胡爐 (已結業)

我同朋友都係睇中呢間邊爐既湯底，好似好正咁，所以就選擇咗黎「胡爐」幫襯，環境衛生都乾淨，不過地方細，唯一唔好係聽到隔離枱講咩。今晚湯底選咗「金翅花膠乳鴿鍋」，女仔要進補一下，湯很濃郁，花膠很淋身又大大件，乳鴿炆到淋哂又入味，我哋係邊爐前飲下湯先，真係好好味😋火鍋料：廣島蠔、花雕鮮雞件（小）、黑松露墨魚丸（半份/4粒）、蟹籽蝦丸（半份/4粒）、自家製韭菜餃（半份/4粒）、蔬菜拼盤、自家製響鈴、紅薯粉蠔煮熟左都唔係太縮水，食落都幾新鮮。雞件大大件，要煮耐少少，肉質嫩滑。墨魚丸勁彈牙，驚喜。響鈴勁好食😋。紅薯粉煮完要比啲湯一齊食先正。

天氣開始有點涼，正是心郁郁去吃火鍋之時，這晚選了胡爐。 我最喜歡個湯，金翅花膠乳鴿湯香醇味佳，沒有味精因為返家沒有口乾。食物選擇貴精不貴多剛合胃口，質素非最上乘但都唔差，配合價錢吃得過。心水推薦金翅花膠乳鴿湯及皇帝柱貝墨魚丸。 位於銅鑼灣商廈內，面積不大，但設計正好有隔板分開客人，適合現在疫情下二人或四人小局。 我喜歡這裏的火鍋湯底，全部都是足料濃湯及有料吃得飽的，例如火焰龍蝦、椰青雞、花膠乳鴿、卜卜蜆鮮蟹魚湯、佛跳牆等。我必先喝三碗暖暖身，然後吃料，就無需餓着等食。金翅花膠乳鴿湯 $328今晚點了金翅花膠乳鴿湯，是銅鑼灣店限定的，果然不錯！奶黃色略黏的湯頭內、露出鋪滿金色的素翅的原只乳鴿，賣相吸引，湯頭味道醇厚甜美。乳鴿肉嫩皮滑，花膠厚身大片，縱使沒有可能是上乘貨所以口感有點硬，但令人吃得滿足。素翅也許是魚膠粉做的，吃下去就是幼身硬膠的口感，沒有怎樣，沾了湯汁，尚算不錯。配合南瓜作湯底相當聰明，溶化了的南瓜增加了豐厚了湯底的質感，縱使花膠素翅的膠原不夠，湯喝起來都有幾分似。本地肉眼邊爪 $398牛肉亦是精選的，我們的本地肉眼邊爪，份量十足，脂肪比例適合，灼熟之後口感幾好，有少少嚼勁，

位於銅鑼灣的新派火鍋店胡爐，上年與好友在食過一次，好友覺得火鍋湯底好正，加上食材用料新鮮，要求今次聚會再度幫襯，餐廳裝潢走中國風，擺放了大量清酒作裝飾，地方寬躺梳化位置十分舒適，古色古香雕木製屏風阻隔成獨立房間私隱度高，服務招待又好，不失為一個很好的選擇。 鮮椰青雞火鍋好有禮貌的女侍應將雞件、椰子肉、杞子、紅蘿蔔先炒香，倒入酒再用火槍引火，火焰真係好吸睛，的的確確香氣四溢，過了一陣之後再將鮮椰青水同濃濃白色的雞湯加入鍋中煮煮滾，飲啖湯有淡淡的椰子香味，非常清甜。手切頂級安格斯肥牛食火鍋必定要食牛肉，安格斯肥牛脂肪平均，口感滑嫩，入口即化，好食到不得了。自家製炸響鈴炸響鈴非常之香脆，口感脆卜卜XO鮑魚蝦餃王餡料有鮑魚粒、碎肉及蝦粒，味道鮮美爽滑

今天天氣特別凍，係入冬以來最凍嘅一日，火鍋一定係第一時間諗到最想食嘅嘢！食到暖笠笠最滿足。試過尖沙咀嘅胡爐分店，今次去開銅鑼灣，就想試一試佢銅鑼灣嘅分店。一上到去已經有好多人等緊位，我哋二人枱要等兩張，等咗大概45分鐘。好熱鬧呀，好多人傾計飲啤酒。一嚟到店員就遞上了唔同嘅醬料配料，然後我哋就叫咗一個湯底，就係好吸引嘅濃湯雞翅鍋。店員都話記得飲咗湯先啊！湯底超級足料，有翅，花膠，雞件同埋菜，仲有一片片嘅金華火腿吊味。我哋真係當湯咁樣飲左先再打邊爐！好肚餓嘅我哋嗌咗兩碟肉，一牛一羊，仲有四五款嘅食材。牛肉當然係打邊爐嘅必點之選，我地點左最經濟實惠嘅一款手切安格斯肥牛。非常滑而且好重牛味。配上麻醬蒜粒係絕配！另外羊肉肥瘦剛好，而且羊味很夠，喜歡吃羊嘅我哋亦非常讚嘆！份量好多！一定要讚一下嘅就係手打牛丸！好好味，好彈牙，完全係食得出係手工製作手打嘅感覺！仲要係非常有牛味，同出邊食嘅好唔同，未食過咁實淨又彈牙嘅牛丸。$58 四粒都覺得好抵食，好有質素。手工炸響鈴亦係必點之選！一上菜嘅時候我睇到非常讚嘆，一卷一卷好大卷嘅響鈴，而且外皮看起來非常香脆。浸入湯大概5秒已經很足夠，吃起來香脆同時又有很濃

今晚放假call 了妹妹去銅鑼灣《胡爐》食火鍋，它位於百樂中心三樓全層，一打開升降機門，餐廳門外放置了不少日本清酒作裝飾，每個座位與其他座位之間都加上了中國古代風格的屏風，增加了私隱度，有獨立空間感。店內還掛上一幅藝人霍汶希簽名的"天下一第爐"的掛畫。火鍋湯底選擇了鮮椰青雞鍋($298)，店員先將雞肉、椰子肉、杞子及紅蘿蔔一同煎香，再加入了日本清酒，服務員會在客人面前點火，酒可以去了雞肉的腥味，用火燒一燒可以蒸發酒精的苦味，香氣也隨著酒精揮發出來，再混入新鮮椰青水及椰漿鮮雞湯，滾起後就喝一碗滋補雞湯，湯底清鮮甘美。醬汁方面都是平時食火鍋常見的，有花生醬、紅辣椒、青蔥、生蒜、乾蒜等......小食先來一份炸魚皮 ，炸魚皮質感較薄身，咬下香脆又晤腥，也是最佳打邊爐的餐前小食。食火鍋當然不少得點一些飲品，飲品分別有椰青 ($48)及青檸梳打($18)，椰青水夠晒清甜可口，最好配搭食這個鮮椰青雞鍋，而且消暑一流。青檸梳打更帶有青檸自然清香，夠晒冰涼而且解滯。火鍋配料先有芝心墨魚丸($52)及黑松露墨魚丸($52)，芝心墨魚丸除了有墨魚的鮮味，咬下都有爆出溶芝士漿，軟滑的芝士更芝味惹味，咬下都很

與友聚舊，選了一間火鍋店「胡爐」邊烚邊談。這間「胡爐」位於食肆臨立的百樂中心，繁忙時間排隊乘電梯的人龍一度長至耀華街。幸好餐廳在三樓，可步行樓梯直達。餐廳的玄關正門位置設置了一個酒櫃裝飾，擺放了多個著名清酒酒瓶。用餐區以高身間牆板作區間，能為食客保留一定私隱度。 是晚的湯底是「鮮椰青雞鍋」，店員先把鮮佐料拌勻炒香，再倒酒點火引味，最後加入椰青水及上湯。在淥煮生料前可先嚐一兩口椰青雞湯，口味帶甜，並洋溢輕輕的椰青清香。多吃兩口雞，能吃得出一份稚嫩感，但雞味只屬持平。 肥牛是火鍋的必食項目。這碟「極上手切肥牛」賣相食味評分一般，近 $400 一碟個人覺得偏貴了少許。「白鱔片」用料新鮮，但建議留意切片方法以減碎骨數量。 「黑松露蟹肉餃」能清晰呈現黑松露及蟹肉的味道，不俗。 「芝心墨魚丸」及「牛骨牛汁丸」做工吸引。前者流心彈牙，後者牛味濃香富層次，讚！ 「蔬菜拼盤」內含四五款不同的菜蔬，二人分享適合不過。 「胡爐」的火鍋用料達標。只是人少吃火鍋普遍有人均消費偏高的通病，影響了抵食評分。

銅鑼灣胡爐喺百樂中心，搭地鐵喺時代廣埸出口行兩步就到，交通非常方便。就算係兩個人，都有屏封可以拉埋，私隱度不錯！醬料 $22 each很精緻，配料亦很新鮮！胡爐四格鍋 $268超級巨型厚實的大煲！幾乎完全淹沒了嵌入式的電磁爐！四格鍋可以一次過滿足晒我嘅慾望！有齊清湯、蕃茄、沙嗲同埋麻辣。而且個煲設計得好好，就算幾滾都好，啲湯都唔會滾到大兜亂，仍能獨立保持四種味道，正！清湯：係芫茜皮蛋清湯，裡面仲有要大磚豆腐，想食返食材嘅原味就用呢個。蕃茄：很濃郁的蕃茄湯，酸酸地幾開胃！裡面有幾舊牛肋肉，烚到腍晒勁入味。沙嗲：超香的花生味，仲有幾片很爽口的豬皮。麻辣：初時食完全唔覺辣，之後就愈來愈麻，愈來愈辣，後勁凌勵，辣得過癮！入面仲有幾舊豬腳。藍妹 $38三十幾蚊有大啤，都算抵玩！可樂 $18打邊爐不可或缺的良伴！豬下青 $138切到好薄，就算係豬肉，都只需烚兩下就食得！好香肉味，仲幾爽口！蔬菜拼盤 $58有小白菜同埋唐生菜，翠綠新鮮！芋絲 $38爽口索味，配咩湯底都係咁夾！蓮藕片 $48又甜又爽，而且份量勁多！

今晚去 time square 那邊掃貨, 行得有點累去了側邊的食街 - 耀華街那裡尋找美食 可能耗盡體力, 大家今晚都想來個大餐 , 去了胡爐食火鍋 火焰龍蝦海鮮鍋 哩個是波士頓龍蝦, 加了牛油, 洋蔥, 蕃茄香煎, 然後在我們面前加了少少酒點燃, 令龍蝦蝦殼更香口。最後用上了香濃的法式龍蝦湯滿滿的填充了一鍋, 待滾起可以先飲了一碗, 享受龍蝦湯的滋味, 再用來吃火鍋! 胡爐牛拼盆 (小) 牛舌芯, 安格斯手切牛, 極上手切肥牛, 日本和牛, 霜降牛粒 一次過食到5 款頂級牛肉, 基本上因為牛肉太新鮮, 反而沾醬會食不出原味, 所以我們都只是煮到胰熟就即食了! 日本和牛真的名不虛傳, 雪花平均遍佈整片牛肉, 煮熟了就入口即溶, 回味無窮 牛舌芯是薄切, 很考刀工,, 煮熟了口, 入口有點彈牙的口感, 牛騷味令人食指大動雙併丸 – 黃金墨魚丸 及蟹籽蝦丸 一碟有八粒, 感覺是份量不太多, 不過食完就明了, 全是手工丸子黃金墨丸: 原來是流沙的, 我食第一粒, 中間的汁彈了出來!! 裡面原來是流沙鹹蛋黃漿, 所以有很濃的蛋黃香, 而墨丸也十分彈牙 蟹籽蝦丸: 沒有任何雜質, 是手打到起膠