古琴雅苑 (太子集團中心)

营业中

休息中

有別於普通嘅片皮鴨，北京烤鴨係連皮加肉一齊食，肥瘦度適中，咬落好Juice，上枱嘅時候仲係熱辣辣，佢仲有唔同嘅醬汁，特別有一款係酸酸甜甜嘅，個麵粉皮整得幾好，好薄身，每層都格有一張紙，方便拎。特別一講係啲配菜可以添加，唔會好乾身。另外叫咗松子魚，有啲失望，條魚比較細條，覺得個皮炸得厚，粉多肉少，但個醬汁都叫補救到。砂鍋雲吞雞，值得推薦，個湯底真係幾有雞湯味，啲雞仲好滑，材料多，口感好豐富，雲吞好滑好足餡料。

我哋大概六點半去到，因為平日所以唔係好多人，好快就可以安排入座，但係8點走嘅時候，見到好多人等緊位。餐廳環境枱與枱之間都比較闊落，我哋四個人嗌左四個餸，叫咗主打嘅北京烤鴨，個烤鴨比起平時食到嘅片皮鴨有啲分別，平時片皮鴨嘅皮同埋肉係分開，但係烤鴨就係皮肉一齊嘅，可以現場睇到師傅嘅切功，配料方面多咗砂糖同蜂蜜黃梅醬嘅配搭，服務員仲介紹咗鴨胸皮嘅一口酥，係成隻鴨最脆嘅地方，我覺得隻鴨唔算好肥，烤出嚟仲好juice。砂鍋雲吞雞出奇地啲雞肉唔鞋口，算滑，又入味，雲吞好大粒，我最鍾意係個湯，飲咗三碗👍🏻仲有松子魚，賣相好靚，已經拆骨，唔使驚有魚骨，上碟之後仲有服務員幫手切開，好貼心嘅服務。小籠包一籠有六粒，個皮雖然好薄，但係唔容易穿，個湯好鮮甜。餐廳本身仲提供手套，食片皮鴨嘅時候乾淨衛生啲👍🏻

呢間餐廳師承北京「全聚德」，以傳統掛爐烤鴨，預備工夫高達45個鐘，烤鴨師傅仲會大展刀工即席片鴨👨🏻‍🍳💗烤北京填鴨($185/ 半隻)師傅會先切下「鴨胸皮」，因為係最香脆，油香滿溢，入口即化，稱之為「一口酥」🦆食法係蘸少少白砂糖同蜂蜜黃梅醬一齊食，解除油膩感🍊其他鴨片就連皮帶肉，食落皮脆肉嫩，既有鴨香油脂，又有濃郁肉味。以薄身煙韌嘅餅皮包裏住🫓可加入清爽嘅青瓜🥒同京葱、香甜嘅哈蜜瓜條🍈，蘸上甜麵醬，層次非常豐富💗蟹粉扒豆苗($158)豆苗未夠鮮嫩軟滑🥬頂層加上稠厚嘅蟹粉醬汁，亦有適量蟹肉提鮮，以少量薑汁辟腥，可惜蟹粉唔夠甘香鹹鮮🦀💗蜜汁燒火方配荷葉包($188/ 6件)用上肥瘦均勻嘅台灣富貴火腿🍖加上糖膠、桂花水、花雕酒等熬成嘅蜜汁🍯另外有新鮮蓮子作點綴。配上熱辣辣又軟熟嘅荷葉包，味道香甜鹹香且不膩💗砂鍋雲吞雞($168)雞湯鮮美清淡，大白菜令湯底更清甜，雞油隔得夠乾淨🍲足足有半隻雞，雞肉幾嫩滑唔柴🐔另外有6隻菜肉雲吞，外皮薄身，內餡有雲耳、蔬菜同豬肉，飽滿爽脆🥟💗高力豆沙香蕉($58)用打起嘅蛋白香炸，不過口感唔夠鬆軟，欠缺空氣感。餡料有豆沙蓉同香蕉，表面沾上糖霜，甜而不膩🍌

一向都好鍾意食京滬菜 ，所以早幾日就帶左屋企人去古琴雅苑提早食團圓飯❤️首先就order咗一隻必點嘅北京填鴨，師傅會喺外面即場片皮同肉出嚟。只有皮嘅部份原來叫做一口酥非常香脆，點埋梅子醬食就唔會覺得膩👍🏼 鴨肉唔鞋又juicy, 每次包2片，真係好🈵️足😌入秋之後一定係食蟹嘅季節，點🉑️以唔食蟹粉，蟹粉賽螃蟹嘅蛋白香滑加埋蟹粉味道就更加香濃😋清炒鱔糊食落啖啖肉，而且肉質鮮嫩。招牌擔擔面湯頭有好濃嘅花生醬味，當中帶少少酸辣味，麵質亦都好彈牙👍🏼 食完啲濃味野之後飲番啖砂鍋雲吞雞嘅清湯，解解膩，perfect‼️最後食埋碗紅糖桂花湯圓就完🈵️啦😂😂今次呢餐屋企人比9⃣️0⃣️分😱😱下次再食過咁話喎😆

訂咗枱，去到都要等位，門口位置已逼爆， 睇落咁有人氣，自然會有D期望。茶類有茉莉香片、桂花烏龍、瑰麗堂煌、陳年普洱、胎菊王... 幾特別。在擠擁嘅店面中，師傅仍保持專業即場片鴨，有勞師傅了！每件皮肉很均勻，配餅皮、青瓜、京蔥、哈蜜瓜等配料，加上京醬或秘製蜂蜜黃梅醬，沒有油膩感，好味！花雕醉雞 - 花雕味濃，雞肉不會雪都死實楊州水晶肉 - 肉嘅比例重過膠質，正！雞絲粉皮 - 好多麻醬，鍾意濃味者應該好啱拍開洋黃瓜 - 顏色很素，以往味道好清，原來已經好入味京菜必點，唔係間間京菜都有得食，荷葉包上蜜汁金華火腿，味道一絕！個個都讚！鴨鬆、松子仁包埋卜卜脆嘅生菜，外脆內軟，口感十足湯底有金華火腿味，不錯！最後來個高力豆沙香蕉，即炸食品，雖然有D油，但紅豆配香蕉好夾，味道又不太甜。食物質素幾好，服務都可以，但枱與枱之間空間感不足，環境有D嘈，整體來說都算係不錯之選。

團年飯是年尾最豐盛、最重要的一餐。人大了，尤其當有自己的家庭時，當晉升為人父母時，團年飯更是最重視的日子之一，更珍惜與家人團聚的時光。今年年三十晚團年飯選擇到尖沙咀吃京菜的中菜館 - 古琴雅苑。餐廳位於15樓，打開電梯門便是接待處位置，餐廳佔地全層，樓底不高，兩邊玻璃窗令空間未算很壓迫，縱使大時大節食客滿座。裝潢走摩登風格的簡雅，不像傳統吃中菜的中國風格局。 接待處旁半開放的廚房，處理店方主打的烤鴨。 一行十三人，幸好早早訂定檯，安排坐於旁邊的大圓桌。邊吃邊點菜的餐前小碟當然少不了；店方主打食烤鴨，鴨子造型的筷子架，令人聯想起北京的全聚德。 餐牌內的選擇挺多，說得出的京滬菜都可以找到，而且價錢不算很貴，走中價路線。 前菜點了其中一款功夫菜：無錫脆鱔 $88 脆鱔炸得香酥可口，入味又帶股焦香。沾裹燒得濃稠的醬汁，越嚼越香，就連我這個不愛鱔魚又不吃鰻魚的嘴饞人，都吃不停口。 雞絲粉皮 $75 京滬菜系中的涼拌菜又怎可少得雞絲粉皮的份兒。柔韌的粉皮，清爽的青瓜絲、手撕雞肉，加上麻醬拌食，口感清新又惹味。 另一涼拌前菜：松花皮蛋拌豆腐 $69 幾乎切成蓉的皮蛋，其獨特的香味，