一幻拉麵

营业中

休息中

見今日買一送一最後一日，就約左朋友一齊試下。以前見過幾次一幻做依個活動，但都係無緣，所以今次都幾期待。雖然係星期一，但排隊嘅人都好多。門口個哥仔都幾有禮貌。 我地點左辛辣味增蝦湯拉麵同黑蒜嗰個拉麵，兩碗都跟半隻溏心蛋同叉燒。 辛辣湯好香濃，對我黎講辣度ok。食到最後都聞到好大陣蝦湯味，啱晒鍾意重口味嘅人。 黑蒜湯都係濃湯，可能我先試辛辣嗰碗再試黑蒜，所以感覺會比辛辣冇咁重味。要留意黑蒜會有芽菜，所以唔鍾意食嘅人可以試下同店員講聲可唔可以走。 依間嘅感覺應該係專做蝦濃湯，我覺得碗拉麵幾出色，但有d濃導致中途飲左好多水，所以食到最後我地兩個真係超飽。未試過佢嘅拌面，下次一定黎試下。我有俾錢真金白銀，買一送一除開大約50蚊一個人。唔係試食活動！我都想有人請我

一幻喺荃灣開左分店，前排做緊買一送一優惠，咁抵一於去試下～🔸特濃蝦汁叉燒拌麵呢款跟粗麵煙韌有咬口，麵份量適中，好掛汁蝦汁包住每條麵，蝦味濃郁，每款配料都好足有蔥、半隻溏心蛋、叉燒粒、麵酥(紅薑天婦羅)同紫菜絲，口感豐富重口味人士之選，我自己就鍾意呢款多d😛🔸招牌蝦湯拉麵(原味湯底、鹽味）可以揀湯底同口味，原味湯底同鹽味可以試到原汁原味蝦湯同最飲到蝦湯嘅鮮甜味，配料同拌麵差唔多，有兩片叉燒正常發揮，溏心蛋如果再流心d更好，唔太好重口味嘅朋友建議叫呢款💁🏼‍♀️

家附近開了一間一幻拉麵，是香港的第五分店，其他分店也是大排長龍一直試不到，難得在家附近開店，今天就早一點去排隊試試！餃子拉麵店不可劃缺的除了拉麵就是餃子，而這裡的餃子皮薄餡靚，不錯！是嫌不夠脆邊。招牌蝦湯拉麵有很多限定的拉麵，但我卻想招牌的蝦湯拉麵，我選了原味湯底，鹽味，幼麵，無蔥。吃拉麵第一件事就是喝湯！充滿濃濃的蝦味，喝得出用了大量的蝦，煮了很久得出的蝦湯！鮮味到喝一口身心舒暢！看到還有調理過的蝦子在麵上，增加不少香氣！叉燒肥瘦適中，入口即化，浸在蝦湯中味道更鮮了！溏心蛋也很入味很好吃！終於吃麵了，麵身帶Q彈！吸了不少湯汁！這個幼麵和蝦湯也很配！份量也足，吃完很滿足！

北海道人氣拉麵店(一幻拉麵)不知不覺間在港已開到第五間分店了；今次進駐荃灣「荃新天地」，位近荃灣如心酒店方向。繼往常一樣，每開新店也會帶來新口味；今次推介嘅係期間限定的「黑蒜叉燒蝦湯拉麵」HKD78/碗。我倆叫了「黑蒜叉燒蝦湯拉麵」、「招牌蝦湯拉麵」、「甜辣小蝦沙律」、「煎餃子」及「北海道梳打」。黑蒜叉燒蝦湯拉麵沿用一幻招牌甜蝦湯底，加入主角黑蒜，上桌前更會在拉麵上澆上日本黑蒜油；蝦湯混合黑蒜的獨特甜香，沒有一般大蒜的刺激味，層次感更豐富，令食慾大增；而每碗均附有半隻溏心蛋、火炙日本叉燒、麵酥及青蔥，如嫌未夠喉，更可添加叉燒、溏心蛋和麵底，一定令你吃得滿足。而招牌蝦湯拉麵、甜辣小蝦沙律、煎餃子及北海道梳打，之前在其它分店已寫過，就不再多說了。新店推出優惠驚喜四重奏，開業首五天拉麵「買一送一」，即係購買任何一款拉麵，可免費享用第二碗(以價錢較高之拉麵計算)。(7月8至12日)第二重優惠，惠顧拉麵二人套餐 (包：兩款拉麵或拌麵/兩款小食/兩款指定飲品)，即贈送限量版摺疊式環保飯盒乙個，數量有限，送完即止。(7 月13日至31日)第三重優惠「食滿$100送您$100」，即是消費滿$100 即

依間之前係旺角同朋友食過 味道都唔錯架 岩岩睇到ig post推薦一幻係荃灣新開張 新開張期內仲有唔少優惠 第一波優惠就係「得一賞二優惠」優惠 岩岩到7月12日完 剛好有時間黎熱鬧下 錯過依個優惠都唔緊要 黎緊第二波優惠就係以優惠套餐價$238享用兩人套餐 去開荃灣不妨試下 位置就係荃新天地二期 都幾方便正如上面講 岩岩新開張有「得一賞二」優惠 顧名思義 就係以一碗拉麵既價錢 食到2碗 價錢當然係免價低者先 咁著數既價惠 緊係多人黎食 12點左右到 門口已經排左一條長龍 大概等左30-45分鐘終於可以入座， 店員會係隊頭派發order form 俾客人提早睇有咩食 一入座就可以落order 咁就快手啲唔洗餓死😂荃灣新開限定既「黑蒜 叉燒蝦湯拉麵」係必試既項目 主要都係因為係只有荃灣限定 價錢$78加一 ，另外都order左一份餃子（$35） 湯底方面 簡左濃厚豚骨鹽味粗麵。注意係 依間主打應該係蝦湯底 所以只有蝦湯底既拉麵選擇 即使係剔左濃厚豚骨/豚骨湯底，其實都係用左蝦湯做底 只不過係加上豚肉整成，如果係對蝦有敏感既 真心唔建議黎食。建議都係會有番淨豬骨湯底俾客人簡番，除了拉麵外 ，

話說當年小編同男朋友去北海道見到當地人夜晚兩點都仲喺度排緊既一幻總本店當然唔執輸排埋一份 結果真係食過返尋味嗰陣純蝦濃湯香 真係好難忘而家冇得出國 唔使驚 因為香港都有.《蝦湯濃厚豚骨鹽味拉麵》🐖🦐🍜呢個係客製化的要蝦湯接麵 就可以揀咩湯底(原味/適量豚骨/濃厚豚骨)再要揀埋咩調味 (鹽味/味增/醬油)追球骨膠口感既小編當然選擇濃厚豚骨其實鹽味已經好夠 唔經會搶左蝦濃味.《黑蒜叉燒蝦湯拉麵》♠️🦐🍜荃灣店限定沿用一幻招牌甜蝦湯底再用蝦油爆香蒜蓉同薑蓉再加入帶有獨特香氣嘅黑蒜最後再加上黑蒜油 增強層次日本叉燒經過火炙 亦都特別焦香.當然仲有其他小食餃子🥟 叉燒飯🍚 玉子🥚..等等我地見飲品方面全部都係日本嘜頭唔係日文但其實個廠係香港個d特登叫咗個好耐冇飲過嘅波子汽水同埋綠茶飲確實係唔錯 果然係日本出品🇯🇵

主打招牌甜蝦湯底嘅一幻拉麵最近係荃灣開設新分店，新店除咗保留一貫嘅拉麵及小食外，仲新推出咗荃灣店限定口味拉麵‼️🍜荃灣店限定 - 黑蒜叉燒蝦湯拉麵（$78）追加：多蔥（+$10）湯底係拉麵嘅靈魂， 本身嘅蝦湯蝦味已經夠香甜濃郁，加埋黑蒜及黑蒜油，令湯底嘅香味更加有層次感，濃烈嘅香味已經令人流哂口水🤤麵條軟硬度適中，掛湯能力不錯，每啖都能連帶蝦湯入口， 大大加強咗整體嘅味覺刺激；溏心蛋係半熟流心，日式叉燒有經過火炙，肥瘦均衡而且肉嫩；另點咗多蔥，啲蔥真係多到睇唔到塊叉燒😆但口感清新得黎又可減低油膩感。🍜季節限定 - 蝦汁胡麻冷麵（$88）呢款季節限定嘅冷麵好啱酷熱嘅炎夏🥵配料有蘿蔔、蛋、紫菜、青瓜、叉燒切絲及中間紅色惹味嘅香辣甜蝦配沾滿胡麻醬嘅小虎蝦。醬汁由芝麻、蝦粉、蝦油、蒜蓉、及日本醬油調製，香氣撲鼻，而且蝦香與胡麻味平衡；小虎蝦口感彈牙，配合醬汁味道清新濃郁，消暑清涼令人食慾大增😋🥗香辣甜蝦椰菜沙律（$38）炸得香脆嘅蝦乾配鮮生椰菜絲，拌以泰式辣醬及蛋黃醬混合的醬汁，味道甜甜辣辣，灑在面的紅薑天婦羅口感亦幾特別，整體非常開胃好食。🥢醬油味筍（$15）筍係拉麵幾常出現嘅配菜/小食，食落

平日放假都時不時去荃灣流連，當日去附近拎完戲飛，決定同友人醫醫肚先。一向多餐廳嘅荃新天地估唔到又開咗新餐廳，仲要係日式拉麵店。雖然據聞有幾間分店，不過今次見近近地先第一次試到。呢間日式拉麵店嘅間隔都幾特別，除咗一般卡位，中間主要採用二人間隔式設計，裝潢有啲似食迴轉壽司嘅感覺。枱面設計稍嫌少少逼狹，如果設有雜物籃就更為方便客人。辛辣味噌蝦湯拉麵 $88拉麵分為粗麵同幼麵選擇，粗麵口感有啲似車仔麵中油麵嘅質感，個人認為湯拉麵都係幼麵會適合啲。香港限定嘅辛辣味噌蝦湯嘅味道比想像中刺激，係一種會誘發喉嚨短暫灼痛嘅辣度，唔太食得辣嘅人士建議唔好輕易嘗試。拉麵更附有兩大塊叉燒同半隻溏心蛋，叉燒肥瘦均稱值得一讚；溏心蛋味道不俗但賣相有待改善。蝦汁胡麻冷麵 $88季節限定嘅冷拉麵，材料相當足本，除咗有兩款製法嘅蝦料理，仲有雞蛋絲、紫菜絲、肉絲、醃黃蘿蔔絲、青瓜絲等，拌勻後保證每口都食到層次豐富嘅口感。略嫌味道清淡咗少少，如果鹹度或酸度高啲就更好。餃子 $35一碟五隻嘅日式餃子，伴以少許醬汁一同享用。餡料應該係常見嘅豬肉生菜，水準不過不失，驚喜不大。檸檬味波子汽水 $28日式料理店配上波子汽水當然最好不

喺網上見到呢間一幻拉麵喺荃灣開咗分店 仲要做緊買一送一嘅特價 今日就嚟咗試一試 去到見到有大約七十人排緊隊 睇嚟大家都好掛住日本嘅拉麵😂 一於睇吓佢有幾好食排咗大約一個鐘就入到座啦 餐廳座位都算多 所以都唔駛等太耐 但座位望落就幾迫 同日本嘅拉麵店都有幾分似😮 不過張檯冇個勾可以掛起啲隨身物品 都有啲唔方便 一入到店入面已經有好香嘅蝦味 呢間拉麵係出名蝦湯嘅呢間分店限定嘅拉麵口味係黑蒜叉燒蝦湯拉麵 咁我同友人就一人叫咗一碗 不過一碗揀粗麵 另一碗要幼麵 試吓邊款好食啲😇黑蒜叉燒蝦湯拉麵 聞落冇乜黑蒜味 食落都冇😅 湯底有淡淡嘅蝦味 但唔算太濃郁 叉燒只係得一片 有啲失望 不過叉燒嘅焦香好香口 真係幾好食 半肥瘦咁 每啖都食到油香 溏心蛋有少少過鹹 粗麵有嚼勁 本身諗住佢會掛湯啲 但係有啲似食緊油麵 唔係好feel到自己食拉麵 自己就比較鍾意幼麵😚 另外我地嗌多咗個甜辣小蝦沙律🥗 份量雖然唔算多 但食落口好有驚喜 沙律嘅菜係椰菜 沙律醬唔算太多 感覺唔係太邪惡😗 上面嘅小蝦非常特別 咬落去脆口 加埋麵酥同樣係脆卜卜 小蝦同個名一樣又有甜味又有辣味 係一碟幾惹味嘅前菜 下次再嚟一定會再嗌呢

🍜 一幻 🔸黑蒜叉燒蝦湯拉麵🐷🦐這款是荃灣店限定口味，當然先點了~那個黑蒜油很香濃湯底味道濃郁不咸，蝦味是慢慢才出來，沒互搶配合得不錯。叉燒肉雖然說是半肥瘦，但不膩很剛好🔸辛辣味噌蝦湯拉麵🌶️🦐🍜嘿嘿，我還是逃不開「辛辣」這兩個字，湯底的蝦味同樣香濃，辣度對我來說稍稍不足，但一般應該會覺得剛好然後這裡也有飯可以加點，考慮了一會還是放棄了蝦飯團，選了我心目中吃拉麵的基配 - 白飯！偏乾身的粒粒飯，吃完拉麵後加進剛好。溏心蛋也很軟QQ的，不過放在湯中都被搶味了（還好我中餐先減量了😂）✨新店開張優惠✨7月8 - 7月12日：全店拉麵「得一賞二」（即買一送一）7月13- 7月31日：新店拉麵二人套餐送限量版摺疊式環保飯盒8月1- 8月31日：食滿$100送$100現金優惠券（無上限）9月1- 9月30日：聯乘NAMCO推出食玩祭，一幻夾公仔遊戲機💲約hkd100@人🏡香港荃灣荃新天地一期UG02號鋪

& 純蝦湯鹽味拉麵🦐荃灣朋友又有口福啦~👻人氣拉麵店開設新分店，仲有限定黑蒜蝦湯等緊你😍🥰香濃黑蒜味濃厚😋鮮蝦香甜超好味🥚encore必點溏心蛋🥘湯底滋味有特色同場仲有爽口涼拌木耳，香滑醬燒鷄髀菇，🥟焦香餃子...小食選擇都好豐富，絕對可以滿足為食嘅你😉一幻拉麵 @ichigenhk 📍荃灣tsuen wan.

記得喺日本食過一幻拉麵都幾難忘，而家荃灣已經開設第五間分店啦🎊！荃灣新店更推出限定味道【黑蒜叉燒蝦湯拉麵】⋯⋯⤑▫️黑蒜叉燒蝦湯拉麵 $ 78每間分店都有獨家限定款，今次荃灣新店就用黑蒜蝦湯做主打🦐！用上一貫濃厚蝦湯及蝦油加上黑蒜同𣺉上日本秘製黑蒜油，湯底層次立即更豐富😙！麵條可以選擇粗/幼麵🍜，溏心蛋流心狀態，最驚喜喺火灸嘅日本叉燒，肥瘦均勻肉質夠腍🐷！愛濃味湯底的人會推薦呢款💕！⤑▫️辛辣味噌蝦湯麵 $ 88蝦湯顏色超鮮艷未食已經聞到勁香🤤，湯底非常稠密超濃郁，每口湯都飲得出蝦嘅鮮味🦐，繼而味噌嘅辛辣會慢慢滲出🌶，辣度不能忽視🤭，配上幼麵更能做出掛湯！配料一樣有日式叉燒同溏心蛋！不過火灸叉燒更出色😛！⤑▫️甜辣小蝦沙律 $ 38小蝦炸得超香脆配上沙律同紅薑天婦羅，加上蛋黃沙律醬甜甜辣辣好開胃🥗～⤑▫️餃子 $35一碟五隻餃子🥟，內餡豐富充滿肉汁，不錯！⤑▫️無糖烏龍茶 $ 25▫️無糖綠茶 $ 25

早前荃灣一幻新開張，門口有條長長的人龍排隊等食。做完瑜珈和健身，是下午茶時間，人龍不見了，店面大約也是四成坐滿，所以決定入內一試。叫了一碗招牌黑蒜叉燒蝦湯拉麵，賣相不錯。湯底濃而不膩，粗麵韌度適中。叉燒和溏心蛋都合水準。價錢Hk86, 性價比高。

一幻拉麵登陸荃新天地 隆重開幕之前已經食過一幻拉麵嘅屯門店，今次終於唔洗去到咁遠喇，係荃灣荃新天地開分店！荃灣獨有黑蒜叉燒蝦湯拉麵 沿用一幻招牌甜蝦湯底 ，湯頭濃郁不多說，尾韻還有淡淡的黑蒜甜味！以蝦油起鑊爆香薑蓉和蒜蓉，帶出醇和甜味與香氣，最後更會在拉麵上澆上充滿風味的日本黑蒜油，令整碗拉麵的黑蒜味道更添層次感蝦汁胡麻冷麵 好食好食好食！其實冷麵也是很適合夏天食用啊，當天氣悶熱、胃口不佳時，冷麵絕對是小清新推介！胡麻醬汁用炒香過嘅芝麻、蝦粉，加上蝦油、蒜蓉、日本醬油等調製而成！個人覺得個冷麵口感100分，質感煙韌彈牙，有嚼勁！一幻叉燒飯切成一粒粒嘅日式叉燒，都幾好食！而上面再加入麵酥，口感都幾好！而且我最鐘意飯上面有青蔥及辣椒醬提味，整體都好食！香辣甜蝦椰菜沙律我覺得個香辣甜蝦炸得好好食，香脆蝦乾配鮮生椰菜，成啖都好清新！

一幻拉麵已經進駐荃灣了😆，店舖位荃新天地UG樓層。店舖環境挺大很舒適涼快，大部分坐位是小卡位，就會一個人吃也不怕🙈。餐牌上有數款拉麵選擇，而且可選擇少拉麵，另有數款小食選擇。-💥黑蒜叉燒蝦湯拉麵 HKD$78，這個是荃灣店限定口味，這個味道很香，同時聞到黑蒜和蝦的香味。湯底味道濃郁不咸，蝦湯味道鮮甜，兩者味道配合挺好🤩。叉燒經過炙燒肉質很腍身，而且是半肥瘦版本😆。-💥招牌蝦湯拉麵 HKD$88，選擇了少麵和醬油口味，湯底使用大量甜蝦熬製，另有蝦酥和蝦粉灑在麵頭，令到蝦味更突出🙈。這個湯底較稠身，蝦味較重味道鮮甜，味道帶微微咸味。-💥甜辣小蝦沙律 HKD$38，小蝦是炸過的，所以口感脆脆的。沙律用椰菜絲/泰底辣醬/蛋黃醬製成，口感爽脆味道酸酸甜甜的，既開胃又惹味😍。-💥餃子 HKD$35，這個是常見的小食，普遍得拉麵點也會有。這裡一份有5隻，餃子外皮帶脆口感覺，裡面肉質鮮嫰。配合醬油吃味道更鮮味，整體味道挺好🙈。-💥雞骴菇 HKD$22，這個是切條版本，面頭有木魚絲做裝飾。雞骴菇吸入醬汁，所以味道甜甜的，切條版本更方便吃，而且口感煙韌挺喜歡吃🤩。-食物質素不錯，價錢一般價位。店家湯底味道