立体派拉麵 (威靈頓街)

营业中

休息中

連po兩個日式甜品，決定繼續po日本嘢。某日心血來潮想食拉麵，發現原來自己上一碗拉麵係舊年十二月喺大阪食嘅一蘭🍜，於是喺app搵到呢間位於中環、由大阪著名冠軍級拉麵大師林隆臣主理嘅拉麵店，一解我對日本嘅思念，我覺得質素不俗！ramen cubism特級白湯 （小）$88呢碗湯底用雞骨、雞肉、雞腳熬製超過八個鐘而成嘅拉麵係呢度嘅招牌🐔，一上檯我心諗吓我啱係叫細㗎咩，咁大碗嘅？！anw膚淺嘅我對拉麵嘅評價只限於個湯同個麵，而呢個奶白色嘅雞湯非常得我心，雞味濃得嚟唔會好油，拉麵我會話偏硬身，亦做到掛湯嘅效果，水準之作。至於塊肉，我係。。。唔識評價嘅，都幾厚幾大塊囉（廢話）。海體醬油湯 $88呢個湯係用九種唔同嘅醬油調製而成，比白湯清淡，不過隨麵附送一大碟油脂極為豐富嘅厚切叉燒aka肥肉，我本身仲以為佢嚟錯咗，入口即溶，極為邪惡！自家製餃子 $60皮薄陷靚，外皮香脆肉汁夠多，無得輸。•用app book有折，當日半價，抵食！•門口有啲隱蔽，係日式小店嗰種簡約低調嘅風格，所以要轉落條巷仔落樓梯，唔好miss咗呀～

⌇r a m e n c u b i s m係數一數二覺得念念不忘 食幾多次都覺得好impressive既拉麵😍 試過既三款拉麵都真係好出色 拉麵爽口彈牙 份量非常足夠🤤“ 🍜 “ 特級白湯( 大 $ 1 1 8 ) ( 小 $ 8 8 ) 大大塊嘅薄切叉燒 同雞白湯濃得尼吾會膩 食每一啖麵都會不一大羹湯一齊食 食完仲會想繼續飲晒啲湯嘅衝動🤤“ 🦐 “ 鯖魚湯香菇野菜海蝦拉麵 ( $ 1 0 8 )海蝦拉麵既湯底相對之下較清甜 加上大量配菜 冬菇金菇昆布椰菜同芽菜等等 食落感覺好健康 🙌🏻 三隻海蝦都好大隻 用酒醃製過 蝦肉鮮甜得尼仲有酒香!🍺“ 🥘 “ 海體醬油湯 ( $ 8 8 )最後介紹嘅呢碗拉麵 重點就係喺呢舊超邪惡嘅厚切叉燒🐷 叉燒半肥瘦 炆到好淋 豬腩肉真係入口即溶 肥得尼又吾會覺得油膩 不過成份自己食晒份量確實係有啲大 同朋友子share一齊食就啱啱好又吾怕肥喇呵呵😆立体派拉麵🧊中環威靈頓街27-29號元益大廈地庫

經過中環威靈頓街時被黃色招牌吸引住，上面寫上「立體派Ramen Cubism」，而且指向一條小巷。好奇心驅使之下，我走進小巷內，發現左一間拉麵店。沿樓梯走下去，餐廳外牆畫上左拉麵師傅既英姿。既然我都行左落去，不如繼續走，所以就入左去🏃🏼🏃🏼🏃🏼以拉麵店嚟講，立体派幾闊落，坐得幾舒服。- 海體醬油湯拉麵醬油湯底鹹度適中，麵條煙韌彈牙，最驚豔係 厚切叉燒，超級肥美軟腍，入口即化。呢個就係幸福既味道，雖然覺得有啲膩，但我仍然抵拒唔到叉燒既誘惑，一口氣食晒五大件😋- 特級白湯湯底以雞骨、雞肉同雞腳熬製而成，味道清澈不油膩，同時充滿鮮味。至於叉燒，味道同醬油拉麵既叉燒完全唔同，叉燒切得好薄，肥瘦分明，肉質鬆軟。- 名古屋風雞翼整體味道酸酸甜甜，雞翼上灑上白芝麻粒更添香味- 香炸雞軟骨餃子🥟外皮炸到金黃酥脆，餡料中混入雞軟骨增添口感。立体派提供多款飲品，包括可樂、綠茶等。論咁多間中環拉麵店，立体派性價比應該係最高，一碗拉麵最平只係$88，而且叉燒真係好出

疫情擾攘咗差唔多半年都仲未過去，想去日本避暑都凍過水，冇飛機搭咪地鐵囉，一樣去到日本嘅⋯⋯餐廳入面裝修咁有mood，同去轉日本冇咩分別啫用檸檬吊一吊味，再點吓沙律醬，炸雞即刻再進化，變成更美味嘅炸雞用雞腳雞骨熬製嘅白湯，清得嚟又濃味，溏心蛋又嫩滑，大胃不行了叉燒奇滑無比，同湯底渾然一體海體湯亦係極之不得了，唔係鹹，而係鮮，係海洋歷練嘅味道麵都唔會太腍，夠爽大胃嚴正警告胃民唔准拋棄肥肉，一定要食埋佢，唔食包你後悔雞軟骨餃子都相當有趣第一次拉麵送可樂記得落一落樓梯先到門口呀

啱啱開張嗰時好誇張，勁多人排隊特登揀咗日平日嘅下晝去3點幾去咁就少人啲同埋好快有位🤤——————————————————————📍1️⃣白湯拉麵🍜個碗真係超級大😂白湯好Creamy好入味拉麵亦都好彈牙，掛湯幾多🤤不過舊叉燒就好似譚仔塊腩肉😂😂😂糖心蛋都流心又幾入味🤤🤤友人就叫咗個海體醬油湯拉麵，仲有舊勁厚嘅叉燒，話係用咗九種類嘅醬油去整嘅湯底，友人就話湯底好清甜幾特別，但舊叉燒就略嫌有啲肥，有啲似東坡肉😂但整體都幾好食(無影到相🥺)總括而言，都幾唔錯🤤

勁好笑 我個碗好似發育不良咁😂😂無對比就唔知super個碗咁大😂😂·特級白湯（小）$88就算係細我都食唔曬😂😂😂佢個湯幾rich的 拉麵都彈牙 唔錯唔錯 係食到最後有少少鹹 不過都OK既keke 我尤其欣賞佢個筍 佢拉麵入面D筍超好味😍😍😍·#rbyeat#rby中環·📍中環威靈頓街27-29號元益大廈地庫

轉個角便看到滿幅油畫，畫得非常像真繽紛，彷彿到了另一個世界。友人說原來平日午飯時段都要排隊排至上樓梯再轉角，幸好我們晚上早來到，便不用等位。這次一踏進店裡便被熱情地招呼，店長像是老朋友地跟客人們開玩笑，並生動活潑地介紹食物，一舉手一投足除了有趣味性外，更能顯出其充分駕馭店內食材每一細節的能力。半年後再臨，餐牌竟然變得這麼不一樣：由當初只有四款拉麵，到現在有不少限定的新口味，而且不是一般常見的湯底，真的很有趣。此外，小食也多了一倍，四頁的餐牌已經夠讓我們花多眼亂，也不禁讚嘆這裡的進步神速。先來杯日本啤酒，店長用生動貼切的比喻介紹CODEO的各種味道：SHIRO像是Hoegarden、Shikkoku則似Guinness黑啤...... 剛好琉璃賣光，我們要了一支CODEO SHIRO，一支傳統日啤口味的三得利。SHIRO果真帶點淡淡的花香，雖說不上是甜，但對女生來說還是十分討好且易入口。下單後，店員很識趣地自動給予我們碗子去分享美食，畢竟那碗雙子拉麵的份量也不是一人可以吃光的。碗子也有日本風的細節，有點小家庭的溫暖。-雞全翼揸得非常香脆，即叫即炸，所以端上來後也要放一段時間吃才不會燙到嘴

睇啲報道講到呢間拉麵店好猛料咁，由大阪大師林隆臣同拍檔喺香港創立嘅拉麵品牌，所以就特登去試下。Weekday晏晝時段喺外面排咗大概10分鐘就入得去。首先同朋友share咗碟餃子，外皮唔太厚，亦唔會煎得太燶，唔錯。餐廳只有幾款拉麵選擇，我就揀咗特級白湯，拉麵比想像中大碗啲，搭配三大片低溫慢煮日式叉燒同埋半隻流心蛋，叉燒雖然大片，不過切得比較薄身，肉質都幾鬆軟嘅，湯底夠曬濃郁，拉麵亦夠彈牙。整體嚟講拉麵質素幾好，係貴咗少少。

616，相信很多香港人也不會忘記，反惡法、反修例、下台等字眼，傳篇每一個香港人的心底，而一大班「黑衣人」更站出來，為這個不公平的社會發聲，希望政府會細聽大家的「心聲」。一心打算參加遊行，之前當然要先吃飽補充體力，這間在中環的拉麵店，是朋友推介，一早已在嚐試名單之中，今日就決定來這裡午餐吧。位置就在鏞記酒家對面的冷巷內，有一點隱密，如不是有心尋找，可能未必會看到。門外畫上很多公仔，有些像是在運送拉麵途中，有似像把拉麵奉上給人客，很是有趣。聽說這裡的日本人大廚「林隆臣」，拿到很多不同的拉麵比賽冠軍，之後創立了這個拉麵品牌「立体派」，更得到一眾拉麵迷的支持，相信水準應該不錯。店內掛有多張掛畫，散發著大量藝術氣息，室內設計更加入了大量木材元素，充滿了大自然氣氛。可能時間尚早，沒有太多客人，我們選擇了這裡出名的特級白湯、新出品的鯖魚湯香菇野菜海蝦拉麵、傳統關西風關東煮、松林餃子、綠茶及烏龍茶。特級白湯(大)$118～超巨大的碗放上枱，實在有嚇一跳的感覺，看旁邊的綠茶就可以知有幾大碗了；三大片叉燒放表面，糖心蛋、筍及京蔥放在中間。以低溫慢煮而成的叉燒，入口即溶，味道出色，令人一試難忘；以多種天然食

話說，上星期又來到中環這間人氣爆燈的拉麵店吃晚飯，曾於不同的全國性拉麵比賽上奪魁的冠軍級拉麵大師林隆臣，於今年初進駐香港並創立拉麵品牌「立体派」，上次來是剛開業的時候，午市大排長龍，記得雞湯拉麵好吃，今次再訪，發現有新菜式啊。首先，餐廳是非常日式木系的裝修，我們坐下後，經理就非常熱情地為我們介紹新推出的拉麵和具大阪風味的小食。我們先點了啤酒，和特別清甜的天領水($28)。「鯖魚湯香菇野菜海蝦拉麵」($98)，以日本鯖魚熬製成清湯底，喝下去挺鮮甜，然後配的三隻虎蝦，肉質非常爽甜，吃得出食材高質！此款拉麵只限於每日下午五時三十分後限量供應20碗。 另外，我們也點了升級版「特級白湯」($118)，配好軟稔又重肉味的低溫慢煮叉燒及溏心蛋，雞湯依然好好喝，夠濃郁又不會覺得油膩，拉麵則彈牙掛湯。小食方面，我超喜歡皮脆肉嫩的「名古屋風雞翼」（$38／兩隻），以名古屋芝麻檸檬醬汁調味，香脆雞皮帶點甜，肉質juicy，吃得好滿足。 我們還試了「關東煮」($68)，包括雞蛋、大根及地道食材，如竹輪、魚餅、蒟蒻及炸豆腐，以鰹魚湯烹製，當晚特別喜歡清甜、完全無根的大根。最後，還有皮薄餡靚的自家製隆臣餃子 ($

次次夜晚路過排隊都好誇張，終於比我晏晝食到🥺試左特級白湯！好！大！碗！唔大食既朋友叫細碗就夠！哈哈！湯底係拉麵既靈魂😋完全感受到湯底用足料去熬製，帶有奶香，層次豐富麵條彈牙爽口，帶點黏性，加上低溫慢煮叉燒，入口即溶，oyishi~呢外仲試左辣味，食落唔會好辣，反要令成個湯濃味左😋下次會想再嚟試海體醬油湯🤤

今日同朋友黎食lunch，大約1點黎到前面一有4-5個人排左10分鐘度入得✌🏻✌🏻(聽講好多時候都排長龍架)呢間拉麵🍜主打<白湯🐔>同埋<醬油湯>5款拉麵都係$88，價錢中等，想食多d就可以叫大版<特級白湯>$118我同朋友都叫左<特級白湯>加左糖心蛋🥚同埋<松林餃子🥟>share食😆湯底好濃郁雞湯味，鮮甜，唔會有油膩感，超正! 😋😋好似係用左6個鐘去淆製而成架(飲左好多湯都唔覺漏👍🏻)麵條方面，有少少好奇點解冇得簡軟硬度不過麵食落軟硬都適中，而且掛湯好好食👍🏻肉方面係薄叉燒，有4-5片，醃得好入味，食落似係醬油味黎既，肉質較軟👍🏻可能個湯太出色，我覺得個麵同湯似主角多過個肉既🤤糖心蛋正常，如果流心d就好d ><松林餃子🥟我都覺得係味道口感正常，可能唔夠juicy所以冇一口食落好滿足果種感覺🙊湯底好出色，叉燒都好味，會再黎幫襯😋

越多吃拉麵，越發現自己最喜歡的是雞白湯拉麵。湯底醇厚，有油甘香得來不會油膩，比豬骨多了份清新感。 在京都吃過雞白湯.鶴一直無法忘懷，回到香港，賣雞白湯拉麵的地方真的不多，金田家令我最為失望，油膩而呈黃油（雖然那裡的豬骨湯底我還是會encore的）；最像樣的要數是座銀，專賣雞白湯拉麵和沾麵，小食也沒有。不過始終價錢較昂貴，總沒法常常來。看見這家新開的拉麵店也是打著雞白湯的旗號，regular size只要$88！ 在中環這地方價錢真的十分親民，難怪我們平日晚上八時來吃仍然滿座。地點其實不太好找，雖是座落於威靈頓街這條中環食街，但在大廈的地庫，其實就是在大廈旁邊的樓梯走下去（不用進入大廈裡）。但拾級而下才發現轉角是個截然不同的風景，雪白的牆壁上有人像的塗鴉，仔細看看貼在店外的剪報才發現這些人像都是拉麵店的兩位老闆手捧著拉麵的樣子，畫得很有神髓。店內以材和日本陶瓷為主調，配上柔和的電燈泡，裝潢簡約得來帶點日本家居的親切感。這裡主打雞白湯和醬油湯兩款，雞白湯分大和小外，還有加入咖哩變奏的辣味濃厚白湯；而醬油湯則分清湯以及用九種特級醬油調製的海體醬油湯。在店員的介紹下我們二人要了特級白湯和海體醬

日本拉麵熱潮好似靜了一輪，最近又有新店開了。這間「立体派」是由來自大阪的拉麵大師林隆臣及松村貴大創立的品牌，今年來到香港，跟本地餐飲集團合作開店，郤棄用原本的品牌名，而創出新品牌「立体派」，顯出他們並非甘於循規蹈矩的廚師。未吃麵之前，單看店子外牆的塗鴉壁畫，郤感到「立体派」給人一份獨特的藝術氣質，有別於一般拉麵店，在中環鬧市中都算幾奇峰突出。入店前實在應該細看店子的塗鴉壁畫，作品是由來自俄羅斯的藝術家Sergei Rozhnow創作的，配合「立體派」的意思，畫作真的既立體又有動感，而兩位創辦人的肖像也顯示在畫中，相當富玩味。店內仍有幾幅抽象派畫作，真的做到內外都充滿藝術氣氛。食物方面，店子主打白湯拉麵，賣點是湯底以日本米鴨、有機京都丹波地雞、特製籠目昆布熬製而成。麵條則用由日本引入的300公斤重傳統製麵機壓制而成，香港較為鮮有，至於效果如何，就要試試先知!店內的招牌作是「特級白湯」($118)，用上超巨型大碗來裝載，非常巨大。個碗有幾大? 不只大過一般人個頭，從上圖可見，兩碗麵已經霸佔了整張二人枱了!至於碗內的份量，麵郤不算很大份量，反而每片叉燒都像一大塊火腿那麼大。叉燒用上五花腩，並

本身自己中意食拉麵，知道中環最近有間新開冇耐既拉麵店，來頭不少，係由日本著名冠軍級拉麵大師林隆臣以及係日本擁有多間拉麵品牌既松村貴大合作創立，係一間創意拉麵品牌，命名為「立体派」，係香港首度登場！ 餐廳內外係斜路位置，有一條樓梯係巷仔，就會見到有啲好得意既塗鴉壁畫，上網一睇知，原來係呢間店特登請來俄羅斯藝術家Sergei Rozhnow係餐廳門外創作塗鴉壁畫，配合餐廳名字靈感「立体派」，而店內座位都足夠。食物選擇唔算多，主打「特級白湯」同「海體醬油湯」，另有「原味清湯」丶「濃厚白湯」及「辣味濃厚白湯」，只係叉燒份量以及辣/不辣既分別。特級白湯 $118由大主廚林隆臣推薦，拉麵碗十分之大，有三大片低溫慢煮日式叉燒及半隻流心蛋，配上以有機飼養京都丹波地雞、日本米鴨同埋籠目昆布熬製六小時而成既白湯湯底。湯底十分濃郁，完全不油膩，配料中既荀都帶清甜味，而低溫慢煮日式叉燒有咬口，拉麵麵質彈牙，果然係招牌拉麵。海體醬油湯 $88呢碗就係另一松村貴大推薦，用上九款日本醬油調味熬製而成既湯底，會另外附上3cm厚切慢燒叉燒。湯底十分清徹，同白湯完截然不同既拉麵，醬油味重而不咸，慢燒叉燒肥瘦均勻，醃得夠入