拉麵天王

营业中

休息中

🌱赤天王 $85 有紫菜，木耳，椰菜，半隻流心蛋，蔥辣湯底黎講唔算辣，湯底係豬骨濃湯，除咗濃厚嘅豬骨仲多咗份黏度感，幾特別，麵條可能因為我揀普通所以冇乜特別，叉燒有3塊，比較薄身，可能個豚角煮好好食所以比較之下麻麻地，其他配料就正正常常唔會出錯，總括而言都唔錯🥰🌱白天王 $75個人認為原味好食過辣湯，其他都差唔多👍🏻👍🏻👍🏻👍🏻🌱沾麵大盛 $105熱湯冷麵係沾麵嘅傳統同埋精髓，佢都做得到嘅，因為叫咗大盛所以流心溫泉蛋都俾足一隻，不過叉燒嘅份量都係得三塊，而麵嘅份量算多😸🌱豚角煮 $25一口豚肉，有二十小粒左右，每一粒都半肥瘦適中啱啱好，入口唔油膩但係好香，叫豚角煮但其實係燒，磯燒炭燒嘅風味，推介仲有甜甜地應該有蜜糖，燒完變焦糖😻🌱烤餃子 $30（5隻）有白菜同豬肉做餡料，皮香脆唔太厚，餡料十足。平時配餃子點嘅汁或醬油有酸或者咸，呢個係咸鮮✋🏻3個人$327 價錢合理👍🏻環境服務都算唔錯

💛話說最近喺紅磡果頭番工，禁堂食禁左一段時間，今日一放寬就梗係要約埋好朋友出去支持一下黃店。💛舖頭雖然位於橫街小巷，但都幾易搵到。呢度嘅主打拉麵有四款，同埋一款沾麵。今次我同朋友就叫咗一碗《沾麵並盛》同一碗《白天王拉麵》。《沾麵並盛》🍜麵條嘅較幼同扁身，口感非常彈牙，麵條明顯有用過清水過冷河，令麵條更煙韌更有口感，但同時又保持夠乾身，值得一讚。沾汁湯沿用豚骨、魚介或醬油，小篇所揀嘅濃度是普通，但都覺得非常濃郁，沾汁湯底稠密度高，夠掛湯，非常creamy。雖然沾汁冇用石鍋之類加熱，但係溫度都夠高，食完成碗麵都仲係微暖。最後仲可以叫店員幫手將清湯加入食剩嘅沾汁入面飲埋啲精華！叉燒方面，有三大片，叉燒肥瘦均勻而且有炙燒過，去除咗過多嘅油膩感。最後仲要提一提， 沾麵係有一整隻糖心蛋，比拉麵多半隻，鍾意糖心蛋嘅朋友可以叫沾麵嚟試吓，一定唔會令你失望。《白天王拉麵》🐷呢道嘅白湯底係用新鮮豬骨淆製十幾個鐘而製成，每啖都有香濃嘅豬骨味，入口亦唔會覺得太膩或太鹹，食完都忍唔住要飲多幾啖。拉麵麵質就算點了普通，都夠煙韌彈牙，而叉燒則略嫌肥咗少少。整體來說，表現都不錯，性價比高～《烤餃子🥟》烤餃子看似係用焗

宜家疫情嚴峻，有得揀我平時都盡量買外賣返公司食。不過呢食拉麵我就覺得要坐響店內食，配合埋個環境同氣氛。呢間拉麵天王店內調味料，水壺，連個菜單選項感覺都似足豚王，不過價錢比較相宜。第一次食試左兩款限定天王 $92 胡椒天王香濃胡椒豬骨湯底加芝士，雖然有點膩但忍唔住不停飲湯。配料有粟米粒，蔥粒，半隻溏心蛋，賣相幾豐富，叉燒唔夠厚身，但半肥瘦都唔錯。力二天王係螃蟹油結合豬骨湯底，都幾香濃，但我比較喜歡胡椒湯底。兩隻松葉蟹鉗，肉少口感一般，實在有點失望。不過配料有椰菜，筍片，洋蔥粒及蔥粒，加埋溏心蛋同叉燒都非常足料。另外塊蟹形紫菜都算係有心思。兩款小食響食完碗麵之後先到，我差點以為漏單預備埋單取消。烤餃子 $30 少少脆皮，餃子餡幾多。炸雞 $38 外形有點似麥樂雞，但咬落都食得出係雞肉。

今日收工同朋友去左紅磡搵食，朋友話想食拉麵，之前聽過德民街果邊有幾間日本菜，所以就去睇下。去到見到一間拉麵小店，門口好有日本氣氛，同朋友睇一睇餐牌，覺得唔錯就入左去啦。入到入面地方唔算好大，但好有日本屋台既感覺。  拉麵有三款固定兩款期間限定，我地兩個今次叫左一個黑天王，一個白天王，小食方面就叫左一份烤餃子，一份芝士年糕。拉麵除左口味外，配料同味道都可以因應自已喜好黎揀。 我食果個係黑天王，湯底是係新鮮豬骨湯和黑蒜油混合，黑蒜油味道十分香，條條麵都吸收左黑蒜油既味道，味道偏濃，麵質揀咗適中，所以唔會太硬。  我朋友就食白天王，湯底係用新鮮豬骨淆製十幾個鐘，所以味道十分濃，啖啖都好香。麵底都係因應自己口味揀，所以一定啱自己胃口。  而烤餃子，餃子皮做到好脆口，但一咬開入面係充滿肉汁，所以要小心啲食。  最後芝士年糕，軟糯既年糕入面包住芝士，㕿口又唔會太膩，唔錯。  整體黎講，野食質素高，價錢合理，下次應該會黎試下佢地既期間限定拉麵。

這裏位於紅磡鬧市中的拉麵小店, 店外有一大紅燈籠高高掛, 十分易認店內走日式拉麵店風格, 地方尚算闊落餐牌掛在牆上, 提供數款拉麵, 我點了限定天王系列之胡椒天王, 一份烤餃子作為小食胡椒天王拉麵用上了上等黑胡椒粒和胡椒油, 混合了香濃豬骨湯底, 拉麵面上再鋪上了芝士碎, 芝士碎甚至可以做出拉絲的效果, 頓時間香濃撲鼻的味道籠罩了整個店內吃拉麵又怎能沒有一份日式餃子配送呢? 烤餃子一份共有五隻, 利用烤焗的方式令到餃子皮脆脆的, 點上日式餃子醋, 這就是正宗的拉麵配餃子下次有機會經過再嘗嘗他家的天王拉麵系列

今日同朋友嚟到拉麵天王，餐牌上面都有幾款唔同嘅拉麵可以選擇，其中有一款叫做限定天王，牆身貼咗介紹，有另外兩款拉麵可以揀㗎，不過我就叫咗白天王啦～口味同配料都可以根據喜好再圈係order紙上面呢，唔洗擔心拉麵太硬或者太軟今日叫嘅白天王湯底好濃呀，濃濃豬骨味又唔會太膩，yumyum仲有兩塊叉燒都好大塊呀！之後我哋仲叫多兩個小食，豚角煮口感軟滑，細細舊唔會覺得好肥，而餃子煎得岩岩好，出面嘅餃子皮好脆，入面仲有肉汁添啊，下次嚟食拉麵都可以再追加小食！

Day off 男友返工前陪我食個lunch至返工，近近地去黃埔食，天氣開始轉涼想食返d熱野，就決定食拉麵，一路都未試過呢間。發現現時好多拉麵店都係以呢個形式做菜單，基本都係3款選擇再加一個限定款。佢今期限定就係胡椒天王。男友一貫都係選擇左赤天王，而我就很貪新鮮地試下個限定天王先。我選擇左*淡*香油、*普通*濃度、走蔥、*硬*麵。一落枱第一時間當然嘗下個湯底先，咁先係食拉麵架嘛😂胡椒味唔算太出，比期望中唔夠辛，不過佢加左d芝士味道幾夾既，令味道無咁寡，但其實整體味道係偏咸既。🤔而麵底方面，做到*硬*麵，但都屬一般。叉燒算係做得比較好，鍾意佢係肥叉，淋身得黎有口感，又油香。男友呢個辛辣味都出到，但都係偏咸。試左木耳絲煮得唔夠淋。相對黎講，小食做出比較出色。呢個豚角煮燒得香噴噴，肉質彈牙肉味濃。另外，餃子皮薄脆口，內餡肉鮮多汁，也是不錯。味蛋都幾欣賞，做到溏心剛剛好，味道正好點點咸香，唔會無味或太over。芝士年糕本人就比較少見燒既，比炸的好食，感覺更軟綿綿，口感good。今日剛好有六折，係抵食既～

自從黃埔開通左地鐵之後，去個邊搵野食實在方便！今次專程黎到食一間拉麵小店，黎到門口已經覺得好有日本拉麵店既風味店內空間雖然唔大，但係吧枱位置面對住師傅排排坐，真係好似日本拉麵鋪咁拉麵有4款，口味濃淡、麵底軟硬都可以揀岩自己口味先送上飲品，原來coke zero都有樽裝 真係第一次飲叫左個黑蒜味既黑天王，先飲啖湯 湯底好香好濃黑蒜味，拉麵彈牙，加埋隻半熟流心蛋 好好味！男朋友嗌左赤天王，試左一啖 辣辣地好過癮！另外再嗌多兩個小食，烤餃子🥟同芝士年糕。烤餃子做到個皮脆卜卜，外脆內軟 正呀！另外個年糕煙煙靭靭都唔錯。

同老闆外出工作，佢話突然好想食拉麵，即搵，搵到呢間，好似好勁咁，近近哋即刻去食。原來星期一至五下午3至4點全部半價，但我哋2點已經餓到暈，原價都要食啦！胡椒天王 ($92)胡椒味超濃郁，湯底有豬骨及胡椒香味之餘，仲有胡椒嘅微辣，又唔算好油膩，非常好味。本身諗住加芝士好似會有啲奇怪，點知溶咗喺湯嘅芝士原來係咁正！飲飲吓有啲拉絲芝士，口感激好，估唔到係咁好味，好後悔叫咗少芝士！叉燒係名符其實嘅肥瘦適中，癡住肥膏嘅關係所以肉質較滑溜，肥膏輕輕炙過，條邊非常香口；麵條硬度啱啱好，湯底唔係好杰嗰種，所以都唔係掛到好多湯，但整體好味滿意黑天王 ($82) 老闆食呢款，佢話蒜嘅味道啱啱好唔會過火，麵幼身彈牙；蛋嘅熟度恰到好處，充滿蛋香烤餃子 ($30)皮薄又脆，就咁睇都已經好飽滿，入面果然係塞滿材料！芝士年糕 ($12)外煙韌入面軟滑，芝士味勁濃拉麵質素非常好，尤其是限定天王更加好有驚喜，怪不得就算冇半價都好多客人，過咗3點之後更加係坐滿晒人！

黃埔一直都是日本人區，日式餐廳亦有很多。其中有一間「拉麵天王」我是常客，皆因她定期都提供限定口味拉麵。「拉麵天王」位於德民街入面，裝修的確很有日本風味。而且有吧枱，一個人食都不會尷尬。正宗拉麵店一向集中只賣拉麵，所以拉麵只有4款，而限定拉麵會按季節、材料新鮮而做出完美的拉麵。這個手法的確可以吸引拉麵fans例如我貫徹一般拉麵店做法，一樣有order紙選擇拉麵硬度、濃淡度等。是日限定拉麵是「生蒜天王」，完全為我這個蒜頭王而設，另外再點一個烤餃子做小食「生蒜天王」一端到面前，已經聞到一陣香蒜味，配料除了叉燒還有八爪魚，配搭非常有新意。拉麵的精華一定是湯頭，以濃郁豬骨湯做底，加上蒜和香蒜油，雖然有點重口味，但不能否認很美味這個事實。拉麵硬度選擇了硬，更有口感。八爪魚則非常彈牙，本來雖難入味，但有蒜調味，剛好平衡一下。烤餃子不過不失，$30有6隻，價錢算合理。入面餡料新鮮，皮又炸得香脆，作為小食不錯

曾經有段時間常到拉麵天王吃拉麵，相隔多時實在有點久違。生蒜天王 ($92)期間限定天王拉麵定期轉換，這款則是以加入生蒜及八爪魚片刺身作為賣點，一球生蒜拌入拉麵當中蒜味不會過份濃烈，不過整體香氣則有所昇華。拉麵幼而比較直身，不算太掛湯。胡椒天王 ($92)胡椒天王絕對是不敗之選，大量芝士加上胡椒豬骨湯底，拉出絲絲芝士，雖然芝味不算突出，但口感層次豐富，惟湯底偏鹹。烤餃子 ($30)餃子烤得表皮微脆，肉餡份量並不算多但不會乾韌。豚角煮 ($25)原條豚肉煮得軟腍入味，肥而不膩。對拉麵天王的的熱情大不如前，但水準同樣四平八穩。

之前讀書經常在紅磡周圍走，今天下班跟朋友來回味一下，順道吃晚餐。這家拉麵天王在巷子中，之前沒吃過，所以就進去了。他們供應五款拉麵之多！基本上都要用豚骨湯白天王為主，再加辣成就赤天王，還有黑蒜油製的黑天王。至於限定天王會不定期更換，胡椒天王應該是定番，但雲丹天王就是最新的限定，還要是冷麵呢！吃拉麵都是喜歡熱的，所以點了黑天王和故椒天王，多叫小食和飲品好了~玻璃樽裝汽水不知為何就是較爽。桌上有水和調味料可任意使用。這是普通濃度的黑天王，相信點濃口味的話湯應該變黑色了吧？配料有蛋，椰菜，豚肉和木耳絲。他們的豚肉不會很肥，可以大口大口吃，肉嫩味香。豚骨湯底味道非常濃郁又creamy，嘴唇會黏黏的，也不會太油膩。硬的麵質相當彈牙又掛湯，正故椒天王是加了大量芝士的，看著都覺得豪華。芝士浸在湯中慢慢溶掉好邪惡啊~這邊沒有爽口木耳絲，用了清甜的粟米粒代替。半溶的芝士量好多，無論舀湯還是夾麵吃都會沾到，拉絲效果超級明顯故椒味豚骨湯濃味，配又滑又creamy的芝士味道真的好豐富呢豚角煮一上來已經聞到好香。脂肪部份不算很多，整塊吃都沒罪惡感。烤的那片烤的香軟又入味，小粒的咬下去就是爽口。餃子剛煎起熱騰騰的，

今日心血來潮，專登遲一個站落車去食我最愛的拉麵，係黃埔A出口前行第二個巷仔就見到，門口掛有紅色燈籠，唔難搵。一敞開門就聞到陣陣肉香味，雖然係平日晚上六點半左右，但已經半滿，可想而知呢間拉麵人氣旺盛。因為是日自己一個人所以安排坐了巴台位，雖然係咁，但因為呢間抽氣系統攪得好，食完都唔會成身味。點餐紙好簡單，我當然係點番最愛的赤天王配餃子啦。佢每一段時間都會有2款限定天王，今次係胡椒天王同海膽冷面，因為距離個牌有d遠所以冇影到俾大家睇👅大愛赤天王，辣而不嗆，而且仲嘗到豬骨湯底味。麵底係我想要的硬度，啱啱好又彈牙最正係個蛋，佔上湯底的辣油係面，食落好香口，口感更有層次即叫即烤，熱辣辣，內有椰菜，30蚊有5隻，價錢合理。汽水係玻璃瓶的，出面買小見小，所以好抵飲簡簡單單又一餐，心滿意足

今日係黃埔收早 打算周圍逛逛有咩下午茶食啦 點知比我係德民街見到呢間隱蔽拉麵店-拉麵天王為左食個飽飽下午茶 我決定入去食翻個拉麵企係門口都感受到日本既氣氛入到店內 無咩人 因為我3:30pm先食 可能無咩人會咁做店內既格局好簡約 無太多既裝飾 簡單既木檯木凳 有日本簡約既風格裡面沒有太多拉麵款色揀 主要就有白赤黑三款拉麵 還有每三個月轉一次既限定拉麵咁我就叫左黑天王 烤餃子 黑天王 賣相好令 未送到黎已經聞到好香既黑蒜味 真係好香！拉麵幼身彈牙 而且掛湯 不錯！餃子烤後帶點焦香 肉汁鮮甜美味 再配小小黑醋 更加可口！

個人其實對拉麵一向沒有特別喜好，除非朋友提議，否則平時我也甚少主動去吃拉麵。這天來到這間位於紅磡德民街的拉麵天王，未踏進店內已經感受到濃厚的日本風味。店內空間不大，不過剛剛開門營業已經不少人在此吃麵，看來有不少支持者呢 餐牌上共有四款拉麵選擇，分別為白天王原味豬骨湯拉麵﹑紅天王香辣豬骨湯拉麵﹑黑天王黑蒜油豬骨湯拉麵及限定天王拉麵，而限定天王則是不時更換的款式，是日就有紫薯咖哩豬骨湯拉麵和胡椒芝士豬骨湯拉麵兩款，雖然個人頗為喜歡紫薯，但是仍是有點擔心和懷疑紫薯與咖哩拉麵的組合，結果還是點了胡椒芝士口味。  胡椒芝士豬骨拉麵 ($89)拉麵的硬度﹑湯的濃度等都可以自行選擇，自由度高，食客又可以品嚐到最適合自己口味的拉麵。附有半隻半熟蛋﹑兩片厚切日式叉燒﹑粟米粒﹑紫菜及大量芝士，單是賣相已經先勝人一籌。叉燒肥瘦適中，偏肥一點，肉質鬆化軟腍，既大片又厚切，吃得人津津有味。半熟蛋從照片已經看得出流心呈度剛好，金黃溏心！拉麵是幼身的一種，芝士在熱湯的溫暖下融化，能夠拉出令芝士迷欲罷不能的芝士絲！芝士味道不太濃烈，不會搶過胡椒豬骨湯底的胡椒味，胡椒與芝士相輔相成，異常美味。桌上放有一壺店方秘製辣