拉麵天王

营业中

休息中

一個人午餐去咩餐廳食得唔頹又唔會尷尬？俾我一定揀食日式拉麵店😆坐孤獨位盡情享受一碗麵的時光🥰放半晝過開黃埔研究緊食乜之際，主力搜尋拉麵店！距離黃埔站幾分鐘路程，搵到依間隱藏小巷既黃色拉麵店！💛第一次入餐廳無被叫掃安心出痕，只需填簿仔做記錄就可以，Scan Code一樣得，感覺舒服好多。店入面好多連豬、Pepe、同戴黃帽仔既公仔擺設～＊－。－。－。－。－。－。－。－。－。－＊同好多拉麵店一樣，招牌有分白/赤/黑天王拉麵，另外亦有濃厚豚骨魚介沾麵。平時既我一定揀「黑色選擇」或沾麵😛與其食平時既選擇，倒不如試碗特別少少既限定天王‼️填紙落單～自由度高！口味濃度、拉麵軟硬度、配料及追加項目全部係你操控之中😝＊－。－。－。－。－。－。－。－。－。－＊🔸芝士胡椒拉麵 $95講真海報上賣相未到相當吸引🙈純粹係衝住堆芝士🧀同埋係限定⏰好似有噱頭啲最初仲驚見張相無肉而猶豫左半秒🤨店員回答每碗都有叉燒，叫我唔洗擔😂碗麵賣相似樣過海報！🤩蔥同芝士多到可以堆成一個小山丘胡椒湯底香味濃郁而不刺鼻，惹味醒胃，唔辣湯夠熱～芝士慢慢融化建議可將薄切既叉燒片沾上芝士，可做到拉絲效果溏心蛋超完美！蛋黃依然係呈流心狀態😍😍😍

💛話說最近喺紅磡果頭番工，禁堂食禁左一段時間，今日一放寬就梗係要約埋好朋友出去支持一下黃店。💛舖頭雖然位於橫街小巷，但都幾易搵到。呢度嘅主打拉麵有四款，同埋一款沾麵。今次我同朋友就叫咗一碗《沾麵並盛》同一碗《白天王拉麵》。《沾麵並盛》🍜麵條嘅較幼同扁身，口感非常彈牙，麵條明顯有用過清水過冷河，令麵條更煙韌更有口感，但同時又保持夠乾身，值得一讚。沾汁湯沿用豚骨、魚介或醬油，小篇所揀嘅濃度是普通，但都覺得非常濃郁，沾汁湯底稠密度高，夠掛湯，非常creamy。雖然沾汁冇用石鍋之類加熱，但係溫度都夠高，食完成碗麵都仲係微暖。最後仲可以叫店員幫手將清湯加入食剩嘅沾汁入面飲埋啲精華！叉燒方面，有三大片，叉燒肥瘦均勻而且有炙燒過，去除咗過多嘅油膩感。最後仲要提一提， 沾麵係有一整隻糖心蛋，比拉麵多半隻，鍾意糖心蛋嘅朋友可以叫沾麵嚟試吓，一定唔會令你失望。《白天王拉麵》🐷呢道嘅白湯底係用新鮮豬骨淆製十幾個鐘而製成，每啖都有香濃嘅豬骨味，入口亦唔會覺得太膩或太鹹，食完都忍唔住要飲多幾啖。拉麵麵質就算點了普通，都夠煙韌彈牙，而叉燒則略嫌肥咗少少。整體來說，表現都不錯，性價比高～《烤餃子🥟》烤餃子看似係用焗

同同事到附近食飯，周圍行又見到間似幾正宗既拉麵店，馬上入去試試。店內裝修幾有日本風，有拉麵檔可以睇師傅表演。Menu幾簡單，正宗既拉麵店其實都唔會好多選擇。拉麵有四款：白天王-豚骨湯、赤天王-辛辣湯、黑天王-黑蒜油湯、限定天王-天王師傅會根據季節選用當造食材製作時令拉麵。一場黎到，當然試食限定王啦。朋友就揀左赤天王。今日既限定天王係胡椒天王。佢地既下單紙都係傳統日式拉麵店style，可自選湯底、麵質、肉、蔥等等。《限定天王-胡椒天王》一上枱就不得了，十分邪惡。濃濃既胡椒香味傳入，濃厚湯底上仲有滿滿既芝士，邪惡到極點。芝士慢慢溶化，融入湯底。一入口，芝士軟滑，麵條煙韌，口感十足。味道方面：濃香既黑胡椒，配上芝士，非常重口味。配菜方面：豚肉有兩大舊十分闊綽，肥瘦均勻，肉質嫩滑。《溏心蛋》除左拉麵，我仲點左一個溏心蛋。溏心蛋表面光滑，切開裡面半生熟少少流心。入口軟綿綿但未變液體狀，少少甜，好滿足。《赤天王》朋友好鍾意食辣，呢個辛辣湯底岩哂佢。麵底配菜大致上同我個胡椒天王一樣，只係湯底變左辛辣豚骨湯，而且無配芝士。我只係試左一啖湯底，湯底香濃，有少少微辣，非常惹味。朋友都覺得幾岩佢口味。埋單一

很久沒有來潮聖了,前幾天看到了拉麵雜誌的訪問,久遺的拉麵癮又要來襲了~原本一心前來食胡椒芝士拉麵的...結果又被新限定所吸引... 元氣彈天王!!!!!!>v<什麼來的? 個名好爆, 好似日本卡通片入面的氣功名...好！ 就選這個吧！拉麵的味道上我都選了淡、淡、淡, 因為覺得淡味會易入口一點, 麵條硬度要了最硬,　說到最後都是按個人喜好吧,有得選擇是件好事喔 !元！氣！彈！！店員將拉麵放到我面前的那一刻，我真禁嘩了出來 ！太震撼了！感覺真的好似有一個元氣彈爆了在面前一樣誇張！好大的一個紫色波波，這顆應該就是傳說中的元氣彈了吧～白色的漿末由個元氣彈頂流下，直入湯中，加上元氣彈上有一條條裂紋，就更似元氣彈爆開的感覺！白色的漿與黃色的湯結合，營造出雲湧的視覺，好奇妙的感受喔 ！原來紫色的波波是沖繩名物紫薯～紫薯製的甜品就食的多了，用作做主餐熱食又真係第一次，而且香港近期都好似好興食紫薯... ...師傅竟然這麼有創意，真係值得一讚！紫薯蓉打得好柔滑，泥泥的口感，味道好甜，真的不錯喔。湯底是咖喱湯？這應該是日式咖哩的味道，因為日式是不辣的，而且咖哩味淡淡的又不會太搶，豬

再次到訪拉麵天王 上次食完已經念念不忘見到限定天王加入左蕃茄天王！上面重有雪場蟹！決定再黎！我當然試新野！我揀既係蕃茄天王 一黎已經聞到大大陣蕃茄香味原來有大大堆蕃茄係中間湯底就係豬骨湯 上面重有一大堆蟹肉，可以用蟹肉山黎形容，簡直吸引到不得了蕃茄配蟹肉再配拉麵，呢個組合真係第一次食 原來係咁特別，咁合拍！蕃茄加入湯底中，令每條拉麵都可以沾上蕃茄香味今次揀左"硬"度拉麵，相比起"普通"，"硬"度較爽口彈牙，比普通更好，下次都會揀反"硬"！朋友未食過呢到既拉麵，所以聽我講揀左上次我一致好評既胡椒天王 胡椒天王同樣係限定天王一大堆芝士鋪滿係拉麵上面用筷子一夾起既係芝士，而唔係拉麵！ 芝士可以拉到好高！胡椒湯底唔會辣，反而好惹味加埋芝士，係邪惡既組合不得不提既係溏心蛋 半熟狀態做得非常好，咬開可以清楚見到半熟，好後悔冇再追加！小食見到有芝士年糕！點會錯過！ 芝士年糕炸得剛剛好，唔會燶。芝士多，咬落鬆軟，大愛一路食拉麵一路想飲野汽水原來係樽裝！ 好耐冇飲過樽裝汽水啦！😍硬係覺得樽裝係最好的！😌懷舊，熟悉既味道能夠睇得出拉麵店

今日又再來到紅磡尋覓與我別離已久的限定天王, 紅磡德民街與泰民街食肆依然林立,但仔細觀察之下, 其實很多都已經易手! 幸好拉麵天王門口大紅燈籠仍舊高高掛~經過之前都要排長龍的經驗, 是日假期不到六點便趕到,雖然不用排隊, 但店內已坐滿八成客人了。 水泥牆上多了一些簽名字, 雖然看不出是什麼大人物簽的名,但明顯已令場內更添特色。普遍的白紅黑固定拉麵味道就不試了, 因為之前都試過, 加上已有明顯的追求目標，更期待的是新一期限定味道。牆上貼出了兩個限定天王, 一個是胡椒芝士, 一個是爆彈天王…哈哈! 不用多考慮, 就來一個爆彈天王啦! 名字夠爆，而我想知道到底有幾爆~ 噔噔~~果然係爆彈, 一擺上檯就已經好爆, 中間的肉彈就好似一球原子彈一樣, 真係好大個肉球!未起筷子已經聞到一陣好香的味道! 循例都是先來一口靚湯, 味道好複雜, 但好香, 好似好多海鮮的混合味道, 說不出味道的主原料來, 但好鮮甜! 湯的稠密度好似比之前濃了一點, 不知道是否這個限定的特色呢?雖然是濃了一點點,但都易入口, 喝多幾口仍會想繼續喝, 始終湯是一碗拉麵的靈魂所在。接著，拆解原子彈的時候來臨了, 不用拆

無意中上網發現紅磡有拉麵店喎，仲要叫做天王，撞啱同事得閒就結伴試試。地方都幾寬倘架喎，估唔到午市無咩食客，真奇怪。豚王有 5 款湯，黑白赤綠同限定。天王則有 4 款，黑白赤同限定。嗜辣既我永遠都係由辣開始，赤王口味普通、香油普通、叉燒要、蔥不要、麵超硬、味蛋全隻、黑木耳、紫菜、豚角煮。同事要白王同烤餃子。lunch 唔食太飽喇，一般黎講我必定加麵底最少一個架！麵怪一名，好鍾意食麵。味蛋，我地一般都叫佢做糖心蛋或半熟蛋，麵未到佢先到，皮膚晶瑩剔透喎，即刻想咀返啖，但等埋碗麵影張全家幅先。過左成分鐘麵都仲未到，忍無可忍要咬返啖先！滷得氣味氛芳香甜，加上流心蛋黃甘香濃郁，黏黏的漿住您的舌頭，爽乎。赤天王拉麵超硬麵走蔥，原來 standard 已經有半隻味蛋、黑木耳、椰菜，叫多左喇。赤湯微暖唔多夠熱，湯底微辣不香又單調偏淡，失望。超硬麵爽口，有質數，掛湯力雖強，但湯底太淡，都係加點七味粉較好。叉燒瘦到出奇，質地乾鞋，麻麻地。有一隻半半熟味蛋大滿足，但感到有點超標，雖然我好鍾意食蛋啫，哈哈。木耳好爽啊，紫菜咸香，夾住麵條食口感特別豐富。白天王拉麵軟麵多蔥，湯好似豬骨即食麵湯粉味，不香不甜，味道麻

經常榜上有名既拉麵天王，今日終於有機會黎試試😎果然正咼 我同朋友2個人 每人一碗拉麵再加一款小食 份量岩岩好今次食既兩款拉麵分別係白天王同限定天王先黎白天王湯底係豬骨湯 好香好濃郁 而且一d都唔油膩不得不提呢隻超流心既流心蛋 好正！另一碗係限定天王今期係胡椒芝士拉麵真係勁多芝士！加埋胡椒好香好惹味😋芝士拉得出黎架！😍 可以拉到成條麵咁長😎唔知下期限定天王會係咪口味呢😍期待期待重叫左芝士年糕 好味

本身係紅磡等個朋友放工，點知因為OT，一直等到八點！真係激氣呀太餓喇，連原本book咗嘅餐廳都要取消，係附近醫肚就算喇！盲中中就去咗呢間拉麵店小店身處隱蔽嘅小巷，幸好附近都有不少食店先有機會搵到！拉麵只有三款固定，其中一款係隨時節而定今期就係櫻花蝦喇！既然唔係成日有得食，心郁郁唔想錯過就叫咗喇！麵就要咗普通硬Order完師傅就幫我開工煮喇櫻花蝦叠到好高呀櫻花蝦係脆脆地，又有小小鹹香櫻花蝦加埋啲拉麵食！湯底唔算杰身，但味道仍然好夠，我仲加咗小小醋，味道會更出嫁仲有小小雜菜、叉燒同半隻溏心蛋添！麵底有彈性同掛湯能力都不俗另加嘅木耳絲好爽口，加埋落去拉麵度口感更好！加埋啲辣辣芽菜，一流！好爽口，凍凍地又辣！開胃呀太濟嘅時間飲杯檸檬水fresh一下！小食仲叫多咗隻蛋同餃子！溏心蛋效果做得唔錯，蛋黃仲係暖暖地餃子嘅CP值都幾高！5大隻，餡（椰菜同豬肉）又夠！煎得香啲就仲好！今餐真係食到飽晒，眼見人龍不絕，果然好食嘅，就算係置身小巷都吸引到人呀

話說, 某日路過 紅磡-德民街 看見這一間掛著有 "XX天王" 字樣招牌的拉麵店 .... 心諗, 咁招積夠膽自封為天王, 究竟是自以為是, 還是真的有一手絕技呢 ? 為了探究真相, 便入內一試~ 紅噹噹的門面, 極具日本街頭的風格 非常奪目~店舖的面積不大, 只有麵檔吧檯位, 和風味濃~  舖內還擺放了不少日式民間公仔, 十分有趣~ 昆布醋 ~簡單易明的餐牌, 介紹四款拉麵, 分別是原味的白天王、 唐辛子味的赤天王、黑蒜油味的黑天王、限定天王 ~點單紙, 想要什麼口味, 由自己話事~我點了黑蒜油味的 黑天王, 口味要重, 麵質要硬 ~湯底的蒜味夠濃郁亦帶點骨膠感, 入口感覺順喉, 鹹度適中, 油份亦不算多~我點的是要硬麵質, 但來的麵質只是普通, 麵條是幼身的, 掛湯能力一般~叉燒不太厚身, 肥瘦適中, 肉味夠濃既入味又軟腍, 味道不俗~溏心蛋, 還真是煮得不錯, 口感既溫和又軟綿~總括來說, 這間拉麵店的出品還算是不錯~ 是否天王級 .... 我不予置評, 但就是值得再來光顧的~