萬發海鮮菜館 (已結業)

經朋友介紹，今晚同朋友去左萬發海鮮菜館食小菜，叫左胡椒豬肚湯、石頭窩飯、椒鹽鮮魷同雪裡紅石頭芥蘭 胡椒豬肚湯好大碗，豬肚湯料多，充滿胡椒味又唔會太辣 石頭窩飯未上枱已經聞到陣陣香味，味道有點像生炒糯米飯，只是改用白米，鹹度適中椒鹽鮮魷每次食小菜必叫，粉漿唔會太厚，好熱氣但好好味！ 雪裡紅石頭芥蘭比個名吸引到，其實係爆香芥蘭後加上雪裡紅（應該是面頭類似紫菜的菜），配搭新穎，好食！

去完嘉年華會，星期六又要方面泊車，又要食得有特色，所以走左去萬發食小菜。我一向都食d 自己煮唔到既野，好似魚腸，牛骨髓，田雞粥。不過，可能眼闊肚窄，而碟碟菜都大到爆炸，所以夾左兩下，都食唔落。其實傳統的小菜真係好難食到，焗魚腸，仲要有油炸鬼在內一齊焗，這些先至係終於原著。而牛骨髓炒3鮮，條條骨髓都好大條，完全冇咩腥咩，加埋鮮魷炒，其實都係幾match 既。而亞田雞粥一到，我真係嚇一跳，$48/碗，不過個碗大過隻窩。好味既野，食唔哂，結果又係益晒今日返工既同事。

happy friday，專竹木竹｜雞油炒豆苗｜豆苗鮮嫩，配上雞油快炒，色澤油綠綠！啖啖都散發著雞油香氣！大正！｜薯仔牛柳粒｜呢一道可謂萬發必食之一，單睇菜名可能你會以為係通薯你炒牛柳粒，但實情師傳個功架作於，薯仔嘅煮法上！泡油後嘅薯仔，外脆而內軟，完全唔比牛柳粒失色，甚至比佢更引人入勝！ ｜風沙雞（全隻）｜另一道入食之二，就係風・沙・雞！ 外脆內嫩，肉質相當油潤，完全唔會乾！表面的炸蒜更加係點睛之筆，香味悠長！｜荔芋油鴨煲｜個人偏愛，點了個荔芋油鴨煲，芋頭太算太粉，但味道還算有8分，芋頭汁用來撈飯，一流！

就算同男朋友兩個食飯，我都鐘意食小菜，尤其是萬發，次次食完都好滿足～豉椒鱔 ： 我怕魚有骨既都要食，用黎送飯一流魚腸焗蛋 ： 有d餐廳會做到d魚腸唔乾，但萬發次次食都好好食蝦子柚皮 ： 好少地方有得食，男朋友至愛雖然環境就麻麻地，但我都仲好鐘意黎呢度食飯～

我從來不寫任何食評,但今次實在忍無可忍要比大家知道這間食店服務態度如何超級低劣！之前也來過，也不至於這麼差｡今晩一入到店内,所有伙計隻眼望到我,只當你完完全全透明，不問不聞,要再三追問有冇位，才晦氣地答等陣啦,心裡已滾滾哋! 到有位,—直没茶, 沒餐具都算,不停揮手叫伙計點菜是難過登天的事情！！不停揮手加上不停走來走去找人理我們都已20分鐘有多,真喺嬲到你飛起，最後啊姐你自己寫啦,點知枱号又搞錯,起菜亂七八糟,又要花力氣同他們理論。今晚叫咗薯仔牛柳粒, 椒鹽九肚魚, 蒜茸西蘭花和蠔仔粥, 整體食物質素也可維持水平，味道可以, 但今次的薯仔牛柳粒無上幾次那麼美味, 牛肉煮得有點過火。不過, 一句講哂, 這種服務態度實在不要得, 你唔想爆血管的話,請不要到這間店,它似著生意好,就可以不可一世的態度，非常差!!!:@

兩條麻甩佬，其實真係要搵個麻甩d既地方食野，就lai到萬發，其實都食左好多次，每次都叫返個幾個菜，不過佢盞鬼抵死位係，佢真係次次都比返咁上下質素您，永冇走樣，我地叫左三個，分別係金沙骨，薯仔牛柳粒同通菜煲，金沙骨炒得幾香，唔會太油，可能佢有張紙索減左，菜就普通，勝在夠熱！不過佢個薯牛粒就真係正，蓿仔炸左一次先，再炒，薯仔有哂d牛味，而牛肉就唔會太un，好出色，多兩支大啤，夠吹成晚，真係男人勝地！

阿哥知我哋會去美荷樓，熱烈推介「萬發海鮮菜館」。心諗有冇咁堅呀，佢咁嘴刁都話「真係好好味」?!! 結果，呢句嘢我哋唔知喺食嘅時候講咗幾多次。. 夜晚6:50去到，全店已爆滿 (幾大間的)！阿姐叫我哋坐出面等吓先，5分鐘後再就有人帶我哋去對面街樓上唐樓嘅分館。入去嘅時候已有7成滿，點埋菜之後，全爆，好彩早咗嚟！下次宜預先訂位，或早少少到！. ▼ 薯仔牛柳粒 ($88) ▼ 初初齋睇名覺得好普通，亦想像唔到會有幾好食，但見食評個個力推，又冇理由唔一試。一上枱心諗：死喇咁大碟，又係飽肚薯仔，仲有兩味餸未嚟，會唔會食唔晒㗎…？ .然後發現一切擔心都係多餘，因為第一口薯仔已驚為天人。外層脆卜卜似薯片，內軟而又充滿勁濃郁嘅牛油味，從未試過口感如此有趣嘅薯仔！牛柳，明顯係真材實料，唔係俾梳打粉破壞晒肌理嘅朋友。然後，個汁先係精髓，有黑椒味但又甜甜地，好似係蜜糖/焦糖，完美地包住每粒薯仔同牛柳！好美味啊～～(心心眼飛上了天花板)!!!非試不可！..▼ 蠔仔粥 ($40/碗) ▼ 兩個人，千祈唔好嗌一“窩”，一“碗”好夠食，每人分到 4小碗左右。足料多蠔仔，芹菜、冬菜、肉碎唔會同你慳，最開心係有好多咸香

前兩日預早訂左今晚4位六點半，地鐵站A出口行去都吾洗8分鐘;去到未算多人!座低後大家睇下有咩好食，個個話無所謂~最後由我發板，好彩小弟做足功課睇下巴打C打有咩推介者!叫左個蠔仔粥~好大鍋…每人都分到3碗!又好味又多料呢個薯仔牛柳粒…黎到個樣已好吸引-一食個個都贊好味!!!好味不是牛柳粒而是薯仔粒~個朋友仲問可吾可以淨叫薯仔粒😅，最後緊係一粒薯仔粒都無得淨啦…淨返只有幾粒牛柳粒石頭芥蘭又幾特別，聽聞得呢間萬發用石頭鍋~味道好合大家胃口…無得淨😂豉椒炒聖子~$35隻大聖子!黎到比我預期細…每人一舊仔一啖食曬-個豉椒汁偏辣~個個朋友又話好辣!不過我覺得辣得黎好正😙風沙雞半隻，個肶位外脆內嫩~每次食小炒-椒鹽鮮魷是必食之選…黎到個樣好吸引炸到金黃色又大件!不過食落有d失望太多粉4個人食左6款野，每人都吾洗$150-抵!味道又好味!等我諗定下次黎食咩先!

之前去過大角咀的萬發，唔覺有乜特別出色。但係石硤尾呢間好唔同，室外內環境雖然一般，仲有d簡陋，但勝在餸菜好味，氣氛熱鬧，侍應快手快腳但不亂。食客開懷歡笑，有傾有講，真係一個唱飲唱食好地方。先講環境，枱同枱都好緊密架，但我地坐近走廊又無大影響。一門之隔近厠所有堆枱似係可食煙位，室內仲有幾條低陣要彎腰穿過，小心撞頭。厠所男一格，女兩格，女的比較迫，肥人入去關門有點難度。d 餸都算大碟，我地6個大人去食，食左以下呢幾味，個人最鐘意係石頭鍋糯米飯，味道軟硬適中，仲有飯焦我最愛，正！其次鐘意薯仔牛柳粒，牛柳熟左d, 但薯仔真係好正，外有點脆及濃濃野味汁，內裡軟滑，真係為左個薯仔要叫呢味！ 魷魚好新鮮，唔會過熟，唔會好厚粉，味道剛好，又熱辣辣上枱，好味！呢條魚過斤半，但都蒸得好滑，蔥又夠多，但個人鐘意多d 鼓油同咸番少少。魚皮唔係我favour, 但都食左舊試下，我麻麻地，又唔彈牙又唔滑又無味，d質感好怪。我都係覺得蝦乾同勝瓜好味d, 有好多蝦乾。以呢間高水準飯店，呢味我覺佢一般，粉實了少少，個汁太結，如用鮮菠蘿更正。豬油渣炒西洋菜，菜無根，炒得唔算多油，但豬油渣炸得唔夠乾身，咬落去有咬豬糕咁唔夠

約咗班讀書時期嘅好朋友食飯, 成班仔仔通常離唔開食大排檔  之前都食過深水埗萬發, 一條街入面就有好幾個舖位, 唔知有無關連嘅呢?   book枱時間就只有6點7點8點... 得整數無半數, 店員都幫我book住7點先 醬燒大鱔球$138 (3.5/5)見到餐牌有鱔食, 當然唔會放過啦!!炸到好脆! 有啲蜜汁係面感覺唔會太乾身, 味道真係唔錯, 連淨返係碟上面嘅脆脆都食曬, 都但肉質較淋, 如果用白鱔, 口感彈牙啲會更好金牌風沙雞半隻$100 (2.5/5)係我嘅角度嚟講風沙雞應該有炸蒜, 葱同埋辣椒, 可口惹味, 而呢度只係普通炸子雞加大量的炸蒜, 但雞係炸之前風乾得夠, 令皮炸得好脆之餘, 脂肪同肉分開一層層, 當炸子雞食都ok!薯仔牛柳粒$88(4.5/5)一個家常小菜都成為各食家推介菜式, 咁出名梗係要點啦!!味道好似薯片味pizza, 哈, 玩分子料理?   薯仔邊位炸得好脆, 中間好軟身, 每粒都有啲黑椒同辣椒粒濃味得黎, 味道唔會好咸, 牛肉無被蘇打粉過份醃制唔錯! 而且好有鑊氣 汽水 $10/支因為朋友都要揸車, 每次飯局我地都做返小朋友嗌汽水 蠔仔粥$6

請讓我由最喜愛或十四同人之選來先講吧! 我最愛是薑蔥屈蠔, 韓式熱煱中有七八隻肥大型美國桶蠔, 一來肥美已知, 它的醬油味和沒有過份走油使到蠔依然保持軟冧冧, 但有口感的菜。另一個亦是用韓式熱煱上菜的梅菜炒芥蘭, 要先dou亂來吃更好, 不過梅菜更有點像韓國紫菜。蕃茜豆腐魚頭湯, 魚頭是魚雲, 有肉又有骨, 豆腐好滑, 啖湯可以降火。大家都講薯仔牛肉非常好, 正方形的薯仔有炸過, 帶黑椒味, 好容易入口被消化了。紅燒乳鴿, 從炸脆皮可以同其他馳名店比較, 平時好少食, 不評了。風沙雞的肉仲好滑, ok啊! 黃金蝦,好得啊! 因為咸蛋黃未有過份出油, 酥炸就系真相。炒鵝腸用新鮮貨, 好! 蝦籽柚皮, 好少有得食! 感覺有點似蒸冬瓜。炒蟹味道剛好, 有殼食物, 一齊食此終麻煩d。唂嚕肉和扖豆苗亦是受歡迎的菜。 

萬發有三間店舗; J先生話試食過九江街分店, 始終覺得耀東街最好味每年總要光顧此店數次!J先生話想飲ASAHI啤酒; 我就飲 ZERO 薯仔牛柳粒薯仔,牛柳粒; 外層有一層焦糖; 食到甜甜味道又有微辣 (黑胡椒)薯仔外脆內軟; 牛柳外香肉腍! 好好味石頭鍋飯有少少飯焦, 肉粒, 蝦, 米夠香海鮮什菜煲 配料多, 湯底又鮮甜兩個人分量, 食不完!萬發 總結: 值得一試!

石硤尾有不少隱匿於屋邨街市﹑橫街窄巷的室內大排檔，萬發算是其中一間。睇地圖，耀東街好像離地鐵站很遙遠，但其實由A或者B出口走過去，不過是十分鐘左右。朋友從澳門過來指定要吃，於是一行六人過來，不過今晚的萬發好像有點失準。來萬發，薯仔牛柳粒是必點的。牛肉和薯仔上都裏了一層焦糖，甜甜脆脆的，對於我這種很迷戀鹹中帶甜口味的人來說，真的是超級美味。不過今晚的糖漿有點厚，雖然還是很好吃，不過略甜了點，而且不夠脆。黃金魷魚，就是用鹹蛋黃漿裹著魷魚炸，香口惹味。不過今晚的菜好像口感都偏濕重，像這種用鹹蛋黃漿做的菜，不乾身就不好吃了啫啫通菜，感覺就是普通的炒通菜然後用石頭鍋上而已，石頭也不熱，沒什麼風味。石頭飯，本來是想點糯米飯的，但可能還沒到秋冬，所以沒有糯米飯，只有普通的石頭飯，裡面有少量的蝦仁﹑蟹柳粒，有點油，還算可以。炒蟶子，這裡的炒蟶子分兩種價錢：大的每隻$35，小的就$95一碟。我們選了少的，自然就是殼比較多，不過肉也不少，還算抵食。風沙雞，賣相不太好，不過外皮還算脆，肉質也不乾，合格。萬發在區內很有名，但總的來說今晚的菜都口感偏濕重，感覺是太趕了，處理得不夠火候。希望這次只是偶爾失準，下次

芥蘭同一種腌菜一齊炒, 配搭幾特別, 用石鍋上好夠火侯甜薯仔牛肉, 牛肉腌得入味唔UN, 薯仔炸過甜甜地好好味咕嚕肉, 粉皮太厚, 不推薦石鍋飯好油又冇特別風沙雞, 皮脆, 不過不失小炒, OK啦唔好叫

臨近中秋節，一家12人去左石硤尾萬發海鮮菜館食。喺石硤尾地鐵站出之後，行大約5-10分鐘就到。因為之前訂左位，唔洗等就可以入座！其中有幾道餸真係一食令人難忘！值得大力推介！其中一樣最好味既，係圖中既蟶子，足足有成隻手掌咁大隻，非常好味又好特別！另外，蒜蓉扇貝都唔錯，蒜蓉味道好香，唯一值得改善既係隻扇貝好難整出黎，癡得太實個殼!最值得一試既，一定係上圖既薯仔牛柳粒。就咁睇路可能冇乜特別，但一試就令人上癮！薯仔脆脆地，好入味，甚至有一種薯片/薯條好香既味道！而牛柳粒亦都好香，好林。味道剛剛好，唔會太鹹！我地12人食左好多道菜，都只係大約1500蚊，算係幾抵，因為味道真的很好！