三木日本料理 (已結業)

是夜與好友在尖沙咀逛街，因為二人口味太不同了，雖然都喜歡日本菜，可是一個吃生的，一個吃熟的，所以很難選定吃哪家。最後決定來一家放題，那麼誰都不用特別遷就另一人了今天來了三木日本料理，就在K11的附近，很易去呢。場內和桌面都非常整潔的，給人印象不錯。有點口渴，所以一輪點單之後，最先來的是飲品。我們都不約而同點了這個Fuze Apple Tea。真的不錯，起碼雪得夠冰凍。其實也點了不少的壽司，但由於真的太餓了，敵不過肚皮，相機食先之後已經給我們的胃食先了當中這款的蟹籽壽司是我們一點再點的，非常新觧。雞軟骨串是鹽燒的，非常香口惹味，一串也有5-6粒，份量很足，所以我們兩人share也夠了。另外燒蝦也頗出色，雖然蝦身不是很大隻，但想不到在平平無奇的外表之下，蝦味挺觧的。另外也有些天婦羅，多款之中，南瓜天婦羅是最好吃的，外面脆脆的表皮之下是甜甜的南瓜餡。另外蕃薯粒也挺可愛，一粒橢圓形的，不知道還以為是甚麼呢。裡面卻是超甜的糖心蕃薯，印象好深刻呢。放題少不得還有燒雞翼啊，不用捱熱BBQ就能吃到的燒雞翼，想不到這麼香脆呢。是用燒汁燒成的，所以味道比其他的放題店更香濃入味總括來說，這家三木日本料理，選

✿╮❤╭✿✿雜感女生 美味日記✿˚*•✰。風吹食力增，狂掃三木放題。✰•*˚✿✿打風是吃放題的好日子✿✿❤尖咀的樓上咀尖之選❤❤打風做乜好除了看電影就是吃3號風球的星期天就是掃放題的好日子三木是尖沙咀樓上好味道之選眼前都是一家大細和情侶檔來吃吃吃難得今天自在一點也得吃好點才對得住自己，對得住風球三木即點即做的刺身壽司一向大年抵食最愛海膽壽司，份量足料即時吃到來自海洋的香鮮氣味，正！牛味濃的牛舌與其他牛牛壽司令人愛不釋口一口牛、金菇牛都是肉汁香濃，美味之作厚厚的order 紙絕對是吸引我再次覓食的原因前菜、沙律、炸物、燒物、軍艦、手卷....選擇不能盡錄，而本小姐看到最愛的刺身，壽司自然忍不住了選擇多多，顏色豐富刺身鮮，熟食正色香味俱全最後，來一球雪芭，甜美收工再次在三木食到捧腹而回抵食又方便的選擇！正！ 

好耐冇食放題啦，係時間又要食餐勁！今次揀了尖沙咀的三木，貪佢地點方便，尖東站N出口直行就到了。午市每位$198+10%，食品與晚市（$258+10%）一樣，所以感覺午市好優惠。刺生有很多選擇，我們都選了各自喜歡的。全部都非常新鮮，好鮮甜，估唔到放題嘅食物質素可以咁好。甜蝦是連頭的，大大隻，還有大量蝦膏，男朋友都說我有眼光。虎蝦也是大大隻，好鮮甜，所以都有encore。蟹肉蟹膏軍艦壽司 - 蟹肉份量真多，但蟹膏有點兒咸，不過蟹肉份量已經令我們很滿足。海膽軍艦壽司 - 好鮮味，睇到都流晒口水！其他放題點會見到呢D。眼見對面枱叫了十幾件，每件份量都俾足的，一點也不馬虎。吞拿魚腩軍艦壽司 - 這個沒有待別。火炙左口魚壽司 - 個汁太搶味，但可在落單時寫明走汁。左口魚入口即溶，油脂包在飯粒中，正！火炙海膽虎蝦壽司 - 好吃的，非常鮮甜。紫菜大蝦天婦羅 - 必試推介！紫菜味好香！即炸的。鹽燒串物 - 都可一試。可樂餅 - 每週用不同材料製造，我們的是南瓜餅，好甜，好多南瓜肉。炸蠔 - 炸粉不是太多，內裏好大隻蠔，很多汁！一口牛柳 - 肉質很淋，但個汁太甜。餃子雞翼 - 食落似係明太子雞翼。Suki

同家人慶祝中秋節去食飯，八點20分去到未入得在門口等，幾十人迫在門口通風系統差之餘就連風扇都沒一把空氣不通差點焗暈，在接待台的服務員態度極差地大聲叫在等待入坐的食客不可企入來😤！8點40分總算正式坐下點食物，九點鐘第一round點的食物都未到😓。食物質素就一般，刺身款式都幾多，還有我的至愛劍魚腩但鮮味不足，手卷size太大食一件都好飽，最期待的海膽軍艦雖然沒有腥味但也沒有鮮味令人失望！炸蠔都幾好食外脆內軟而且有最蠔味，甜品算是全場最好食了，但柚子雪糕（應該是雪芭才對）有柚子味但太甜了，反而牛奶布甸幾香滑而且不太甜。講到服務可以説是差，出食物慢而且混亂，最慘是10點已經話Last Order！唔係8：30－10：45咩😠😠 。不知是否太多booking臨時加枱，完全不是介紹中所說的座位寬濶，當晩全埸座位迫窄，人聲鼎沸令人心煩，此地不宜久留一次夠晒數。(為何沒有post相？因為實在太混亂了跟本沒心情影相😞😥)

由於好朋友好中意食放題既關係，我地每次既約定都係去食放題！不過好彩我唔係成日見佢，如果唔係成日食放題我一定會肥死 haha =]今次佢揀左尖沙咀既 " 三木日本料理 Miki Japanese Restaurant"，方便大家放工過去！　　我地點左好多野食，有黑松露野菌忌廉湯、蟹粥、沙律、粟米、溏心蛋。其實款式真係好多！湯同粥都熱辣辣而且好入味，正！粟米係超甜；不過溏心蛋裡既蛋黃太熟，我就覺得麻麻地；而青瓜、蕃茄就平平無奇，冇咩特別。　　　　之後點左好多壽司，我覺得呢度最正係海膽同吞拿魚，佢地都算新鮮，可以任食係最正！！其他壽司就無咩特別，味道同想像中都差唔多，而且好多放題既地方都可以食到。　清酒煮蜆份量超多，啖啖肉，個湯仲可以飲埋 tim。仲有我最愛既蒸蛋，蛋夠熱而且好嫩滑，唔錯 =]食放題當然唔少得要點刺身啦！基本上刺身都超新鮮，而且夠冰，不過 d 帶子我縑佢細隻得滯，如果大隻d 會開心d。　之後就黎我最愛既串燒， 係個牛舌"燶"左少少之外，其他都燒得岩岩好；而且d 調味都幾適中，唔會過咸 / 淡味 。　　最後就梗係要食甜品啦，佢有雪糕、奶凍等！但估唔到原來呢度有 creme br

這個畫面是食放題才有的刺身，壽司，軍艦，手卷，前菜，沙律，炸物，燒物，丼，烏冬，甜品，飲品……共有 16 款 order 紙。壽司，卷物首先送到。海膽看上去非常非常新鮮，紫菜也是新鮮爽脆。火炙海鰻淋上了甜燒汁，更加惹味。壽司飯團細小，可以一口一件。除了蟹粥，這裡竟然有黑松露野菌忌廉湯。香味從放下的一刻就聞到了。日式茶壺蒸蛋又滑又多料。吃了好一陣子，刺身拼盤才送到。我們點的刺身不夠多，多一點那個刺身船很宏偉呢。特別要提甜蝦刺身，喜歡的話建議多點。size 比不少放題餐廳大，又有膠質。至於各類魚刺身切得比較薄，影響口感。鐵板燒方面，蒜香一口牛柳粒肉質軟稔，醬汁黑椒入味，即使後來放涼了仍然好味。唯金菇牛肉卷雖然大大件，不過太韌，咬不開。這裡串燒選擇很多，有較少見的鹽燒鵪鶉蛋，還有原條鹽燒秋刀魚。最後甜品有我喜歡的法式焦糖燉蛋(左)，甜度適中，焦糖脆皮夠厚夠大片。雪糕有４款口味選擇，還有特別的甜品款式。綠茶芝士布甸(中)，北海道3.6牛乳奶凍(右)也不俗，質感輕巧微甜。晚上放題分兩個時段，夠鐘就要清場。

與舊朋友食晚飯相聚，都離不開尖沙咀，這夜決定到三木日本料理吃一個日式放題。三木日本料理位於尖沙咀K11附近 (RED MR.)上面，地方不算太難找。值得一讚的是: 地方十分大，位置十分闊落，與朋友吃起上來特別舒服。可選擇的食物種類都不少，熱食、刺身、一品料理、揚物、串燒等，應有盡有，抵讚!!壽司當然是重點: 海膽壽司: 上網的評價都十分高，而份量都十分多。海膽不算是頂級，但是吃起上來，海水味都十足，入口即溶的感覺，都十分新鮮，值得一讚。之後都忍不住再來多次Round 2!!! 而蟹籽壽司都是喜歡的款式之一，蟹籽的份量都很多呢!!刺身方面: 三文魚、吞拿魚、北奇貝、虎蝦、八爪魚、象拔蚌等都可以選擇，款式十分多，而大部份都十分新鮮及厚切。整體刺身都質素上乘，但有時有漏單的情況出現。熱食方面: 一口牛都十分 "林" 及入味，一口牛都肉汁都十分多。飲品方面，選擇都不少，可樂汽水 茶 果汁都少不了!! 最值得一讚的是甜品: 整體甜品款式都很多，這是比起其他放題優勝的地方。而柚子雪糕質素很好，不會太甜，十分好味!!!這間放題的地方很便，食物選擇亦不少，推介這一家放題!! 

第一次係openrice留言，今日係三木食飯真係不吐不快。咁大個人第一次比餐廳black list，你地試過未?當然，我都black list咗呢間餐廳。首先係食物方面，款式算多但質素一般。熟食偏咸，攪到唔敢比小朋友食，蟹粥有怪味，帶子刺身身超細粒，蝦唔算新鮮，有D魚生仲腥腥地。另外，餐廳D枱排到密麻麻，椅子想移後少少都冇位。不過二佰幾食日本放題，我心中的要求都唔高。另我black list間餐廳係員工的服務質素。話說食客需要填紙落order，我地只係落咗一轉order，點知手卷黎咗1轉，又黎第2轉。我地見黎到唔想浪費就照食, 點知又黎第3轉，我地同個侍應(叫阿JAN)講冇落order，佢一口咬定話有。我就同佢講，你黎3轉手卷，你比返3張order紙我睇。估唔到佢拋返我轉頭，好惡咁講:係咪我搵到你就食? 我心諗你咩態度，不過見同屋企人慶祝生日，唔爆住:冇問題，你搵到咪放低羅。最後佢當然冇返黎。之後重攪笑，埋完單，我地起晒身準備走啦，阿JAN又出現，用命令語氣講: 你地D刺身要食多D。吓?咩叫食多D，我見其他枱都有食剩野，同點解要係刺身。佢接住話，食剩野要罰款。我到個一刻先知原來間餐廳有

同朋友聚餐，最適合就是食放題了，好在不用夾食乜，又可以慢慢食聊聊天。三木是一間樓上店，所以地方較大，位置十分舒適，很適合傾計，冇簡錯地方！！第一ROUND當然是刺身，相信是所有人的指定動作。這裏的甜蝦，帆立貝和象拔蚌都是必點之物。甜蝦十分巨型，味鮮而有肉地，一般甜蝦都係細細仔的比較甜，大隻的都是食肉感同膏，但是這裏的甜蝦就兩者兼備，推介！！象拔蚌的爽脆告訴你它很新鮮，但論清甜，仍然是帆立貝較優。再來海膽軍艦，是整個放題得亮點，亦是人氣之選。包飯紫菜脆卜卜，證明軍艦即點即做，絕不馬虎，而且海膽份量下手相當重，怖滿了整個飯團上，一入口便感受到濃濃得海水鮮味，味道甘香，值得一點再點。熟食方面，必食厚鹽燒牛舌， 牛舌的纖維比較密，有較好的咬口，用燒的方法令表層面香脆，上面加了胡椒去燒，更是野味。日本糖芯蕃薯串亦好好味，我最喜愛食蕃薯了，這種迷李蕃薯一粒一口，令人食到懷念的燒蕃薯風味，又唔需要把大大個蕃薯食落肚，正。另外日式香蕉年榚都好好味，煙韌的年榚包裹著香軟的香蕉蓉，雖然十分飽肚，但我亦食了三件，因為太好食了。本來是為了海膽軍艦而來三木的，但原來這裏的甜品亦十分有特色，選擇亦很多，不同別的放

已經是第二次幫襯三木，感覺良好。餐廳位置「就腳」，環境舒適，是十分乾淨企理的。服務員的態度更是一讚，話說我跟朋友細細聲講話「好凍」，路過的服務員即時將冷氣温度調高！十分貼心，值得嘉許！食物方面，我是十分滿意的，最先幫襯三木是被「海膽軍艦」吸引而去的，刺身也是十分新鮮，就連一般放題餐廳很難做得好的熱食，三木也是十分出色的，個人就很滿意啦，會繼續幫襯！

想食放題，但又唔想冒險食其他放題，所以就去翻之前食過嘅三木喇!飲品都係例排嗰啲 刺身---玉子、三文魚、蝦等 新鮮、肥美、鮮甜海膽手卷---甘甜嘅海膽加上飯同脆脆紫菜，成舊塞落口真係幸福到爆 蕃茄沙律---好清新，先解一解飯滯。蒜香牛肉粒---色香味俱全。柚子雪糕---口感好特别，有種清香嘅感覺紫薯雪糕---好香紫薯味道綠茶雪糕---茶味較濃木糠布甸、泡芙、焦糖燉蛋、綠茶慕絲、牛奶奶凍、朱古力慕絲---甜品大雜燴，奶香滋味，甜而入心，非常完美嘅結束。始終食開嘅信得過!

又到一大班朋友大食一餐嘅時候喇!難得大家都肯，當然去試吓新餐廳啦!呢間嘅放題應該開咗無耐，唔係太多人，環境幾好!幾適合朋友聚會。食放題當然唔少得剌身船啦!好難得有齊甜蝦、帶子、赤貝同象拔蚌嘅組合!三文魚剌身係腩位，好肥好厚，食落無根又有魚油味!帶子唔係俾小粒貝柱，係真帶子，夠甜夠鮮!赤貝好爽囗，無雪味!象拔蚌無過度出水嘅情況，正!回本嘅軍艦之選!先要一個海膽軍艦，淡淡嘅海水味，食落唔腥，又好新鮮，大大份，真係一試難忘!另一個就係蟹羔蟹肉軍艦，又一鮮味之選，蟹羔好濃好有蟹味!當然都要試吓炸物啦，有好好食嘅炸香蕉，香蕉炸到半溶嘅情況，食到中間仲會牽絲添!魷魚又係啱啱炸起，香囗度爆燈呀!呢個就係至愛嘅燒紅薯，好甜，連皮食都得!細細位，食多幾串都得!呢個係好滑嘅3.6牛乳，滑到好似飲牛奶噤，好濃又唔會太甜!上焦糖布丁個時，個焦糖又脆又熱，布丁凍凍地，好正嘅囗感最後仲整咗個椰子雪糕收尾，又凉又清爽，今晚真係無得頂呀!

放題＝All you can eat，顧名思義就是任點任食，讓你盡情地吃！因為放題選擇多又可以同時迎合大家不同口味，一次品嚐多款食物，只需一個價錢就可以完全滿足多個願望，所以日式放題絕對是飯聚首選。每次開飯前都會上openrice瀏覽大家的食評再去覓食，今次就選擇到近期人氣放題－三木日本料理「開餐」。餐聽位置十分方便，鄰近尖沙咀地鐵站，整體環境舒適。而且設有獨立小房，方便一大班朋友聚會時預訂， 食物選擇絕對是「海量級」，從前菜、刺身、壽司、一品料理、炸物、串燒到甜品等，款式花多眼亂，一時間都不知道如何選擇。當然主打一定是「刺身」，一開始就點了三文魚、八爪魚、甜蝦、虎蝦、北寄貝、赤貝、劍魚腩、吞拿魚、象拔蚌及帶子等。看到滿滿一碟的刺身感覺十分興奮，整體質素都很不錯。三文魚厚度適中，而且脂肪分佈平均，味道十分鮮甜；相對之下八爪魚顯得太薄，鮮味未算最突出；甜蝦巨大鮮甜，而且肉質新鮮彈牙，不會感覺「霉」；虎蝦相對細隻一點，味道同樣新鮮彈牙，值得encore；北寄貝味道一般，中規中矩，可以留肚吃其他；赤貝屬於必點首選，份量足夠而且超級新鮮，味道香甜，而且質感爽口彈滑，完全吃得出本身的鮮甜味；吞拿

話說這個星期日下午的活動實在又曬又攰, 一定要好好奬勵一下自己。於是借口去完SHOPPING後，就和朋友仔BOOK 了之前食過很滿意的尖沙咀三木放題料理再次"放肆"。擺好豉油同芥辣, 準備大開"食界"今次的放題食物選擇好像比上次更多, menu 再厚一點外, 更有升級特上刺身孖寶選擇。不過我們這天的彈藥用得七七八八, 還是食基本放題好了! 況且有這麼多選擇, 每款點一件也會飽死。想不到先來的竟然是...串燒!!有機燒菠蘿多汁清甜, 簡直是每次必encore的! 雖然燒冬菇不算太特別, 但燒銀杏仍是很好吃, 很好咬。同行朋友仔十分喜愛雞軟骨, 所以今餐都吃了不少。串燒雞軟骨十分爽脆, 加上孜然粉和海鹽調味, 十分惹味。而燒牛舌亦十分美味, 肉厚, 但不會燒得過熟, 火候掌握得很好。我個人覺得這款還好吃過一口牛呢~放題主角: 刺身上場~除了希靈魚籽, 我們每款都點了幾片試試。帶子, 鮑片和象拔蚌這些貴價刺身可以任點任吃真是高興。想不到這天吃到的油甘魚特別新鮮, 一點也沒有腥味, 好吃!不要以為大隻的蝦是虎蝦, 那些較細透明帶啡殼的才是呢~ 大隻橙紅色十分誘人的其實是特大甜蝦。蝦肉爽甜, 吃

約了美女食飯，大家都想食放題，上網見呢間唔錯，訂位好爽快，去到早場時間大家入座好爽，二人枱好窄，坐低即刻點菜，當然以刺身壽司行先！食物好快到，擺盤好靚！每款新鮮唔會有雪！最喜歡係赤貝，無腥味又爽口！蝦又大又新鮮！軍艦賣相比較差，出菜可能好急，蟹子灑到成碟都係！不過味道好正！尤其海膽！好鮮好甘香！炙燒左口魚裙邊：本來好油香，但啲杰撻撻嘅燒汁破壞晒！沙律：北寄貝太多沙律醬，青瓜海帶淡茂茂！天婦羅叫了最喜歡嘅南瓜同蕃薯，蔬菜夠甜，但炸粉好厚！一般！串燒牛舌：薄切熱辣辣，油香滿咀！串燒：蕃薯甜但濕，白果特別，蛋淡口，燒菠蘿好甜！雪榚：預先𢳂定，雪到實晒，味道又唔夠！一般！服務勤快，基本上食完就有店員收碟，點菜紙又快收！不過收錢快手，會提醒我們last order!