The Grill Room (The L. Square) (已搬遷) 新店位置

🎂生日飯🎂 想食浪漫又唔太貴的西餐, Grill Room算係比較好的選擇~今次透過Eatigo訂座, 被安排坐在吧枱, 開放式廚房可以睇到廚師煮食感覺良好~🔸Entrees:  Salmon TT 三文魚他他配香草乳酪汁三文魚他他多到滿出來，三文魚味好鮮 同面包配搭岩岩好，放上面包後仲有好多淨，就甘食都好正🤤🔹Main dish: Rib Eyes Angus  安格斯肉眼扒配黑松露薯泥叫了6成熟，肉質好靚超juicy，而且配上2款醬點都好夾，黑松露薯蓉味好出😍🔸Main dish: 蜜糖柑桔汁燒豬腩配焦糖蘋果燒豬腩皮好脆，肉質韌夠剛好🤤放上青蘋果沙律，味道上配搭恰到好處~見到有人點斧頭扒Tomahawk Steak Set超級大份, 成個手臂甘長有點嚇親, 但聞到好香, 下次多人去一定要叫來試試! ______________________________❗️Openrice訂座星期一至四都有85折，set都有得折😍佢d discount成日轉, 詳情可以睇返Openrice~✔️留意返用優惠價訂坐通常安排坐bar枱或搭枱

同好姊妹一齊慶祝生日飯。今次想食西餐，就去咗銅鑼灣嘅 The Grill Room。餐廳比我預期中細，但幾有情調。侍應服務幾好，又 nice Set dinner 都幾多選擇。有頭盆、主菜同甜品，但就冇包飲品，想飲嘢可以另加 $88，有兩杯。頭盆我哋揀咗沙律，都幾新鮮。薯條好香，好脆，very good 但雞就有啲太辣⋯豬腩仔好味道，表皮好香口，肉又好琳三文魚他他好食！個汁好特別，下次都要叫返 蜆仔有少少沙⋯ 扁意粉唔覺有墨汁味⋯之前訂枱講咗，dessert 要有 birthday tag，但要加 $20，不過都幾靚。

話說細細粒生日，瘦蜢蜢當然要帶佢去d有質素又有氣氛嘅地方食好西。聽咗各方好友意見加上睇咗唔少食評，最後決定嚟到銅鑼灣試一試佢。呢度地點算就腳，地鐵出嚟幾分鐘就到。O完T收8點嚟到都未算遲。上到嚟侍應都笑容滿面親切招待，黑面都可以收一收 🙂餐廳都算靜，環境暗暗地，整體嚟講都幾啱傾計Set dinner選擇雖然唔算多，不過都揀得落手。一場嚟到當然要鋸個扒，於是叫咗個炭燒安格斯肉眼配薯泥雜菌。細細粒想食d甜嘢，於是叫咗個蜜糖柑桔汁燒豬腩配焦糖蘋果。前菜由於無瘦蜢蜢最鍾意嘅湯，於是叫咗三文魚他他配香草乳酪汁。燈凳！首先出場係三文魚他他配香草乳酪汁。d汁酸酸甜甜，配上咸度啱啱好嘅三文魚他他，加上有三塊焗到香脆嘅薄麵包片，成個前菜係開胃同好味嘅😋輪到主菜安格斯肉眼，今次輕輕重手d食五成熟😂🙈本身嚟到睇樣有d驚overcooked，但一切便知龍與鳳！扒身雖厚但切落都容易嘅，重點係 好 多 汁 好 juicy！唔點汁都好好味！不過下次真心可以試返三成/四成熟，相信口感會更好😏至於蜜糖柑桔汁燒豬腩配焦糖蘋果，有圖有真相先係比想像中肥嘅，好彩瘦蜢蜢同細細粒都有quota😏😏 食落燒豬腩超稔但塊皮超脆！入口

在銅鑼灣食西餐有很多選擇，今次選到這間。一開𨋢門就已經是餐廳，內裡燈光昏暗，很有氣氛，幾適合傾計聚會。Entree是三文魚他他配香草乳酪汁粒粒三文魚配上微酸醬汁很開胃，能夠將三文魚的腥味辟走，再食埋爽口生菜，是一道幾合味的前菜。Set Dinner - 蜜糖柑桔汁燒豬腩配焦糖蘋果 ($298)雖然只有四件，但件件都很有份量，肥膏不算多，咬落充滿肉汁，肉質不鞋口，但可惜外皮好硬，沒有爽脆口感。而旁邊的焦糖蘋果反而令我驚喜！蘋果很爽口，甜而不膩，確實令我很回味，遺憾之處應該就是只有兩片吧😂想食的甜品因為沒有了，結果點上了這窩夫。賣相不錯，杏仁片脆口，點綴之小紅莓微酸，咖啡味忌廉夠滑，果醬酸酸甜甜的，多重口感，唯獨窩夫略硬，如果能軟身一點就perfect啦。-部份餐牌參考:

已經有一段時間沒有好好享受西餐了，這次來到友人推介的The Grill Room，發現真是個据扒的好選擇！The Grill Room鄰近銅鑼灣港鐵站，由港鐵站出口步行大約三分鐘便可到達餐廳，十分方便！即使我們抵達的時間尚早，在場已有不少食客。由於我們在數天前已訂好了枱，店員可立即安排我們入座。The Grill Room是一間充滿外國風格的西餐廳，左邊是可以與調酒師交流的Bar枱位，是較寧靜的位置，適合二人用餐及聊天；右邊是數張High Table，適合三五知己自成一角聚會；中間是長枱和Sofa位置，適合大伙兒和家庭用餐。餐廳的環境偏暗，播放著外國的流行音樂，氣氛很有情調呢，我們都十分享受這晚的用餐時間。餐牌上的食物分為Starters, Entrees, Sides, Sweets, Mains, (Grill & Sea), Drinks. 由於選擇繁多，我們一時間拿不定主意，細心的店員主動為我們推介，原來逢星期二晚有"All you can eat ribs" 活動，可以在90分鐘內任吃babyback ribs，很適合食肉獸們惠顧。我們最後點了兩個Dinner Sets，每S

是日跟朋友黎到銅鑼灣食飯，朋友帶到黎呢間西餐廳，一開始都以為佢隨便揀，點知食完有咁大既驚喜。入去點完餐之後，原來今日是LADIES NIGHT，餐廳都有LADIES NIGHT 送一杯香檳，都幾好飲。其中一款前菜巴拿馬火腿溫泉蛋配黑松露筍沙律，溫泉蛋真係好滑既口感，加上少少火腿既咸味還有黑松露加強了味道。另一款三文魚他他配香草乳酪汁，三文魚都幾重魚香，加上沙律及乳酪汁酸酸地十分開胃。慢煮三文魚配香草乳酪汁，慢煮令到三文魚剛剛好熟，肉質不會有任何鞋口既感覺，而且慢煮令到脂肪部分溶化了為其他肉滋味及增加了香氣，味道及口感都十分好。蜜糖柑桔汁燒豬腩配焦糖蘋果豬腩皮燒得十分脆，咬上去清脆的聲音可以清楚聽到，就像是食緊厚身既豬肉紙。另外豬腩一半肥一半瘦的比例十分好，在料理當中溶了一部份的脂肪令到食上口不會有膩既感覺，瘦肉部份仍然保留鮮嫩的感，由脆皮加上脂肪再加上瘦肉三種口感混為一體令人食出驚喜，另外配菜的焦糖蘋果沒有半點酸味，清甜的味道可以令人胃口更加開。GREEN FIZZ，由LIME/SODA/MINT等制成的MOCKTAIL，口味就跟青瓜一樣清新，係炎熱既夏天飲十分消暑。朱古力布朗尼配法式

今晚約左位朋友黎試下呢間好「有情調既餐廳」😂😂因為有book位既關係，一到就安排入座了😆可能因為今晚冇咩客人，所以就安排左張四人檯俾我地。又到睇餐牌時間👀咁最後我地叫左兩個set dinner，因為野飲有buy 1 get 1 free（但不包括non-alcoholic飲品），但朋友佢第二日要早起，所以我地叫左杯green fizz(mock tails)試下😎上菜了～巴馬火腿入口比想像中淡味，同黑松露既味道岩岩相反，再配埋半熟既溫泉蛋，味道變得好特別👀另外，是日湯入口黏稠，味道有點似南瓜加薯仔既味道，不錯👍🏼上主菜!聽講佢呢度既慢煮三文魚做得好出色，所以就叫黎試試！三文魚煮到六成熟，入口仍有滑嘟嘟既口感，本身三文魚都易出油，所以配埋乳酪汁一齊食，令到入口冇咁膩！🙂至於呢度belly...因為對佢期望有啲高，所以難免有少少失望😂如果佢同三文魚比的確有啲遜色。不過如果佢同焦糖蘋果一齊食，味道反而幾夾，冇左個肥膩感😂到上甜品了😍😍因為奶凍售罄了，所以唯有揀馬卡龍😭幸好，我對任何甜品都唔抗拒😁因布朗尼同馬卡龍本身都偏甜，所以要夾埋味道淡淡既呍呢嗱雪糕食，去減低「甜到漏」既口感😎以係銅鑼灣消

早前聽到有段官司新聞，有人竟然認為娛樂場所入場費優待女士是性別歧視，我覺得這位男士太小家了，人家只為做生意，異性相吸乃是自然定律，說到底，場所其實男女客人皆歡迎，愈多愈好！那邊廂，餐廳生意繼續做，我們亦把握機會周四的女仕之夜來光顧 The Grill Room，都只是為多一杯飲品，just for fun!!L Square 是頗新的食廈，我亦近月方才發現及踏足，這晚第二次到訪，忘記了，電梯門一打開，已經到達，還約了同伴在門口等！長方形無柱位的間格非常實用，餐廳燈火柔和，營造情調，大廳以長枱為主，大家排排坐似飯堂。左方是酒吧，原來亦有不少喜歡坐在酒吧用餐；正面是玻璃窗，頭頂見餐廳招牌，右方有酒吧，牆壁有狐狸手繪畫裝飾，都幾有趣。優默不止於此，洗手間的指示牌，是手繪圖，寫上："life is too short & there is no time for my fussing & fighting friend。有點無厘頭!餐單清楚易明，必備的類別，基本的菜式，沒有驚喜，但亦能找到一款合胃口；我認為到 The Grill Room，自然要選吃 grilled food，唯一要傷腦筋的，

最近落雨落到心都煩，即興相約人妻好友食個飯~這次約會我們選了駱克道L square，經過這大廈這麼多次也未試過在此吃飯。位於5樓的The Grill Room以炭燒青睞，一掃下雨的心煩 一出lift門就見到這個黃色的招牌，非常醒神。餐廳非常寬敞，以大枱為主，適合大伙兒聚會。廚房半開放式，可以隱約看到廚師為我們準備菜式~ 喜歡頭頂這大黑板，畫得很美 Dinner set餐枱紙就是menu，選擇不算多，但由前菜到甜品都照顧周到。Dinner set包前菜、甜品，比散叫貴一點，抵食~最後選擇一人一個dinner set 還可以跟餐啤酒、mocktails、cocktails買一送一。想平一點，可以叫一個餐再加買一送一drink，就可以想一人一杯 ，但要叫相同的。露筍上墊著以Parma ham包裹的溫泉蛋，還有點點蔥花點綴，賣相拍得住高餐西餐廳。溫泉蛋流心度高，輕𠝹一刀，蛋汁徐徐流出，非常吸引。濃郁蛋香伴Parma ham的鹹香，味道在口腔來徘徊久久不散，令人一再回味。墊底竹心日戈露筍一點也不馬虎，夠晒新鮮、爽脆。黑松露應是味濃的調味，但這個菜不太嘗到。吃過美味的Parma ham溫

好姊妹又見面，最近多左時間見面，諗食乜都諗爆頭，唔係無野好食，而係餐廳愈開愈多，各有法寶，wish list 太多選擇，真係好難決擇呀今次唔知點解之下，揀左the grill room ，哈哈！星期日晚上來到，坐滿！浦出笠就聞到好香燒肉味，令人唾涎欲滴，原來open kitchen有個大火爐，正在烤肉呢。好肚餓啊，今次真的沒選錯！處於肚餓狀態的二人，仔細翻閱menu後，決定散叫三個mains share 吃，抵食啲之餘仲可試多款蜜糖柑桔汁燒豬腩配焦糖蘋果 $218完全是被焦糖蘋果所吸引而點的！三件厚切豬腩肉，份量不多，健康為前題之下，其實三件絕對足夠，肥腩確實不宜多吃呢燒豬腩本身己燒至非常惹味，配上蜜糖柑桔汁多了一份香甜，腩肉數層肥瘦相隔，肉質鬆化，可惜皮不是脆而是硬的咬不破，扣分伴碟焦糖蘋果，以糖，牛油，蘋果一同煮成，煮腍了的蘋果有減膩作用，沾滿拖肥汁，香甜不已，令人回味！葡式香辣燒雞配薯條椰菜沙律 $218燒雞微辣惹味，肉質不夠嫩。反而粗薯熱辣辣，外脆內綿，超級好吃香炒新鮮蜆仔配墨汁青檸意粉 $128蜆仔鮮甜肉厚，墨汁意粉咸香味鮮，加入青檸踢走墨汁本身帶有的鯹最中意食到滿咀黑墨汁然

是晚到銅鑼灣終於能拜會一下這間人氣餐廳，只因早陣子在網上被那餐廳的一些食物照所吸引。餐廳樓底高，採取開放式廚房下讓大家也能感受到大廚的廚藝技巧。餐廳燈光昏暗，邊播放著流行英文歌曲，營造外國餐廳氣氛感覺，簡約沉實。感覺晚餐套餐會較散叫價錢上會划算一點，套餐包括前菜、主菜及甜品。望著餐牌，每一款也想試一試，最後選擇了平常沒吃過的食物。巴馬火腿溫泉蛋配黑松露筍沙律看見餐牌顯示著是60度的溫泉蛋，巴馬火腿包圍著那半流心的溫泉蛋，露筍則均勻分佈於下層，特別的食物擺法。底下是鮮露筍, 上面放置了以巴馬火腿作承載的60度溫泉蛋。小心地吃溫泉蛋的流心蛋黃, 是凍的卻又蛋味濃郁, 餘下的蛋漿與巴馬火腿一起吃很夾。露筍新鮮, 但黑松露味道不太明顯。將溫泉蛋輕輕一按，蛋黃味濃郁，與鮮露筍混和一起吃，露筍爽脆可口，可完全遮蓋露筍清新味道。蜜糖柑桔汁燒豬腩配焦糖蘋果本來打算點安格斯肉眼，太受歡迎關係下售罄而轉了這款燒豬腩。燒豬腩一向在酒樓裡才會出現，西式餐廳竟然有燒豬腩出現，好奇心下嚐嚐燒豬腩如何能做到西方效果。燒豬腩表皮已燒得爽脆，單看肉質，脂肪比例適中，旁邊還有焦糖蘋果、沙律菜相伴。燒豬腩份量足夠，燒過後的

是日與朋友再到銅鑼灣L square 晚飯, 找來了一家以炭烤為主打的扒房。是日7時許人不多, 店舖內部比較昏暗而有氣氛, 輕快流曲配以光管裝潢, 感覺新潮。巴馬火腿溫泉蛋黑松露筍沙律賣相非常特別。底下是鮮露筍, 上面放置了以巴馬火腿作承載的60度溫泉蛋。小心地吃溫泉蛋的流心蛋黃, 是凍的卻又蛋味濃郁, 餘下的蛋漿與巴馬火腿一起吃很夾。露筍新鮮, 但黑松露味道不太明顯。慢煮三文魚配香草乳酪汁蜜糖柑桔汁燒豬腩配焦糖蘋果肉中輕輕帶有蜜糖柑桔味, 香脆中帶點輕甜。 焦糖蘋果爽口而甜, 沙律又可作中和。朱古力布朗尼配法式馬卡龍整個甜品以黑白色作主調, 黑是朱古力, 香是雲尼拿。 馬卡龍外表香脆, 明顯看見起群邊。朱古力及雲尼拿香濃又不會太甜。馬卡龍相比之下味道更濃, 中間還有nuts 增加口感。意式奶凍配濃朱古力湯意式奶凍香滑, 朱古力湯是黑朱古力, 濃郁無比, 黑與白形成强烈對比, 引人入聖。似乎廚師很喜愛這樣的對比。點set 的話飲品買一送一, 咖啡酒品也可以, 可惜milkshake 沒有這個優惠, 但我卻被這個Salted Caramel Milkshake吸引了。咸味的milksha

餐廳以炭燒食物作主打，份量十足，最適合嗜肉的朋友。踏出電梯已是餐廳內部，設有開放式廚房，坐吧檯位置可觀賞大廚烹調時的火焰。室內燈光昏暗但氣氛一流，播著輕快的音樂，走輕鬆型格路線。逢星期一主菜更是買一送一，非常划算。美食當前，星期一又有什麼可怕呢！ <Salted Caramel Milkshake>非常邪惡的飲料。奶昔打得幼滑，海鹽焦糖味道比較甜，還有大堆忌廉和威化餅，十分飽肚。 <慢煮三文魚配香草乳酪汁>採用時下越來越流行的慢煮烹調技巧，充分保留了魚的細膩及嫰滑的肉質，蘸上微酸乳酪汁更能提升滋味。 <蜜糖柑桔汁燒豬腩配焦糖蘋果>豬腩肉肥瘦適中，層次分明；炭燒過後皮脆肉香，味道絶佳。沙律菜新鮮爽口，可中和熱氣感。 <炭燒美國安格斯肉眼配薯泥雜菌>16oz牛扒夠巨型，但脂肪部位較多。火喉剛好，肉汁豐富，牛味濃郁。薯蓉奶香、滑溜、非常creamy。 <炭燒肋骨配椰菜薯條沙律>燒烤醬汁很濃稠、偏鹹。肋骨肉不多，烤得較乾身。

再一次同朋友來到The Grill Room食晚飯了，真的好開心～而今次就點了一份set dinner、starter、main同兩杯milkshake，準備大食一餐Hahaha~ 先來set dinner的entrée，今次係巴馬火腿溫泉蛋配黑松露荀沙律。賣相好吸引，嫩綠色的露荀放底，配上卷起來的粉紅色火腿，中間係滑溜溜白雪雪的溫泉蛋，好似一朵花咁好有春天味。露荀口感又爽又清甜，而且入口帶有黑松露的香味，好有自然的味道，再加埋巴馬火腿的咸香同充滿蛋香又滑溜的蛋汁，令整道entrée的味道好豐富，好好食。 之後有豐富的starter，就係Trio of copper pots，包括有三文魚他他、香炒磨菇及蒜香炒蜆配上烤過的麵包。三文魚他他mix溫泉蛋，口感好滑而且充滿蛋香。而炒磨菇及蜆，味道好惹味，磨菇炒得爽口，蜆肉又沒沙，處理得好好。三者夾香脆可口的麵包食好正，好食到停唔到！ 之後係main燒大蝦配香草蕃茄汁扁意粉。大蝦燒得好惹味，還保留到蝦的鮮甜味，肉質爽口彈牙，好食！意粉嫩滑得來唔會好腍有彈性，配埋酸酸甜甜帶有香草味的蕃茄汁，好夾而且好醒胃！ 我最期待的蜜糖柑桔汁