上海老家

营业中

休息中

平時黎到大角咀都係去奧海城附近搵野食,但區內都仲有唔少地方發掘！今次就走遠少少去到奧海城以外既大角咀區覓食.糖醋魚塊酸酸甜甜既魚塊幾時都係我既最愛之一,酸甜既醬汁啱啱好中香左油炸既肥膩感.內裏魚塊嫩滑又不帶雪藏或魚腥味,同樣係下飯之選.紅燒獅子頭獅子頭煮得軟腍,中間既絞肉喼吸入左醬汁既精華,相當入味又唔會過鹹膩.每一啖都充滿肉香,送飯一流.陳醋木耳爽脆帶少少陣醋甜味同蒜蓉香,好開胃.酸辣湯半份都好大份量！一整碗既份量足2個人share有餘.酸辣湯內配料好多,充滿木耳絲,豆干絲,冬菇絲等等令酸辣湯口感更豐富.酸辣湯唔會過份嗆辣或過酸,酸味同辣味平衡得啱啱好,夠晒開胃.

大角咀中匯街街尾有間食上海菜的小店，門口掛着兩個大紅燈籠非常搶眼，每次在深旺道等車時都會見到。今天在大角咀唔知食什麼好時，就想起它。於是和先生入去食了兩個冷盤小食和客飯，用QR下單很方便。今次雖然只是品嚐了大路的客飯，但已吃得出上海老師傅手勢和地道口味，而且沒有上海菜過於油膩之弊。第日有晚市堂食時，必來試它的私房菜。五香燻魚（$65）燻魚炸得外酥內嫩，不會硬柴，而且味道鮮美，炸過的魚肉吸收了五香醬汁，鹹中帶濃濃的甜味，雖然有小刺但不多，是非常好吃又有益的冷盤。涼拌青瓜（$48）青瓜清甜爽脆，加上大量蒜蓉和醋汁，不是現在流行的麻辣風味，更加正氣開胃。醬爆雞丁客飯（$55）炒醬是這道菜的靈魂，醬香濃郁，雞髀肉的嫩、翠玉瓜的脆，冬菇片的軟，全被濃香四溢的醬汁包裹，非常好下飯。上海回鍋肉客飯（$55）餐牌上有上海回鍋肉和四川回鍋肉兩款，可見師傅的執着和認真。上海回鍋肉是五花豬腩片配豆乾和椰菜，豬腩片爽嫩，椰菜脆而腍，香濃惹味少少辣，又可送一大碗飯了。說到白飯，想讚一下。粒粒分明，軟糯有咬口，最怕食軟飯的我表示高興，與有醬汁的上海小菜尤其合配。

今日午餐去左試試新餐廳，地點係位於大角咀既上海老家，好耐無食上海野啦。友人話呢間係一間平民價上海菜館。喺奥運港鐵站出黎行幾條街就到，都唔難揾。落單用QR code。實體餐牌有冷盤，特色菜，海鮮，肉類，年糕，鍋巴，蔬豆，炒粉麵飯，湯麵，湯羹，甜品。另外仲有特色套餐。今日第一次黎，叫左一個小食同3個小菜分享。陳醋木耳 $50陳醋木耳大大碟，木耳好爽脆，夠陳醋味，食落少少辣。黑醋小排骨 $55黑醋小排骨一共有15粒，上面灑上白芝麻粒。食落甜甜酸酸，質感較乾身，粒粒都有骨咁滯，啲骨都幾硬身。上海回鍋肉 $55上海回鍋肉係炒梛菜，豬腩肉片，豆麩，同蔥，個汁微辣，味道都唔錯，送飯好配，唔太油。乾煸四季豆 $55乾煸四季豆係炒四季豆上面加左肉碎，唔辣或者過鹹。絲苗白飯大大碗，偏乾身。

今次到訪位於大角咀的上海菜館，這間上海菜館毫不花巧，用食物說話，真材實料，絕對可以吃到很多地道、或者是從未試過的上海菜式，可以用實力派來形容，重點是價錢相宜。辣和不辣的菜式有很多，可以根據你的口味來點菜，店內使用QR code落單， 10分方便。🌸🌸🌸🌸🌸🌸🌸🌸🌸🌸🌸🌸🌸🍀黑醋小排骨 $55樣子啡啡黑黑，但原來係上海名菜，醋味濃，酸酸甜甜的口味尤其開胃，甜酸度配合得剛剛好，頂瓜瓜！小排骨都好爽脆，一口一粒大小剛好！🍀紅燒獅子頭（隻）$55👍賣相圓滑，好似中國石獅子的頭，因此得名。唔講唔知道，獅子頭是需要細火慢燉，因此雖食材簡單，但肉及大白菜的鮮甜十分突出，餐廳處理得不錯，內餡紮實多汁，豬肉口感鬆軟，白菜爽口解膩。🍀五香燻魚$65👍第一次試到呢道菜，原來係凍食嘅！令我有幾深刻嘅印象，色澤橙紅色，外酥内嫩，適合喜歡吃甜味的大眾，以醬油、料酒醃製過後，都幾入味！🍀酸辣湯$68酸辣湯分量大，四人飲用都10分足夠，配料好豐富：有雞絲、木耳、豆腐等等，有齊酸、辣、鹹、鮮、香，好開胃，鍾意食辣嘅人一定覺得好過癮，覺得唔夠辣仲可以加埋胡椒粉，更為惹味。

上海老家 地址: 大角咀中滙街61號地下電話: 91623308=================== 出街搵到有開的餐廳，難。約朋友見面，難。皆因不是已經中招要隔離，便是擔心外出會把病毒帶回家。久遺了沒來吃上海菜，好不容易找朋友wfh 且住在大角咀豪宅區的朋友，一齊食個飯。冷盤花鵰醉雞，雞肉滲了酒香，雞皮夠曬彈滑另一道前菜海蜇，彈牙口感好，一入口成口腔都充斥麻油香酸辣湯開開胃先,入面好足料，有筍絲，木耳，，冬菇豆腐絲，蝦仁，豬肉絲，酸得來好開胃，陳醋香滋味。上海粗炒醬油沾滿麵條。椰菜，冬菇及豬肉絲炒香，麵條紮實。個街尾呢間上海菜正宗美味。今餐每們$125 ，超值

呢間上海菜位於比較街尾嘅大角咀位置， 門面簡單直接，一睇就知係食上海菜。 由於疫情嘅關係餐廳都特設咗用QR code落單， 方便大家減少接觸嘅機會。 今日食物方面我就叫咗一個好耐冇食過嘅排骨炒飯，平時食上海菜一定會食菜飯，但係呢度有炒飯所以試一下佢！ 食上海菜都唔會少得飲酸辣湯。 先講返個排骨炒飯，鑊氣好夠喉，排骨肉質唔會好硬實！ 我個人幾中意。 再加上醬汁嘅配搭十分match , 中意食上海排骨既各位可以一試另外酸辣湯味道好正宗，酸同辣balance得好好。 而家用料十足，每一羹都會食到材料。 前菜方面就叫咗個陳醋木耳，木耳爽口配搭陳醋汁好開胃仲有一碟太白醉雞， 酒味香濃， 雞肉好滑， 中意酒味既你就岩曬！

今日發現大角咀三條食街都閂得七七八八疫情被下難得出門支持下餐廳雞絲粉皮 $68佢個粉皮食落好滑好爽口而且唔厚身麻醬好香濃而且有少少咸好好食😋佢啲青瓜同雞絲都落得好足每都啖都有青瓜雞絲同麻醬👍🏻小酸辣湯 $68雖然只係叫左小嘅 但是其實勁大碗啲料都好足有黑木耳、蛋花、荀同大大粒蝦仁佢個酸辣湯係偏辣嘅 但係我平時都食開辣所以覺得佢好開胃好正👍🏻脆皮素鵝 $68我本身都鐘意食素鵝嘅佢攞左去炸之後 外皮香脆可口但入面仲係腐皮本身嘅口感素鵝入面都包左啲菇同蔬菜令人一啖接一啖咁好快就食晒 回鍋肉炒粗麵 $98好鐘意佢嗰麵好煙韌 而且又粗口感好好佢應該係用甜豉油 食落偏甜嘅 加上個麵好掛汁 好食👍🏻😋啲椰菜都好爽脆 肉都ok多 推介～

有間小店在我上班附近，是一間正宗的上海菜隱世小店- 上海老家，最近是我其中喜歡的一間上海菜餐廳, 其實我覺得位置在不容易找到的，少行大角嘴角落，便更加難見到，但我便已經來過數次！我喜歡其中小菜食物都即叫即整，新鮮熱辣又有鍋氣！我和同事兩個人叫了炒煸豆角、咕嚕肉、炒荀普通小菜，都係$200 左右其實都平，而且真係落足獲氣，所以惹味非常，簡單三餸已使我們兩個有滿足一頓美味的午餐啦！上海老家地址:大角咀中滙街61號地下

上海菜一直都係我杯茶，但係正宗好味道既上海菜真係買少見少，今次介紹位於大角咀中滙街嘅上海老家，擁有3-40年主理上海菜嘅大廚，經開就要過黎試下喇😋呢間上海菜館裝潢古色古香，木紋色調實而不華，好有地道風貌。🥢萵筍涼拌海蜇 $60萵筍絲爽脆，海蜇厚肉又彈牙，雖然簡單只用麻油同鹽調味，反而食到食材原有鮮味🌱作為醒胃前菜，唔錯😃🧂酸辣湯🌶 （小）$68成碗酸辣湯都好足料，有木耳、豆腐、蝦、筍，味道酸酸辣辣好惹味，唔會好糊口，仲要勁大碗好滿足😍🥢排骨粗炒麵 $88香噴噴出晒煙夠晒火候，排骨入味，夾埋香菇同筍絲一齊炒，炒麵質感彈牙，炒得好均勻，條條麵沾滿醬汁，啱晒重口味嘅我😋🍴豆沙窩餅 $78窩餅焦香脆口，有豆沙蓉香而唔會過甜，香脆唔油膩，有水準之作👍🏻

大角咀一家平民價上海菜館「上海老家」😬試下下午茶質素如何🤔.鎮江肴肉🐖一碟八件肴肉😉肉同骨膠比例剛好，帶淡淡酒味🍶口感Q彈😆點少少黑醋食更好😌.酸辣湯麵🍜份量勁多😍有木耳、蝦🦐🦐筍絲、蛋等🥚味道酸辣開胃🤤🤤.宮保雞丁🐓主要有雞丁🐔🐔翠玉瓜、腰果🥜翠玉瓜爽脆，雞丁嫩滑😋😋香辣惹味🌶🌶好啱送飯🍚.炸饅頭(3隻)🥢炸得香脆內軟😗😗點埋煉奶好滋味😝😝

出街食飯難免多味精、多油鹽始終唔及屋企煮咁好🥲位於大角咀中匯街嘅上海老家，竟然喺入邊搵返屋企住家菜嘅感覺，非常驚喜😍.🌟午市客飯（例湯➕主菜➕飯）💰$55.🍴紅燒肉🐻比較怕食太肥嘅紅燒肉，一來唔健康二來覺得太油膩😩呢度嘅紅燒肉肥瘦適中，層次分明，嫩而不油膩🤓用醬汁炆過嘅豬肉完全入味，送飯一流，令人無法抗拒🥰.🍴洋蔥牛肉絲🧅又係另一碟送飯精選🍚洋蔥炒得非常熟透，充滿香味☺️洋蔥帶有嘅甜味，配上醃製過嘅牛肉絲，香嫩可口，簡直係完美嘅組合🤟🏻.另外再加配左兩個前菜.🍴脆皮素鵝💰$68腐皮內裡包裹著冬菇絲、紅蘿蔔絲等配料外皮炸得金黃香脆，內裏配料亦非常軟嫩點埋喼汁食，喼汁嘅酸味令素鵝更輕盈，更開胃🤤唔好睇佢碟仔細細，其實有兩層，所以份量都幾多😋.🍴涼拌青瓜🥒💰$55好香蒜頭、白醋味，酸酸地好開胃青瓜非常爽脆、新鮮🤟🏻.喺上海老家入面，尋回家的味道就好似煮家飯咁無味精少油鹽🥰而且價錢都幾抵食，唔使$60有湯有飯，仲要份量都幾多下😆同朋友一齊食仲可以試多樣菜經過大角咀可以過去食個晏😎

Lunch here❤️ Shanghai Lao Jia💫..大角咀一家平民價上海菜館🥢，感覺實而不華。今次趁來到呢邊探朋友，來試試這家古色古香隱世上海老家小店呢。前菜先來 ll $75 (口感Q彈) & ll $68 (香口齋腐皮卷)，再來主菜 ll $88 (麵條味道夠平實而煙韌 排骨肉腍)，最後來個飯後甜品 ll $30 (香酥蘸點甜奶醬很滋味)，確係一間大角咀抵食上海菜喔。..×××××ש大角咀中滙街61號地下..

真的好耐未食過上海菜，呢日因為屋企附近間上海菜館結業，我先至諗起件事。咁啱同住喺大角咀的朋友傾開，佢就推薦咗“上海老家”呢間餐廳。店舖唔算太大，但檯和檯之間有一定距離，亦有隔板。而且都可以掃QR code 點餸，有wi-fi提供，真係好方便。“雪菜毛豆百頁”，好地道的上海菜，簡簡單單但又好味道，雪菜味道啱啱好，毛豆有口感，唔錯。“醬爆雞丁”，雞丁和翠玉瓜的配搭，好夾，食落好舒服。以上兩個係lunch set , 跟一湯，一飯，呢日的湯係栗米，蘿蔔，豬骨湯，好足料吖。“蒜泥白切肉"和"油炆荀"係單點小菜，蒜泥白肉的蒜泥唔同我平時食的白色蒜泥，而係炸蒜，都好惹味，另一種滋味；油炆荀好耐冇食，勁鮮和嫩，係最快清盤的一碟。

2022.02.10今日係大角咀尋找上海老家的味道餐廳以中式裝修⛩好有上海味🇨🇳两個人最岩就系叫甲（湯類）+乙（冷盤）+丙 （小菜）套餐 只需$288 仲送多碟蒜茸或清炒時菜☺️湯類 - 順嫂魚羹超大兜😆每個人可以裝到四碗！而且好足料！ d豆腐同魚肉好滑，木耳好爽！冷盤 - 醉雞雞肉新鮮嫩滑，唯酒味可以更濃一點！小菜 - 上海回鍋肉炒得好香口又有鑊氣！而辣味同油份又唔會過多，回鍋肉咬落爽口，仲有加左好多蔬菜，送飯一流👍🏻加多一碗白飯🍚只需$15蒜蓉白菜仔🥬依排d菜價咁貴都咁大碟完全無減料，而且白菜仔好嫩綠新鮮！超滿足🥰

上海老家一定要試嘅一間餐廳💪🏻老闆娘強調佢地真係好足料！不論係下午茶定係午餐分量都係一樣！果然係真材實料👍🏻👍🏻👍🏻無得輸❤️環境乾淨舒適 好寬躺😎😎全部菜式都好地道😆仲有好多選擇 可以用心逐一品嚐😽💁🏻‍♀️ 太白醉雞威威味蕾：👅👅👅👅👅👅👅👅（👅10條脷仔最高分// 1條脷仔最低分）我好愛口道美食酒香撲鼻，好香醇雞肉鮮嫩爽口不膩😽😽💪🏻💁🏻‍♀️ 五香燻魚威威味蕾：👅👅👅👅👅👅👅（👅10條脷仔最高分// 1條脷仔最低分）一望落去就充滿食欲🙊五香同甜香味十足色澤金黃 外酥內嫩魚肉肉質細膩 味道鮮美💁🏻‍♀️ 四川擔擔麵威威味蕾：👅👅👅👅👅👅👅👅（👅10條脷仔最高分// 1條脷仔最低分）手工造既麵條食落爽滑 有蛋香又唔黐牙加埋其他配料紅辣椒油、芝麻醬、肉碎、川冬菜、花生碎、花椒、醬油、蒜同蔥花等等又惹味又香辣👍🏻👍🏻👍🏻風味十足💁🏻‍♀️ 欖菜肉碎炒飯威威味蕾：👅👅👅👅👅👅👅👅👅（👅10條脷仔最高分// 1條脷仔最低分）炒飯基本上係我嘅最愛🙊🙊飯粒炒到粒粒分明❤️❤️配埋欖菜真係超級惹味又飽肚對於我呢啲冇澱粉質都唔安樂嘅人來講真係一定要食😽😽😽#hkfoodie #hongkong #大角咀 #大角