質肥美豐富，更入口即溶✨海膽三文魚子飯用上較矜貴的北海道馬糞海膽😌甘香濃郁，再配上大粒的三文魚子，而底下用上赤醋飯混在一起食，勁好

生日正日當然要放假休息, 本來由老公安排到鉄人旨花食鐵板, 但由於晏晝太得閒, 去左食TEA飽飽地, 老公打去改為食 Omakase. 本來BOOK左7點, 我地早左半個鐘到, 好彩店內師傳和侍應都準備好要開巿. 我地揀左料理長推介(蕊), 亦要求唔要前菜, 燒物, 湯同埋甜品, 因為我地都仲飽飽地, 師傅BILLY 好NICE咁話幫你地轉多1-2刺身或壽司啦! 好野! 可能師傅覺得我地好怪, 但都非常唔該你呀!日本岩手蠔, 用了酸汁啫喱來配上這個日本岩手蠔, 最喜歡看見這樣蠔身漲卜卜的了, 還可以嗅到了鮮味, 配上酸汁啫喱, 配搭清新, 加上肉質爽脆甜美, 作為第一道菜, 打響頭炮.石碟刺身, 味道清淡, 不是我杯茶.海螺刺身, 新鮮甜美, 我比較喜歡螺身的部份, 比較淋身易嚼, 螺頭部份比較爽脆, 螺味較淡.一向也非常喜歡赤貝刺身, 這回也是肉質爽甜, 沒有令人失望.平政刺身, 是油甘魚的同科, 質地比較結實, 魚味雖不及油甘魚濃, 但味道較為清甜, 也可一試.燒元貝不覺得很特別, 反而有點靱, 沒有了元貝應有的鮮味, 還有紫菜的味道蓋過了一切.漬物做得很好, 比較淡口很適合我的口