金碧酒樓

营业中

休息中

有朋友生日應邀到彩虹邨金碧酒家食飯，記得時有個同學住坪石邨，成日聽佢講話同佢亞媽去金碧飲茶，大名就聽得多不過都係第一次嚟食。自彩虹邨公布將會進行拆卸工程後，大家都一窩瘋前來朝聖，舊酒家果然有舊酒家情懷同風味，食番好多好耐冇食過嘅懷舊小菜，份量大大碟夠鑊氣好味大滿足，而且經理招呼殷勤好客，更會為壽星攪氣氛唱生日歌，氣氛熱鬧充滿了這個都市已經失去已久嘅人情味.....👍🏻👍🏼👍🏽👍🏾👍🏿😋

自彩虹邨公布將會進行拆卸重建工程後，大家都一窩瘋前來屹立彩虹邨半百年既「金碧酒家」，為的就是想留住漸漸失傳的味道同人情味豉汁蒸蟠龍鱔原條鱔切開一片片唔離刀，用上豉汁再蒸，鱔肉又滑又入味蜜汁脆鱔球都係用上原條鱔製成，呢個造法係炸完再淋上蜜汁，鱔肉香口又惹味杏汁豬肺湯杏仁味唔算好重，帶微微既甜，豬肺瘦肉又腍又好味，加入左果皮更加將湯個味道昇華，好好飲錦鹵雲吞沒有餡料既雲吞皮炸至金黃香脆，酸甜醬味道岩岩好，係我覺得最正宗最好味既錦鹵雲吞既食法酥炸蟹鉗成個拳頭咁大既酥炸蟹鉗，外面酥脆，入面既蟹肉應該溝左蝦丸，蘸錦鹵雲吞個酸甜醬都好夾酥炸鮮蝦丸外面酥脆，比起酥炸蟹鉗更加彈牙，蘸喼汁食又係好夾順德鯇魚腸蒸蛋平時魚腸焗蛋我都覺得好腥同苦，但呢度個鯇魚腸蒸蛋落左好多薑絲，食落完全唔覺得腥，個蛋亦都蒸得岩岩好荔茸香酥鴨大到好似枕頭咁😂，係一道傳統懷舊既中式菜式，芋茸好綿，個底係去骨既鴨肉，仲有鴨皮，油香酥綿，絕對係好花功夫既手工菜，不過食一件都好膩了手撕雞先將雞起骨，雞骨攞去炸，雞肉就攞去炒，起初以為係平時成日食到既雞絲🙈，真係第一次食呢款菜式，又係一道近乎失傳既功夫菜馬拉糕馬拉糕好鬆軟，作為飯後甜品都

第一次光顧呢間喺彩虹邨富有懷舊色彩嘅酒樓。今次係同一大班朋友去呢度食飯，因為有其中一位朋友生日。呢間酒樓係好難book, 要好早之前book定。而餸菜最好都要之前講定。D餸菜真係好有驚喜，差唔多每一道菜都好好味，同埋好大碟。👍😋尤其係茄汁蝦，真係超好味！隻蝦好大隻，個茄汁超正👍呢道餸一定要食。好多食客都鍾意喺呢間酒樓慶祝生日。🎂當晚已經有幾枱食客係慶祝生日。酒樓個老闆娘同員工拎咗支咪，🎤同每一枱生日嘅食客一齊唱生日歌，氣氛超級好！🎉👏🏻👏🏻老闆娘同員工都好友善親民。全場食客都食得好開心。

酒樓好有懷舊風味仲有好多少見傳統菜式例如煎釀鯪魚 魚腸蒸蛋員工非常熱情有禮服務很周到當天還有幾枱人生日服務生主持大合唱生日歌氣氛很好熱鬧食物味道很好分量很大，價錢十分合理最欣賞是炸蟹鉗啖啖蟹肉 十分鮮味香口荔芋香酥鴨非常可口花雕蛋白蒸海蝦，啲蝦仲多過蛋白煎釀鯪魚唔係周圍有得食，賣相很好，味道都非常好味魚腸蒸蛋亦非常惹味，可以配幾碗飯😋自帶酒都唔收開瓶費仲好貼心咁提供冰塊性價比很高高度推介會再次去食👍🏻

預約此酒家要最少兩個月前，可在社交平台他們專頁找到聯繫方式。等咁耐絕對值得。酒家只做晚市，而且他們只做一輪客，感覺良好之處是酒家不會趕着做下一輪生意而趕你走。食物也要在訂枱時下單，這樣才能確保食材新鮮。我們當天大約八至十台左右，全場坐滿人，差不多每一台都有人生日😂，侍應還穿着經典西式侍應服登場為你帶位🤵🏻‍♂️，兼且做埋當天的MC主持生日😂。當日咁啱有位明星食客生日，全場人唔識都變得熱鬧😂，搞到好似party咁好high😂，而且餐廳老闆娘還會為每台食客拍照，😂然後他說第二天在社交平台可以自己下載相片😂所以我說無與倫比的晚飯體驗真係當之無愧😂👍🏻食物美味得畢生難忘。雖然酒家位置在彩虹邨內不很容易找到，但彩虹邨本身也有值得參觀的地方，附近有Mirror拍MV “Rumors”的舊式上海理髮廳，建議早點去附近拍照順道參觀。酒家門口已極具70年代香港屋邨感覺相信酒家保留裝修至今。基本上每一道菜大碟夾抵食，味道新鮮好味，即使普通菜式，但他們也煮得十分好吃，以下是我們訂的十餸一湯菜單：1）酥炸蟹鉗蟹鉗經典味道，裏面好像釀了東西。2）酥炸鮮蝦丸當蟹鉗吃得未夠喉，蝦丸就可以補上。3）順德鯇魚腸蒸蛋你見到

上次同一大班十幾個朋友訂咗菜食得好滋味😋咁啱復活節假約朋友食飯但係得5條友👬👭👫都試吓打去睇吓有冇位☎️竟然又俾我撞倒🥢想訂荔茸香酥鴨🦆但係老闆娘話要十幾人先至食倒😹記得上次食過好正😊仲有八寶鴨超like🦆今次都係食唔倒😹所以先訂咗魚腸蒸蛋錦鹵雲吞豬肺湯蜜汁燒鱔咁多先啦🐟🥚🥟🐷🥣🍯到步坐低再加咗小炒王椒絲腐乳唐生菜鴨下巴涼瓜牛肉📝小炒王好得腰果香脆西芹嫩爽仲有大條魷魚鬚同大大隻蝦乾係highlight🦐鴨下巴裏面仲有鴨翼鴨翼尖真係食唔曬🦆魚腸蒸蛋好大兜啲腸好多廚房好細心切細啲唔會一匙羹筆落去一大條腸好難食又太多食唔晒會too rich🥘朋友激讚個錦鹵話好多料個雲吞又唔油好脆🥟老闆娘話幾年冇加過價了🧾朋友已經約咗一圍枱再去可惜我唔得閒😋再約🤝

經過附近諗唔到食乜 諗起金碧去門口睇下,   原來都比較接近佢地落場時間,  好彩有位,    第一次喺金碧食午餐,  感覺好唔同,    好似坐左時光機返返去幾十年前咁. 第一時間叫個錦鹵雲吞,   店員姐姐介紹要食個炒麵,   再加埋生炒骨,   正呀佢個錦鹵雲吞同出面食果啲好唔同,  啲餸係喺晒啲汁果邊嚟... 有肉,  魷魚, 豬潤, 蝦, 菠蘿, 椒等等好多料,  最後食晒啲炸雲吞皮都未食晒啲餸,      個感覺好似食緊 tastada 咁..    配合酸甜汁,   食得好爽.  呢個炒麵,   直頭有一種家嘅味道,   因為我屋企直頭係用同一隻碟..  LOL   咁當然,  我就一定整唔到佢呢個炒麵嘅質素喇,  麵係脆邊,   肉片銀芽同芡汁 唔會好濃味,  佢個碟仔應該係 是拉差 加 芥辣 (?)  加左落去就變成完全唔同嘅感覺, 幾得意.   佢無咕嚕肉,  於是就叫左個生炒骨試下,  個汁就好明顯同錦鹵雲吞果個好似..  應該係話成碟都好似..   只係變左有骨啫~  呢一類有質素嘅老牌餐廳嘅情懷,   真係無得輸.    同食客們有講有笑,   交換下近況, 

由小學至大學畢業初年，每逢農曆新年總會去到彩虹邨向某位長輩拜年，長輩離世後，就沒有再去了；之後就一直沒有機會再去彩虹邨。還記得長輩住在金碧樓，每次拜年都必定經過樓下的「金碧酒樓」，印象中從未試過光顧，依稀記得是一間舊式茶樓，只差在沒有一個個吊起來的雀籠。最近四、五幾年，香港人人懷舊；尤其40歲以上、香港出生的香港人，每個都緬懷那些年的美好時光。往事如煙，但總有一些軌跡可尋；其中一樣事物就是仍然繼續經營的舊式茶樓。無論是馳名老店、抑或屋邨茶居；總之，只要超過50年歷史，見證着香港上世紀六十年開始的經濟起飛，就會廣為人知、兼且被捧為必定要一試的餐廳，其中一間就是彩虹邨的「金碧酒樓」。趁着彩虹邨尚未清拆重建（只是遲早事情），決定約幾個老朋友來到「金碧」朝聖，以免將來後悔。如果不是堅決要來，也不知道真的人氣高企；目標指向星期五，提前兩個星期訂枱也全場滿座，結果要順延一個星期。典型第一代公共屋邨舖位，「金碧」位於樓下地舖，旁邊是一間文具雜貨店，另一邊就是通往樓上住宅單位的樓梯。望見掛在門口已經褪色的招牌，相信自開業以來未曾更換。反而貼在門面的鮮黃底色加紅字海報就非常簇新，雖然沒有任何設計、甚至顯

自從今年初第一次幫襯，到而家已經幫襯咗 4 次，呢個月仲要幫襯咗 2 次 🤭🤭早前帶媽媽食過一次，佢對呢度嘅杏汁豬肺湯念念不忘，佢生日就再嚟食多次啦 🙂 我哋一行 7 大 1 細，叫咗一個湯加 4 個懷舊餸都食唔晒。杏汁豬肺湯依然好香杏仁味，媽媽仍然讚口不絕，生菜包啲生菜好甜，中和返炒香嘅蠔豉冬菇肉醉同炒米粉。錦鹵雲吞小朋友食到眼閃閃 😅紅燒元蹄一上檯大隻到 O 晒嘴，食落唔油膩仲覺得啖啖骨膠原，到剁椒魚頭上檯又再 O 多次嘴，要幾大條魚先有咁大個魚頭? 哥哥叫咗中辣，我頂唔順，食咗小小都覺得好正，仲有粉絲墊底吸晒啲魚汁 👍👍👍早 2 日再同中學同學一行 11人嚟慶生，杏汁豬肺湯，生菜包同錦鹵雲吞係鐵膽，再加陳醋木耳，金碧小炒王，大魚兩食，花雕蛋白蒸大蝦同金華玉樹雞。陳醋木耳好入味，啲醋食得出係正嘢，金碧小炒王相比下有啲遜色，大魚兩食好正，尤其係蒜蓉蒸魚腩，無魚鱗之餘仲感覺到滿嘴骨膠原，花雕蒸大蝦好滑，有好多隻大蝦，金華玉樹雞餐牌上係無嘅，唔知點解同學知道有得叫呢？好明顯呢個係手工菜，清清哋好香。另外見其他檯都有叫釀鯪魚餐牌都係無，唔知仲有幾多樣神秘菜呢？

對上兩個月嚟過食蛇筵, 由於太好味道嘅原固當晚即席予約試試佢哋嘅老派粵菜, 但估唔到食晚飯都要予約成2個月(蛇筵重誇張, 我係4月訂台, 12月先食)。當晚先上杏汁豬肺湯，杏汁味濃郁，肺有煎過，足料，但豬肺略嫌洗得唔夠白，但好味。蠔豉生菜包，分量多，蠔豉豬肉刴到好似黑胡椒粒咁碎, 咬落每啖都有蠔豉嘅平實口感同鹹香加埋豬肉粒嘅咬口，再加生菜包嘅爽脆與清新，整個菜平衡做得好好，有別與老派粵菜偏鹹嘅味道，此道菜好吃。錦滷雲吞，做法正宗， 雲吞片絶對唔係薄切切！鬆化，唔粉，炸得透，熱辣辣，配酸汁加叉橈鮮尤同吃，襯熱吃，絶品。順德鯇魚腸蒸蛋，坊間魚腸一般是焗，此處做法為蒸，原因為魚腸焗比蒸較為好處理，但焗就吃不到魚腸獨有的鮮味及質感，魚腸變得老化沒那麼好吃。固金碧此道順德鯇魚腸蒸蛋對自家的信心甚高，魚腸的鮮味，雞蛋香味，果皮特有甘味三者配合得非常立體，有層次，同為絶品。八寶鴨，絶對老派粵菜味道，鴨肉鬆化不黐牙，連子同樣鬆化香甜好吃，而伴碟的芥菜膽伴以鴨汁共吃可口，絶品。紅燒元蹄，極度邪惡的一道菜，肥肉煮至啫哩一樣，入口即化，元蹄煮致肥而不膩，時間工夫缺一不可，必吃！同為絶品。紅燒龍躉尾，老饕最愛

從openrice食評看到這間酒家，金碧是一間很舊式的老牌屋邨酒家。樓上的一層應該是廚房， 所以在酒家內會經常聽到傳菜電梯的到達提示聲，很有feel啊！金碧肯定不能給你感覺它是很清潔，但是卻肯定能給你感覺得到那種「獅子山下」屋村味道，他們不是主打懷舊中菜，而是家常鑊氣小炒。內有很「香港味」的開放式茶水間，從前工作關係在片場canteen見過，也曾聽幕後老行尊說電視台還未搬入TKO電視城之前，即還在清水灣的年代，他們經常到這裡、坪石或是彩雲的酒樓吃飯，他們說每一家都水準都比「過得去」為高。按openrice 的食評說，他們的水準已大不如前，滿心以為因便利就腳儘管試試，就算是不好吃便算，但是出乎意料之外，他們的食物是不錯啊！大概是我不曾吃過「從前超好吃年代」的菜餚吧了！特別推介的是杏汁白肺湯，個人很不喜歡有太濃烈的杏仁味的湯，但是他們的老火湯味道， 卻恰到好處，再者在秋意正濃的日子，這一口湯水正好是滋潤養生之選！另外，還叫了錦鹵雲吞、霸王雞及京都骨等小菜， 水準都不俗。 錦鹵雲吞那茄紅色的錦鹵汁，調校得味很美味， 雲吞皮亦炸得香脆而不油膩。貪嘴多吃幾個，也沒有膩口的感覺。霸王雞的雞肉，一肉

昨晚家姐老友請我們全家一起食團年飯，訂了一直是飯堂的金碧酒家。平常吃的都是小菜，但今趟Boss話要食好野，自選十道菜式問金碧冰姐有無問題？冰姐二話不說便答：「OK!」。菜單如下：1, 炸蟹拑2, 發財好事3,,鮑翅4,錦鹵雲吞5,菜胆鴨腳鮑片6,茄汁蝦碌7,蒜香雞8,蒸海斑9,肉絲炒麵10,紅豆沙湯圓這間位于屋邨的老字號，小菜一直都有水準，後來菜單報價，鮑翅要4000至4500元，蟹拑則要40元一隻。嘩！咁嗱利！究竟博唔博得過呢？冰姐話如果嫌貴改雞絲翅可平一半。立即回電boss，boss話靚就得嘞，「照去馬」！開飯啦！ 炸蟹拑上桌了！賣相OK！食落唔止OK，係好得！！！早兩星期在港島香格里拉都食過，金碧的好食好多！又彈又有鮮蝦跟鮮蟹的味道！正！第二道發財好事，蠔豉夠大、香、腍。有冬菇、發菜、蠔豉、生菜和蒜頭，如果多D生菜仲正！第三道重頭戲是鮑翅，果然非常足料！大大梳的翅，貨真價實！接著上要預訂才有的錦鹵雲吞，酸甜汁味道啱啱好，雲吞皮有蛋香，咬落又鬆脆！yummy!再來是菜胆鴨腳鮑片。非常入味的鴨腳腍得嚟，骨又唔會腍，鮑片亦有咬口。Boss盛讚！第六道是茄汁蝦碌。蝦夠大，膏又多，皮又脆，