霸嗎拉麵 (已搬遷) 新店位置

心情不佳時，吃好西也是一個減壓又自愈的好方法。未有時間出走去日本不要緊，來銅鑼灣吃碗日式拉麵，效果也不錯! 登龍街，有幾家日本拉麵店，霸嗎是人氣店舖，常見排隊人龍。門面設計極具特色，瓦頂、布簾、燈籠，都帶住點點和風！趟開門，坐在舖中的長枱，枱面簡潔，餐牌、點餐紙、餐具、調味品井井有條餐牌圖文並茂，一目瞭然。有蛋、無蛋、有紫菜、無紫菜，清楚明白！點餐紙可以點選麵的軟硬度、湯的油份、還可以少蔥或走蔥走筍，很仔細不過點餐紙設計仍有待改善，如是日鄰座兩位食客點了同一款拉麵，有人適中+少蔥+沙油、有人要軟麵+走蔥，就不知道可以怎樣在餐紙表達清楚各人的選項，結果還是要向店員講解/下單！難得午市有套餐可以加配飲品或小食，當然不會放過啦！點了$88 炙燒豚肉味玉拉麵配+$12 羽根餃子！餃子外有層薄薄的蛋/春卷皮黏著，賣相有特式，外皮非常脆口，配搭軟身的菜肉餃子，口感層次豐富，好吃！拉麵湯底較濃味，質感有少少傑，湯有味精，吃完有少許口渴！拉麵不錯好吃，豚肉半肥瘦，又淋又入味，炙燒外皮，使肉汁鎖定及肉質又脆又嫩更好吃！蛋，是半熟的，要一小口一小口的吃，才不會令蛋汁漏掉。

拉麵迷朋友極力推介霸嗎拉麵, 終於的起心乾排隊試吓佢!銅鑼灣返工既我, 1點放lunch直奔鋪頭, 但都係要排隊. 不過一個人食, 10-15分鐘左右就已經有位, 還好. 炙燒豚肉味玉拉麵          $88第一次食, 叫返個最基本既拉麵先. 飲咗啖湯先, 湯底好濃, 唔算太鹹, 結果忍唔住係咁飲個湯! XD麵我揀硬身, 所以質地一定啱食. 炙燒豚肉係亮點! 入口即溶既肥膏!因為燒過而變得更香口既豚肉! 好~正!味玉亦非常入味, 糖心程度又剛好! 整體份量亦唔錯, 基本上女仔一定食得飽~  羽根餃子          $8 (跟拉麵)因為跟拉麵太抵既原故, 又因為當時好餓, 所以追加咗個羽根餃子. 其實本人對餃子實在冇乜研究....只要唔係特別難食, 覺得度度都差唔多 ^^'只睇CP值, $8有5隻咁大隻既餃子, 真在好抵, 外皮脆脆, 新鮮熱辣, 幾好食!一個女仔食, 份量我覺得太多, 雖然我都食哂, 但下次都係唔好咁貪心!(其實加$8除咗餃子, 仲可以揀炸雞架, 但炸雞份量好似仲多, 一個人冇可能食得哂, 唯有等下次)結論: 果然, 拉麵迷朋友推介既係唔同啲! 納入最愛之一~

無食一排拉麵就會心掛掛，今晚工作後便相約好友一同前往拉麵店。霸嗎拉麵門口有提供茶，讓等候的客人解解渴，很貼心。由有禮的店員帶至入座，入內後見人客都幾多，進進出出不斷，也挺有人氣的。已經餓扁的肚子在叫，馬上落單，餐廳提供餐牌，圖文並茂，決定好便可填上白色落單紙落單。炙燒豚肉味玉拉麵 ($88)和朋友都點上同一款，等了5分鐘左右便送到。當然馬上要嚐一口湯，望落有著厚厚的油花，看似杰身的湯底香濃但絕不油膩，也不會過咸，令人一口接一口，而拉麵掛湯，不過麵條雖然選上適中，但略微偏硬，變相嚼勁多了點。配料中有我至愛的筍，夠爽口，溏心蛋不過不失，而厚切叉燒是上等豚肉，經過明火炙燒那香口好惹味，咬落軟腍可口，味覺得到很大的享受！👍🏻三矢梳打 ($20)另外還叫了一枝碳酸飲料，是日本懷舊汽水，外表都幾靚，而味道都清新，不太甜，很不錯。最後整碗拉麵清到快見底，難得拉麵店又不需加一收費，下次再來嚐嚐雞白湯拉麵吧。

今次黎到銅鑼灣，行左陣街，就去食野，今次就想食拉麵，咁呢就去咗個好多拉麵嘅地方，咁聽講呢一間都好出名，平時呢都好多人排隊，但因為我今日六點左右去，所以都係好靜。咁外面環境都幾闊落嘅講呢個就嬲，佢冇俾雪米糍我一張可以睇晒所有野，佢哋款式都幾多。羽根燒餃子 $35呢個都幾好食，有五件。燒汁唐掦炸雞$38呢個炸雞樣呢就好令，食落其實都OK，不過我嫌佢揸得太乾。辛辣炙燒豚肉味玉拉麵$93咁我就揀咗小辣，咁呢佢個湯好濃郁，好好飲，仲有佢隻溫泉蛋好好食，係成隻架，仲有佢塊豚肉呢係超正，燒得啱啱好。炙燒豚肉味玉拉麵$88佢個湯底好濃郁，真係好好飲，其實同上面嗰個冇乜分別材料，因為個湯底唔同咗。信州蘋果蘇打$28覺得好飲嘅， 好似飲緊有氣嘅蘋果汁。整體嘅感覺，環境係幾舒服，食物質素都唔錯，看價錢上都係比較貴少少，另外唯一唔滿意就係佢拎漏咗個雪米滋俾我，因為唔係嗰樣嘢值幾多錢，而係應該有心去記得俾我。食物：8/10環境：7/10服務：1/10價錢：5.5/10推介指數：75/100

拉麵對我個人來說，唔係太偏愛，因為我要求高，所以都冇乜麵館可以做到我生意，更何況要成百元食一碗麵，更加要慎重去選擇啦！當然在日本當地食拉麵就最好不過啦！呢間日本拉麵館勁多人去食，又勁多人讚，咁我又去睇下係咪咁堅料啦！朋友食有海苔既，有三塊大紫菜，比多$10，都算抵既! 而我自己就唔要紫菜，麵既份量唔多，女人可能夠食，但我個人來說唔飽，男人一碗就更加唔夠飽啦！湯底我覺得偏鹹了少少，但朋友話OK，麵質彈牙程度還算可以吧！不過不失啦！塊叉燒就軟淋，好食，又有肉味，半熟蛋可以，冇驚喜!$35只有5隻餃子，$7一隻都算貴，餃子入口都軟綿綿，口感唔錯，味道都算幾好! 值得一試。總括來說，我是因為食評而去食的，整體方面我會比3/5，因為我太高要求了，所以食過這間拉麵館，亦覺得冇乜特別，冇乜野值得我難忘，所以嘗試過就算了，返兜指數.....唔好意思係 0。

首先講d 拉麵，,選了普通硬度,而個口感可以,唔會太粗.賣相可以.講個豚肉先,個湯底太濃,而塊叉燒味道可以,但係肥油太多.（女仔食jor 會覺得罪惡感倍增）個雞拉麵：湯底可以 湯底比較清,有兩塊大大雞比肉,但係一咬落去,強烈冰鮮雞的味道出黎. 冇興趣再咬落去.

霸嗎拉麵和富士山555, 係銅鑼灣既拉麵店中有不少好評，由於想試新餐廳，二話不說擇了前者。平日的午飯時間，數位食客在門外排隊，我等了5分鐘便能入座。如日式拉麵店一樣，你可以選麵的軟硬度和配料（不喜歡蔥、芽菜的食客，記得剔走）。是日點了炙燒豚肉味玉拉麵，和羽根燒餃子，（跟麵優惠加$12， 原價$35）。每次吃拉麵必選半熟蛋，我點既拉麵正好包一隻全蛋。拉麵湯底很濃，有點糊狀和鹹。麵我選了軟身，對胃口大一點的女生分量也足夠。豚肉有淡淡燒過的香味，肉質滑不老，但有點肥肉。如果不想吃淡味的叉燒，建議大家一試炙燒豚肉。半熟蛋如果可以再流心一點就更好。餃子比平常吃的不同，背面有一片薄脆，忍不住影了相，餃子涵味道清淡，皮薄沒有粉感。值得一讚是老闆的心思，第一隻豉油小碟是不用的，用保鮮紙包著「提醒你用下一隻碟子」（但是提示是用英文寫的，沒繁體字），不怕碟子用起來沾有塵。

話說大年初一搵食甚艱難啊，諗住醫飽肚去睇花車巡遊。心血來潮想食拉麵，就去登龍街碰下運氣，一於邊間開就食邊間。去到只有兩間正常營業，三田製麵已經試過啦，咁就「霸嗎拉麵」啦。 - 綠茶可樂（$25）原來咁好飲㗎！未試之前可能會覺得隻味會怪怪地，試咗就覺得好好飲好特別，綠茶有可樂味，可樂有綠茶味。 - 青梅蘇打酒（$18）同喺日本買嘅一樣，好飲啊！飲曬成罐慢慢會好似有啲醉咗咁，話曬都係有酒精，不過抖翻陣就無嘢啦。 - 雞叉燒味玉白湯拉麵（$88）「點解隻蛋唔咪切開兩邊嘅？」平時食拉麵嘅蛋都有切開，不過哩度就無切嘅，隻蛋算OK。試咗啖湯底，ummm，比較稀，唔似豚肉拉麵嘅湯底咁濃，飲落有啲似即食麵啲湯咁嘅。麵揀咗硬度適中，口感唔錯。塊雞叉燒好好味，仲幾厚身，入口慢慢融化，唔乾之餘又唔會太淋。個人鍾意有蔥花，成碗麵食落會香啲。 - 炙燒豚肉味玉拉麵（$88）湯底勁濃，比較稠，好似成碗都係豬骨嘅精華咁。豚肉好厚身，肥瘦適中，肉質較軟，同啲炸蒜碎一齊食，堅好味！雖然今日係年初一，但係「霸嗎」真係良心舖黎㗎，竟然唔洗加收喎～ 俾Like

是午在銅鑼灣拉麵街 (登龍街) 享用午膳。霸嗎拉麵是同街眾多拉麵店中的其中一員，抵達時剛好不用等位。這碗炙燒豚肉味玉拉麵，湯底濃而不鹹，略帶滑感，掛上拉麵後產生一份滑中帶嚼勁的享受。餸料方面，主要有炙燒豚肉及味玉兩款。前者雖然賣相略肥，但實際食感沒預期般肥膩。輕輕去掉最表層的肥肉後，剩如的部份既甘香又鬆軟。味玉即是流心蛋，烹煮時間拿揑準繩，流心效果做得相當好。 適逢午飯時間有額外優惠，可以 $12 追點一客小食。 羽根餃子連帶底層煎脆外皮奉上其實有些怪怪。餃子製作皮薄，菜肉比例參半，即煎即食有不俗的味道。 唐揚炸雞雖外層稍稍厚身，但仍保一定酥脆食感。至於雞肉，咬下有肉汁溢出，嫩度超預期。

來到銅鑼灣登龍街發現日式拉麵店林立，還以為置身在日本！每間拉麵店的人龍也頗多，我們最後選定了霸嗎拉麵。餐廳的裝潢模仿一般的日式拉麵，以木質為主，排有大紅燈籠，座位頗多，雖然看上去擺位有點擠，但坐下來還是舒適的，情況都可以接受。拉麵的款式是以豚肉和雞肉為主，肉的份量、麵條軟硬度、湯底濃度都可供客人選擇，很貼心。我點了濃厚豚骨湯 - 炙燒豚肉味玉拉麵，似乎是餐廳的推介！拉麵上枱時，炙燒豚肉的香味撲鼻，份量是一大塊的，肉脂比例均勻，咬下去十分軟腍，汲取了豚骨湯的精華，帶有少量焦香，惹味非常！豚骨湯味道沒有想像中的濃，還算香滑。最令我欣賞的是原隻半熟溫泉蛋，咬下去蛋黃漿緩緩流出來，蛋黃軟心十分香滑，忍不住立刻嚐光，都忘了為溫泉蛋拍照。麵條是自家製的，我選了偏硬的質感，浸在豚骨湯裡一會，硬度稍變軟，口感剛剛好！

呢間拉麵係尖沙咀有一間分店，但原來係銅鑼灣都有，咁多次同佢擦身而過既我，終於有機會係一試。是晚店內有好多食客，係拉麵店林立的登龍街，仍然吸引到大批饕餮光顧，店內的裝潢以大量日文標語為主，雖然不懂日文，但仍看得出他們要做出最強的拉麵。柑太點了他們的豚肉味玉拉麵，我就點了雞骨湯拉麵炙燒豚肉味玉拉麵($88)，一上檯，濃香的豬骨湯香直撲而來，最搶眼就係叉燒，大大塊的叉燒，表面經過火炙，微焦而帶金黃，而厚切的分量，在入口時，可以完全感受到肉質的嫩滑，油脂比例洽到好處，令人想大大啖咬落去。湯底係濃濃的豬骨湯，湯底不算咸，而豬骨湯入口後不乾喉，唯獨表面太多油，感覺較油膩，麵身很索湯，入口彈牙爽滑，味玉雖然無切開，但咬開時，流心的蛋黃味道很濃。雞叉燒味玉雞白湯拉麵($88)呢個麵非常有驚喜，平常吃過的拉麵都是以豬骨為主，但這個卻是雞骨為主，出來的湯很清，入口時有很厚的雞骨味，十足老火湯一樣，而叉燒不是豚肉，反而是以雞上脾肉做的叉燒，入口很嫩滑而且分量十足，每一啖都在食嫩滑的燒雞肉般，令人難以停口，而因為這拉麵用雞湯為主，食到最後可以將湯全部喝下也不覺油膩。這個雞拉麵卻沒有像豚肉拉麵有特盛的多雞叉燒的

喺公司附近搵食，今日揀咗呢間。。。因為我2點幾先入座，所以店內冇咩人。。。點咗豚肉拉麵，正常麵質，走蔥。。。一如其他麵店，份量偏少(定係我太大食)，食完都唔飽。。。湯底偏咸，不過好味 麵質ok (本身對麵冇咩要求)蛋同豚肉都冇咩特別。。。一試無妨。。。

今日去銅鑼灣行街，好想食拉麵，所以走去登籠街望一望，其實都有好幾間，所以冇目的地是但入一間，就走咗入嚟呢度！點了一個炙燒豚肉味玉拉麵，麵身可以選擇硬度，我本人點了硬身試試。湯底味道，濃道適中，片豚肉表面燒烤得好香！落咗少少黑椒，勁香！個半熟蛋係我至愛，好好味！好想飲哂d湯！

前排經過尖沙咀, 友人已經話想食, 但岩岩食飽都係留下次啦. 點知見OPENRICE上埋榜, 唔食點得丫. 今次去開銅鑼灣即約友人食呢間廣島霸嗎拉麵.排隊20分鐘就入座都接受到啦, 有梳化位幾舒服, 枱上放齊黑椒, 辛辣粉, 餃子醬油等等調味料.先飲啖凍水再研究一下餐牌.拉麵分豚骨湯底和雞白湯底, 更有兒童餐細份量唔浪費, 仲有玩具附送好貼心.還有幾款口味的餃子及炸雞. 不喜拉麵的話更有飯類滿足你.我同友人當然揀拉麵, 而且每人叫一款, 可以交換試少少, 再點多個餃子睇睇大廚功力, 最後點可以少左雪糕作甜品.羽根燒餃子 $35, 煎得金黃色好靚, 粒粒餃子大細適中.餃子煎得好香脆, 另一面是皮薄餡多帶濕潤既餃子, 一次食到香口脆皮加軟潤餃子.沾少少醬油已經好好食.炙燒豚肉味玉拉麵 $88, 友人既拉麵湯底好濃郁豬骨味, 個湯唔算好油, 食完唔膩.最吸引我既係炙燒豚肉, 五花肉厚身, 經過炙燒後, 油脂溶化開, 又香又有油潤感.雞叉燒味玉雞白湯拉麵 $88雞白湯好清, 比豬骨湯清淡少少, 但雞味也濃郁, 個湯底比較鮮甜甘香.麵質是幼麵, 熱食拉麵我一般選硬身點, 因為唔怕湯底浸軟麵條.拉

今日行銅鑼灣,行到登龍街,才知道現在開了那麼多間拉麵店,嗜食的我和友人選擇了一間門面最大的店進食因都是下午5時前,所以都可以比我們自由選擇坐位,店員很好,好有禮貌問我們,要不要水,暖的還是涷的.很窩心.坐下不久,便有一班日本人進來,連日本人都來吃.這次我們知道沒有選擇錯了,哈哈.這裏會有一張中,英對照的點菜紙.有各款拉麵,小食,串燒等.拉麵可選麵的軟,硬度.冬季限定有生姜野菜豚骨拉麵,很窩心.因是5時前,所以可以選擇升級滋味,好超值.我同友人就點了炙燒豚肉味玉拉麵,特盛炙燒豚肉拉麵升級了兩個12元要了唐揚炸雞及羽根燒餃子,還加了味玉及粟米粒.我選擇了炙燒豚肉拉麵,麵是適中的硬度,煮出的效果剛好.湯底很香濃,但不覺咸.麵的份量也很足夠.除了豚肉外,還有足料的筍和味玉.味玉一咬開,很流心,煮的時間調較得很好.混和湯底一起,提昇了湯的味道.友人點了特盛炙燒豚肉拉麵,估唔到多30元,有多4件豚肉,很驚喜.每件都有手掌那麼大.通常拉麵都是吃义燒,白白的肉,沒什麼吸引,但這次是炙燒,沒有燒得太燶,但已聞到很香的肉味,雖然夾雜有些肥肉,但咬下去,完全溶化了,反而覺得很香口,吃完4件很是滿足.加12元