上海婆婆336 (iSQUARE國際廣場)

营业中

休息中

這間人氣連鎖中菜館位於尖沙咀的iSQUARE國際廣場，主打正宗地道的上海菜。店內環境寬敞舒適，裝潢以老別墅為主題，帶點復古的味道，適合多人聚會。晚市時段設有兩款二人套餐，亦有四人及八人的新春套餐，新一年好意頭！雙人滋味小菜 - $398鎮江肴肉江蘇十大經典名菜之一，一層豬皮帶著一層蹄肉，又有香滑的上湯豬皮膠，可蘸上少許鎮江黑醋，味道層次豐富，平衡豬肉的膩感。336上海小籠包(4隻)上海傳統點心，皮薄肉嫩，咬開鮮美的豬肉餡好多汁，有高湯的鮮甜味。砂鍋雲吞雞 +$30/位清澈而不油膩的老火燉湯好鮮味，有兩粒肥美飽滿的雲吞，包裹著豬肉菜餡，還有嫩滑而不柴的雞件。黑醋排骨酸酸甜甜的黑醋香氣濃郁，排骨軟腍多汁好開胃。干貝寶螃蟹經典京式菜沒有蟹的成份，取而代之利用蛋白、瑤柱、帶子及香菇等炒出蟹肉的鮮嫩爽滑口感及味道。干貝蛋白炒飯+$30粒粒分明的炒飯充滿鑊氣，蛋白嫩滑又有瑤柱的鮮味。高力豆沙(2粒)加多粒+$15撒滿雪白的糖霜，金黃的外層咬開雪白，有淡雅的蛋香，中間更有軟滑的豆沙餡，軟呼呼的好香甜。京蔥手切牛肉包(3隻) - $48煎得外脆內軟，咬開有鬆軟的牛肉充滿肉汁，又有京蔥平衡膩感。生煎鍋貼

這間老字號中菜館位於尖沙咀，主打滬菜，提供多款正宗地道的上海料理。店內環境寬敞舒適，中式裝修充滿時尚感，設有卡位具備私隱度。全家歡聚套餐 - $698/四位三小拼(青瓜，烤夫，小排骨)涼伴青瓜鮮甜爽嫩；烤麩有著多氣孔有點像海綿，鬆軟有彈性；小排骨肥而不膩，香軟不柴。336上海小籠包外皮厚薄適中兼透光，肉餡內有點點肥肉，有層次之餘，有油脂甘香，肉味好鮮甜不鬆散，湯汁恰到好處。砂鍋雲吞雞長時間熬製的雞湯鮮甜不膩，半隻肥雞燉得鬆軟，雞肉嫩滑不柴好鮮味，更有六粒圓潤的雲吞，包裹著滿滿的鮮豬肉餡。咸檸檬扒鴨(半隻)半隻肥美飽滿的鴨肉香脆有肉感，連鴨胸肉片也軟嫩不柴，鴨皮充滿著脂香，再淋上甜甜酸酸的咸檸檬醬，增添獨特的清香味。魚湯蒜子BB小棠菜熬製的足料鮮魚湯帶淡淡的蒜頭香，使清脆的小棠菜更鮮味。火龍果櫻花蝦炒飯粒粒分明的炒飯被火龍果染上鮮艷的紅色，有少許軟綿的火龍果肉及爽脆的火龍果籽，更有鹹香的櫻花蝦提味，果味清新有層次。高力豆沙新鮮即製熱呼呼的，外層雪綿鬆軟，撒滿香甜的砂糖，咬開綿密的豆沙餡，甜度適中。

行完街係尖沙咀附近搵野食鐘意上海菜嘅媽媽揀左呢間上海婆婆336呢度鋪位大 地方闊落卡位坐得好舒服👍食完仲可以慢慢傾下計添 油炆小竹筍 $58先黎個冷盤 第一次食呢道菜小竹筍好嫩 咬落爽口冇渣味道鹹鹹甜甜 幾好食喎 336上海小籠包(4隻) $46小籠包一定要趁熱食皮夠薄 要好小心咁夾😆入面包住鮮美嘅湯汁同肉餡 砂鍋雲吞雞(例) $198好清嘅雞湯味 淺淺一層金黃色雞油好香飲一啖熱湯 身心都被療癒🥰雞肉好鬆軟 鮮肉雲吞飽滿有6大粒一鍋有齊雲吞、肉、菜真係好滿足 婆婆擔擔麵 $62揀左小辣 辣度啱啱好😌麻醬味濃 花生碎 芝麻 豬肉碎 都炒到好香😍細滑嘅麵條裏滿湯汁 超正

上海婆婆336位於尖沙嘴Isquare，餐廳好大間，有好多座位，坐梳化位又大張又舒服。話梅車釐茄蕃茄同話梅一齊係道非常好既前菜，酸酸甜甜好醒胃。鎮江肴肉肉厚豐滿，一啲都唔肥膩。上海小籠包熱辣辣，入口爆汁，非常好味。黑醋排骨醋醬汁好入味，微酸，味道唔錯。砂鍋雲吞雞每粒雲吞都好大粒，雞肉非常之嫩滑，小棠菜鮮甜,個湯幾好飲。柚子蝦球香濃柚子味，酸酸甜甜非常開胃，蝦球大隻，肉質彈牙。蜜汁火方將金華火腿(用冰糖蜂蜜桂花蒸煮而成)、薄脆和青瓜片放落麵包夾埋一齊食，入口好有層次感，非常惹味。雪糕高力高力豆沙外表不會過於鬆軟，食落唔會太甜。雪糕係抹茶和黑芝麻兩種味道。

一家三口加個姨仔去尖沙咀太空館參觀，個仔覺得樣樣都好新奇，逗留咗好耐，又到晚飯時間，行返去isquare搵嘢食，見到呢間上海婆婆，又好耐冇食上海菜，於是上六樓試試！首先職員好有禮貌同耐性，已經要加分！“話梅車厘茄”頭盤先上呢個開胃小食，唔食猶自可，一食食到唔停得口，酸酸甜甜特別好食！“鎮江肴肉”外面有D會整得好硬身，呢度唔會，唔太覺得油膩感，唔錯！“小籠包”皮薄餡靚，湯汁豐富，建議稍為攤一攤凍先食，費事辣親個咀，我就係😂！“蜜汁火方”第一次食呢道菜，上網睇吓原來係用靚嘅金華火腿，用冰糖水、蜂蜜反覆數次浸蒸數小時之久。仲有蓮子、松仁及糖桂花等材料炮製而成，用麵皮包住火腿，薄脆一齊食，好食到唔識形容，一定要推介！“柚子蝦球”連我個仔咁咀刁都要連食兩隻，可能柚子味道令佢好開胃，蝦肉又彈牙！“黑醋排骨”又嚟一個惹味菜式，相信如果送飯會令人食多碗！“砂鍋雲吞雞”食雞最緊要雞肉嫩滑，做到了，大大粒菜肉雲吞，仲有小唐菜，湯底濃濃嘅味道，令到已經覺得飽嘅我地，都係要叫碗“青菜煨麵”嚟食吓，麵質口感好，根本唔使其他嘢就咁食都得！甜品時間，我地原本想食芒果高力，可惜賣哂，最後食“芝麻高力雪糕”，個仔食到舔

謝謝儂在上海話中有謝謝你的意思，是菜館上海婆婆336意謂答謝顧客的支持。鎮江肴肉 水晶肴肉是鎮江的一款名菜，此菜肉瘦香酥、肥肉不膩，肉色鮮紅、皮色晶瑩、鹵凍透明，食用若以薑絲和鎮江香醋，風味更佳。336上海小籠包336上海小籠包皮薄肉汁鮮甜，食上海菜少不了的一道菜式。砂鍋雲吞雞 砂鍋雲吞雞有半隻雞、五粒菜肉大雲吞、一點小棠菜加幾片咸肉，雞湯熱辣辣，味道很清鮮，雞肉嫩滑又不會過腍，菜肉雲吞很結實碩大，每人食上兩三粒都有點飽。芋頭雪糕高力甜品叫了一客雪糕高力豆沙。高力豆沙外表挺身不會過於鬆軟，豆沙比例合適，芋頭雪糕半溶化狀態，加上朱古力槳，味道不太甜，蛋白鬆軟有彈性。

今天同媽媽在尖沙咀shopping完, 周圍找下有咩好食, 媽媽鐘意食上海菜, 就來上海婆婆食晚飯, Isquare同尖沙咀地鐵站相連,超方便!先叫了花雕醉雞, 陣陣酒香浸住嫩滑雞肉，入口不油膩，散發淡淡花雕酒香,暖胃又補身! 另叫了馳名336上海小籠包，上枱熱辣辣，蒸得剛剛好，皮薄餡靚！砂鍋雲吞雞，真係有成隻雞，雲吞有六大粒，仲有小棠菜，份量超多！隻雞好入味，雞湯非常鮮甜，不會太油，雲吞新鮮爽滑！甜品點了雪糕冰粉，係榴槤味既雪糕，超濃厚同creamy! 加埋煙韌冰粉，超滿足！

喺尖沙咀行完街，朋友提議今晚食上海菜，一諗就諗起上海婆婆，即刻過去食先得😉今次叫左 花雕醉雞($88)、336上海小籠包($38)、砂鍋雲吞雞($193)、雪糕高力豆沙($68)座位之間幾闊落，唔會坐得太逼唔舒服，可以盡情傾計😁花雕醉雞：天氣咁熱當然要食返D冷盤小菜降下溫，D雞件用花雕酒浸過下，所以食落陣陣酒香味但唔會過濃，非常出色😍336上海小籠包：食上海菜當然少不了會叫小籠包😉上碟時熱辣辣出晒煙，正👍🏻先點一點醋同薑絲，然後一咬開就爆出豐富嘅湯汁，而裡面嘅肉餡亦好鮮甜肉嫩😍砂鍋雲吞雞：見到個湯係好清，成個鍋份量十足，而且擺盤賣相吸引😍每一粒雲吞都好大件，非常飽滿，皮薄餡靚🤤中間就大大隻半隻雞，肉質嫩滑唔鞋口，吸收左上湯嘅味道，所以更能帶出肉嘅鮮味，而小棠菜就幾清新😋大合照🤩雪糕高力豆沙：高力豆沙裡面加入香芋雪糕，高力豆沙口感軟身，雪糕唔會太凍太硬，咬落去啱啱好😉呢個組合又幾夾，甜甜地幾好味舒舒服服食返餐上海菜，呢到都係唔錯嘅選擇😉

一排無食上海嘢, 上星期去了位於尖沙咀的上海婆婆336食晚飯.由於我六點幾便到, 所以店內無乜人.環境幾大, 幾寬闊.食上海嘢必點336上海小籠包.小籠包要趁熱食, 上枱後第一時間食.小籠包皮算幾薄身, 內裡的饀好多肉汁, 夠鮮甜.小食點了鎮江肴肉.肴肉次分明, 又夠通透. 肉質帶點咸香, 味道調教不錯.主菜點了砂鍋雲吞雞, 黃金炒飯和雪菜炒粉皮.砂鍋雲吞雞.一鍋份量都幾大 ,足夠兩三位食用.湯加入了火腿, 所以味道足夠, 而且仲吸收晒雞肉的精華.雲吞外皮幾薄身, 饀料幾有肉汁, 不算乾身, 可以話皮薄饀靚.而且雞肉算嫩滑, 好易就能拆開.黃金炒飯.上枱時已經香味撲鼻.飯炒得夠乾身, 每一粒飯都是分開, 不會痴埋一齊.入口時充滿咸蛋黃的香味, 但又不會覺得好油.雪菜炒粉皮.我本身鍾意食粉皮, 除了是冷盤小食, 熱食我也鍾意.粉皮本身無乜味道, 而雪菜偏向濃味, 所以兩者可以中和一下, 味道不錯.

雖說我喜歡吃味道清淡的菜式, 但久了又會心思思想吃濃味或帶點辛辣的菜式, 為味蕾帶來刺激, 今晚和灰熊共晉晚餐, 知道他平常愛光顧在家附近的上海菜餐廳, 這次我找來同為上海菜的上海婆婆336, 該合他的口味吧。上海婆婆336座落在isquare的六樓, 想不到佔地很大, 用上大玻璃將內外貫通, 特別有空間感, 裝潢也很年輕, 有不少是沙發坐椅, 燈光微黃, 很有格調呢。黃金四季豆 $68用上翠綠的四季豆, 炒得爽嫩無渣, 吃到新鮮蔬菜的清甜, 黃金部分是以鹹蛋黃作醬料同炒, 炒到黃金起沙, 鹹蛋味十分香濃, 迷人之極。婆婆擔擔麵 $50叫了少辣, 卻仍然辣度強勁的擔擔麵, 充滿花生味和辣油香, 味道豐富有層次, 甜、酸、麻、香、辣 五味達到平衡, 沒有各搶風頭, 濃香而不過於濃稠, 湯的味道是辣中帶甜, 麵條幼身, 掛湯能力強, 煮到軟硬適中保留彈性, 是整碗麵的靈魂, 灰熊不消幾分鐘就鯨吞了整碗。醬燒茄子 $62茄子營養豐富, 是我喜愛的菜式, 以醬燒的煮法, 咸香惹味, 又不油膩, 用來配飯很好下飯呢! 茄子煮得軟腍多汁, 茄子皮還保留紫色, 賣相佳。魚籽煙薰蛋 $18入口有很濃的

以前都有食開上海婆婆...今日黎到上海婆婆336睇下有咩分別! 黎到係覺得哩度好大好大好大!好多好多好多位! 初時以為咁早已經full驚冇位! 原來第二邊仲有位既! 仲要有好多卡位坐得好舒服!6點幾已經坐滿左一邊~哩度好多好多食物揀! 花多眼亂呀! 哈哈! 除左正宗上海菜之外, 仲有好多上海特式菜! 我終於揀到喇! 我地一行2人都叫左好多野食! 真係好吸引! 四小拼(脆膳, 小排骨, 烤麩, 肴肉)4樣不同既冷盤! 我最鐘意係脆膳! 甜甜脆脆! 好好味! 而小排骨, 烤麩, 肴肉都好味呀! 唔好睇佢好似好小, 其實份量係好多架! 魚籽煙燻蛋18蚊一隻~我地叫左2隻! 佢既有點流心! 加埋魚籽好有口感! 滑滑既蛋白+流心蛋黃! 美味!另外哩度既湯可以叫侈牌或者每位用都得! 咁唔錯喎, 可以食多d款又唔洗怕食唔哂!所以湯方面我地叫左2款~砂鍋雲吞雞(位)同埋沙蔘肉竹燉螺頭(位)~沙蔘肉竹燉螺頭清甜帶甘~熱熱既湯加上佢既湯料~清甜! 砂鍋雲吞雞雖然叫(位)上, 但佢都好足料! 雞湯好好未呀!而佢仲有2粒大大既雲吞!雪菜炒粉皮好味呀哩個! 佢既粉皮又滑又嫩! 加埋佢好多雪菜! 好有口感之餘又好

媽媽明明是潮州人，但一直都只愛吃上海菜，所以我都帶媽媽去過很多新式的上海餐廳，而今個母親節，我選擇和媽媽到上海婆婆慶祝！母親節的晚上，所有枱都已被預先訂座，幸好的亦早有準備，所以六時正便能入座，侍應還很貼心地安排我們到店內較後的卡位就座，環境比較寧靜舒適。喝杯熱茶，媽媽便很雀躍地挑選想吃的菜式，因為是第一次來到的關係，餐牌的感覺是比其他餐廳種類更多，而價錢亦十分合理。疼女兒的媽媽總是不敢多挑幾款菜式，所以最後我選了以下菜式：<四小拼（脆鱔、小排骨、烤夫、肴肉） $102>先來一個冷盤，這裡的四小拼不能自行配搭，但每款都是我想點的菜式! 特別是脆鱔，第一次見餐廳會願意將其放到拼盤中，即使要價$102，仍覺得十分抵食！脆鱔口感酥脆，味道甜中帶咸，佐酒一流！另外肴肉亦是我們的最愛--外層晶瑩，內層豬蹄肉肉質嫩滑而帶咸香。<椒鹽小黃魚 $48>平日很想點小黃魚，但很多餐廳都要點兩條或以上，令我卻步，但這裡可以只點一條，而且原來份量都不會太少，令我們喜出望外！小黃魚煎得金黃香脆，魚上撲上一層薄薄的椒鹽，鹽香四溢。<砂鍋雲吞雞 $176>一鍋有半隻雞

晌香港食上海菜嘅餐廳多的是，不過，如果約朋友食飯，我會偏向揀啲食過嘅，因為質素大概知喺點，穩陣啲。其實，今次舊同學嘅飯局，地點都喺大家拋啲建議出嚟，選好嗰兩三間都訂位已滿，淨番walk-in位，唔穩陣，搏唔過。突然想起尖沙咀嘅上海婆婆336，好彩仲有位，不過周六要分時段，我哋又無乜所謂嘅。都成年無嚟過，依家少咗自由行，遊客區嘅生意可能差咗，但今晚周六所見，就算唔十足，都九乘幾滿。所以，話分兩輪，由於下一輪都唔喺多人得咁緊要，都由得我哋繼續坐 。除咗小弟，原來當中都有舊同學嚟過，所以，大家都建議咗一啲心水菜式，再加啲炒飯、甜品，就已經OK。 四小拼（脆鱔、烤麩、小排骨、肴肉）$102 喺小弟山嘅心水推介嘅冷盤前菜，一來可以一次高試到多款冷盤，二來脆鱔真喺好特別。賣相樣衰嘅脆鱔入口脆卜卜，酸香開胃；小排骨如平常食到嘅糖醋骨，肉質倒算做得鬆化；烤麩軟綿而吸滿醬汁，食落煙韌咬口；肴肉晶瑩的骰，口感爽滑。 魚籽煙燻蛋 $18 / 隻 專登點嚟推介比舊同學試試，因為真喺做得有水準及心思，金黃蛋黃半凝半黏，蛋香濃郁而溏心效果突出，蛋白爽口彈彈，蛋黃濃香而略帶煙燻味，賣相吸引，食味又