名門私房菜

营业中

休息中

朋友請食飯，居然揀了這間私房菜 一出電梯就見到，原來是全層的，我們只去了一個小廳，內裡座位不多，枱與枱之間距離甚遠，就算講野大聲D，都唔會嘈到鄰座 今次友人預訂這裡的，所以點了什麼菜，我之前不知道。所以每道菜上枱，我都很有驚喜！招牌杏汁燉白肺湯，其實我怕吃豬肺的，因有濃郁的杏汁(我最愛的)，又潤肺，而且整豬肺是很考功夫的。這裡是招牌菜，一定唔會差，比想像中好味，我都飲晒呢 ^_<特式冰鎮鮑魚配燒汁芥辣醬 很特別的醬汁，醬汁裡混埋 wasabi 呀！鮑魚爽口彈牙，有鮮味，再配上這特色的醬汁 鑲鑽黃金蝦，雖然每人只得一隻，擺設賣相很好！嘩！蝦頭、蝦尾全部都炸到脆卜卜，不油膩，香口惹味！蜜餞藕盞煎金蠔，色澤金黃飽滿肥大的金蠔，味道甘香；底下有塊蓮藕炸得香脆，這樣食就不會膩！天氣凍，最岩食生炒臘味糯米飯，這裡的臘味糯米飯材料非常豐富，好好食 好想再來一碗，但太飽了，決定剩下的打包回家吃！紅豆糖水，落足料，不只有紅豆，不太甜，不錯！

響灣仔揾飯食, 見到樓下嘅廣告介紹, 打個電話上去即場有位, 就上去睇下!雖然無訂位, 被安排嘅枱都舒適.仲好好服務, 畀多張櫈我哋放嘢. <<招牌杏汁燉白肺湯>>凍凍哋先飲返碗靚湯.顏色好似樣, 入口香濃幼滑!<特式冰鎮鮑魚配燒汁芥辣醬>>   只叫兩隻都可以, 啱哂我哋兩口子想食多款餸! 伴碟嘅係混有wasabi, 日本醬油同鮑魚汁!裙邊粗而且肉夠肥厚!!<<鑲鑽黃金蝦>> 擺碟靚之餘, 兩隻蝦勁大隻!炸到脆卜卜!! 一邊食到鹹香嘅蛋黃粒，一邊食到啖啖肉嘅蝦球.<<蜜餞藕盞煎金蠔>>   金蠔兩面都煎到金黃色, 好香口.金蠔肥美多汁啖啖肉!<<蝦子扣柚皮>>出面愈來愈難揾到嘅功夫菜.湯汁清香夠竭身. 柚皮煮到好似海綿質感, 入口不但無苦澀味, 仲食到蝦子嘅鹹香味!! <<生炒臘味糯米飯>>呢個係我響冬天好鍾意食嘅另一款麻煩心機菜式. 材料非常豐富, 我食到起碼有臘腸, 臘肉,蝦米, 瑤柱, 冬菇, 蛋

環境好有懷舊風，令人覺得非常舒適！杏汁燉白肺湯奶白色既湯，入口非常柔滑，豬肺洗得好乾淨，令人放心咁食，重點係個花膠，又淋又香呀！鮑汁扣鵝掌鵝掌海參炆得好淋，一啖咬落去，軟淋淋，配上鮑汁，真係絕配呀！鑲鑽黃金蝦香脆，非常香脆！重點推介菜式呀～一啲油膩感都唔會有，蝦又鮮甜爽口，係其他地方真係食唔到咁好味呀～蒜片牛柳粒有少少Wasabi帶出成個菜既味道，牛柳口感好好，配埋蒜片一齊食，食物味道層次更出呀！啫啫生菜煲香噴噴既啫啫生菜煲，個汁係濃味，啱哂配埋生菜食呀！名門炒飯飯粒分明，又唔會乾，比起糯米飯，我更加鐘意呢款炒飯呀！木瓜銀耳糖水以一個又甜又滋潤既糖水做呢餐既總結，perfect！

估唔到喺一座唔顯眼嘅商廈內有間咁正嘅私房菜！雖然外表如一般中式酒家，但食物好有驚喜，每一道都好食，絕對係有水準。同埋侍應們都好nice👍🏻。.我哋叫咗壺菊花茶🌼，好清香，冇泥up味，好好飲！.以下菜式全部都真心好味❤️：🔸杏汁炖白肺湯 （$98/位）絕對係功夫菜，因為洗豬肺係超麻煩，哩度嘅豬肺冇腥味，好軟滑。杏汁好濃，飲落好滋潤！🔸冰鎮鮑魚 （$88/隻）大大隻嘅鮑魚，浸咗2日滷汁，所以好香、好入味！質地好彈牙，冰涼好味！🔸花膠/海參扣鵝掌 （$268/位）用咗原隻花膠筒同海參，矜貴又好味！鵝掌肉厚，炆得超入味，連啲汁都好正、好黏口，引唔住要叫白飯撈嚟食！👍🏻👍🏻👍🏻🔸生煎蓮藕餅 （$178/例）外表簡單，但食落有驚喜，肉餅好鬆軟有肉香，蓮藕切成粗粒，所以口感好豐富，點少少醋嚟食好正！🔸鑲鑽黃金蝦 （$88/隻）好好味！一定要試！蝦超大隻又肉厚！外層係咸蛋黃同麥皮，食落好香口，外脆內彈牙！👍🏻👍🏻👍🏻🔸XO名門炒飯 （$248/例）就算好飽都忍唔住要食少少，自家製嘅XO醬辣辣地、好惹味，炒飯夠乾身粒粒分明，又有啲冬菇同新鮮蝦粒，好味！

月前午膳光顧這私房菜已對此店印象深刻，今晚决定晚市走訪再嘗其手工菜式🤗🤗餐桌上放置了防疫設備，掃描，消毒手巾一應俱全侍應哥哥推介了以下菜式:杏汁燉白肺湯 湯一料足，湯底肉味濃郁，杏汁恰好香而不搶味，廚師心機可見，好湯者必讚😋😋👍🏼👍🏼冰鎮鮑魚配秘制辣根汁鲍魚入味爽口彈牙，我建議不用加辣根汁更顯鲍魚鲜味😋😋👍🏼👍🏼焗響螺上枱時熱氣騰騰，螺肉碎粒混入配料烤焗，味香撲鼻，鮮而不濃😋😋👍🏼👍🏼鑲鑽黃金蝦我全晚之至愛，一向怕肥膩的我亦不忍口地吃光這道工夫菜，大蝦放在全片蝦膠上䊢脆炸，用鹹蛋黃打沙鋪面， 甚有口感，蝦味亦濃😋😋😋👍🏼👍🏼👍🏼生浸豉油雞㷛仔上，雞肉嫩滑豉油汁鹹甜中和，若不是已有滿腹之感，伴白飯吃绝妙😋😋👍🏼👍🏼梅菜炒菜心菜遠爽脆無渣配淡口梅菜令菜味昇華，不須另加醬料😋😋👍🏼👍🏼是日甜品西米紅豆沙，西米大大粒令紅豆沙有不同口感😋😋一頓不可多得之工夫菜

今日和朋友去了私房菜食晚飯，因為之前和朋友食過，所以就選擇名門私菜。環境不大，但總算乾淨企理，舒服環境。嘟完安心再量體溫潔手，侍應帶位入坐。招牌杏汁燉白肺湯：杏汁湯味濃郁，渣與湯分上，湯底雪白清新，喝起來更滋潤，感覺內臟也洗得十分乾淨雪白，怪不得師傅取名白肺湯。特式冰鎮鮑魚配燒汁芥辣醬：第一次吃就愛上牠，用白滷水烹調但又不會失去鮑魚鮮味，鮑魚厚肉但仍易入口，肉質爽口彈牙，再沾上少少秘製燒汁芥辣醬更令鮑魚鮮美，食完一隻好想再吃。鑲鑽黃金蝦：黃金🦐多士是一道十分邪惡食品，用多隻鹹蛋黃弄成醬，把醬蓋上蝦多士頂層，增加蝦多士顏值，鹹蛋香味濃郁，更特出蝦多士和別處不同，蝦膠加上新鮮蝦隻爽口彈牙，又有脆口多士配搭，一同起真有點驚喜！明門XO炒飯（辣）：材料豐富，冬菇粒、叉燒粒、乾瑤柱、蔥粒、🦐⋯⋯，當然不能少是自製XO醬，混在一起炒，令飯粒香噴噴，更惹味！順德污漕雞：特色在用銅盤盛載，底層先放上河葉再將雞件、紅棗、黑椒、冬菜和薑葱蒸熟。雞肉鮮嫩肉滑，味道因為黑椒粒令雞肉有少許辣，吃起來更惹味，應該配白飯最好。麵醬啫啫唐生菜煲：新鮮唐生菜肉麵醬同炒很特別，唐生菜不用炒長時間只用少許麵醬炒，令唐生菜更

今次是晚飯開放以來再去來到這間私房菜，每枱與每枱之間分隔很闊，環境安靜得來又確保到社交距離，有足夠的空間和朋友聊天。負責我們枱的男侍應很有禮貌而且細心熱情，不得不表揚！鑲鑽黃金蝦就是面頭鋪滿超濃郁的蛋黃醬，加上一片九層香，叫重鹹蛋黃味道，下面的蝦肉是經過攪拌，再脆炸烹煮過後，好像多士的形狀，一啖咬下去夾着蛋黃醬和膠肉，真是超級令人滿足！麵醬啫啫唐生菜煲都是這裏的招牌菜，打開蓋便聞到超香的醬汁味道，很喜歡一粒粒麵豉醬夾着生菜一起吃，既爽口又滋味，配上一碗白飯已經覺得很足夠。欖菜菇粒素肉鬆炒飯是用煲上的，所以一打開便聞到很香的欖菜味道，不是太油膩，但每粒飯都幾入味又分開，沒有黏在一起，加上其他配菜增加口感，份量兩個人基本上是吃不完的。

中國飲食文化博大精深，其中「順德菜」在粵菜中有著重要地位，以清，鮮，爽，嫩，滑為特色，而煎釀鯪魚、 均安蒸豬、銅盤焗雞等更是我最喜歡的順德菜式。聽聞灣仔 『名門私房菜』是一間專做順德菜的老字號，特地訂好位，跟先生食一頓地道順德菜，餐廳裝修雅緻，坐得舒服，泡好菊花茶，坐定定等食。🎯冰鎮鮑魚配燒汁芥辣醬新鮮的沙律菜上擺上2隻巨型的大連鮑魚，十分吸引眼球。鮑魚經日本酒醃製，入口軟淋且帶淡淡的酒香味，沾上混合芥末的燒汁同食， 更能凸顯鮑魚鮮味，中日合璧，絕對是創新又獨特的一道前菜。🎯鑲鑽黃金蝦虎蝦炸得色澤金黃，外層包上經鹹蛋黃炒香的麥片，入口酥脆且鹹鮮味十足。 虎蝦新鮮又夠大隻，爽口彈牙啖啖肉，令人十分滿足！！🎯一口鮑魚雞粒豆腐煲把家常菜也做得講究，是順德菜的精髓。這道鮑魚雞粒豆腐煲也不例外。 小鮑魚先用玫瑰露酒浸過夜， 入口酒香撲鼻， 雞肉入味之餘跟豆腐一樣嫩滑，整體好出色，是用心的佳作。🎯古法瓦罉豉油雞豉油雞用瓦煲盛載，雞皮色澤油亮，令人垂涎欲滴。雞肉除豉油香外，更帶玫瑰露酒的清香味， 火候控制嚴謹，雞肉嫩滑細緻 ，食完雞，再用豉油汁撈飯。🎯砂鍋炒時蔬翠綠的生菜用砂鍋上枱，揭蓋一刻，香氣四

幾位好友未品嚐過私房菜的味道，問及我有否好介紹，讓我想起位於灣仔的私房菜，於是帶同好友再次到訪。當晚到場，燈光通明，主色仍是白色，仍然讓人感覺舒適，格局雖似一般酒樓，卻沒有酒樓的那份熱鬧，有的是寧靜和柔和的感覺。我們要了幾個送餸菜，也點了甜品，在等候及暢談中，餐廳為我們送上。首先送上的自然是湯羹，是順德豆腐魚茸羹，與品嚐過的一樣，不是鮮艷的色彩，卻非常得體。味道依是順滑，豆腐的豆香，菜的清甜，口感卻是更為濃稠稠，沒有一般湯羹水較多，反而是材料滿滿，很有口感。冰鎮鮑魚配燒汁芥辣，青芥凍燒雞同時上枱，當時大家也嘩然，看似很豪華，也很有特色。青芥凍燒雞配上一些蔬菜，荀絲等制作成的，看似是中式沙律，爽口，帶著蔬菜的香味，夾雜點點的鹹，當中青芥帶著點點的辣，卻又剛好洽當，配合著鮑魚的鮮味一同進食，可謂非常特色的美食。鑲鑽黃金蝦，炸至黃金色，從外表看來，大家也猜著，是一隻蝦還是兩隻蝦精制而成。問及店員，才知是一隻蝦做出，在鹹蛋上的外皮上，加上燕麥再炸成。大大的蝦，入口爽脆，鹹蛋的味道很香，卻不濃不鹹，非常配合蝦本身的味道，店員更說蝦頭才是極品中的極品，入口更香更脆之外，蝦頭的鮮香突出，蝦膏滿滿的，

中菜一向是我愛好的菜式，不過朋友們一般都會到連鎖式的酒樓享用中菜，甚少有機會接觸到非一般的菜式。是晚友人便帶我到灣仔一所隱蔽的中菜館試菜。餐廳位於著名的灣仔道街市旁，某商廈的樓上。若不是友人的帶路，我相信我也未必能夠留意到這間餐廳。抵達餐廳，餐廳面積不算很大，做到私房菜的效果。店主非常客氣的安排了一間房間跟我們一起試菜。打頭陣的是「特式冰震鮑魚配燒汁芥辣醬」，原隻鮑魚放上鋪滿冰的碗上，賣相精美。原隻鮑魚已經事先煮熟，再放涼；鮑魚爽口彈牙，而且已經入味了，不用點任何醬汁都已經可以了。我喜歡把它切片，然後點些特製的芥茉醬一起放進口，好像吃鮑魚刺身般，十分醒胃，作為頭盤的確不錯！及後送上的是「鑲鑽黃金蝦」。起初我對這道菜是沒有甚麼期待的，因為店主稱用上了麥皮鋪上面；心想連煮好的麥皮我也不喜歡吃，何況是乾身的麥皮呢？不過吃下去的時候是叫人喜出望外的，沒有甚麼麥皮味，相反麥皮把黃金蝦的油吸掉，吃得沒那麼油膩。而大蝦跟鹹蛋黃的比例剛好，帶有鹹香的味道亦不搶過蝦的味道。至於蝦頭也炸得金黃香口，不怕膽固醇超標的朋友可以把蝦頭也吃掉。坦白說，這道菜跟我在明閣吃到的「龍皇披金甲」有過之而無不及呢！值得推介