神虎麺商店

营业中

休息中

久久未嚐的超正拉麵，趁著假日一於番嚐！長長的燒伊比利亞豬腩肉，油脂神級甘香，一絲絲相間著的瘦肉柔嫩不已，達致極級的梅納效應！每條拉麵都排滿汁，極點之作！說到餃子，較其他拉麵店的大隻，皮是超厚的，不合朕意。反而唐揚炸雞雖則食到滿口油香，竟然令人食慾難止，慾罷不能，好味到爆！回說唐揚炸雞，雖然只叫兩舊，但居然每件都超級大舊，炸皮雖厚但就是應有的態度，雞肉的汁是咇出來的，怎會不愛？今日的我成功地打倒昨日的我！

灣仔真係有唔少出名嘅日式拉麵店🍜 呢間「神虎麵商店」同之前食過嘅「一虎」只係一街之隔，連個名都好似～ 但係「神虎」就有提供沾麵，拉麵嘅款式同小食嘅選擇都多啲～ 而且神虎每月都會有唔同嘅限定拉麵，例如我4月去食嘅時候就有蠔湯拉麵，不過我同朋友都對蠔無太大興趣，所以就無試到喇～而且「神虎」唔做外賣，所以上次去嘅時候，午市好似有更多人排隊，但上菜都幾快，所以都唔算等好耐就有位～ •🥢 神虎沾麵 $122神虎沾麵嘅麵量可選200g/300g同埋選冷/熱麵，我當日就揀咗300g嘅冷麵～ 沾麵汁只有一種口味，飲咗一啖覺得魚介味好濃郁，但唔會過鹹😋 而且沾麵汁比較濃稠，加埋麵條比較粗身，好輕易就可以沾到好多汁🤤 加上個沾麵汁係用一個小石鍋上嘅，所以就算配冷麵都唔會好快凍晒～ 再加埋麵條口感煙韌，真係幾正😛 而配料就有薄叉燒、溏心蛋同豆苗，同埋沾麵汁入面有啲叉燒粒～ 不過呢間嘅叉燒都比較普通～ •🥢 神虎 $103神虎係「原味」嘅豬骨湯底，豬骨湯都幾濃～ 所配嘅麵條比較幼，配湯食係幾夾嘅～ 而配料方面都豐富嘅，除咗有薄叉燒，仲有溏心蛋、木耳，蔥花、紫洋蔥、味付荀，同埋第一次喺拉麵到見到嘅豚肉丸～ 豚肉

放工後走到灣仔試呢間人氣拉麵店🍜即使去到9點，店外仍有唔少人排隊等位🙌🏻🍜神虎精選 Kamitora Ramen Special ($128)選擇困難症人士必選！精選配料包括：豚腩肉、叉燒、豚肉丸、溏心蛋等，好豐富🤩豚腩肉入味腍身，口感層次豐富！麵底有咬口，湯底味道亦剛剛好，唔會過於濃郁～份量好多，一個人完全食唔哂🙈🍗炸雞塊 Deep Fried Chicken ($48)呢個小食超驚喜！一般餐廳嘅炸雞都係細細粒，但呢個係超大舊！炸煮後肉汁仍然鎖在雞肉中，咬落啖啖juicy🤤

好日都唔經過灣仔，所以唔知有咩好西食，上openrice尋覓下就見到呢間過江龍拉麵，一試之下，果然係有啲料到😎叫左兩款拉麵，拉麵嘅份量唔係特別多，肚餓黎食嘅話，可能要加個底先夠飽。男朋友個碗叫左神虎，有隻溏心蛋蛋，兩粒肉丸。最值得欣賞嘅係佢個湯底，一睇就知好濃郁，但佢濃而不膩，男朋友成碗湯飲哂咁濟。拉麵好彈牙，唔會煮到好淋一pat野咁。我呢碗叫左海老虎。一上枱就聞到好大陣櫻花蝦味，多左啲櫻花蝦就少左隻溏心蛋蛋，不過個陣咁勁嘅蝦味就補番數。第一啖飲左個湯底先，一個字：鮮！但飲左幾啖就有啲重味，食哂個拉麵覺得有少少頸渴🙈但佢個湯底係真係值得一試咁好味🤤叫左兩個小食：炸雞塊同埋神虎餃子真心講，呢個炸雞可以話係我食過咁多炸雞入面最好食！熱辣辣食嘅時候勁juicy勁香，雞肉唔嚡口，非常之滑。每舊炸雞都有番咁上下大舊，我嘅1/3隻手掌嘅size。$45呢個價錢有4舊呢隻size嘅炸雞，真係值回票價。呢個餃子多汁juicy，皮薄肉多。餃子皮煎得夠脆身，一咬啲汁就湧出黎，好似人地食小籠包咁🤣 啲餃子都ok大隻，好食😋三百蚊左右埋單，灣仔食晚飯呢個價錢，有番咁上下嘅食物質素，十分ok😌

要介紹比大家最近我地喜歡嘅一家拉麵店。呢間拉麵來自日本大阪。他們主打豚骨湯底Tonkotsu, 另外有辣味/ 蒜味/ 蝦味選擇，佢哋嘅豚骨湯底濃厚入味。所有拉麵都配有豬肉丸、叉燒、雲耳、洋蔥及香蔥。如果喜歡重量級，仲有其他精選拉麵任君選擇。我自己本身喜歡原味，所以就點神虎精選。而男友喜歡嗜辣，赤虎精選最適合佢。精選配料都配有糖心蛋、極叉燒（豬腩肉）、味付荀同埋紫菜。麵底屬於粗麵，一個約140g，侍應姐姐話我知？😆今天我地仲點多左一份神虎精選餃子同埋炸雞塊。神虎精選餃子只有週五至日先有，用上西班牙黑豚肉做，肉嫩多汁！炸雞塊真係香脆可口美味。我地覺得所有食物都超水準！有時間去灣仔值得去試下！Yum Yum

餐廳地方都幾大，一張長抬面向拉麵師傅，靠牆同門口都有４人或多人坐位，位置寬敞舒服食到主要有６款拉麵，但都係由元虎做Basic由豚骨精練而成每款拉麵都可以＋＄３２轉做精選，會多左溏心蛋、豚腩肉、筍、紫菜我就直接叫左神虎精選＄１１８湯底都是豚骨湯，用上西班牙豬肉，灸燒過既豬腩肉，油脂豐富一層層咖，每一啖都好邪惡但濃郁既豬肉香真係會令人食上癮；裡面仲有一片叉燒，食個油脂分佈均衡，唔鐘意食肥既人可以食叉燒豬肉丸都係餐廳自家製，蓮藕加豬肉打制而成海老虎＄９８同樣係豚骨湯底再加左大量櫻花蝦 同 蝦味噌，湯底更加鮮味濃郁，麵質爽口輕易做到掛湯效果，啖啖都係精華神虎餃子＄４２餃子係餐廳每日朝早自家製作，比一般既餃子大隻，餡料都係豬肉炸雞塊＄３８依個炸雞真係超好食😍超好食超好食😩講左3次就知真係好好食，無骨雞一咬d汁爆哂出黎，非常嫩滑既雞肉，一定會為左炸雞而再黎呀😃

拉麵雖然各家各店唔會太大差異，但湯底同配料不同嘅配搭永遠令人躍躍欲試。今次嚟到利東街隔籬嘅神虎麵商店，呢間拉麵店嚟自大阪，香港只此一家，由日本師傅主理。叫咗黑虎（黑蒜）同海老虎（蝦）兩款。我食嘅海老虎係香港限定，即使喺日本總店都食唔到架～湯頭蝦味濃陏，但唔係因為櫻花蝦仔，而係特製蝦油帶出鮮味。選用偏向東京風味嘅曲蛋麵，掛湯力高。整體比較鹹香，貼近日本人口味。薄叉燒係用西班牙豬肩肉整，肉腍而味濃。豬肉丸係我第一次見嘅配料。肉丸幾彈牙，入面有爽口蓮藕粒。細佬一如既往揀咗黑蒜拉麵。我哋亦加咗$12，share溏心蛋食。蛋黃流心，蛋白剛熟👍小食方面我哋較為推介餃子。煎餃子比常見嘅大隻，內餡鎖住肉汁但肉本身並唔肥膩，仲有唔少蒜粒。特別係皮造得稍帶黏韌，更加可口。必須趁熱食先夠脆！炸雞睇得出絕對自家製，大件嘅雞塊用上嫩滑雞脾位，炸皮有葱蒜絲，更加香。拉麵店喺油、麵質等等地方都冇得按個人喜好揀，特別在叉燒同豬肉丸，適合鍾意濃味湯底嘅人。

健康主義的弟弟食嘢非常挑剔，而且又要揀地點，平日寧願做宅男，都唔願意出來陪我覓食，真係唔係咁易請到佢出門！今晩竟然例外，隨意 call call 佢，餓老虎原來逼不得已要出門，因為媽咪外遊，雪櫃存貨已被掃清，身型高大的他其實非常擦得，既然有家姐請客，飛撲過來懶得自己整，而且是大阪過江龍、重現香港的神虎拉麵，本就是日本迷的他，正中下懷！ 灣仔橫街對我來說並不陌生，因為早已有眾多特色小店設址，在電工材料及五金行附近有一家拉麵店，並非什麼奇觀。 門外石磚場貼上若干宣傳單張，方便路人了解產品，強調關西流、博多豚骨及巨型湯麵圖片，不難想像是一間豬骨湯頭的麵店。 店舖並非太細小，可容廿多人。 雖然有幾款麵，但實際上所有湯底都是源出一轍，以豚骨湯加蔬菜熬至少8小時至成，見到大阪師傅坐鎮，知道功夫唔會省，足本製作。 神虎、黑虎、赤虎、海老虎、元虎分別是原味、黑蒜味、辣味、蝦味及走蛋的神虎，最後一款神虎精選是超級加料。 有餓老虎同行，我們點選了海老虎及神虎精選各一，神虎餃子、炸雞及辛辣大豆芽菜，非常大食！ 這間拉麵店的做法不同，餐單上沒有仔細的個人選擇，例如麵的生熟度及油、蔥的多少等，我們亦

日本過江龍拉麵是質素保證這家來自大阪的拉麵主打豚骨湯底於香港設店後更有日藉師傅駐場檯面上提供無限冰水給顧客享用有這種設置其實我對此店的質素已心裏有數點了當店招牌神虎精選拉麵這樣就可以把全部配料都試到呷一口湯頭香醇而不油膩豬腩肉極厚切入口即化豬肩肉肥瘦相間豬味濃香溏心蛋極富蛋香呈流心狀筍子筍味特濃入口爽口其他比較特別的配料有木耳和丸子一碗有一百四十克拉麵份量比坊間的多質素之高絕對是香港數一數二的拉麵小食則點了神虎餃子和炸雞塊餃子體型較大是自家出品店長更聲稱因不經冷凍肉鮮味更突出炸雞塊絕對有日本當地餐廳的質素外皮香脆肉質鮮嫩味道鹹香這一刻我真的覺得自己身在大阪呢

今次嚟到灣仔一間由大阪過嚟香港開分店嘅正宗拉麵店，神虎麵商店，呢度嘅拉麵全部都係用虎字去命名，不過一睇個名其實都大致區分到係咩拉麵嚟。我地今次揀左海老虎拉麵🍜同埋神虎拉麵🍜，海老虎拉麵係香港店限定嘅，得香港呢度有得食，自然要試下喇；另外神虎拉麵就係呢度嘅招牌拉麵，當然都好值得一試。日文海老即係蝦，海老虎拉麵🍜其實就係湯底加入左鮮蝦味噌，味道好濃好鮮，想食鮮甜味道嘅話可以揀呢個湯底。至於神虎拉麵🍜就係呢度嘅招牌拉麵，點解可以成為招牌呢？係因為佢嘅湯底係特濃嘅豚骨湯，飲落非常美味，此外佢嘅叉燒並唔係普通叉燒，而係西班牙豬嘅豚肩肉同豚腩肉嚟，所以食落係非常幼滑，入口即溶嘅感覺，再配埋一顆流心蛋，不愧係呢度嘅招牌拉麵。呢度除咗拉麵係自家製，就連小食都係自家製嘅。佢地嘅餃子係每日新鮮整，皮薄餡靚，煎得香脆可口，真係流哂口水。仲有炸雞塊同樣出色，炸得金黃香脆，令人食指大動。食完拉麵最後飲返支桃味梳打汽水🍑，享受左完美嘅一餐。

去朋友家看世界盃前，當然要去吃飽飽，否則半夜看到中途肚餓時就會很掃興，而昨晚我們就去了灣仔新開業的神虎麺商店。這裡的叉燒都非常吸引我，全都採用西班牙黑毛豬，一定很美味。和一般拉麵店一樣，食客可以先看餐牌，然後在下單紙自行填上自己想吃的東西。這裡有吧枱可坐，不過我喜歡跟朋友面對面吃飯，所以都是坐普通桌子好。拉麵配餃子，絕對是我最愛的組合。神虎餃子酥脆金黃的餃皮，光是視覺已贏了。接著一口咬下餃子，才咬到一半餃子湯汁就噴出來。餃子肉餡飽滿扎實，調味也剛剛好，鹹度適中，就算不沾醬汁也十分夠味，口中殘留滿滿的肉香。嘴饞的我當然想吃遍所有的拉麵配菜，所以包羅萬有的神虎精選拉麵自然是我首選。神虎精選拉麵包括味付筍，肉丸，味付糖心蛋，紫菜，木耳，蔥花，極叉燒及叉燒，用料豐富，拉麵更有140g之多，對於大吃的我來說份量剛好。神虎精選拉麵嚴選西班牙豚腩肉，肥瘦比例五比五，西班牙豬比較豐腴，油脂也比較多，符合肥美叉燒的味道。豚腩肉足足有2至3cm厚，無庸置疑真的很誘人。豚腩肉炙燒一下，入口後肥而不膩，油脂的部分在嘴裡慢慢化開，相當滑嫩。豚肩肉包保不會令人失望，光是尺寸已有我的手掌那麼大，儘管豚肩肉屬瘦肉部份

今日和太太往神虎面商店食dinner, 我們點了元虎拉面, 海老虎拉面、神虎餃子和炸雞塊。海老虎拉面材料有櫻花蝦叉燒、肉丸、木耳、洋蔥和蔥花櫻花蝦食落惹味彈牙, 叉燒是用朱肩肉煮, 食落啖啖肉入口即熔, 手打肉丸肉質鮮甜味美, 很口感木耳爽口, 面條爽滑, 湯濃好香濃, 辣度適中,洋蔥和蔥花能帶出海老虎拉面的惹味, 而且拉面配上乾辣椒和蝦米一起食更能提昇面的惹味, 好足料美味的海老虎拉面；元虎拉面朱骨味濃, 面條爽口, 肉丸鮮甜, 叉燒食落軟腍, 木耳爽口美味, 整碗元虎拉面口感一流, 美味十足；神虎餃子煎得香脆熱辣辣, 肉汁鮮甜, 皮薄餡靚, 配上特製醬汁,醬汁酸酸甜甜有胡椒味, 能帶出餃子的美味；最後炸雞塊份量十足, 炸雞得香脆而不油膩, 肉質鮮嫩啖啖肉, 配上沙律醬食落開胃, 佐酒一流。餐廳座位舒適,拉面食落美味, 湯底濃郁, 拉面份量味道十足有水準, 神虎餃子和炸雞塊香脆而不油膩, 口感大滿足。我和太太食了一頓高質美味的拉面晚餐。

不要以為吃日本菜就只有銅鑼灣區最集中，其實在灣仔小巷也可發掘不少拉麵小店，這天放工後，就來到新開張不久、來自大阪的神虎麵商店，吃碗熱騰騰的日本拉麵。店面雖然不大，新開張裝潢仍是新簇簇，風格簡約，環境光猛整潔，店員態度親切有禮，更有日本師傅坐鎮，煮出地道的和風拉麵。餐牌亦是獨沽一味賣拉麵，總共有5款拉麵款式：元虎、神虎、黑虎、赤虎以及海老虎。神虎 (配蛋)  $98神虎已包括兩塊豬肩肉叉燒、兩粒手打丸子、木耳及一隻溏心蛋，一上枱熱得燙口的拉麵便已經散發著陣陣濃郁骨香。豬骨湯底顏色乳白，淬取骨髓中的膠質，令湯身略帶濃稠，香濃但不膩口。溏心蛋的軟嫩蛋白包裹著半熟晶瑩的蛋黃，一咬開正在流心中，滿溢濃濃蛋香。麵條偏粗身，掛湯能力高，麵質彈牙滑口，不會煮得過軟，而且麵量對女生來說已經極之飽足。海老虎 $98有別於一般常見的豚骨系，海老虎拉麵以蝦味噌醬調味，鮮香四溢撲鼻而來。湯頭色澤橙黃，加上粒粒小巧玲瓏的櫻花蝦，讓蝦鮮味滲透口腔每處味蕾，雖然口味相對濃重，但吃後卻不會覺得口渴涸喉。手打丸子以豬肉製成，內裡夾雜著蓮藕屑，更添爽口。豬肩肉頗大片的，卻又切得很薄身，肉質軟嫩不死實。神虎餃子 $42雖然這

灣仔一向都有好多拉麵店，近期就有大阪過江龍神虎麺商店插旗，主打豚骨湯底，使用大量豚骨同蔬菜煲足8小時，非常濃郁！共有五款拉麵：元虎、神虎、黑虎、赤虎同海老虎。神虎精選神虎精選係用上元虎原味湯底，白白嘅湯底豚骨味濃，入口唔咸，反而好鮮甜，仲見到一粒粒碎豚脂，不過一啲都唔油膩。餐廳選用西班牙豚肉，入口嫩滑，肉味香濃。值得一提嘅係手打肉丸，師傅用新鮮豬肉製成，入口彈牙。拉麵硬度適中，掛湯力高，加埋木耳、洋蔥同味付溏心蛋，真係好滿足！海老虎呢個係香港限定嘅海老虎，即係係櫻花蝦拉麵。湯底呈橙紅色，即刻試下嗰湯先！入口蝦味香濃，質地濃厚，鮮味十足！仲有一小碟辣櫻花蝦畀你自己落，惹味十足！神虎餃子餃子肉餡每日新鮮製造，一咬落去啲肉汁流晒出來，點埋餃子汁，正！炸雞塊雞件新鮮炸起，外皮香脆，肉質嫩滑，肉汁豐富，配上沙律醬，無得彈！（記住Like同Share畀朋友）By A姐M佬 玩樂日記