Shine (已結業)

好多人都鍾意揀星期五放工後出街晚飯， 搵個地方Chill下 、Relax下。 今次揀咗位於尖沙咀嘅"Shine", 地點方便， 喺K11過一個街口就係喇。 入到餐廳，服務員幫我哋安排咗窗口位， 梳化夠大坐得好舒服， 一邊望住街景， 一邊聽著輕快嘅音樂， 心情即刻輕鬆曬! 佢仲為我們細心介紹食物， 最後決定叫煙鴨胸無花果沙律、 黑松露薯條、 西班牙蒜味蝦配多士、 香辣椰汁燴藍青口同埋燒安格斯肉眼扒。 因為食物份量唔算細， 我哋三個女仔食真係夠曬。 佢個煙鴨胸做得幾嫩滑， 味道和厚度適中 ; 蝦多士嘅蝦又多又新鮮， 蒜香味濃； 青口用咗椰汁做， 有少少辣味， 味道幾特別，食得開胃。 我嘅朋友手提電話冇電， 佢哋仲提供埋叉電器， 服務細心，讚！

喺尖沙咀當然就要食下西餐 扮下高級人士 XDD 今日就黎左呢間 星期三平日嘅夜晚人流都算多 keep住有人入 impressive!一開始當然要食啲沙律 叫左煙鴨胸無花果沙律 因為好似幾特別咁 上枱發現好大碟🤩 鴨胸煎得好香口 仲有少少脆 未食過新鮮無花果嘅我心心眼左 好清甜 令到成件事好清新然後就到重點了 豪豪地咁叫左個10oz嘅牛扒 七成熟 肉質好稔滑 毫不費力就切開左同咬得輕鬆 汁嘅味道亦調得吾錯 同埋欣賞佢連焗著呢個細緻位都照顧周到 切到薄薄的 調完味再焗 令佢好似薯片咁 好正正哦最後要讚佢嘅cocktail 我地叫左tequila sunrise 佢酒味濃啲 偏苦啲啲 以橙味為主題 吾中意太甜嘅可以試下 仲有 shining darkness 呢個以黑加倫子為主題 偏甜 入面仲有爆珠 幾特別 中意甜嘅朋友仔必試

係呢頭行完街想搵開餐地方，突然間好想食好西，就二話不說同友人上左去呢間餐廳由於仲早時間，客人唔算太多，但之後坐坐下都陸續多客!呢度嘅燈光昏暗，設有卡位及梳化位，坐得都幾舒服慢慢望下餐牌有咩食先 :習慣開餐前食個沙律，多一份"綠色"嘛，呢客田園沙律 ($78)就岩晒心水，顏色繽紛，引起人食慾!材料除左有爽口沙律菜外，仲加入紅蘿蔔片，車厘茄及橙，淋上少少醋汁，成件事簡單得黎又清新!係主菜未上之前，食住呢客黑松露薯條 ($78)，放底已聞到好香炸野味道!每條炸至乾身外脆，用手指拎住食都唔會油淋淋!  熱辣辣入口先感受到黑松露嘅獨有香味，再咀嚼就有薯仔嘅綿感，無論單食或點茄汁都好味道!食完個炸薯條，要飲返D凍飲中和下，呢度既係Bar，又係Restaurant，多種類酒精/非酒精飲品都有供應，呢杯Iced Fruit Tea ($58)，外型可愛，入口香甜，仲有少少生果粒，無加冰粒，飲到尾都唔會變淡，誠意推介!係飯/意粉類當中，點了呢客香辣蜆肉意粉 ($148)，材料一眼睇晒 : 大量蜆肉/辣椒/意粉估唔到都幾有辣度，但我接受到; 蜆肉全部無沙，食得放心又開心; 意粉係有口感嘅，個人偏愛有D硬度

今晚放早可以同到友人食飯，上網搵左一陣尖沙咀有咩好食既西餐就發現呢間好多人like同大讚就決定一試。我地一行二人行去，地點唔難搵就係正isquare附近，上到去見環境唔錯，微暗既燈光帶岀有情調既感覺，空間感好大令人可以好舒服坐用餐。我地book左七點都已經開始多人，睇黎晚餐唔book可能無得食。一開lift就會見到好大張bar枱，隔離就係reception枱。入面全部都以木為裝飾，非常簡約，簡單得黎帶點清幽。每張枱都有一個小燈，暗暗地好有情調同氣氛。Menu款式有好多，有啲花多眼亂。我地最後都係決定跟網上最多人點既菜式最後我地兩個人叫左凱撒沙律拼巴馬火腿，香脆炸魷魚，水牛城雞翼，黃金蟹餅同燒安格斯肉眼扒。凱撒沙律 - 菜好新鮮食落去卜卜脆，芝士量好足夠都同有味，整個沙律調味做得好好再夾埋個火腿少少喊味，一絕香脆炸魷魚 - 一放上枱熱辣辣出煙，食既時候要小心，魷魚外脆內軟，好好味。水牛城雞翼 - 雞翼好有味，個汁調味好夠好入味有少少辣，提升左個雞翼既層次感，平凡既雞翼變得不平凡，令人一試難忘。黃金蟹餅 - 成塊蟹餅都充滿左滿滿既蟹肉，每一啖都充滿蟹肉既鮮味，而且又唔係炸到好乾恰到好處，再

都有一段時間無同男朋友慶祝拍拖紀念😳咁岩有朋友介紹呢間係尖沙咀嘅餐廳，聽講幾有feel，一於就book位試下尖沙咀泊車都係停車場最安心，泊左係就近嘅新太陽，$34一個鐘。雖然遠過isquare，但都平左一截。樓上鋪嚟嘅，會望到街景，餐廳都比較暗，好岩靜靜談心。餐廳環境非常唔錯，坐落舒服我地唔算好餓，叫左兩份main加甜品同飲品加拿大龍蝦意大利飯龍蝦橫跨碟面，好夠份量，成舊肉义得起味道一流。底下意大利飯雖然唔多，但佢香草味同鮮茄味好濃，流曬口水呀燒安格斯肉眼扒係個太極嘅擺盤，有薯蓉同燒汁薯蓉一食就知非一般，有用心製作，夠曬奶味，食到一滴都無剩主角肉眼扒都係高質，叫medium火候剛好，有脆嘅表面同腍嘅肉質，夠曬juicy玫瑰花茶食完消消滯，最怕花茶有藥水味，呢度就合格喇底座慶住夠曬warm，店員都有幫我refill心太軟壓軸嘅甜品都好高質呀！心太軟做到流心，朱古力嘅濃度夠，甜苦比例係幾唔錯，雪糕係雲呢嗱味，有d似係movenpick嘅呢間餐廳情調一流，食物質素對得住價錢。都幾推介情侶嚟二人世界，撐下枱腳

早前朋友食過呢間有情調的餐廳，而且係有酒類飲料，不論happy hour完食野定 晚餐後飲返杯傾計，都可以一次係度做哂，都幾正，今晚同友人仲食到好滿足。凱撒沙律配煙三文魚 $78，估唔到份量滿滿，好多羅馬生菜，仲新鮮爽脆夠凍，個凱撒沙律醬拌得夠均，每啖都好滋味，煙肉粒同麵包粒就偏硬身。不過有兩大片煙三文魚，肥美魚味重，同埋不會太咸，所以配沙律就岩岩好。黑松露薯條 $58，熱辣辣即炸，傳來好香黑松露味，薯仔沾滿松露醬好正，如果有埋蛋黃醬仲正。黃金蟹餅$108，真係好驚喜，超大件炸蟹餅，好有份量可以3-4人分享，絕對抵食，因為好多蟹肉，用料十足。絲絲蟹肉鬆軟綿滑，味道唔算好重，亦無腥味，外層炸衣又薄又香肥，配他他醬一流。仲有燒菠蘿伴菜，味道酸笑可消減膩感。燒安格斯肉眼扒 $318，我地揀左配紅酒汁同五成熟。塊扒都有10oz大大塊，有炒雜菌同原個烤蒜頭。五成熟的粉紅色牛扒，肉質嫩腍仲好易切，食落仲好多肉汁，配紅酒汁味道更惹味，伴綿軟薯蓉味道同樣美味。不過我更喜歡原個烤蒜頭，因為蒜粒烤至軟綿綿，而且冇哂辛辣味，反而好有蒜香，夾埋牛扒食，味道更豐富。特濃咖啡雪糕杯 $58，即係特濃咖啡倒落冰凍雪

我食過依間已經兩次喇！最掛住既一定係佢既龍蝦湯！所以今次就一於帶寶寶黎試下啦。睇一睇menu，有少少食物都轉左，不過招牌同大路既食物都仲有。龍蝦湯... 唔洗諗黎到一定會叫依個湯！佢真係我既飛彿黎嫁。味道夠濃郁又夠鮮，唔會太咸。今次既side-bread 轉左，用黎沾湯食一樣正！黃金蟹餅... 鐘意食蟹既我地就叫左依個頭盤，外面沾滿麵包糠再炸到香脆，入面就有好多蟹肉絲！仲加左唔少青紅椒，所以食落唔會油膩。不過椒味有d蓋過蟹味啊。明太子海膽意粉... 哈！終於食到你喇！上兩次黎都食唔到啊.. 依個明太子醬味道好岀啊！仲有輕微辣味添，不過我覺得太稠有d張口。面頭仲有唔少海膽同三文魚子，味道都好鮮甜嫁。整個配搭同味道其實幾好食，如果意粉再硬多少少就好喇！燒安格斯肉眼扒配紅酒燒汁... 叫左5成熟岩岩好啊，牛肉味雖然唔係好濃，不過肉既質感好在唔錯，又唔會太乾。旁邊既薯菜燒得都幾多食嫁！

平日放假約埋朋友去尖沙咀行街再食晚餐，因為驚尖沙咀好多人好難搵位，一知道放假就plan定晚餐食咩，之前有幾個朋友都推介過一間樓上西餐廳 – Shine，之前想去食，不過個次full booking食唔到，今次一個星期前喺openrice訂到枱。🤪😍喺海港城行完街🛍，就過北京道搵個間餐廳，餐廳喺太子集團中心(地點好方便, 其實喺I Square 隔離)，全座大廈有好多唔同餐廳，不過我哋食飯時間去都唔駛等好耐先入到𨋢。Shine 就係呢座大廈嘅6樓，餐廳唔係好大，有bar枱位普通餐枱位。我哋訂咗位，所以唔駛等位就可以入座，我哋被安排咗坐喺bar枱隔離嘅一張二人枱，自成一角，感覺好舒服，私隱度好高。餐廳燈光都偏暗，所以每張枱都有一個電子蠟燭，氣氛都幾好，無論同朋友👭黎食飯傾計，定情侶👫黎食飯，呢個環境都唔錯!由於我唔飲酒嘅關係，我就揀咗杯mocktail🍹，mocktail都好多唔同選擇，諗咗好耐要Mr. Cool 定Party Rock🤔，最後都係決定要Party Rock, 因為本身都唔係好鍾意薄荷味。😛Party Rock – 唔會雪碧味太重，蓋過晒其他嘢，mix得啱啱好🤩黃金蟹餅🦀

約了朋友食Brunch，兩個月上OR見到這間上樓餐廳都幾多好評，所以一試。點零鐘上到去，都可以walk in唔使等，但見sofa位都reserved，所以坐在中間的四人座。朋友是食肉獸，無肉不歡，所以點了燒安格斯肉眼扒，要了七成熟，牛扒煎到外面帶焦，裏面依然保持粉色，肉質嫩腍，有牛肉脂肪香，而且肉汁豐富，旁邊還有些番茄仔及薯角，原個焗蒜就比較生，焗耐一點會更香。另外，還點了一個加拿大龍蝦意大利飯，龍蝦開邊有半隻，外殼微焦，應該是煨過，龍蝦肉新鮮爽口，意大利飯應該是以龍蝦湯煮成，有很香的蝦香，加上番茄仔，帶點酸味，意大利飯煙韌有咬口，整體十分出色。朋友的Peach Yogurt，可選擇要不要cream，有桃香但不太甜。我的Apple Peach Ice Tea，茶味及桃味混合一起，味道清新。

同友人食生日飯, 想搵間好D既西餐廳, 之前食過呢間覺唔錯, 問過壽星仔意見話OK咁就BOOK枱食飯升降機6字打開門就係餐廳, 面積唔算太大, 但燈光氣氛不俗一大個餐牌設有散叫, 種類選擇包括小食, 主菜, 甜品及飲品亦有套餐供應友人提議散叫, 當然無問題啦先黎個沙律開下胃, 呢個係芒果甜蝦沙律 ($88), 賣相靚仔, 以甜蝦圍邊, 中間以沙律菜為底, 再有芒果及三文魚子作配菜甜蝦食落比較膠口, 唔係太夠凍, 芒果甜美配合三文魚子既卜脆感, 幾種口感混為一口!小食點左呢客串燒醬油鷄肉 ($48), 一客有兩串, 啖啖肉無骨附有酸椒醬, 辣度都可以睇少, 但食起黎令鷄肉更加惹味, 鷄肉肉質嫩滑, 好味道!壽星仔係牛魔王, 鍾情牛肉, 呢客燒安格斯肉眼扒 (10 安士/$308)就成為佢既生日主菜10安士絶對對眼, 肉質切起時已感到佢彈性, 落了七成熟柯打, 切開仍然見到微紅色, 肉汁不斷流出黎, 配埋紅酒燒汁食, 10安士好快比KO!我就要左呢客玄米茶素麵佐慢煮鷄肉 ($108), 玄米茶另上!食時將熱既玄米茶倒進, 味道感覺似食緊熱版既"冷素麵", 有紫菜及黑芝麻既香味, 食落清淡得

黎到位於尖沙咀既Shine，一入到餐廳既感覺就係幾有情調，餐廳有大大既窗戶，色調主要是黑色，配上紫色燈光，要是可以坐到窗邊的話應該會更好!我們兩個人去所以決定一人叫一道菜首先是極「黑」海膽意粉($188)全黑色的意粉上面蓋滿份量十足的海膽和三文魚籽若然覺得味道不夠的話可以用上dropper內的墨魚汁「加料」🐙三者的配合不錯，墨魚汁本來會令意粉顯得苦澀，但是配上鮮甜的海膽和三文魚籽就可以平衡味道海膽意外鮮甜，但是如果吃下口有入口即融既感覺就更好☺️!三文魚籽雖說可以balance番意粉既味道，但係如果期望食到一咬就爆既感覺就未必有啦我地既第二道菜就係燒安格斯肉眼扒($308)牛扒大概有我一隻半手掌咁大😆我地叫左7成，廚師都整得幾好配上醬汁食更可以突出牛扒既香味來一張全家福👪❣️同行二人分吃再叫了一杯酒，個人認為House Wine (Red) Barbaresco更香更好飲😚雖然最後吃了$700多，價錢少貴但都值得再去食

香港可以食到火焰雪山嘅地方真係唔多，今次竟然俾我發掘到一間食火焰雪山嘅好地方，仲要喺尖沙咀北京道，地點好方便，就係太子集團中心6樓嘅 SHINE! 又平又正又重料!實在太正，所以要介紹左甜品先，一定要留定肚食呢個呀~~呢座火山 - 冧酒火山$108，一出場就成為全場焦點！好巨型，有我個頭咁大。一上枱，店員就會為呢座雪山淋上冧酒後隨即點火，藍色火焰，非常吸睛，巧靚呀。因為冧酒份量唔多，只有山頂部份微微燒焦。打蛋白霜打得綿滑企身，雖然冧酒已經蒸發左啲，但出頂位冧酒嘅味道仍然濃烈，滲入晒蛋白霜之間，而我就更愛山腳的味道，簡單又不帶一點甜味。打開雪山後，會見到一層海綿蛋糕嘅餅底，上面就有雲呢拿同朱古力雪糕，一入口就知，係Mövenpick嚟架。雲呢拿入面有一點點雲呢拿籽，雲呢拿味係特別香口，並非一般雲呢拿香油。入面仲有新鮮士多啤梨、藍莓、紅桑子添食食吓俾我發掘到兩粒泡芙，入面又係香滑雪糕。繼續食又有兩粒馬卡龍，真係驚喜無限。一球Mövenpick雪糕都要幾十蚊，仲要有兩球，成個雪山又冧酒、又厚厚蛋白霜、又海綿蛋糕、又泡芙馬卡龍、又鮮果，咁巨型又好食，甜蜜又滿足又好玩(好似雪山搵到寶藏咁)都只係