金田家 (已結業)

成日都經過金田家今次終於第一次試同朋友食左「黑豚拉麵」同「辛子黑蒜拉麵」湯底非常濃郁 尤其後者黑蒜味超級濃係其他拉麵店都未食到過鍾意黑蒜的話真係推介試下☺️另外 位置好闊落 坐得好舒服服務態度都好好👍🏻會比7/10 性價比一般

一再Encore嘅拉麵店，地點夠就腳而且水準一直Keep到！ 今次同朋友一齊去，可以試多兩款小食，發現除左拉麵小食味道都唔錯。雞白湯豚骨拉麵，連蔥都走埋望落確係有D齋，其實湯底好鮮味，而且我好鍾意呢個湯唔會過咸同油，加上今次叉燒肥瘦適中，食完唔會有好滯嘅感覺。黑豚拉麵好適合食肉獸，大大片豚肉圍住碗麵。湯底明顯比較濃，豚肉偏瘦食落好甘香，口感亦唔會乾柴。溏心蛋好靚！流心程度剛剛好，而且夠入味，個人覺得食拉麵一定要跟隻溏心蛋！再點左兩份小食：男爵薯餅外面炸得香脆，牛肉薯餅稍為偏甜；我更鍾意紫薯栗子口味，紫薯綿密又香甜。兩大塊食完都幾飽！平時黎都會食餃子，內餡味道清爽但未算突出，我愛餃子個皮，薄身但唔會一夾就散，食落好煙韌。好耐冇飲過波子氣水，重拾下童年嘅味道。香港地咁多拉麵店，好少會Encore，我諗金田家真係幾岩我口味。  

中午去了YOHO找餐廳吃午餐, 遠處看到金田家那個大大個的男人頭像lego, 剛好想吃拉麵, 所以就決定試一下!!拉麵的名稱都很像, 跟職員問一下有什麼分別, 原來豚骨MIX拉麵是混合了部份雞湯, 黑豚拉麵的叉燒跟豚骨拉麵的叉燒不同。辛子黑蒜拉麵: 我很喜歡蒜香味, 雖然湯底黑漆漆的, 不過很香濃的蒜香, 但不會很強烈的感覺, 容易入口, 帶少許微辣, 越食越過癮!! 而且我很怕湯會有一粒粒的湯渣, 雖然看起來好像是一點點黑色, 不過飲一啖湯, 又滑又香!黑豚拉麵: 較濃的豚骨湯, 加上又厚又大片的黑豚叉燒, 可以選擇麵的硬度, 我喜歡硬身一點, 想要多點蔥, 不過見到多蔥要加$5就放棄~ 另外點了小食芝士年糕及大將餃子, 芝士年糕又QQ又多芝士cream~ 食了芝士年糕覺得有少許膩, 再吃一口餃子就完美, 皮薄內有汁, 不錯!!同事點了蘋果汁, 我就見到波子汽水都會點, 童年回憶經常有波子汽水原來金田家在倫敦及福崗都有開店舖, 香港都有幾間, 我經常去荃灣, 下次可以試下荃灣分店。

今天又帶媽媽尋找美食之旅，今晚媽媽想吃拉麵，所以就試試這間金田家。今晚叫了2碗拉麵，2個小食，都不夠還叫了2杯飲品。黑豚拉麵：很多片叉燒，很嫩，麵幼，湯底濃郁，但不會過鹹，剛剛好，吃完不會口渴，麵質彈牙，每一條麵都能掛著湯汁，叉燒本來不是很鹹，配上湯就剛剛好，吃完已經很飽。小食都充滿驚喜：男爵薯餅：2塊不同味道的薯餅，炸得剛好，外脆內軟，一甜一鹹，很好吃，紫薯甘栗甜得不會過漏。牛肉薯餅入口有溶化的感覺。煎餃子：皮薄，煎得剛好，不會過硬，饀料的豬肉配上餃子汁很搭。玄米茶的茶壺都很可愛，有一個小茶杯，自己倒茶。

Yoho Mall開左間金田家食拉麵，早前都想試，今晚終於過黎試下喇。內裏燈光光猛，裝修頗有時尚感，喜歡吊落黎嘅波波燈。廚房位置為開放式，用左日本酒做佈置，加強日本氣氛。每張枱放有杯子，餐具和檸檬冰水，最貼心係個櫃桶，用黎放手袋，好喜歡喔～😍豬食豚骨雞白湯拉麵，朋友食黑豚拉麵，另外我地叫左個大將餃子同唐揚雞塊。只要喺菜單上剔選自己想食嘅野就可以，麵嘅硬度同葱嘅份量都可以選擇，豬比較喜歡呢種模式點餐，可以避免遇到黑面姐姐，問多句等多陣都唔耐煩。順道一讚呢度嘅店員，有禮貌又好笑容，我地2個大鄉里唔識開波子汽水，店員哥哥好樂意教我地，今晚又長知識喇，哈哈🤣黑豚拉麵嘅豬骨湯底，湯味香濃，但入口唔會鹹，剛剛好。拉麵揀左普通硬度，麵係幼身，朋友覺得麵質唔錯，夠彈牙。豚肉好香，份量都唔少，唔會老同韌，幾好食。豚骨雞白湯拉麵，奶白色既湯底充滿雞肉精華，湯底真係有雞味，朋友笑豬低能，但豬真係食到，而且都幾香，夠濃又唔會鹹。豬碗拉麵麵身比較粗，軟硬適中，唔錯。唐揚雞塊每舊都好大，炸粉唔會太厚，啖啖肉，外層脆卜卜，內裏鮮嫰。不過朋友嫌油膩，食左一夠就冇食。大將餃子肉餡滿滿的，初時覺得有點燶，但食落又唔會太覺

跟男友去Yoho mall拍拖，見到金田家個人像logo，比佢吸引住，就行到去佢門口，原來金田家係九洲no1 拉麵🍜即刻入去試等左一陣就有位啦，我地簡坐bar枱因為可以睇到師傅整拉麵🍜野食亦好快送到黑豚拉面再額外追加黑豚正呀 黑豚又大塊 圍住成碗拉麵🍜比個近shot大家睇 流心到不得了既流心蛋一定要追加好重要！ 一定要加 一定要加 一定要加 ！麵質可以自由選擇，仲有d調味料可以係調味架上落！柚子辛口拉麵🍜又係追加黑豚但湯底好特別，辣辣地，配拉麵食幾香口大將餃子🥟 煎得十分爽脆，配上秘製醬油，金黃色，可爾必思呀，正！ 個杯仲要凍冰冰！同日本一樣

黎到12月中終於突然變凍，周末懶得外出，只想留係屋企附近搵食。咁凍既天氣自然想搵D熱辣辣既野食！除左打邊爐，我一定會揀去食拉麵。今日就去左有九州第一拉麵美譽既金田家食！平時行過食飯時間至少都會有幾個人排隊。今日早左少少出黎，大概六點半就好彩唔洗排。舖面唔算好大，亦都少左份傳統拉麵店既神秘感。一眼睇哂，燈光光猛，行一貫日系簡約風。______________________________🔸 黑豚拉麵 $98 同一般拉麵店一樣，可選麵既硬度，依到更有"超硬"供選擇。個人口味還是選"普通"好了。直身麵條，粗幼適中，有咬口。 黑豚叉燒一片搭一片圍滿碗邊，賣相有睇頭。 黑豚肉質偏瘦，無太多油脂層。雖然湯底係濃湯，但食開沾麵、重口味既朋友可能會同我一樣覺得可以再濃多少少哈哈！🔸 柚子辛口拉麵 $98 柚子辛口依個配搭幾特別，亦不常見。湯底柚子味帶點果香，幾清新。配上辣醬，略帶辛辣。但又唔會蓋過柚子味，拿到平衡，味道 富有層次感。叉燒片數唔夠黑豚拉麵多。🔸 男爵薯餅 (牛肉薯餅+紫薯栗子薯餅) $38炸粉薄薄一層，炸得酥脆，無油膩感。牛肉薯餅夾著牛肉碎同薯蓉，非常香口。紫薯栗子薯餅入面既紫薯

帶完隻小魔怪去放電後，番左元朗食個拉麵補充體力。我叫左黑豚拉麵，上枱見到d豚肉嘅時候，我已經暗叫不妙，點解好似咁乾身嘅。食落真係嚡口，好柴同好乾。我唔知係咪本身係咁定我唔好彩，湯底係九洲拉麵嘅濃豬骨湯，口感比較厚身，唔會太咸，幾好。老婆要左豚骨mix拉麵，叉燒都係麻麻地，燒得唔夠香。男爵薯餅係一塊牛肉薯餅加一塊紫薯薯餅，應該係叫貨番黎，炸得都香脆。不過都係無咩特別，只不過老婆鐘意食薯餅。聲稱係福岡評分No.1拉麵店，完全比唔到咁嘅感覺我，特別係叉燒。唔會再黎食。

金田家一向都有「九州拉麵王」之稱,去年去完九洲旅行, 一路都對九州拉麵念念不忘, 這天趁著去yoho town 探朋友, 心想不如就去金田家先吃番夠本吧~元朗金田家是香港gam 多間金田家面積最大果間, 坐得舒服不在話下, 而且仲好有日本feel tim~今次叫了兩款拉麵, 亦都叫左少少追加黑豚拉麵最喜歡金田家有得比客人揀麵既軟硬度，與及落多少蔥, 黑豚拉麵黑豚多當然不在話下, 日本黑豚肩肉肉質嫩滑, 肉味香濃, 而且且脂肪含量極低, 是我那肉食友人必叫之選。而且湯底甚濃, 非常足料, 每窩都用上成百斤豚骨烹調18小時而成，所以湯底是呈奶白色, 即使直麵不及曲麵粗身也十分掛湯。另外我們又叫了辛子黑蒜拉麵,沿用日本祖傳黑蒜做法, 以三種不同炒熟程度的蒜片精煉而成. 入口帶有一絲辛口感, 濃郁的蒜香味與豬骨湯溶為一體，提昇了豬骨湯湯底的層次感, 非常惹味。除此之外我們又追加了腩肉叉燒, 叉燒由秘製醬油醃製成, 入口即溶至於隻溏心蛋, 我和朋友兩碗麵也有追加, 流心香滑, 非常誘人一口以食之~唐揚炸雞另外唐揚炸雞係友人嘅至愛, 所以一見到就急不及待要加多份。香脆鹹酥的外皮，下面就是充滿醬汁的

數一數已經係第三次黎到元朗金田家了每次黎到都係抱住一種第一次光顧既心態。當然每然叫既拉麵都唔一樣啦------------------------------但係例牌都會選擇硬麵飲品點左蘋果汁和比較特別少少既可爾必思可爾必思其實係類似乳酸菌味道既飲品，無氣而且唔會太甜。都幾開胃解膩。拉麵由下單到上枱時間不需5分鐘！！！黑豚拉麵 Chashu Tonkotsu Ramen($98)濃郁既豚骨湯配上黑豚叉燒，木耳，紫菜，青蔥。黑豚叉燒肉味突出，同一般叉燒唔單止口感上更加軟身。大大件岩哂食肉獸。溏心蛋都夠入味，只可惜太凍，同碗拉麵完全分開哂。另加左芽菜，份量十足，而且令到口感大增。辛子黑蒜拉麵Black Garlic Sauce Ramen($88)豚骨湯，腩肉叉燒，自家製黑蒜醬，木耳，紫菜。曾幾何時我都好迷黑蒜拉麵，但無奈太重口味食完好難出街。但呢度既自家製醬汁唔算太濃，而且叉燒夠厚身。北寄貝海鮮沙律($42)大量青BB,,除左北寄貝之外，重有貝類，薯仔等，口感十分豐富。而且一啲唔會膩。芝士年糕($38)近年黎唔知點解好多食物都同芝士扯上左關係。芝士xx.....年糕本身口感好軟糯，加上拉

最近食得多越泰野，特別係麵，我都想食下日本野，於是行過元朗YOHO TOWN，見到有間食拉麵，又見入面都幾多人，所以就入左去食啦，位置空間都幾大幾舒服，起碼五洗同人迫，佢仲有BAR台可以睇住C父煮麵，感覺都幾好。我揀左黑豚拉麵，因為我不嬲都鐘意食黑豚，好軟既感覺，我加左唐心蛋同黑豚叉燒，因為我平時最鐘意食黑豚。我仲叫左乳酸奶飲，都幾好飲，好新鮮! 我碗麵黎啦，原來好多肉嫁，起碼有6塊圍住碗麵，仲要好大塊，好正啊!之後仲有唐心蛋幫我分開2邊，都好方便食! 碗麵我揀普通軟硬既麵，口感都幾好，份量又多! 我食食下食左好多肉，好似食勁都仲有得食甘，因為我有另叫，另叫個到都4塊啦，我就分左2塊比我朋友食，因為其他味既麵好似肉既數量都五多，所以我推薦大家食黑豚叉燒拉麵!

今日約咗朋友喺形點睇戲, 見仲未開場, 所以就同朋友搵下睇下有乜好嘢食下, 咁啱喺戲院對出附近見到一間叫做金田家的拉麵鋪, 再睇下menu, 都好似幾吸引下, 所以就決定試一試。雖然未到七點, 但係餐廳都差唔多full哂咁滯, 唔知嘢食等得耐唔耐, 所以我同朋友都快速咁揀咗兩個黑豚拉麵, 另外, 我比較大食, 所以我地再加多個剩叉燒同一個北寄貝沙律一齊share嚟食。同朋友等左五分鐘度, 啲嘢食就黎到啦！拉麵份量適中, 軟硬度我揀左軟, 比較易入口同吸湯, 叉燒真係同餐牌show出嚟嘅完全一樣, 多到可以鋪滿外圍一圈, 所以我哋都開始後悔加左個剩叉燒俾自己, 而唐心蛋係另外加嘅, 超好味! 拉麵嘅湯比較濃味, 我覺得鍾意食拉麵嘅人一定會好滿意。仲有不得不提嘅係喺枱側邊有一個細壺, 入面裝左啲醃過嘅辣辣菜乾, 鍾意食辣嘅人一定要試下撈埋啲拉麵嚟食, 可以一次過食到兩種唔同味道。差啲唔記得咗個沙律, 小食嚟講份量都算大, 蔬菜同北寄貝都好新鮮, 北寄貝食落爽口, 食拉麵之餘搭埋依個小食就一流啦! 未去過嘅拉麵迷值得一試!

啱啱喺日本返嚟冇幾耐心郁郁又想食日本野 行過元朗附近我見到形點開咗間拉麵店就入去試吓我同朋友分別帶咗兩碗唔同嘅拉麵朋友叫咗碗黑豚拉麵我就叫咗碗黑松露拉麵再追加咗一碟餃子同埋叉燒 豚肉大家一齊share黑豚拉麵嘅豬骨湯底好濃厚 淨係飲湯已經覺得有好多豬骨精華係入邊黑松露拉麵嘅黑松露味就好重 吾錯拉麵底仲有得俾你揀適中 硬 或者 軟身貼心到好似真係去咗日本食咁我哋兩個都揀咗適中麵嘅質感唔錯 口感幾好 少少彈牙食落肚都吾會覺得太擠叉燒同豚肉都幾好味肉質唔會太鞋 而且厚薄亦適中一啖拉麵加湯再一啖肉 完美配合真心推介！我地仲叫咗一碟餃子 個人認為餃子味道都唔錯不過佢唔係脆底既 相對就冇咁熱氣 除咗以上呢啲食物之外另外佢仲有一啲免費嘅菜莆同酸薑比我哋配落碗拉麵同一齊食個人唔係太鍾意食薑所以揀咗菜莆個菜莆辣辣地加落碗拉麵度仲另有一番風味 大愛！

難得可以同寶貝晚餐，唔想去太遠，近近地喺yoho食算了，金田家喺我嘅bookmark 度有一段日子，聞說是福岡人氣嘅拉麵店，之前去九州時無試，今次試下香港版先(๑￣ ̫ ￣๑)大約18:45來到店舖門口，有條排隊嘅小龍，等咗10分鐘就可以入座了。舖面光猛，加上木製枱凳，感覺柔和，座位闊落舒適，天花裝飾大方得體，環境不錯啊(｡’▽’｡)♡因為太肚餓嘅關係，無咩心機睇個menu😂反正未食過，就叫咗menu上面最前嗰2碗拉麵，分別係黑豚拉麵和豚骨mix拉麵，點菜紙上可選麵嘅硬度和蔥嘅多少我叫嘅係豚骨mix拉麵，mix嘅意思係豚骨湯和雞湯嘅mix，感覺上湯底應該很濃郁吧，有2個湯頭喎，但事實上不論是麵或是湯，就算是豚肉，味道都好平凡，平凡到…覺得浪費咗一次食好野嘅機會，而且整體來說味道偏淡，淡到…我食完即刻就唔記得咗咩味( ･᷄ὢ･᷅ )寶貝叫嘅係黑豚拉麵，其實視覺上黑豚拉麵已經吸睛好多，我試過個湯底，味道濃郁，好味好多喎，再試下個麵，寶貝要咗硬麵，我要普通，而佢地嘅分別係…無嘅😂，至於肉呢，味道算是不過不失啦，佢哋啲共通點係大家都好薄囉，但當然黑豚份量就多好多。寶貝話開頭覺得麻麻地，但試過我嘅豚骨

一直好想試金田家拉麵店，但平時夜晚經過都好多人 最終都係冇排到，星期六放假決定中午帶媽咪去食下日本拉麵🍜金田家有多間分店，最尾揀左元朗店，食飽飽順道可以行下YOHO MALL~去到門口等左陣就入得，餐廳裝修充滿日本感覺被安排了吧枱位置，可以看着師傅們忙碌地炮製拉麵媽咪揀左黑豚拉麵，我就揀左網上好多人推薦的黑松露拉麵🍜我地都追加左紫菜同糖心蛋🍳再點左個大將餃子一齊食🍜黑松露拉麵一送到黎，黑松露香味已經撲入我鼻子裡湯底濃郁富豚骨香，冇味精，湯濃稠度適中，將黑松露醬伴進湯底裡，散發出濃濃的黑松露味麵既質地我揀左超硬，食到最尾麵質都沒有變軟，吃每口麵都是黑松露香氣🍜黑豚拉麵中既黑豚肉分量十足 有好多塊，肉肥瘦適中，入口鬆化🐷糖心蛋滑溜可口大將餃子，皮薄餡靚，香脆不油膩，媽媽都讚佢好食，配拉麵吃一流好滿足的一餐