S2 Kitchen (已搬遷) 新店位置

N年前黎過呢間S2 Kitchen。今日經過石板街，心思思想食日本菜，不如就再食下啦。餐廳入口位於石板街斜路，入面非常的骰，不過重點係食物。呢度好似一間日式居酒屋，餐牌有沙律，佐酒小食，刺身壽司，卷物，爐端燒，飯麵，一品料理，甜品等等。牆上餐牌都有其他廚師推介同精選可選擇。每枱有支消毒搓手液，令人安心用。黑松露北海道帆立貝野菜沙律 $91＋10％北海道帆立貝有4塊，切得厚度適中，新鮮味美。上面舖上黑松露醬，好香黑松露味，同帆立貝一齊食好夾!沙律菜新鮮，配上少少酸嘅沙律汁食，上面撒上d白芝麻同蟹籽，清新開胃。芝士魚餅 $48+10%一客四件，魚餅超彈牙，煎得外皮香脆，中間芝士流心，配埋面頭既沙律醬一齊食，一d都唔乾，下面仲配有沙律菜。好味!芝麻雞翼 $38＋10％ 一隻外皮香脆，雖然有少少燶，但係脆到連骨都可以咬開，如果芝麻味重d仲正。蟹籽露荀明太子炒飯 $158＋10％呢個炒飯炒得好乾身，驚喜地加左好多黑松露，好香。露荀好新鮮，加左蟹籽增添咬口，新鮮熱辣呈上，唔錯既一道炒飯。今次試唔到名物海膽杯同刺身壽司，好可惜。

記住係中環S2！中環！中環！中環！佐敦有間野叫S2係藍店！不是佐敦！不是佐敦！小店位於中環石板街上去既右手邊，比街嘅檔口遮住。✨味道80分，環境70分，價錢中高，服務不錯。.🔸黑松露北海道帆立貝野菜沙律($91)帆立貝鮮甜，加左黑松露好香，野菜新鮮，沙律加咗啲黑椒，沙律醋調味，辣辣地酸酸地，好開胃。.🔸芝士魚餅($48)外面金黃色，裏面熱辣辣，夾住溶晒嘅芝士，一咬落去，口內滿滿既芝士，配魚餅好正。.🔸芝麻雞翼($38/隻)熱辣辣，皮薄又脆口，一咬落去有啲雞油唧出嚟，肉質嫩滑，肉汁多，少許胡椒辣味，超惹味。.🔸蟹籽露筍明太子炒飯($158)乾濕度適中，唔濃味，有淡淡明太子香，落露筍炒，夠爽甜。

中環有間小店，雖然細細間感覺好有日本居酒屋風味，店員都好親切。日本蕃茄野菜沙律：凍蕃茄整得好清甜，沙律汁好開胃調教得好好味，最重要面頭有小小黑松露帶出晒成碟沙律嘅精粹👍🏻👍🏻👍🏻芝士魚餅：魚餅夾住流心芝士加埋小小沙律醬，真係佢特別之處，好好味😋芝麻雞翼：整得好脆口連雞翼尖都可以食埋，送酒一流.....蟹籽露荀明太子炒飯：滿滿都是蟹籽，飯真係炒到一粒粒，我鐘意佢夠乾身，加埋露荀好清新。

今晚嚟到中環呢邊食晚餐☺️見到石板街呢度有一間小店食日本嘢～喺門口就見到好大隻連豬😍見到係一間黃店👍🏻就梗係嚟支持一下💪🏻一入到餐廳就見到佢以居酒屋嘅形式做主調🥰好似去到日本嘅居酒屋咁😆有唔同類型嘅日本菜選擇～感覺都好吸引😋黑松露帆立貝沙律有四舊好大舊嘅帆立貝刺身😍好新鮮～食落啖啖肉👍🏻沙律菜配左黑醋～酸酸甜甜幾開胃😋仲有啲黑松露醬好濃郁💕芝麻雞翼有兩隻炸雞翼～表面有芝麻粒好香脆😋表面有少少窿嘅感覺🙈不過都唔影響佢嘅口感👍🏻外脆內軟🥰咬落去仲有好多肉汁出嚟😍超級Juicy☺️忌廉蟹肉薯餅表面呈金黃色😍咬落去脆卜卜👍🏻好香口😋入面包住忌廉蟹肉~忌廉好creamy☺️蟹肉好新鮮🥰好豐富嘅texture💕S2 special 海鮮杯係一個玻璃酒杯裝住好大隻刺身蝦～仲有青瓜粒同埋飛魚蟹子，仲有吞拿魚肉碎😆海蝦刺身幾鮮嫩👍🏻飛魚蟹子粒好大粒😍食落啲汁流出黎😋超級鍾意咁大粒嘅飛魚蟹籽🤣吞拿魚肉碎一樣咁好味☺️青瓜粒幾新鮮爽口🥰蟹子明太子蘆筍炒飯佢個擺盤超級靚😍好有日式風情💕表面仲有兩棵蘆筍伴碟～炒飯好香口😋伴有蟹子同埋明太子☺️炒飯好有鑊氣👍🏻熱辣辣餐廳嘅服務態度好好👍🏻見到你啲茶飲晒唔夠水會不停幫你加水🥰

中環威靈頓街有間隱世日式小店，掛上S2料理的燈籠，門前貼有連豬的圖案，非常可愛，店內座位唔多，去之前記得預約－－－－－－1. 黑松露帆立貝沙律帶子係來自北海道，鮮甜香滑，加上黑松露，香味同埋口感更加突出，配以酸甜既柚子醋及沙律菜夠哂開胃2. Special魚生杯用酒杯砌成既極上海膽杯，不論視覺定係食慾都大大提升，全部都用上最鮮甜既食材，入面包括有日本海膽，蟹肉，吞拿魚溶，蟹籽等，一層一層疊住，配埋切成一粒粒既青瓜唔膩之餘仲有新鮮感覺，食完非常滿足3. 芝士魚餅芝士魚餅隻碟好靚，有沙律菜墊底，表面仲加上沙律醬，煎得金黃，有少少焦邊，食落非常彈牙，中間有層香濃的芝士，仲要係半溶狀態，香口美味4. 芝麻雞翼食緊芝士魚餅時，就見師傅準備油炸芝麻雞翼，炸得酥香，炸粉緊貼外皮，咬開仲有陣陣煙，入口有油香，肉質嫩滑，芝麻幾香，幾有風味5. 明太子露荀炒飯看似普通的炒飯，但味道幾有驚喜，有蟹子、露荀、明太子，炒得乾身，而且粒粒分明，不過明太子味道唔係咁出，如果多點咸香味同辛辣味，味道會更豐富

走係中環石板街，發現一間隱藏嘅小小日本食店🤓一拉開敞門就有熱情嘅店員，六點半人不多，如果想觀摩大廚嘅廚藝仲可以揀坐bar枱🤣舖頭做緊優惠，香港人8折🥰真係要支持下~落左啲野食，大廚招待左枝豆同甘酒一杯😙甘酒甜甜的，好岩女仔飲，易入口~好快就黎左第一道日本蕃茄野菜沙律，醬汁偏酸，而蕃茄好甜，撈埋食岩岩好😋跟住就有黑松露炙呑拿魚，黑松露香而不濃，可以帶岀呑拿魚嘅鮮甜味👍🏻里度有好多不同sake同日本酒飲，飲得酒當然都唔少得要點啲炸物，而里度不可錯過嘅就係芝士年糕同芝麻雞翼🤩真係真係要特別講下，芝士年糕嘅軟糯，一夾上就feel到，咬落去暖粒粒嘅芝士流岀🥰芝麻雞翼一上枱就香噴噴，令人食指大動😛炸物咁岀色仲忍唔住叫多左蟹肉忌廉薯餅🤤食到幾飽都好，我通常都會叫番個飯，因為日本米真係一百萬個好食，今次叫左蟹籽蘆筍明太子炒飯，貪佢咬落有蟹籽同明太子脆卜卜嘅口感🤪蟹籽同明太子份量超級多，加埋蘆筍片，超級滿足👍🏻臨行前，大廚仲招待左士多啤梨🍓甜甜的，非常美好

今個禮拜經常交通堵塞，但難得公司肯早放，於是即刻約朋友提早食晚飯，再次早啲返屋企休息。首先日本蕃茄沙律，本身好怕蕃茄企浸酸味，但呢個沙律好鮮甜爽脆，醋汁開胃。白身魚薄切，上面鋪左海葡萄，一咬開汁液散發出海水鮮味，從鮮魚片味道十分配合。蘆筍溏心卷炸得爽脆而不油膩，做法似天婦羅，外面crunchy ，內面有嚼勁。芝麻雞翼炸得香口，雞肉鮮嫩，外面脆皮同雞肉層次分明。最後係櫻花蝦泡菜炒飯，比較濕。泡菜大大塊，唔算太辣。甜品係芝士蛋糕，芝士味香濃，蛋糕質地厚身。呢間鋪頭喺中環石板街上面，但而家市況不景，我同朋友好似包場咁，環境清靜好氣氛。老闆表示，呢度都有做omakase，定位仲有折扣添。呢度仲有好多嘢未食未試，下次一定再來。

聽聞「S2 Kitchen」既大名好耐，一直都未有機會來拜訪，今晚就同女友嚟撐枱腳。餐廳內外位於斜路旁，位置唔太顯眼，有點「隱世」既感覺，小店從外到內整個感覺都似日本既小型餐廳，小小一間，估唔到入去仲有bar枱。食物選擇有較市面平價少少既omakase，最平$688有交易，我今次嚟就揀左散叫。日本蕃茄野菜沙律 $88醋味頗重，沙律菜新鮮，蕃茄鮮甜，開胃沙律。黑松露白身薄切魚 $168點少得食刺身，白身魚有好多款，常見既有真鯛、梭子魚等等，共通點當然都係魚肉白雪雪白，食落清爽，唔似油甘魚、拖羅果種食油脂豐富，加少少黑松露調下味，清新輕盈既刺身選擇。穴子卷即是海鰻，屬薄切，燒香其表面，而內裡就裏住青瓜，形成外軟內裡爽口既對比口感。蘆荀同心卷 $98無諗過原來蘆荀可以咁整，十分有驚喜，出面包左紫菜再拎去炸，內裡有三小節蘆荀，最後點上少少三文魚醬。蘆荀同炸香既紫菜同樣脆口，估唔到咁match，加上酸酸地既三文魚醬，用嚟佐酒既話一流。芝麻雞翼 日式小食不能少芝麻雞翼，炸既時間岩岩好，肉質嫩，而且冇雪藏味，帶少少咸味，必點。芝士年糕 $58有時唔係食放題先點芝士年糕，擠上左少少沙律醬，外層唔算十分

去到中環覓食，今日的目標是日本餐。就在樓梯的一角，內有隱世的日本料理。價錢不貴，食物質素高。吃到了連鎖店食不到的味道，吃到了與廚師邊吃邊聊的體驗。我們兩個人，選擇了坐Bar枱，更容易與師傳作出交流。餐廳的位置不多，但在裡面不會有壓迫感，師傳每道菜都用心準備，不會急急上菜，重視質素，與食客交流，傾多陣計或者坐多一會，都不會被提示交枱，可以說與中環節奏急速的都市成為一個對比。日本蕃茄野菜沙律首先叫了一份沙律作為前菜，沙律菜好新鮮，又爽又，在現有的沙律醋上，，師傅巧妙於沙律加上少少黑椒，帶來了少少辣味，加上一份惹味。蕃茄多汁，酸味為之後的食物打開序幕。黑松露薄切油甘，這個可是師傅推介喔油甘本身就鮮味，而店內的用料新鮮，放入口，啖啖的魚鮮甜味已經湧出來，再加上少量黑松露，兩者的配合好夾，黑松露份量適中，不會搶了原來食物的原味。辣味牛舌用牛舌作為前菜，覺得幾特別，牛舌本身牛味就濃烈，與剛剛的沙律菜雖然同為前菜，但一濃一清新形成了一個大對比。確實特別穴子卷穴子饅魚，穴子卷向來都在日本餐廳深受歡迎，今次的穴子十分足料，大大一片，每一口都可以食到魚的味道。露荀同心卷這個相當特別，中間的陷料是露荀，一咬

一直想試海膽杯！早好多就book定位！非常期待！入到餐廳，無乜人，感覺有點細我地經openrice book 檯有85折，原本朋友想儲 miles 但餐廳話而家無左。睇餐牌見到好多野刪左。睇睇下有位廚師？老闆？行黎話而家轉左手，轉左Omakase 形式，問我地想食咩，就整比我地，我地話想食海膽、拖羅、壽司。細問佢話5-600一個人，見一場黎到，就試下啦終於上菜啦頭盤：合桃小魚乾之後刺身登場有左口魚（好食）一塊拖羅（有筋）北寄貝、帶子、油甘魚、蝦之後海膽杯出場啦！廚師/老闆話本身個杯會太多，之後出左超迷你海膽杯比我地！咁都明白要成本既，好食就ok la, 點知滿心歡喜食海膽，即刻失望，唔新鮮苦苦地，朋友話好腥，黎到出名食海膽既餐廳，食呢個質素海膽，的確非常失望再黎係一人一隻芝麻雞翼，味道少辣，本身以為皮會少少脆，但原來淋淋地，感覺似翻叮咁之後上左蘆筍卷，感覺可以，跟住就上甜品？下？我同朋友都好驚訝，之前話有壽司嫁咁廚師/老闆都話即刻整番，有兩款，飯有點硬最後就再食番個芝士蛋糕結尾，就叫貨既質素埋單時，老闆話比番85折我地每人600蚊，85折再加一本身都預呢d價，但期望質素會高d...所