法國雪山咖啡 (已結業)

呢晚同朋友想舒舒服服傾吓計，於是就去咗個同事介紹嘅法國餐廳，試一試係咪咁正先。原來餐廳喺渣甸山居民協會嗰度，附近環境清幽，入到空間感十足，裝修擺設係歐式風格。再嚟就係睇吓有咩食，同朋友都揀咗 set dinner 試吓。我哋2個都揀咗龍蝦湯，嚟到見到湯唔係水汪汪嗰種，飲落有濃濃嘅龍蝦味，好鮮好濃，真係好有蝦味呀! 跟住就到餐包，呢款係軟身嘅法包，烘到熱辣辣，食到陣陣麵粉麥香，一放牛油落去，就即刻溶化，為餐包加多一份咸香。前菜我要咗焦糖鵝肝，鵝肝焗得香口，同平時食到嘅煎鵝肝唔同，呢種煮法無咁油膩，鵝肝質地軟滑濃香，配埋多士食好夾。朋友叫咗帶子雲吞仔，帶子煎得剛好，又鮮又淋，雲吞仔釀有芝士饀，啖啖都食到細心之作。主菜我哋 share 食，要咗慢煮法國牛舌，牛舌煮得好淋好入味，配菜嘅薯仔焗得好香又好綿，加埋芝士同牛油，真係好好食! 另外，一束豆角用煙肉卷住，足見心機之作。我哋仲揀咗香芒千層豬柳，面頭蓋住鬆脆酥皮，然後下面就係一層豬柳，一層芒果咁互相相間，芒果應該經過醃製，食落似芒果乾但淋啲嘅質地，有好香芒果味之餘，亦有煙韌嘅口感，好特別，全部材料加埋綜合咁食，呢個配搭好清新。餐飲要咗咖啡同熱

去了某富貴朋友的屋企探望新生BB，之後朋友請了我去附近的法國餐廳食晚飯，餐廳是在渣甸山居民協會，地點離地鐵站比較遠，不過去得這個地方食飯的多數是有揸車。我點了一個晚餐，款式都幾多，豬、牛、雞、羊等等，實有一係啱你口味。麵包：麵粉是法國進口，餐廳自家製，外脆內軟。龍蝦湯：龍蝦味濃郁而且鮮甜，不會有蝦殼的燒焦味，而且幼滑。煙三文魚雲吞仔：雲吞餡是菠菜忌廉芝士，雲吞細細粒，全部都是心自家製，彈牙不糊口，醬汁有很香三文魚味而且很creamy。焗酥皮牛柳：酥皮焗得酥脆，裏面的是法國走地牛肉，肉質結實，牛肉味比較濃郁，入口有肉汁且有咬口，但不是鞋。旁邊是層層焗薯，一層一層薯片舖上去，再加些cream cheese，幾飽滯。白芝士蛋糕：有點似日式芝士蛋糕，又鬆又軟腍，而且有很香的芝士味，批邊香脆，十分可口。整體高質，由頭盤至甜品，份量十足，而且味道跟材料都新鮮高質，服務員細心巾禮，值得一讚。

渣甸山即使你未去過，都一定知道它是一個豪宅區，但令人意外的是這裡最近進駐了一間法藉大廚主理的法國餐廳，食材大都來自法國，但午餐平均二百多元晚餐平均四五百元就有交易，以法國菜計價錢比尖沙咀中環銅鑼灣等餐廳還要親民。為何我會知？當然又有食友報料啦！星仔四十歲大壽(當然不是真的四十歲啦，已經有多位又天真又傻的朋友問我「真的假的？」)當然又要搵藉口賀一賀，但平時中日韓印泰法德意甚麼菜式也試過，還可以有甚麼驚喜呢？知道這間餐廳後，我就決定帶他來渣甸山走一趟，正所謂冇錢住都睇下丫！＊＊＊＊＊＊＊＊＊＊＊＊＊說的就是法國雪山咖啡，它位於渣甸山居民協會，跟Openrice指示在銅鑼灣轉小巴14M小巴就到，都不算難找。如果本身是有車人士仲方便，因為餐廳門口就有泊車位。渣甸山居民協會是一座單層建築，走進餐廳以淺木色為主，牆上掛上像打獵得來的假鹿頭，另一邊牆以假壁爐配紅磚牆，加上近日氣溫轉冷，空內空氣暖和，很有點衝過風雪走進法國獵人家庭的感覺。晚餐以套餐為主，價錢由$418至$568，包餐湯、前菜、主菜、甜品和餐茶，仲要免加一。龍蝦湯餐湯每晚有三款選擇，我點了龍蝦湯。龍蝦湯呈橙色，奉上時非常熱和香噴噴，濃稠

上年去完法國後，都好久沒吃過法國餐，最後找到這一間有法國小店特色的法國餐。雖然地點在渣甸山，但其實不太難去，在銅鑼灣的14M及金鐘的24m小巴直到這間餐廳。 在石油下車，多走兩步就到。這間餐廳佈置得十分似法國小鎮的餐廳。裡面主要是木屋形式的擺飾，給我十分溫暖的感覺。當然，最重要都是食物的質素，很高興食物都沒有令我失望。首先是充滿麥香味的面包，而且有十足的口感，一問之下，原來面包都是從法國訂購的。接下來的熱燙燙而香味濃郁的龍蝦湯就是真正美食的前奏。作為龍蝦的愛好者，前菜我又選了龍蝦。龍蝦尾雲吞仔又是龍蝦香味十分濃郁，再配以龍蝦汁真是完全滿足了我對龍蝦的熱愛。主菜我則選了香煎西班牙黑毛豬。黑毛豬的肉質十分鮮嫩，更重要是這道菜真正讓我意識到當用上上好的食材，其實真的不需要太多的調味。好食材配以掌握的好的火喉，就已經是一道十分出色的菜。老闆都跟我們說他們十分著重食材的質素，都不希望食客吃到添加劑及激素。我真的十分欣賞他們對食材的執著。最後我以法國最有名的焦糖燉蛋。不像平常在香港吃到的焦糖燉蛋，這裡的燉蛋沒有太甜，反而有清新的蛋香味。總括而言，這裡食材和食物的質素都是一流，以一個人消費大約500

老實講，法國餐係我食得最少最少嘅菜式，唔係我唔鍾意食，而係普遍嘅法國餐廳環境暗到乜都睇唔到不特止，仲要有咁耐食咁耐，其實夜媽媽食，真係好眼瞓㗎！要浪漫，真係要付出代價..... 但近排聽聞渣甸山開咗間法國餐，睇相又幾靚幾光猛喎，又有免費泊車，今晚就同爸媽去試吓！真係開心，未嚟過一間咁光猛嘅法國餐廳，老闆娘Haddy帶我哋去到盡頭嗰間房，樓底真係高，高到呢..... 喺文化磚牆上仲有一堆放紅酒嘅架，另一邊就有個小火爐，四圍都係雪山嘅畫，似足法國家庭式小餐廳咁，環境已經夠討好，張櫈仲要非常好坐... 一坐低已經唔想走！睇睇menu先，5個course $488一位？！3個人，就叫2個set，加一個main dish之後share就啱啱好喇！龍蝦湯未飲，聞到已經香到不得了！質感冇平時飲開嘅lobster bisque咁濃，呢個比較稀啲，但味道非常鮮甜，好似食緊好多隻龍蝦咁樣！不過飲落有少少辣...法式洋蔥湯比較稀，上面浮住一塊麵包及少量芝士，嫌唔夠cheese嘅，旁邊仲有一小碗cheese！洋葱味道非常濃，每小粒洋蔥都好熟好軟綿，但因為芝士唔係太多，所以唔會蓋過咗個湯本身嘅鮮甜味道田螺批平時