丼吉日式吉列豬排專門店 (The ONE)

营业中

休息中

昨晚一行多人光顧此餐廳，各人都叫炸豬扒定食，配搭不同的炸物，如炸蠔，炸蝦，炸帶子，價錢平均$318，食新鮮美味，豬扒多汁肉厚，白飯更可以任食，當晚大家都認同是一間可以再去幫襯的餐廳。

因為我哥強烈推介所以行過尖沙咀就帶住好興奮既心情去試食～～可能係食lunch，大約13:30鐘 ，門口係無人排隊，甘我地兩個女仔就走入去話兩位，係門位個位男侍應啲語氣唔太好，拎完餐牌就話前面轉左，又唔會帶位，甘樣唔緊要，當比我地自己簡位啦。入到去就點都叫個推介既炸豬扒先啦，我地唔係好餓所以就額外點啲小食，炸軟殼蟹，同埋自選小菜。但一間舖邊樣野提供唔到咪講囉，啲小菜上完又唔係我地想叫既，態度又唔好，係個女侍應之後話幫我地換返，先知原來無曬貨。店舖環境闊落，景觀係可以，但係中午去太陽好猛烈，無得落窗簾所以唔建議坐窗口位。

尖沙咀食晚飯，去咗THE ONE望下，餓到不得了見無咩人排隊就揀咗呢間試咗吉列豬扒同吉列豬柳定食，有主食、飯、漬物、沙律菜、麵豉蜆湯，大概$230一個人。左邊豬柳、右邊豬扒全部都炸得幾金黃香脆，不過肉有少少乾韌，同無乜味，所以要咗一小碟他他醬。豬扒，好大份！睇返相都有啲餓！漬物，醃蘿蔔、茄子等等，酸微微，送飯一流食得出是日本米，比較黏同飽滿，好香麵豉蜆湯，幾濃味，好好飲，可惜湯無得refill，只有飯同生菜可以

丼吉日式吉列豬排專門店尖沙咀彌敦道100號The ONE 4樓L401舖成日黎The One 行街經過呢間餐廳都見到好多人排隊，原來女朋友一直都想試下，今日終於都有機會黎啦我地大約7點鬆d到，已經有一大堆人等位，最後都等左差不多半個鐘先有位呀炸物專門店，如果怕熱氣既人可能真係未必岩食啦，不過我地都鐘意食香口嘢既，所以呢到岩晒我地女朋友揀左食吉列豬柳，果然係名不虛傳外脆內軟，肉質仲係好嫩口，食落表層炸得好鬆軟唔會淨係得炸粉，值得一讚而我就揀咗滑蛋吉列豬扒，因為唔想兩份都炸嘢想中和番，呢個就正常味道啦，不過不失除左主菜之外，定食仲包埋雜菜沙律同埋豆腐蜆肉麵豉湯，真材實料好鮮味，唔會太鹹

偶然在網上見到吉列豬扒的相片，便有了食欲，故相約朋友搵間吉列豬扒專門店一試，果然食後食指大動。二人胃口有限，想試多啲菜式真係要叫多啲人一齊食。我們當日叫了個二人前餐，吉列豬扒、豬柳及炸大蝦，果真沒有失望。炸大蝦真係好大隻，蝦肉啖啖，外層穌脆，油味又唔重，食完都唔覺熱氣。豬扒大大塊，超厚身，咬落好滿足，滋味十足。佢既飲品梅子梳打亦相當味濃，但濃得黎是清甜的、清涼的，朋友指他叫的荔枝梳打亦好好飲。最後送來甜品，是小小一杯幾粒的西瓜，十分體貼，食完酥炸物食口清甜西瓜真是一流。再喝兩口綠茶清一清油膩感，望住窗外尖沙咀城景，一座大大的白宮清真寺，過了個寫意的周末午膳時間。

一行四人叫左4個定食.吉列豬好多汁，唔會乾身，吉列炸粉唔太油，叫了2份大煆豬扒，一份生蠔豬扒，一份鰻魚定食一份雞泡魚乾，牛肉薯蓉，凍豆腐❤️❤️正，高質食物，菜及飯任淨，服務好細,心👍👍

去到尖沙咀The One路過我最喜愛Tonkichi Tonkatsu，擇日不宜撞日去食下我最喜歡炸蝦 入到餐廳店內有包廂座位，環境清靜地方寛敞 Menu有多個炸物Set，有多款選擇，豬扒同炸蝦係我最喜愛，每次必食 店員先奉上一碗芝麻粒，磨碎後加入豬扒醬汁，配上肉吃非常美味 沙侓醬料有紫菜汁同柚子汁，可加添入日本椰菜絲，椰菜絲可減低炸物油膩感，另外白飯同椰菜絲無限添加 豆腐蜆肉赤麵豉湯，麵豉味濃而不會太鹹，以麵豉湯黎講屬於高質素 吉列大蝦定食 $298Tonkichi Tonkatsu吉列大蝦非常出色，金黃外層入口香脆唔油膩，脆皮口感似蜂巢，一定一定要食！大蝦差不多6寸長身，海蝦入口彈牙，肉質結實，名符其實海蝦，旁邊有他他醬或海鹽提升大蝦鮮味 鹿兒島豚肉定食 $308金黃外層同樣炸得酥脆乾身，鹿兒島豚肉內裏肉味又香又juicy，還有少少脂粉，入口散發鹿兒島豚肉油香，令人回味 最後店員送上飯後水果西瓜，入口幾甜，一口去除油膩感，再換上一杯熱茶。不論服務同食物都好貼心，好似去日本一樣好治癒

早兩月才吃完丼吉， 今天又心思思想吃點卜卜脆的邪惡美食， 又拉著男友直奔丼吉嚕！原來尖沙咀除了彩星， 在The One也有丼吉分店， 地理位置更方便！裝潢和式風味濃厚， 頭頂的吊燈和垂簾特別精緻， 座位間隔寬闊充滿空間感。特上刺身盛合最先登場， 擺盤精緻而且件件厚切， 共有吞拿魚、油甘魚、帶子、三文魚籽、三文魚、甜蝦、八爪魚七款， 油甘魚配紫蘇葉更甘香無腥氣， 帶子鮮甜嫩滑跟三文魚籽一起吃層次更豐富， 帶頭甜蝦尺寸不小，入口軟糯甘甜。上次吃了海鮮今次要試試別的， 店員推介的越乃黃金豚厚切豚肉定食好吸引， 黃金豚的脂肪分佈比一般豚肉更豐富更均勻， 厚切啖啖肉完全滿足肉食獸， 火候掌握不錯入口外脆內軟一點也不會「鞋口」， 細嚼下還有脂香在口中慢慢滲出， 試過這款黃金豚後不能回頭吃普通豚肉了！吃丼吉的特色之一， 就是點了豚肉定食的話會送上芝麻， 個人喜歡磨得極細令芝麻香完全散發， 男友則喜歡輕輕一磨保留粒粒芝麻口感， 每人一碗可以各自按喜好自行磨碎~ 灑上芝麻的豚肉更香脆！大愛！另一個特色當然是無限任添的菜絲沙律啦！ 切得細細的新鮮菜絲入口爽

位於尖沙咀THE ONE 4樓的 丼吉日式吉列豬排專門店，在香港開業了幾多年我都從來沒吃過，聽說餐廳的吉列豬扒十分有質素，今天終於來光顧啦! 我選了極上吉列大蝦帶子定食，有三文魚刺身、吉列豬扒、吉列豬柳、吉列大蝦、吉列帶子配咖哩汁，只需要$728! 2人份量算是平宜。極上吉列大蝦帶子定食 $728當我等待豬扒上台時，侍應會呈上芝麻，我們要自行磨芝麻，整豬扒醬汁。上台時真的嘩嘩聲 – 好. 大. 件。金黃色外表，炸漿厚薄適中，非常酥脆，巨型炸物一點都不油膩，吉列豬扒特厚，份量厚重大片，肉質纖細易嚼，幼軟鬆軟，豚脂甘香，沾上芝麻豬扒醬很好吃! 而巨型吉列炸蝦呢，蝦肉爽囗爽彈，一點都不乾。帶子是我至愛，又大粒又圓，咬一口也咬不元，超級滿足!整體來說食物質素非常高，非常好吃。我下次一定要再來。

和朋友慶祝生日，朋友指定去這間店食，我地早已久聞其大名，今次一食果然堅好味。店內環境唔錯木系裝潢和味十足，事前預早訂枱，餐店安排了卡位大枱入座，私人空間十足坐得舒適自在。看看餐牌大量美食照，圖文並茂非常吸引，相中食物與實際相符，同樣靚仔兼大件。這裡還有免費日本焙茶供應，省卻另叫餐飲。食完炸豬扒喝茶解膩，焙茶是最好不過。單寧酸和咖啡因含量低，可夜晚飲用，唔怕晚飯飲完之後夜晚眼光光等天光啦。點完美食叫左炸豬扒，趁空檔時間親自動手製作沾豬扒用的芝麻醬，個人特別鍾意這個有趣的環節。每人一碗白芝麻，用小木棒慢慢將芝麻磨碎，芝麻味慢慢散出來好香，再加入豬扒汁混埋，完美醬汁就咁完成。脆炸軟殼蟹(一隻) $58前菜軟殼蟹先到，蟹唔算大隻分成兩件淺嚐可以，炸粉好薄蟹炸得好脆好香口，難得味道未被炸粉掩蓋食到蟹肉味。吉列大蝦豬扒定食 $318主角出場無令人失望，豬扒大大塊分成六件，大蝦三隻好長好大條。金黃鬆脆的炸衣相當吸睛，蝦肉鮮甜爽口食落啖啖肉，沾少少海鹽食鮮味倍感提昇十分好味。吉列豬扒外脆肉嫩口感豐富，豬扒厚切保留到肉汁，沾上早前動手製的芝麻醬味道相當匹配惹味非常。定食附有白飯和椰菜絲，不用加費可無限添

係日本食過當地正宗既吉列豬扒就梗係覺得正啦！但係香港又食唔食到 d 高質既吉豬先，當然有啦，咪就係呢間 Tonkichi 囉！本身我都未食過，但朋友介紹下就試一試啦！入座後第一時間睇下個 Menu 先，除左個價錢之外，都真係好有日本既感覺MENU 有圖之外，重要係中，英，日文對照架！落完單就欣賞下四圍既環境先，所有既食具都好有日本既味道，用黎沾點食物既醬汁都重有 3 種添！係等緊吉列野黎既時候，千期唔好浪費時間，一定要準備定一陣食好野既醬汁，呢個就由芝麻加豬扒汁磨成既吉列豬扒汁！超香濃既芝麻味啊前菜本身想叫個沙律，不過諗諗下都係想食 d 特別 d 既，所以食個比較無咁常見既 鹽醋鮮蕃茄，如果喜歡食蕃茄既朋友就一定要叫呢個了，因為新鮮既蕃茄本身已經係鮮甜，鹽加醋就產生化學作用，令成個鮮蕃茄既味道更突出！我地叫既 吉列物 終於黎了！我地今晚就叫左 2 款吉列物，分別係 吉列大蝦 及 吉列豬扒，先講講，除左本身既吉列物係主菜之外，另外佢重會附送埋 麵豉湯 既，呢碗麵豉湯好好飲，因為味道岩岩好，唔會太咸，配料又夠多，飲完都好舒服呢個係吉列大蝦定食黎，餐廳係用上珍貴又比較稀有既深海大蝦製作，所以

wifey favourite tonkatsu place. I like Ginza tonkatsu too but she doesn't the pork medallion tonkatsu is absolutely melt in your mouth. of course the other reason to go to these restaurants is the unlimited refill of cabbage . so delicious .

經過the one 又想食日本野，裝潢又幾靚，想同男朋友傾下計，價錢都唔貴所以入去試試🔻特選進口生蠔評分：🌕🌕🌕🌕🌕價錢：$120/3隻好鮮甜而且冇沙(試過幾次我係其他餐廳成日食到有沙)，配埋我最愛嘅三文魚子，再加少少檸檬汁，真係世界級好食😋🔻八爪魚戒辣秋葵評分：🌕🌕🌕🌕🌕價錢：$48每次黎必叫，超好食，估唔到秋葵可以咁整，有冇廚藝高手知可以點整到佢呢個秋葵？我好想自己整黎試下🤤🔻吉烈上級豬扒定食評分：🌕🌕🌕🌕🌑價錢：$228個炸皮夠脆同薄，個豬扒肉質夠嫰口，屬高水準之作，有機會會再食呢個👍🏻🔻原條鰻魚定食評分：🌕🌕🌕🌗🌑價錢：$228味道唔錯，只係口感真係好韌，同埋多骨左少少🔻環境服務評分：🌕🌕🌕🌕🌕服務真係非常好，會講解點樣整個芝麻醬去點吉烈豬扒食，好多細心位會見到你有咩需要，唔洗出聲已經幫左你：環境都望到出面嘅夜景，確實唔錯

都有好一段時間無食過吉列定食喇，今次由於實在太耐無食，心痕痕😚底下所以跟朋友專程嚟呢間應該屬於第一代專門提供吉列豬扒🐷嘅日式餐廳。.不知不覺，呢間日式吉列豬扒店開業已經超過廿年😳，仲記得第一次嚟食，好好玩🥳嘅感覺，自己磨芝麻，加入豬扒汁，自製特色醬料。咁多年感覺無變，一樣覺得好好玩，特別係磨芝麻，非常治癒！😌.闊別多年，食好啲！叫咗 #鹿兒島特等厚切豚肉定食($308)。呢份鹿兒島豚🐷，肉汁鮮嫩，雖然厚切，但非常多汁，加上呢度嘅炸粉好薄，入口鬆脆，難怪被譽為世界上頂級豚肉之一。記得點埋自製芝麻豚肉汁，非常惹味；配白飯或椰菜絲食，都一樣非常夾。👍🏼👍🏼👍🏼.另外，我哋亦叫咗需要用刀叉食嘅#吉列車海老定食 ($338)，蝦🍤都要咁串用刀叉食？只因2大條車海老有成12吋、足足差唔多成隻手掌✋🏼咁長，單睇呢個賣相就已經「嘩嘩」聲，絕對吸睛。同吉列豚肉一樣，炸粉一樣好薄，車海老新鮮，蝦肉爽口彈牙，有驚喜。🤗🤗🤗.定食包晒麵豉湯🥣、漬物、白飯🍚、椰菜絲🥗及生果🍊，其中白飯同埋椰菜絲隨時可以再添加，一定到你食飽為止，哈！阿叔最鍾意椰菜絲，非常新鮮又可中和油膩感覺。☺️☺️☺️

老公帶我食好野皆因之前有張The One $100 Coupon，無野買，就不如拎去食左佢啦🤣首先比左兩碗芝麻，教我地磨，磨完可以加豬扒汁，芝麻好香！西柚汁同紫菜汁就可以淋椰菜，d椰菜好清甜！仲可以無限加！好健康！食左好多！叫左二人餐，前菜係軟殼蟹，有兩隻，好多肉，唔霉，有蟹味！好好食😋有大大個併盤，有炸蝦、炸豬扒、炸豬柳、炸生蠔！炸得超鬆軟！一d都唔油膩！仲有日本飯任加，麵豉湯有蜆😋食到好飽，估唔到仲有野飲同埋生果！幾時再食啊？