御膳

营业中

休息中

朋友係觀塘番工，就同佢一齊搵下觀塘有咩好食啦，然後就發現左呢間店，可以叫小菜黎食，好似都唔錯咁天氣開始凍，要食番個熱辣辣豆腐湯，湯好濃好夠味然後係例牌一定要試既潮州滷水鵝，唔係好多地方有得食咋，肉好腍好入味士多啤梨骨聽個名好特別，賣相都幾吸引，不過份量就比較少蟶子都好大隻又新鮮，加埋絕配既蒜蓉粉絲，正啊麻辣鹵水拼盤送飯一流，辣辣地又惹味，我本身都鐘意食內臟，好食最後叫左個菜，好鮮甜呢餐飯好有驚喜，不過份量唔算好多，但就可以試多幾樣餸

一直都有好多朋友推薦我去試的餐廳⋯⋯4月爸爸生日，諗緊食咩中菜的我，就忽然諗起呢間呢間位於觀塘工廈內的私房菜。Book位後，餐廳係個個星期confirm我們的餐單，今次揀左六人用的花膠扒羊肚菌餐。齊人後就叫餐廳起個湯。今次的湯係砂鍋大魚頭豆腐湯，用砂鍋煮的湯比一般的湯更可以保住營養及味道，加上鮮魚頭，味道極為鮮甜。屋企無了工人姐姐的關係，我們基本上都無咩煲湯，一飲到鮮甜又唔腥的魚湯，大家即刻再添多碗！鹵水拼盤就食得多，加了麻辣的鹵水拼盤就真係未試過。三合一的鹵水拼盤有牛肚、雞絲青瓜及豬。牛肚夠厚身，而且口感爽口；青瓜雞絲用了麻辣汁，比平用的麻醬汁更惹味；我唔食豬大腸，但細佬話整得好入味，仲不停咁啪入口。大肉蟹有2大隻，餐廳比我們揀合心水的煮法，除了有我Order的薑葱炒外，仲可以揀雞油花雕蒸/避風塘炒/胡椒炒/四川香辣炒，一定有款岩大家。我平時唔多食蟹，因為折得咁辛苦得個少少肉⋯ 不過今次呢兩隻蟹真係好厚肉！吮完個殼上的薑葱汁，再將蟹肉一齊食，鍾意惹味但唔食得辣的話，揀薑葱炒一定無錯！個餐可以揀蒜蓉粉絲蒸蟶子皇或者流沙黃金蝦，鍾意熱氣野的我們，當然揀左後者！一上菜已經嗅到邪惡的咸蛋香，

約左班朋友食飯，有人提議去食呢間私房菜，人多岩哂去食。地方唔算大，但都夠擺4-5張大枱。裝修一般，始終私房菜唔係著重於此。砂鍋大魚頭豆腐湯，一啲魚醒味都無，而且仲好甜。麻辣鹵水拼盤，牛肚唔韌好爽口，大腸都好乾淨，兩樣都鹵到好入味。中間青瓜沙律就比較辣，但都好好味。薑葱炒大肉蟹，蟹好大隻，落左好多薑蔥非常惹味。流沙黃金蝦，成隻蝦滿佈咸蛋黃，而且炸到外殼好香脆，可以連殼食埋。花膠扒羊肚菌，汁好香濃，令到所有有營養但淡而無味既野食變得好好味。上網搵左原來羊肚菌好有養生保健既功效。薑蔥炆龍躉腩，炸完再落薑蔥炒，非常入味。士多啤梨骨，食落無望落咁酸，恰到好處，而且仲有陣陣士多啤梨既香甜味。蟹油銀芽炒麵，唔係好油，麵亦炒到煙煙韌韌，唔咸而且非常好味。芒果布丁，唔係好甜，濃郁既芒果味，凍凍地透心涼。

長輩們鍾情中餐, 但家庭聚會餐餐都去酒樓, 食得多都會悶掛, 今日就帶佢哋嚟到呢間位於觀塘工廈嘅樓上私房菜 - 御膳。一家人點咗個5人套餐, 餸菜極為豐富！第一道香芒沙律大蝦球, 爽脆大蝦伴上新鮮沙律菜、香甜芒果、鮮果, 喚醒味蕾！緊接前菜, 一大鍋魚頭湯送上, 奶白色魚湯味道天然, 唔會過度調味, 加上滑一滑嘅嫩豆腐, 互相襯托。富貴金龍咁大條斑用嚟炸會不會有點奢侈, 兩款炸法一邊魚球, 一邊魚片, 我就鐘意後者多D, 魚片連皮, 食落更香口酥脆。大肉蟹 (胡椒炒)蟹肉新鮮唔黐殼, 蟹鉗大到好似食緊雞髀咁, 正！蒜蓉粉絲蒸蟶子皇又大又厚肉嘅聖子, 蒸得啱啱好, 肉質保持爽嫩。大蜆燉蛋蒸水蛋就食得多, 但燉蛋通常係甜食, 今次呢個加上大蜆嘅燉蛋, 充滿鹹鮮味, 有新意！士多啤梨骨肉質非常柔軟, 骨與肉之間嘅筋腱同脂肪充滿油香, 配上濃味甜酸醬汁, 送飯一流。金華玉樹雞呢半邊雞, 淨係起曬骨呢一點, 就已經攞曬分！ 每件雞配上鹹中帶甜嘅火腿, 啖啖鹹香嫩滑。上湯浸時菜蔬菜翠綠新鮮, 上湯味道偏重。蟹油銀芽炒面食到尾升都有驚喜！呢個可能係我食過最好味嘅炒麵。麵條炒得夠乾爽, 入口焦香味突出

友人又回美國了，趁他飛前眾人大集合來個farewell。 每次一大班人都會提議食圍餐，方便食又方便傾偈。年多前跟家人來過（上次食評請按此），没想到朋友也有興趣，來觀塘工廈食私房圍餐。麻辣鹵水大拼盆6人行，剛好坐到張大枱。甫坐下，便上菜。 麻辣鹵水拼盆有豬大腸、手撕雞、金錢肚。麻辣蠻重，夠惹味。砂鍋大魚頭豆腐湯 奶白色的魚頭湯超足料。 魚湯超甜、夠火候。最喜歡豆腐，夠滑溜。 蒜蓉粉絲蒸特大蟶子皇 飲完湯，進入主菜之路。 蟶子皇不愧為蟶子皇，每隻都有手掌般大。配生蒜、炸蒜一起蒸，剛剛好熟，彈牙鮮嫩。 墊底的粉絲充滿鮮味，如果份量多點就更好了。 胡椒炒大肉蟹 避風塘炒蟹經常吃到，今次試試胡椒炒吧。 蟹既鮮味又厚肉，啖啖肉感覺超滿足。 胡椒芡汁蠻濃，味道較淡，怕辣的朋友可以一試。但我覺得避風塘炒辣辣地，惹味點。 菊子魚 平時食松子魚，今次就試試由沙巴龍躉製成的菊子魚！ 魚肉圍成一圈，再加點青瓜、紅椒裝飾，像盛放的繁花。 起骨再炸，外脆內嫩。配上柚子汁，酸酸甜甜，味道更突出。 踏雪金巢 看菜單時已被此菜名吸引，超有詩意。 雀巢由芋頭造成，芋味夠濃又脆口。內裏裝著椒鹽什菌，金菇、秀珍菇⋯⋯ 炸

爸爸生日，所以就一家人出街食飯慶祝下！因為屋企人都鍾意食中菜，就諗下有冇中菜啱佢哋食时啦。同事話佢哋啱啱去完一間私房菜覺得唔錯就介紹俾我哋。我之前都未去過私房菜，今次係第一次，同平時唔唔同既係我地可以先攞菜單，再覆佢地想食咩，餐廳再預備食物！😃😃餐廳位於觀塘嘅工業大廈，唔講真係唔知呢度有餐廳！我哋當晚由觀塘地鐵站行到去餐廳大約10分鐘，唔算好遠。😙入到去見到都幾多人。職員就問我哋booking，再安排位置，然後按我哋菜單上菜。😊大魚豆頭豆腐湯首先上咗豆腐魚頭湯。個魚頭好大個，先煎左再煲，所以個湯顏色好奶白，完全無腥味，好重料，個湯好甜！五個人分，每人至少都飲到兩碗鹵水拼盆呢個本身係麻辣滷水拼盤，但係因為我哋唔食辣，職員知道後，好好咁同我地走辣！私房菜就係有個好處，就係會根據你嘅口味而準備食物！like it！拼盤有鹵水豬肚、豬腸、牛肚、青瓜手撕雞。真係要讚下個滷水！葉得好入味，好香，豬肚豬腸同埋牛肚都好淋。而啲青瓜手撕雞林左麻醬喺面，青瓜青新，幾啱胃口，好爽好Fresh！蒜蓉蒸大蟶子聖子一定要係大隻先至好食，而呢一隻真係大蟶子嚟架！每一隻聖子都有手掌咁長！聖子肉好厚身，食落好爽，面頭有

又到一年一度中秋節，我們一行六人想揾一間私房菜來團圓做節。我們選擇套餐三，一個人大約四百元。真心推介是一間充滿驚喜的私房菜。我們六人叫了套餐。頭盤是大魚頭豆腐湯，又下火又有益，最重要滾到湯是奶白色，非常重魚味道又無魚腥味。第二道是大拼盤，我之愛是牛肚，全部是用料靚的金錢肚，小小辣非常開胃。豬大腸清冼非常乾淨，加芝麻好香口。雞絲加青瓜絲食落有口感，三樣配合一起十分和諧。第三道，花雕蛋白蒸肉蟹。蛋白好重花雕味，蛋白又蒸到剛剛熟，非常美味，主菜是蟹來貨靚，肉質鮮甜又一絲絲，隻蟹鉗拳頭甘大，愛吃蟹的朋友不能錯過，這個整法又是我之愛。第四道是老豆之愛的蒸特大蟶子皇，非常甜味可口，蟶孑啖啖肉肥美。蒜蓉作調味已好滿足，粉絲吸收所有精華。第五道是踏雪金巢，個名非常特別。芋頭造成雀巢，雀巢上面以椒鹽方式炸雜菇，菇類做法似台灣的炸菇，非常香口，送啤酒一流。最底部是蛋白、金勾翅、瑤柱，非常矜貴，我未試過這種煮法。第六道是菊子魚。以沙巴龍躉起肉再油泡及上面加上自己調製柚子汁，非常特別又醒胃。比平常我食開清蒸更勝一籌。第七道菜是媽媽之愛士多啤梨骨。酸酸甜甜，顏色豐富。配合生果一齊食又另一種風味！我們食到這樣已經

我們小Chow Family的小孩日漸成長，越大越忙碌，能夠「召集到所有面孔」在家吃飯的光景更變得實屬難得！爹爹特地號召我們和姑姐一起外出用餐，還拉大隊嚷著要豪吃海鮮，我便提議不如試試私房菜吧～爹最後將任務又派給我這個「為食專員」的手中😎😎我們最後選了在私房菜中薄有名氣的「御膳」，雖然是位於觀塘工廈，但較近我工作地方，而且只在麗港城的對面（近翠屏河），都不算難找～～第一次試私房菜，發現他們十分貼心的喔！預訂座位後，可在wtsapp先溝通，餐廳會根據客人口味設計菜式，或者在以人頭計的各套餐中，再加加減減，果然是只有平民私房菜能做細心位啊！！！讚✨✨✨（最後點了六人份套餐）砂鍋大魚頭豆腐湯先來個暖胃的鮮味魚頭湯，大大個魚頭已經十分吸精，熬得奶白香湯，飲落鮮味，完全沒有味精，配上少許豆腐粒和鮮菇，補充了工作大半日的體力啊！麻辣滷水拼盆拼盆包含了麻辣牛肚（左）、涼拌雞絲（中）、鹵水豬肚（右），三款「有辣有唔辣」，顧及了不吃辣的媽咪～～麻辣牛肚：牛肚麻辣爽口，我最愛吃這款❤️❤️吃得一口接一口！涼拌雞絲：雞絲拌青瓜，但味道較辣，清爽透心涼滷水豬肚：豬肚滷得入味軟腍，毫無豬膻味～🤗🤗蒜蓉粉絲蒸蟶子皇（

世界輪流轉，阿媽竟然帶我潮嘆私房菜!上月中，有個Auntie車我媽去食私房菜，乜原來兩個人都可以食到私房菜架咩? 唔係要訂一大圍枱咁架咩? 哈哈，我都未食過私房菜，今次阿媽真係潮! 原來佢地仲要walk-in去食，枱都唔駛訂，去到可以叫餐或散叫喎。佢一路食一路喺whatsapp個family group入面share啲相出嚟威威  又話幾正幾好食。嗰日返到屋企又口述一次食咗啲咩.......  呢個私房菜之旅佢每隔一兩日就講一次，無限loop........講左幾日，老豆終於出句聲，話一齊去試下囉，佢拔槍喎。哈哈，我地梗係唔會反對，一於go go go! 我地就擇左個日子去食，到時出席就得喇喎~~食之前一日收到阿媽喺whatsapp send出嚟個餐單，我先知有咩食。阿媽話今次訂埋餐周全啲，佢先打電話去book枱，間私房菜就將個菜單whatsapp俾我媽，我媽再whatsapp同佢地傾有冇咩要改，全程由阿媽一手包辦，因為佢最清楚全家人鍾意食乜!餐單($441/位，每人菜位$2，免加一服務費):香芒沙律大蝦球砂鍋大魚頭豆腐湯芙蓉蛋白老虎班大肉蟹1只(可選花雕雞油蛋白蒸，避風塘炒，薑沖炒，

我公司喺觀塘，所以我經常出去覓食。上星期我就約左幾個同事去左敬業街嘅"御膳"晚膳。我地喺某網上Apps search到御膳，知道佢地菜式好有特色，非一般可比。砂鍋大魚頭豆腐湯魚頭又大而且好新鮮，奶白色嘅湯，甜味無比且營養豐富避風塘炒大肉蟹相當野味，肉蟹新鮮且啖啖肉菊子魚師傅相當有技巧，炸得脆但仍可保留魚肉鮮味，配以柚子清新，相當怡人御膳私房菜雖然身處工厦，没有華麗包裝，但菜式相當有水準，用心製作，值得一讚。

因就父親節又怕正日周圍食市多人, 就決定預早慶祝。從朋友介紹私房菜~御膳,位於官塘工廠區的食晚餐,又近家。但要預早三至四天前預訂,並向店提出你想食乜及愛嗜乜呢!我當然向店提出家人是嗜食辣,並會設計好菜單發俾客人參閱。 店裝修簡潔平實,環境很舒服。* * *【砂鍋大魚頭豆腐湯】湯呈現淡白,味道清甜沒魚腥味,而魚頭挻鮮的。* *【麻辣鹵水拼盆】例麻辣鹵水拼盆有豬大腸､手撕雞､金錢肚。好腍豬大腸好入味有滷汁香而不辣;手撕雞配上青絲及豆芽,辣辣麻麻地勁開胃;金錢肚口感剛剛好,易咬開帶微辣,好惹味。* *【花雕蛋白蒸大肉蟹】淡淡的花雕香帶出蟹肉的鮮味,靚大肉蟹勁啖啖肉, 多汁鮮甜,而底下蒸蛋白好柔軟滑,口感似豆腐咁滑溜,都散花雕酒的清香味和蟹鮮味,令人回味無窮。* * 【芝士焗花龍蝦】花龍蝦5至6兩,2只這道菜賣非常相吸引,令人垂涎慾滴。已開邊花龍蝦,肉質爽滑,富彈性鮮甜,配上濃郁芝士,絕配出色,而墊地是麵有經炸過有脆口感, 一口蝦肉一口麵,滋味十足。* *【麻辣水煮東星班 】約12兩原條東星班已起肉,方便食用。夾起一片魚肉來食,入口無腥味,而嫩滑鮮甜,鮮與麻辣滋味交替在口中真是開胃惹味。配菜有

平日一家人出動，總是像鴨仔團般，跟著Baba、Mama覓食。聽朋友說觀塘內有間私房菜口碑不錯，某夜決定換轉角色，帶他們吃晚餐。由於初次訂座，沒有頭緒吃什麼，所以餐單決定由餐廳來發辦四人份量的菜式。是夜剛好也是$1.5億六合彩攪珠日，下班後，先趕到觀塘馬會碰碰運氣，沾一沾財，再沿成業街走到麗港公園附近工業大廈，幸好位置不算太難找，而12樓一出電梯就是御膳了。四人被安排到一張大圓枱，非常闊落，兩邊設有電視，挺有家的感覺。正所謂十全十美，一共叫餐廳準備了10款菜色，整體上菜速度掌握得好好，一碟接一碟，沒有停頓位。砂鍋大魚頭豆腐湯湯是最先來到，內有一大條大魚頭及豆腐，大魚頭不算太多骨，肉質雖已煲得全腍身，但味道仍帶鮮味。一大煲可分成約6~8碗，此湯味道已有驚喜，湯帶有濃濃的大魚頭鮮甜入味，而豆腐仍滑一滑，明顯煲了一段時間，可不馬虎，做得非常不錯呢。香芒沙律大蝦球湯喝到一半，已奉上香芒沙律大蝦球。由於是四人份量，故廚師貼心準備了一人一份。沙律上放有切粒的生果，而最頂層的是大蝦球。由上而下吃，沾上厚厚的沙律醬的大蝦球，皮層感帶點黏韌，味道較想預中獨特，再混合粒粒生果來吃，酸甜爽口之餘，加上沙律醬非