上海弄堂菜肉餛飩 (已結業)

中菜來說，我最鐘意就是上海菜。在銅鑼灣有幾間選擇，見網上這間的評價不錯而我們又沒有試過，就決定一試。睇個餐牌都已經流口水。前菜 麻辣花生只有好少辣，醒下胃。怕辣的都可吃少少。小籠飽 $38上海小籠飽，一定少不了。熱辣辣上枱，皮很薄，盛著每個小籠包內的湯汁，肉餡鮮甜多汁，並不肥膩，再蘸上酸酸的薑絲醋，趁熱食就最好味。擔擔麵 小辣 $49大大碗，麵條硬度適中，很香花生味上海炒年糕 $78食上海野，又怎可以少了上海炒年糕呢，年糕入口煙煙韌韌，好入味，炒得不會太油淋淋，糖醋魚塊 $118魚塊大大件，份量十足，魚肉雪白，炸漿不算太厚，食吃上來啖啖肉，酸酸甜甜，格外醒胃值得一讚的是服務員很有禮貌，亦會主動加茶和收碟，

每個星期日上完堂都會行過去銅鑼灣搵嘢食，豬太郎今日就去咗呢間上海菜～有兩款一人套餐，抵食得嚟，每個餐都可以自選小菜～～btw星期一至五免加一㗎！#一人套餐 $88#陳年花雕醉雞雞肉好香濃嘅酒味！肉質結實但唔會「鞋」口，無食到雞骨碎，加上份量都幾大🤣豬太郎都食得好飽，下次一人餐都可以叫個朋友嚟Share~#鎮江肴肉相比之下細細碟嘅肴肉就好明顯，不過食上海野一定要食肴肉！唔好睇佢個樣好似好肥膩，食落一啲都唔會！記得配埋薑絲同醋一齊食～～#擔擔面 +$10跟餐白飯/菜飯，不過豬太郎另加咗個擔擔麵，可以自選辣度，豬太郎揀咗小辣，有好香花生味～啲麵條已經剪開一半，方便食👍🏻好貼心👍🏻。#熱豆漿 $$5天氣轉涼梗係飲熱飲，未食野之前飲返杯暖笠笠嘅豆漿，真係好舒服。

弄堂，就是小巷的意思；此店吃的是上海小菜正宗風味。店內裝修雅致，環境舒適，價錢亦大眾化。 「燻魚、醉雞、烤麩」 $98，集齊三款經典涼菜。 醉雞浸得入味，肉質嫩滑；烤麮是用手撕開而不是刀切，不規則的形狀才是傳統做法，更能使之入味。 「西洋菜餛飩」$60，並非坊間般用大白菜做餡，餡料的西洋菜與肉的比例約 7:3， 菜清甜肉鮮美，配簡單豉油湯底，襯托出食材味道的層次感。 「蟹粉蔥油拌麵」$128，盡顯上海菜濃油赤醬的神髓，足料手拆蟹粉油潤鮮甜，濃烈蔥油吊出麵條爽口感，兩者配合令人齒頰留香。 「雪菜黃魚煨麵」$78 則是較清淡的選擇，黃花魚去骨拆肉，與鹹香的雪菜令軟滑的麵條編織出三重口感。 「干燒蝦仁」$168，中蝦均勻地沾上甜酸汁，味道醒胃，屬經典的下飯小菜。 「燻雞」$428 / 隻，外觀精緻，雞隻醃後用上湯浸熟，再用龍井、香米等燻成，皮帶淡淡煙香，雞肉鮮嫩，不需點醬料已足夠品嚐此手功菜的功架滋味。

又到下午茶時間，跟老公在附近找到這間上海弄堂醫醫肚，店內裝修得頗為典雅，鍾意天花上的一盞吊燈，牆上掛著一些舊畫報，座位坐得闊落舒適。播著懷舊的金典。餐牌上有介紹原來弄堂是指上海小巷的意思，餐廳主打上海家庭小菜，如菜肉餛飩，烤麩，古法紅燒肉及燻魚就是最出名的。餐廳茶位$3 及有小吃每碟$10，小吃麻辣花生，好惹味。這裡出名餛飩當然要試一下，更選了季節限定的西洋菜餛飩，$60有8隻，每隻餛飩餡料都是爆滿的，我鍾意西洋菜的香味，菜比肉的份量多，食多隻都不會太膩，湯底清甜。上海春卷，包著豬肉絲，津白及香菇一齊炸，炸得香脆，點上香醋更可減油膩感，$29 好抵食。蔥油拌麵，不要看它平平無其，沒有太多的配菜，它只是用了自製醬油及香蔥段就撈出一碗美味的拌麵，味道適中，麵質不會過淋。本身想食上海粗炒，但又想食年糕，所以便點了上海炒年糕，用了上海粗炒的煮法，轉了好有咬口的上海年糕，配合豬肉絲，津白，香菇，白菜及醬油炒，很惹味。埋單200幾蚊食到飽飽，抵呀!

今日與家人本想從灣仔逛街, 一直走到銅鑼灣才午飯。 可惜天公不造美, 整天下着微微細雨, 撑着雨傘走在街上, 人來人往, 我們走到天樂里時已覺很累, 故隨即走進「上海弄堂菜肉餛飩」午膳, 兼且可休息一下。 家鄉燻魚 : 燻魚件肉厚, 燻煙味夠濃。 咸甜味適中 花雕醉雞 (套餐) : 午市套餐可配湯麵丶白飯丶菜飯戓擔擔麵 (轉陽春麵加$5丶 擔擔麵加$10)。 我們點了此花雕醉雞套餐配菜飯。 花雕酒味香濃, 雞肉入味兼嫩滑。 酸辣湯餛飩麵 : 酸辣湯湯料有豆腐丶瘦肉丶木耳和筍。 酸辣味平均, 稀濃度剛好。 麵質爽滑, 另有四只大大的菜肉餛飩。 酸酸辣辣的味道, 令人欲罷不能 西洋菜餛飩 : 本來想點菜肉餛飩，但店員建議我們可試試期間限定的西洋菜餛飩(只做三國月), 那就要試試啊。 西洋菜餛飩肉料甘香, 菜段無渣, 餛飩皮厚薄適中兼且皮滑。 熱蜂蜜咸檸檬水 : 午市套餐免費奉送凍豆漿(熱豆漿加$1)或特色飮品一杯。 那就試試特色飲品 --- 熱蜂蜜咸檸檬水。 帶着檸檬香氣, 熱熱的丶咸咸的, 飲完喉部也覺舒適。

喺附近學完法文之後想搵間餐廳食下，見到上海菜就心郁郁想試吓！🤤一坐低就有花生同暖茶俾我哋，非常貼心！途中仲會不斷幫我地添茶，服務一流！佢嘅調味瓶同牙簽筒好有中國特色，忍唔住未食野就影多幾張相添。叫咗個花鵰醉雞，鎮江肴肉，小黃瓜第一次食肴肉估唔到一試難忘！原來好多人食上海菜都會叫呢種冷盤，識落唔會膩，配埋杯香茶就啱啱好。菜飯配菜膽獅子頭🦁豬肉非常鬆軟，一啖豬肉一啖菜飯，即刻想夜晚再食多次上海野！上海小籠包！我最期待嘅主菜終於來了，佢嘅小籠包皮係偏厚，咬開咗上面都唔會漏汁出嚟，肉汁好鮮甜！小籠包黎講有90分，值得一試。

今日星期六同朋友去開灣仔做運動, 四圍都係人, 又唔想食麥記, 有人提意去上海野~ 我突然醒起係灣仔天樂里個邊有一間叫"上海弄堂菜肉餛飩", 成日經過都見到佢D裝修都幾靚下, 老上海風格~ 想試好耐, 今日就試下佢啦~ 入到去上海弄堂菜肉餛飩都幾大間, 下午關係~ 人不算太多, 有卡位的~ 坐得幾舒服~ 睇下餐版又唔費喎~ LUNCH SET 由50-68蚊不能~ 我同朋友同時都好想食雪菜黃魚餵麵$68, 我地一人叫咗一個, 仲叫多咗個小籠包 4粒 $38, 酸辣湯$16, 首先來的係酸辣湯, 酸度辣度都啱啱好, 好開胃同好足料, 再來係小籠包, 即叫即包即蒸, 好多湯汁, 肉餡好鮮味~ 正~ 再來是今日主角雪菜黃魚餵麵, 湯底一試難忘, 好濃的魚湯, 麵質好有咬口, 黃魚片好嫩滑, 鮮甜~ 值得推介~ GOOD~

當我在天樂里路口等候轉綠燈横過馬路的時候，眼睛被一間牆壁掛滿畫的店鋪吸引著，大招牌寫著「上海弄堂」，過了馬路在好奇心驅駛下，我走向「上海弄堂」看個究竟，為了看得更清楚，我也順道吃埋午飯。推門安座後，侍應遞上餐牌，$102的午市套餐啱我，楝好酸辣湯、糖醋魚塊，加$5轉湯麵。酸辣湯是開胃又飽肚佳品，食材頗豐富，有肉絲、筍絲、木耳絲、豆腐絲、黑醋、麻油、胡椒粉........這碗酸辣湯無論酸和辣都恰到好處，好味道！甜甜酸酸的糖醋魚塊都是開胃菜餚，魚柳肉質不錯，兩梳麵擺放得齊整美觀，吃起來感覺都開心！一邊細味我的午市套餐，一邊觀看餐廳的裝置，原來掛住牆壁上除了一對由弄、堂作開首的詞句，兩張懷舊彩色美女海報，還有多張昔日照片，再往上望高高的樓底，造了鵝蛋型假閣樓，傘形通花吊燈很雅緻，柔和的燈光很有温暖感覺。

如果中午時分想在灣仔舒服吃個午餐，上海弄堂會是一個不錯的選擇。店內的座位擺放不會太擠，形成壓迫感，就算說話的聲浪略高也不怕騷擾到其他食客。而且整體環境整齊清潔，非常體面，在這兒吃welcome lunch也是一個很體面的餐廳。說回食物方面，菜肉餃每隻都大大隻，份量充足，就算是點淨食沒麵，八隻也已經令人非常飽充。跟餐會有豆漿或咸檸檬水選擇，在秋燥的日子大家不妨試試後者，感覺十分養生的說。如果是注意飲食均衡健康的朋友，不妨以優惠價加點一個菜，有白菜仔，菜心等多個選擇，而且一碟份量頗多，不妨與同事或朋友開心share。另外也可以考慮加配酸辣湯，香辣惹味，非常醒胃。黃魚麵也是一個理想的午市套餐選擇，選用的黃花魚不單鮮味好它的湯底非常濃厚順滑，令人忍不住將麵吃完後要將湯也喝清😝吃上海菜點小籠包是常識吧？🤣這兒的小湯包有豐富的湯汁，皮的厚薄剛好，既不會一夾就穿，但亦不會厚厚的笨拙難咬破，絕對值得一試。最後的一道甜品：豆沙窩餅，外脆內軟，豆沙亦不太甜，為這次美好的午餐體驗畫上一個完美的句點。👍🏻

本身以為呢間舖頭淨係食雲吞，因為個名誤導左我🤪原來呢間舖乜都有得食，所以上海即食物都有得order😋😋😋👍🏻Menu都做到好靚仔，好有懷舊feel😌坐低左之後會有茶介俾你，有一碟花生，佢好有誠意，因為係麻辣花生，另外調味料都唔少得。醉雞擔擔麵，個雞好嫩，唔會好硬，好香酒味，至於個擔擔麵有得俾你揀咩辣度，我就揀左中辣啊，食落口都唔都幾惹味。👍🏻😋😋炒回鍋肉，炒得好香，好濃味，d肉都唔算少，亦唔會話好油膩😋👍🏻咸豆腐菜湯，湯係好濃郁，豆腐好滑，佢裏邊有啲鹹豬肉，令到個湯個味道啱啱好，而佢一大鍋咁樣可以同朋友分，好好飲👍🏻👍🏻👍🏻

十一點開門令想食早啲既我都可以先入去，環境亦係幾有特色。午餐既有以下餐牌簡，價錢合理。我叫左香菇烤麩，配少辣擔擔面，野飲就可以簡凍豆漿同熱檸檬咸柑桔。原來香菇烤麩係冷食，擔擔面味道不算濃，面都好食！

經過這間店舖門面唔算堂皇，但原來食物質素很好，可以品嚐原汁原味上海菜。見餐牌，竟然有全日套餐，就算一人來食，都可品嚐小食，非常經濟，我們點了兩個套餐: 小食有鎮江肴肉和主菜無錫排骨，再加$10配擔擔麵。肴肉爽口，啫喱狀的清湯肉味清甜，無錫排骨，醬汁入晒味，肉質夠稔身。加了杯豆漿，豆味香濃。擔擔麵選了中辣，啱晒朋友愛食辣，有肉碎及濃濃花生醬香味。另一小食春卷和主菜糖醋魚塊配菜飯。春卷香脆口，材料用了冬菇，娃娃菜和豬肉。糖醋魚塊，酸甜夠開胃，魚塊口感，外脆。至於菜飯，夠多菜。上海菜味道夠正宗，仲吸引到幾枱旅客到訪。

今天去飲茶！上海菜餚~ 閉上眼大概知道要叫甚麼吃~ 兩個人吃，不想叫兩個餐，又貪吃的，可以學一下我的點菜方法！先點特色涼菜拼盤三款:陳年花鵰醉雞- 雞肉爽滑，雞皮與雞肉中間有一層啫喱，廚師好功夫！花鵰味剛剛好，酒味清醇。涼拌小黃瓜- 利用陳醋，蒜蓉，椒絲，帶出令人清爽開胃的感覺。鎮江肴肉- 份量十足，菜色精品，令人垂涎三尺。之後，另加一份小籠包（四隻）：小籠包內的湯清甜，完全不油膩，即叫即蒸，需要約15分鐘。最後，點了一人套餐：小食-酸辣湯-內容足料，味道屬小辣，一般可吃小辣人士絕對勝任，又一開胃菜。主菜-菜膽獅子頭-獅子頭口感鬆軟而不鬆散，肉汁豐富，性價比高。加上配上菜飯，整件事非常豐富又滿足！

今日同朋友黎咗呢間上海嘢食lunch, 當然就係叫佢個lunch set 啦1. 10 粒素餃2. 花雕醉雞 2樣都好似前菜咁少份量 😅 食完都落係好夠。不過味道確係唔錯嘅,可能夜晚黎食好啲

去銅鑼灣上完運動班, 一個人想食少少, 就去到附近睇中左好耐的餛飩店, 我不愛吃飯, 餃子餛飩等食糧是我的最愛。這間餐廳裝修環境好靚有氣派, 讓人感覺高級, 不過價錢都合理, 不會太貴。前菜$10 - 餐廳提供的, 原來是麻辣味花生, 很香口, 不過個人不喜麻辣。酸辣餛飩$59酸辣湯底做得真不錯, 濃稠度適宜, 酸度調味剛好, 而且料豐富又多款, 冬菇最好吃, 有5隻餛飩, 皮稍厚, 但餡料都豐富, 最印象深刻是裡面的菜竟然是爽口的, 有菜甜味, 非常難得, 可見十分新鮮!小籠包 $38小籠包即製, 要等15分鐘, 皮薄薄, 但不易穿, 豬肉餡鮮味, 不過有脂香稍重, 該是比較肥的豬肉, 但這樣味道才好吧!