一風堂 (蘭桂坊) (已結業)

晚上在中環，想食日本菜，上世紀廣場3/F，一邊等sushi ，另一邊等拉麵。結果一風堂拉麵先有位。叫了碗特製黑拉麵，豬肉半肥瘦夠惹味，麵條軟硬適中，紫菜爽脆，溫泉旦半生熟真正流心，黑麻油湯底無得頂。同行的星加坡朋友話星加坡食吾到。埋單想用印花，電腦出錯，攪了一陣，侍應們笑容好好，禮貌做足，服務招呼一流，抵讚。

雖然我是一風堂粉絲，但我也有一段時間沒有來過，原因是之前幾款限定拉麵都吸引不到我。可是最近我卻特地跑到一風堂，為的，是兒時最愛的蒙面超人。某天被臉書上的蒙面超人「吸睛」，細心一看，原來是一風堂和夥拍蒙面超人，推出了限定龍蝦豚骨拉麵。身為「拉打」粉絲，自然一看心癢，這天中午，就特地由上環走到中環，支持一下兒時偶像仮面ライダー。這一次蒙面超人推廣的確誠意十足，每一桌上都有一本小書，內容印有蒙面超人大戰龍蝦怪的情節，只要你對蒙面超人有認識，必定看得投入。有得食，也有得玩，筷子套原來可以摺成龍蝦，小書上圖文並茂教學，正好可以消磨等待的時間。等了一會兒，我的龍蝦豚骨拉麵終於來到！龍蝦殼，就是標記！看著蒙面超人來吃拉麵，實在興奮！配料沒有叉燒，卻有半只龍蝦尾，大小和龍蝦殼相若，件頭十足，一看已知絕無「呃秤」，蒙面超人，果然真材實料。除了半只半熟蛋，其他配料還有菠菜、蔥，和少量櫻花蝦乾，和神秘的小袋子。小袋子有點像中式炸鮮蝦雲吞，內裡有一只鮮蝦，第一時間吃，皮還脆，很不錯。有別於一貫一風堂豚骨湯底，這個湯是黃色的，帶有少許蝦香，但不算強烈。龍蝦殼下，藏著橙色的海老香油，才是這龍蝦豚骨拉麵的精髓。有沒

Ramen is one of those things that I've had very little of, if you except the instant noodle kind. I never visited a ramen restaurant before coming to HK. So here's a naive review; take it with a grain of salt.I found this restaurant on a "Top 5 Ramen Joints in HK" on HK Tattler. There was no date to the article, but some of the restaurants had closed, so I assume "out of date". Still, it met all my criteria of being close, and at least reasonably well-regarded.We came here on a Friday night arou

每個月差唔多幫襯中環一風堂1至2次，覺得呢間分店嘅出品較其他分店穏定。因为都定期惠顧，所以見到出咗新嘢就試吓啦，冇咁悶嘛。當日試咗雞豚双味拉麺。嗰湯味道ok但湯份量超小，根本冇可能加麺。嗰拉麺質地唔係平时食開嗰種，似上海麺mix with buckwheat noodle , 吸收唔到湯嘅精华，食落去麺湯不太合一感觉 。另外叫咗豚湯菠菜，份量小，油太多。整体嚟講嗰新產品可以一試，不过以后應該冇興趣再叫。

上一年新年去北海道，仲要遇到暴風雪，當時天寒地凍食一碗熱辣辣既拉麵真係爽歪歪!琴日凍到手都僵，突然好想飲番啖熱既豬骨湯，去左一風堂食左碗拉麵。特制赤丸原味($88) 入面有玉子半隻、紫菜、豚肉片等等，配上中等硬度既拉麵。湯底，我覺得唔夠濃，豬骨味唔夠強；而且拉麵煮得太過lum, 無哂口感……

第一次來一風堂, 來的時候是下午, 所以不用等位。因為看見喜多方拉麵是期間限定就點來試試!這裡出菜非常有效率, 剛點了菜, 食物很快便送到枱上。拉麵是醬油湯底, 醬油湯底濃淡適中, 上面有蔥花、竹筍、叉燒、蛋。拉麵是扁身的粗麵, 爽滑彈牙。太美味了, 所以之後追加了一個麵底! 加面會另外用一個碟裝起送來, 這樣就可以和朋友分一半了!叉燒是半肥瘦的, 入口即溶化, 而且很入味, 我覺得這個叉燒是整碗拉麵的靈魂。很喜歡吃蔥花和竹筍, 有很清新的感覺。最喜歡吃半熟蛋, 所以留在最後才吃!也品嚐了煎餃子, 餃子也是很美味, 很新鮮的感覺!服務非常周到, 有機會會和朋友再來光顧的!

跟同事到附近用餐,近近的選擇一風堂,原本都怕會等很久,號碼去到24, 我倆的是32,8張檯, 又不算太多, 等一等吧很快, 就入座。之前坐過中間那張豬肉檯, 坐得挺辛苦, 而且逼今次坐旁邊的梳化位, 舒服多了。一坐下便點了兩個黑咖喱, 那是跟同事有門口看見的新東東, 試試吧!侍應給我倆每人一件圍巾,說是湯汁會弄髒衣服。另外點了餃子,很細件, 一口一件。食晒餃子等差不多五分鐘,有人問我倆, 麵到了沒有?心在想, 不是漏單吧?幸好, 很快便有人送麵過來。他放下麵亦不忘叮囑我們要穿圍巾。結果我倆把檯面弄得一點點黑色的,而的確我再謹慎亦弄到圍巾帶數點黑湯汁。味道嘛, 帶點辣,加了配菜,辣芽菜,鹹菜, 還有生蒜, 即磨芝麻略嫌肉只得一片,亦不像豚王, 會有紫菜至於茶, 應該是麥茶(?) 味道有點特別,又不像玄米茶...回到公司, 還是很口乾,味精應該不少

一向以為這家『較為連鎖』的拉麵店，可能只會『貴夾唔飽』，但隨著『豚王』也開設更多分店，其實連鎖也是大勢吧。白丸太麵果然非常幼，但叫了硬麵就較好，至少咬下仍有點兒嚼勁，上湯能力仍是不錯。湯底其實挺濃，溫度起初還是夠熱，後來冷卻了則沒趣。叉燒極薄，半肥瘦，不會痴牙，夠軟，肥肉令其香口，不錯。整碗拉麵不算太細碗，只是剛好正常的細細碗，吾等四時左右才吃過東西，則剛剛好。如果空肚來吃正餐，只吃一碗拉麵，就應該會不夠飽了 。黑咖哩因為吃過黑王或類似的黑蒜，墨魚汁湯底的拉麵，就會預先假定了這種黑湯的味道，當實際吃到咖哩味，就感覺有少許奇怪。這個麵好像比白丸的麵條粗少許，硬少許。餐廳內的茶挺好喝的集團式餐廳最差的就是缺乏人情味，食客come and go，店員沒有心工作，收銀也不說句謝謝光臨，差。

太座約了她大姊在中環食晏，順道叫我一齊去食日本麵，揀了這家日本有名的麵店，這店我在日本大坂試過，今次在港再試，覺得走了樣，不知是否又是為了遷就香港人味。當日太座和她大姊先去等位，到我去到才知要人齊才可入座，有點不太接受，坐下後我點了一個半份的白丸拉麵加豚角煮和木耳，湯底清甜，入口清香，但麵質似乎不夠彈牙，但仍覺爽口，叉燒夠瘦但就嫌略鞋，燻蛋味道濃郁，而另加的木耳都很夾口，但味道就略淡，豚角煮就入口還算嫩滑，可惜味道也一樣偏淡。大姊食的是奶油拉麵，見佢無什麼讚賞，也不敢多問，估計水準都是一般；太座嗜辣，點了一個辣拉麵，我抽佢小小水試了一點麵，麵質不同，但一樣算是彈牙，可惜辣味太勁，太座點的是中辣，已有地獄感覺。另外點了兩個小食，一個是煎餃子，皮厚餡小，煎得不夠香，口感淋韌，味道淡而無味，單純靠薑蔥醬汁的味道，是這天最強差人意的一個食物；另一個是明太子雞翼，皮燒得有點過焦，但脆口程度不足，內部明太子份量十足，味道鮮甜味美。

到中環開完會好彩過了午飯時間~去一風堂唔洗同人迫~特製辣肉拉麵中辣愛吃辣的拉麵,更喜歡吃這裡的配料~很香的蒜泥,和現磨的芝麻,為這個辣的拉麵增添了幾份香~麵質適中,湯非常香濃!配料中的五花肉入口即化,大滿足!

做過飲食業既我深明15:00-17:00去食野食物質素同服務態度唔會好得去邊但估唔到差到咁完全提議你公司呢段時間不如拉閘或者掛返個《休息中》既牌喺門口話比客人知你落場唔想做生意喇 ------------------------------14:55到達客人不多，只有3枱約6位客人侍應安排我坐4人卡位座位係舒服既睇左餐牌2-3分鐘起初帶位既黑衫女侍應細心留意到我想落order亦好快咁行過來幫我落單但由我入門口到幫我落order都係全程木無表情兼講野冇尾音[-_-]Order左個「特製赤丸新味-硬麵」賣相好似唔錯食落完全係兩回事豬骨湯底濃度適中，唔會太濃太膩但飲多兩啖已經口渴要飲水蒜油略嫌唔夠香秘製味噌只係普通既辣味噌，冇咩特別Order硬面最可怕既事情發生左個麵係起骨架（即未熟透） 相片清楚見到每一條麵條既中間係比較實色, 左右兩邊較淺色相信大家喺屋企煮意粉或上海麵既時候有時見到麵條軟身都會心急撈一條出黎試下熟未當你咬開麵條既時候會發現係硬既而且橫切面中心係白色一點當時正正就係呢個情況仲要好大陣鹼水味我即時呆左 除Ippudo HK外點解有5間既Hataka Ippudo

我和老公只吃過一次沾汁麵, 那是數年前在東京吃的。當時香港還未有食肆供應沾汁麵。最近看食評, 知道一風堂限時供應沾汁麵, 今天在附近覆診後便興起試試。12:30到達此店, 已經要等廿多張檯, 幸好1時左右便能入座。不得不讚的是在店內工作的侍應哥哥, 快手快腳, 但不會粗枝大葉。他一見我是大肚婆便自動自覺奉上暖水而不是平常供應的冰茶; 而餐桌上放了冰茶壺, 我們都知道是自助式加茶, 但侍應哥哥路過看見老公的茶已喝完, 即使工作繁忙, 仍動作明快地為老公添茶, 真是不得不讚。沾汁麵: 老公很喜歡吃, 因他喜歡吃粗麵條和冷麵。而我個人覺得湯味道稍鹹。辣肉味噌拉麵: 我很喜歡吃, 普通辣度剛剛好, 我喜歡幼麵條, 叉燒是半肥瘦, 味噌湯底不過鹹, 味道反而似豬骨湯底, 整個組合是絕配。不過, 老公不吃得辣, 覺得太辣。一風堂一直是我最愛的拉麵館之一, 第一次吃他們的WASABI拉麵一試難忘, 而且水準一直保持穩定。希望他們繼續推出新口味拉麵, 我會繼續支持的。

第一次來一風堂, 來的時候是下午, 所以不用等位。因為看見喜多方拉麵是期間限定就點來試試!這裡出菜非常有效率, 剛點了菜, 食物很快便送到枱上。拉麵是醬油湯底, 醬油湯底濃淡適中, 上面有蔥花、竹筍、叉燒、蛋。拉麵是扁身的粗麵, 爽滑彈牙。太美味了, 所以之後追加了一個麵底! 加面會另外用一個碟裝起送來, 這樣就可以和朋友分一半了! 叉燒是半肥瘦的, 入口即溶化, 而且很入味, 我覺得這個叉燒是整碗拉麵的靈魂。很喜歡吃蔥花和竹筍, 有很清新的感覺。最喜歡吃半熟蛋, 所以留在最後才吃! 也品嚐了煎餃子, 餃子也是很美味, 很新鮮的感覺! 服務非常周到, 有機會會和朋友再來光顧的! 

星期五晚，趕住8點睇舞台劇~係附近快食~~快食最好食拉麵~~~一風堂唔駛等位~ Good~即入~~~啤酒買一送一~ $33枝可樂都$16杯~~當然叫2枝啤酒~特製一風堂辣肉味噌拉麵 $98辣肉得個樣…一d都唔辣…紫菜又淋哂…好彩流心蛋同叉燒都唔錯~~加番d分~~~湯底一般~ 唔夠濃~特製函館鹽味拉麵 $88男友點的佢話味道清淡~所以加左好多辣菜去調味~炸雞伴他他醬 $45只有4件細炸雞~~女仔食2啖~~ 男仔真係1啖1件~~每件成10蚊…. 好貴囉….味道正常~~ 係新鮮炸起~~夠脆夠熱~~ 再加埋他他醬~ 係送酒良伴~~~快食埋單300蚊~~麻麻地…我覺得尖沙咀總店好食d~~~而且員工反應好慢….. 明明有眼神接觸…都避開…叫幾次先過黎~~~ 掛住自己傾計~~

某日工作過曬鐘，成2：，30pm先搵地方食晏，行上老蘭途中見世紀廣場有「一風堂」，聽日本留過學的老朋友講，佢最like一風堂。好！又不防試下。一試，真係算我暫時在香港食到同日本食過的拉麪水準最接近的一間。見有新推介，叫了一碗「赤丸新味」。果然湯汁味道十足，濃度適中，不會太「漏」。溫泉蛋質素高，新鮮而且是即做的流心。叉燒就ok la,不算好特別。麪質本身亦做到軟硬適中。Overall, 好食，價錢合理，服務算不錯。