中哥廚房 (已結業)

友人壽辰，約咗週五晚去唱K慶祝，小肥早收，所以就先去咗接honey，然後就喺佢屋企附近o既「中哥廚房」醫肚打底。小店於太陽落山冇耐後就經已八成滿，埋位一刻彷彿已為食客打下強心針。諗食咩前，當然係要先啤一啤佢啦！店子內外都擺出黑板推介不同菜式。鏡面同玻璃窗上則貼出多款餸菜o既彩圖及簡介。細佬就憑餐墊上及餐牌薄內多幅插圖點咗幾味小菜做當日o既頭輪晚餐。大廚特別推介之脆皮牛腩（$118）：金黃色o既脆皮牛腩外層極之鬆化乾巧，當真超級脆皮！意外地，炸煮o既牛腩一啲都唔嚡唔乾，食落厚腍入味，超！大廚特別推介之招牌士多啤梨骨（$88）：士多啤梨骨香甜爽潤，清新怡人，不過如果排骨可以切細件啲，相信會更易入口。大廚特別推介之中哥小炒皇（$90）：熱力十足o既小炒皇好夠鑊氣，韭菜脆嫩爽甜，惹味非常。欖菜肉崧炆秋葵（$75）：因為早一個禮拜喺間居酒屋度食過啲又大又好味o既秋葵，故今次點食蔬菜時一見到有秋葵食，諗都唔洗諗就叫咗黎試。以欖菜肉崧炆煮o既秋葵味濃脆身，味道極之討好。「中哥廚房」屬街坊小店，樓面伙記親切友善，其中一人雖為聾啞人士，但其細心之態度絕不比他人遜色，餐店小炒美味抵食，個人覺得絕對值得支持

今日早收工，去到七姊妹道找好野食。見到有間小炒店，幾吸引。中哥廚房。雖然係小炒店，但裝修做得不錯，坐得幾舒服。基本上廚師推薦的貼哂出黎，或者係黑板上。餐牌裏面還有大量小炒。清燉羊肉湯！第一啖飲落口，哇！勁清甜，一點羊膻味都無，完全停唔到口，潤一潤口真完美。😍內裏當然有羊肉，還有蘿蔔、洋蔥、莞茜。羊肉燉得夠冧，而且跟湯一樣清甜😍主菜：水煮肥牛。另加飯不吃得辣的千萬不要試，見到整碟都是紅色的就知啦。雖然佢真係無敵辣，但係愈辣就愈想食。大大量的辣椒、花椒、底部還有青瓜、粉皮、芽菜等配料。夠哂辣！一啖白飯，一片肥牛。短短五分鐘就食完整碟肥牛。再飲啖羊肉湯，清潤下個口，滿足哂。下次得閒叫埋班朋友黎食都幾好🤔

I had tradintional chinese style ''Wor'' food as a dinner in a Hong Kong style cha chan teng called ''Chung ko kitchen"(中哥廚房)located in Kam Ping street,North point which takes 1 min walk from B4 MTR exit.There are different chinese styles cusines.i.e.Guang dong cuisine,Sichuan/ Chongqing cuisine(spicy cuisines),Xinjiang lamb cuisines...etc.I ordered a dinner set,a stir fried spicy big prawn dish and a chinese sweet soup as the dessert.There are several specific dinner sets(for one person) that a

中哥廚房是一間平實的街坊小廚，店裡店外無花巧。一行兩大一小簡單散點了三道小菜作午餐。招牌士多啤梨骨是招牌菜，排骨口感鬆軟，士多啤梨汁酸甜醒胃。底層放有一片炸雲吞皮作底，以香脆口感作結。金沙琵琶豆腐明顯是一道香口菜式，金沙薄衣做得甘香鬆脆，膩感不過份。內層豆腐略為鬆散，豆香給力稍遜。品嚐這道菜建議伴飯一起吃，否則在鹹蛋黃的出味下，食味會鹹一點。為了平衡肉食炸品的膩意，最後以一道清淡的蟲草花上湯浸菜緩和一下。菜心選材翠綠，蟲草花食感爽彈，OK 喇！自製洛神花茶口味酸香，凍飲解膩醒神。 以一間街坊小炒來說，各菜式在賣相及味道上也有所交代，可以一試。

一直都很想試籠仔飯，今日終於找到機會試了。和平常的盅仔飯略有不同，籠仔飯可能有荷葉墊底，飯又用米加紅米混合一起特別好味，再加上毫不小器的加入大量豬頸肉，值得推薦！

這晚和朋友到北角的中哥廚房吃晚飯，朋友大力推薦。有別於一般茶餐廳，這間是主打新疆菜為主的餐廳，其次還有四川菜，當然還不少得一般的小菜！ 新疆大盤雞 半隻（$188）顧名思義就是新疆的菜色，加入薯仔、蒜子、辣椒等連同雞肉一起煮成，最特別是加入了手打拉麵，是即叫即拉的。拉麵在大盤雞底部，充分吸收雞汁精華，令拉麵更為入味。雞肉肉質嫩滑，薯仔薯得夠腍入味，還可以點辣的，很惹味啊！ 另外還點了水煮魚（$188）魚是用了龍躉，吃上來比較嫩滑，辣汁集色、香、味於一身，配料如青瓜、大豆芽、粉皮都吸收辣汁味道，愈吃愈滋味！

之前同屋企人慶祝生日就想搵一啲特別啲嘅菜式去食因為平時已經食pizza炸雞韓燒日本放題等等已經覺得好冇新意今次就搵咗一間專食新疆菜嘅餐廳刺激一下個味蕾好彩我有先見之明一早book定枱去到嘅時候已經高朋滿座，炒小菜嘅鑊氣味陣陣𣵛出入到來睇見周圍貼滿唔同嘅菜式名真係令到人心大心細特別有一個大黑板寫晒所有新疆菜所有新鮮嘅食材都會寫係黑板上面每一日都會更新中哥小炒皇一間餐廳是否夠鑊氣一定要試吓佢個小炒王用簡單嘅材料，果然好夠獲氣,材料有蝦米花生韭菜鮮蝦炒埋一碟送飯一流脆皮牛腩外邊一層薄薄嘅炸粉包住牛腩去食，外脆內軟，牛腩汗必哂出黎，記得要點埋個咖喱醬好match金沙琵琶豆腐廚師首先將魚肉同豆腐打碎再用甘香嘅鹹蛋黃包住佢炸，剩係個鹹蛋黃味就已經叫我食多幾舊新疆大盤雞問返老闆娘嘅時候，佢話係新疆人嘅家常小菜，食落去同我哋喺屋企整嘅咖喱雞冇乜分別，但係多咗好多唔同嘅香料最重要嘅係我哋見到師傅即叫即做厚厚既麵條，食落去好有口感嫣嫣韌韌咁，非常特別

屋企冇水，媽咪又想食中餐，近近哋試吓呢間囉，7點嚟到，Er冇人嘅？呢度主打新疆菜，羊肉最出名㗎喎，不過我哋都唔食羊肉，唯有食啲簡單啲嘅小菜啦。成間舖入面有好多寫滿菜色嘅黑板，睇到眼都花埋，都係睇返menu好啲海底椰燉豬展 ($48)鍾意佢夠多湯渣，好開心有咁多舊海底椰食！清澈滋潤冇味精，雖然大部份人都係鍾意湯落鹽，但我屋企就唔係喇，所以如果啲鹽可以另上就更加好啦半隻話梅雞 ($108)雞肉上淋滿酸酸哋嘅話梅汁，話梅味好濃郁非常開胃；雞肉滑嫩，不過未夠入味，如果隻雞用話梅汁再醃耐啲及可以熟多少少就最好啦海鮮雜菜煲 ($88)落單時講咗少油少鹽，的確做到！湯底非常清甜，唔會太鹹，而且一滴油都冇，媽咪食得非常高興；海鮮種類唔hea，有蜆肉、鮮蝦、鮮魷、鮑片、蝦乾等；菜有西蘭花、菜心、勝瓜、白菜；冇味精嘅湯底令各食材嘅鮮味更加突出家鄉清蒸豆腐 ($58)真係非常清蒸，鍾意濃味嘅朋友應該會癲咗；豆腐好滑，旁邊又有幾條菜心，成晚食咗好多菜，真係非常健康蛋白杏仁茶 ($38)好香杏仁味，冇平時開粉嗰啲咁滑溜，應該係自家打杏仁做嘅，連埋蛋白一齊食口感好好；媽咪好鍾意食，因為唔甜丫嘛😂食到咁上吓，越嚟越

北角對我來講，是一個非常熟悉的地方，整個中學的階段都在這個地方渡過，尤其是上落寶馬山的長人行樓梯，不知走過多少遍！重臨，沒太大改變，多了些大厦，旁邊多了食市，既然是重臨，當然食返餐晚餐，才離開。小菜就食得多，又未試過食新疆菜，就咁獻出第一次吧！這裏除了有新疆菜，仲有小菜食。新疆大盤雞，非常惹味，我地只叫了半隻雞及小辣，份量都適量，雞肉好入味，肉的質地爽滑，唔會腍，著仔亦炆得腍，用上乾辣椒、蒜頭、青蔥大蒜爆香再炆，尤其是放在低的手工麵條吸收了肉汁，整條麵都包裹了汁，麵條依韌爽滑，色香美味，好吸引。金沙琵琶豆腐，好耐沒食過了，豆腐用魚肉混在一起，有鮮味，豆腐滑滑，酥炸，用鹹蛋黃包裏豆腐，嫩滑，內滑外脆，回甘，齒頰留香。中哥小炒皇，用料十足，配上海鮮，魷魚、蝦仁，乾蝦、肉碎、菜譜，夠鑊氣，蝦仁爽滑，魷魚鮮味，用上韭菜皇，夠乾身，腰果脆口。

早前和家人去北角錦屏街一間意式小店用膳，發現餐廳旁邊開咗間以《中哥廚房》命名的中菜館。走近門外翻開餐牌，原來店子是以港式小炒同新彊菜作主打，特意拿了外賣單張回家細看，小菜款式頗多，而且價錢亦唔算貴，幾十蚊就有交易，所以這天下班後，兩口子就相約來這裡開餐。走進店子，內裡面積雖然不大，只有 24 個座位，但環境乾淨企理，而且全部餐桌都配上梳化椅，讓人坐得舒服。揭開餐牌，菜式選擇豐富，項目包括有精美小菜、大廚推介、滋味豆腐、新鮮時蔬、晚市炒飯等，另外還有不少時令小菜、燉湯、新彊菜及川菜，詳列於餐廳黑板內。老公向來鍾情鑊氣小炒，所以坐下後，先點了個京果陳醋咕嚕肉 ($88)。咕嚕肉碟頭頗大，外層脆漿非常薄，咬下酥脆，而且梅頭無骨又無肥膏，入口啖啖肉，讓人吃得滿意。而老公就讚個陳醋汁酸甜度剛好，加上大廚以杏桃肉、提子乾等京果來代替菠蘿，令咕嚕肉吃起來帶乾果香，的確是水準之作。接著是一客翡翠花枝鳳片 ($85)，碟上嘅翠玉瓜分量甚多，入口爽脆清甜，而雞件亦炒得夠曬嫩滑，火候控制得唔錯；不過最值得一讚的，還是配吃的鮮魷，食落不但爽口彈牙，而且入味有嚼勁，加上甘甜微辛的紅椒，令人胃口大增。吃過兩道小炒

小精靈訓練員稍為休息一天，待在北角不遊走港島，又熱辣辣不想煮飯，就襯閒日晚市人流不多到多食店的錦屏街尋食。入到中哥廚房，原來有西疆菜，水煮魚仲要用龍躉肉非常富貴，只是上星期才吃過水煮魚和西疆菜，怕再吃熱氣，還是吃港式中式吧。大宅門海鮮炒飯 (XO 醬) ($75)第一口飯很有「鑊氣」，配料中有一般的蝦粒、魷魚、瓜粒、蔥粒，特別的是：加入切粒的鮑魚薄片，即成了富貴的海鮮炒飯，但$75的富貴炒飯，價錢上比較進取。我們每人點了一杯自製洛神花茶 ($18/杯)冷凍的洛神花茶甜甜地、微酸，比汽水健康，都唔錯。豉油王煎大蝦 ($188)有4隻「大蝦碌」，$188/4隻，除開即是$47一隻，價錢上都挺貴。4隻大蝦全部都有開邊，視覺上令大蝦的身型更大隻。論味道，4隻之中有一隻有紅膏，而全部都的肉質都結實新鮮，蝦有蝦味，伴豉油王汁煮，少少咸，佐飯一流。金沙琵琶豆腐 ($78)一上枱已經聞到炸咸蛋超香！豆腐入餡是鯪魚肉混合豆腐，無淨豆腐咁滑，質感有點詭異，講不出的形容，不過就食得超飽肚。埋單 $387，冇加一服務費，不過就收左茶費每位$5。論食物質素係中高水準，不過價錢就取進左D，同一般中式小菜飯館相比，

地鐵站一走出黎經過見到中哥廚房大大隻字就八卦下，門口有勁多餐牌勁多餸 😂 本黎以為食中菜，原來係食新疆野既，Baby 對新疆菜都幾有好感，主要係食個香料，同埋新疆既菜式以羊肉最出名，如果唔太羶既話，我都好中意食架 😋 而新疆人做羊既方法絕對唔會輸蝕比廣東人做雞既方法！即刻為大家介紹下啦 ✌🏻< 新疆烤羊排 $188 >一碟有 6 件，其實絕對唔孤寒，出面兩舊乾柴羊架都要至少過百起跳，所以我覺得性價比幾高，而且重點係塊羊排既味道！雖然睇落唔多靚仔，但係我地係食味道既 😋 首先講塊羊排，絕對唔乾柴，燒得好香，肉汁保持到係到，肉質有肥有瘦，唔係全瘦硬崩崩，而果隻肥唔係肥筋，係食到果隻肥膏 😍 重點係果隻香料，真．孜然粉，勁中意呢隻香料，果種孜然香真係冇得輸 😚< 新疆拌麵 >根據餐廳入面餐牌既介紹，呢隻面係新疆一種好受歡迎既麵食，而佢地既面係全人手拉製成，絕對誠意十足 🙇🏻 先講佢個麵質口感似刀削麵，細版長條形版既刀削麵，食落唔似刀削麵咁大舊麵粉係口，口感彈牙，而配料加入左指天椒、青椒、紅椒、翠玉瓜、蕃茄、羊肉粒製作，咁多種配料真係味道十足，好好好味！愈食真係

新疆大盤雞($198)司令一向中意食啲大漠風情既菜式😛。今次尼間餐廳，既有港式小炒亦有新疆菜，難得見到，當然要試一試啦。大盤雞等左半個鐘先上枱，陣味好淫賤啊，食落非常濃味，半隻雞肉唔多，不過夠滑，連薯仔都炆得好淋好入味！底下仲有手工麵，索曬汁好好食喎。叫左中辣，辣度相當足夠，但唔會好似川菜咁辣到嘴到痺，好香好辣食完仲想食。記得叫返個新疆手抓飯配住黎食！

一連幾次都在錦屏街找吃，因為接下來連發現幾間食店都看似平凡但好惹味，所以想每間試吃。今日輪到呢間貎似普通茶餐廳但其實是一間新疆小店。店內的小廚聽講來自新疆，難怪那麼有水準。首先先點新疆烤羊排，一上菜已聞到濃濃的香料加烤味。入口非常香口，完全吃不出羶味，令人欲罷不能。接著點了雜菌浸時蔬中和一下肉味。最後「飯桶」當然要點個飯才有滿足感，於是點了海皇飯。這兩道菜都做出應有的水準。此小店可以再encore~

 最近多吃韓燒、放題和西餐，今日反璞歸真，想吃小炒。北角錦屏街，有間中哥廚房，正合弟意。中哥廚房，佈置簡潔，晚市小炒價錢合理，不設加一，茶錢每位$5，經濟抵食。除了廣東小炒外，還有川式烤魚、新疆美食大盤雞等供應。隨便叫了椒鹽豆腐拼鮮魷($88)和蟹子姜米蝦仁炒飯($75)。椒鹽豆腐拼鮮魷，豆腐鮮魷都炸得恰到好處，鮮魷味鮮爽口，豆腐外脆內滑，入口鬆化，椒鹽味豐富，夠水準。蟹子姜米蝦仁炒飯材料簡單，姜米夠乾身幼細，再配蝦仁、蟹子、蛋白及蔥粒猛炒，略帶油脂，飯香撲鼻，十分好味。其實材料愈簡單，愈顯廚房功力。有空會再試試這裡的川式和新疆美食。