丼吉日式吉列豬排專門店 (The ONE)

营业中

休息中

諗返起第一次食呢間吉列炸物餐廳已經係三年前嘅事了❣️當時係我嘅日本仔🇯🇵老細帶我嚟嘅💁🏻‍♀️，佢話呢間係佢喺香港食過最有水準🎖嘅吉列炸物餐廳來喎🉐‼️所以久唔久佢都會嚟下😯，果晚老細請食慶功宴🎊，佢就帶咗我哋嚟呢度❣️今日係我識佢嘅六周年紀念日㊗️，我特登約埋另一個舊同事🙆🏻‍♀️再黎呢度聚舊👯‍♀️兼回憶下呢位已經調左去韓國嘅好老闆💕今晚我地揀左來呢間比較就腳🦵🏻嘅The One 分店。呢間分店嘅設計係好 modern，好有日本feel!☺️ 樓底高兼坐位多，坐得好闊落👍🏻枱與枱之間都有個屏風隔一隔💯，感覺私穩度比一般餐廳高～雖然全場滿座，但食客講野嘅聲量🗣都唔會太大，是可以傾到計嘅😎，好適合2個/4個人食飯傾心事💕點完菜等食嘅其間可以玩下磨芝麻🥣親手準備一個充滿芝麻香嘅豬扒汁用黎伴吉列豬扒☺️另外定食入面嘅椰菜絲🥬+白飯🍚係任裝嘅！先來嘅係前菜—八爪魚芥辣毛茄八爪魚同秋葵都好爽口，拌得好均勻🥢，粒粒都沾滿左淡淡嘅Wasabi🌿味，唔可以稱得上係辣，係清新🌱開胃❣️脆炸軟殼蟹一客有兩隻軟殼蟹，分成兩半，所以有四件❣️軟殼蟹岩岩炸起，蟹腳及蟹殼都好香脆，兩隻軟殼蟹都有唔少蟹肉，裡面的蟹肉都好香好新鮮，一d

中午來尖沙咀食飯，大家話想食吉列豬扒，所以嚟咗呢間餐廳坐低後，店員馬上來了一壺熱茶～這家餐廳所有椰菜和白飯都可以任食，我點了招牌菜「吉列豬扒定食」，吉列豬扒果然名不虛傳，炸得非常鬆用，入口唔會太肥膩，配上麻醬非常好味，日本椰菜亦非常爽口清甜，這頓午餐我找了店員添加了兩次椰菜，白飯則沒有添加了，因為吃光吉列豬扒、椰菜和一碗白飯已經非常飽了餐廳還會上一碗芝麻給你，用工具搗碎芝麻後，再配上醬汁，拈上吉列豬扒味道很夾同行朋友點的是「滑蛋豬柳丼配吉列大蝦」，朋友說這個定食也非常好味，大蝦新鮮，炸得非常鬆脆。吃完定食後，還會有一杯西瓜作為飯後果，店員還會再給你沖一杯熱茶，服務非常讚呢！

✿╮❤╭✿ ✿雜感女生   好味日記✿ ˚*•✰。Tonkichi Tonkatsu Seafood．極品吉列美饌。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤朋友最愛日式吉列豬排，今次帶本小姐去食心水店子 就在 THE ONE 4樓 —— 「丼吉日式吉列豬排專門店 」 有日本小小豬在門口引人 店員親切有禮，帶我和朋友入內感覺寫意！\\\預告食後感/// 吉列炸物原來可以如此好吃 真心令我欣賞！ >>>上面呢句本身應該文末寫，但真心要先寫為快LOR！<<<已準備好熱茶，此店特色是有3款醬汁 由食客自行製作口味醬香 包括：A豬排汁、B柚子油、C紫菜汁 A就和自己親手磨的芝麻混合成為美味的吉列豬排醬定食包括了麵豉湯，大隻肉蜆 夠香夠滋味，好好飲店員將2份定食放在一起，勁好睇！鹿兒島特選豚肉厚切(180g) 肉質鮮嫩多汁，香脆內香，啖啖肉 令人驚喜的是香脆的外層很薄 沒有油膩感卻是鬆化可口，一點也不硬

好耐之前已想到這間店一試，因為銅鑼灣的舖已經去過！一入去便有窗口卡位坐！👍因爲在黃昏，仲有斜陽照著！頗舒服！叫左一定要食的吉列豬扒定食，加左炸軟殻蟹！枱上有不同調味料任用！一碗芝麻上左，最開心就係自己弄碎然後加入調味料，香噴噴.....食物黎啦⋯⋯依然有水準！軟绵綿的白飯，炸到金黃色的豬扒，一點油都冇！仲有椰菜絲，加點柚子醬、清甜！仲有...椰菜絲可以無限潻加、記得啦！軟殼蟹上枱啦！有蟹羔又鬆化見到有醬油雪糕！？一定要試試！有一支小小醬油插在雪糕中、雪糕面有兩粒黑豆加金萡⋯⋯慢慢將小小醬油放進雪糕內，甜甜地咸咸地、好好味！調配得剛剛好！一個好滿足的晚上完美結束！

星期六11:30坐底，第一張台。後面跟住好似有大約兩三張台。事關第一張台，佢地安排左我地坐近窗邊既卡坐，望出去係九龍公園方向。一坐低，waiter裸左餐牌同埋一壺熱茶俾我地。今日試左供兩位用既特上豬扒豬柳定食。一大塊豬排，四塊細既豬柳開邊，兩碗仔芝麻，椰菜沙律，兩碗白飯，兩碗miso soup，兩小碟漬物合一碟mustard sauce。d炸物外面酥脆，入面juicy，再加埋芝麻豬扒汁，每一啖都好滿足。有柚子汁or紫菜汁加落去d椰菜沙律度，兩款汁都酸酸地，我覺得柚子汁比較清新d。椰菜沙律同埋d漬物都可以解膩，所以食完成個餐都唔覺得好油膩。話就話供兩人食用，不過我覺得三人食會剛剛好，兩人食有d多。食完個餐之後，waiter會收走d餐具簡單clean左張台再奉上新的熱茶和西瓜。此舉我覺得相當細心，值得加分。

第一次在午餐的時候光顧吉丼，不過如果想食吉列炸物，這間真是不二之選。晚餐的時間，比較多顧客，有時需要等候較長的時間，下午時段就比較少人。同時，下午套餐也比晚餐相宜等多，大概$100-200左右。在店外的豬仔都好可愛。店內坐位也很寬敞，加上有大玻璃窗，自然光的照明也很舒適。這裡和日本一樣，在點餐後會送上芝麻，需要自己磨、飯和生菜都是無限添加。另外，除了豬扒醬、還有柚子醬和紫菜醬搭配生菜。人氣之選 - 吉列豬扒定食外脆內軟，肉質非常好，而且肥瘦比例適中，所以咬落好軟。入口有濃濃的豬味又帶點油香。果然是必試口味。滑蛋豬柳丼配吉列大蝦首先滑蛋豬柳丼份量十足，豬柳肉比豬扒更軟身和嫩滑，但是肉味會比豬扒弱。同時，豬柳較厚身一點，口感會更豐富。蛋炒得很滑，一口滑蛋一口豬柳，實在不錯。較濕潤的滑蛋減少了吉列乾燥的感覺，更容易入口。吉列大蝦好大隻，外層脆卜卜，裡面是滿滿的蝦肉，鮮甜可口。搭配他他醬絕對是一流。餐後，會再上熱茶和生果消除油膩感。好滿足的一頓午餐。

最近放假沒有出外旅行，選擇留港消費，在IFC找了一間以吉列豬排出名的餐廳， Tonkichi Tonkatsu Seafood 丼吉日式吉列豬排專門店，經過這晚的晚餐後，我對吉列炸物完全改觀，非常滿意的一餐。餐廳裝修設計有格調，環境清靜，讓你可以好好享受食物。來到這裡，當然要吃吉列炸物，點了兩個吉列套餐， 鹿兒島特等厚切豚肉定食 $328 及吉列神戶牛肉定食 60G $398， 店員說可以幫我們將兩個餐放在一個碟上，方便我們SHARE。先來了一碗芝麻粒，芝麻要自己動手磨，新鮮磨製的芝麻特別香， 磨碎後便可加入豬扒醬汁。除豬扒醬汁外，還有柚子醬汁和紫菜汁醬，用作日本椰菜絲的沙侓醬，椰菜絲和白飯都是無限添加的!兩份定食放在一起很壯觀，即時食指大動。先試鹿兒島特等厚切豚， 外酥脆內軟滑，豚肉厚切有口感， 肉質鬆化; 至於吉列神戶牛肉60G，共有四粒， 牛肉粒炸得剛好，內裡仍帶點粉紅色，肉汁爆滿，肉味濃，油脂超級香。非常欣賞這裡的吉列炸物， 酥脆而不油膩， 炸粉醬不會太厚，做到皮脆肉嫩的效果。蜆肉麵豉湯，顏色較深，麵豉味濃不過不會太鹹。最後店員細心地幫我們換上一杯熱茶及奉上西瓜粒作甜品，西瓜又

Happy Friday同朋友相約要食好西獎勵下自己 就揀左丼吉🥢🥰•吉列種類同前菜有好多選擇選擇困難症嘅我諗緊食牛定食豬扒好最後都係揀左特上豬扒豬柳定食(二人前)•Order後侍應會遞上一碗芝麻比食客磨碎桌上有3款醬汁分別有西柚汁/ 紫菜汁 配上椰菜 🥗仲有專屬豬扒汁 🐷飯 同 椰菜絲都可任添🍚🥦豬扒 同 豬柳肥瘦比例啱啱好👍🏻配上豬扒汁酸酸甜甜 好match 我仲有個習慣會叫佢比一碟沙律醬炸物外表色澤金黃 食落唔會油膩炸漿香口 保留到肉汁 咬落去聽到「咔喳」真係外脆內軟食完後侍應會遞上一杯熱茶及西瓜一份好滿足☕️🍈

好耐冇食啦。。最鍾意食熱氣野。。其實都開左好多年。。宜家食返。少左份驚喜。。不過都好好味。。值得支持。TheOne呢間冇乜人。。可能閒日。。不過我7點半到都人。。OP仲要有得訂枱👍。。比個服務勁貼心既姐姐sell左做會員。。其實食3次都回本。會員有85折。講返食物。。豬扒必食啦。叫左個豬扒炸蠔定食。。芝士炸雞翼。。刺身。。骨膠原生蠔。。同兩杯飲品。西瓜汁。雜檸梳打。去炸物店食刺身。唔伏都汁到嫁啦。。正常野。。可以唔洗叫。。生蠔都可以。不過貴左D囉差唔多3舊水 6隻澳洲蠔。。不過都幾新鮮。。炸野都唔洗講。。正爆。。不過豬扒放耐左就唔食得。。唔知點解變哂D質地。。所以盡快食。。特別係佢個沙律菜個汁。柚子同紫菜汁。。好味到不得了。。第二度食唔到環境：夠哂靚。。傾到計。。不過人多冇地方你坐食物：去炸物店。緊係食炸物啦。正總括：慢慢坐。慢慢食。服務環境食物都唔錯。中價位食炸野首選

提起日式吉列炸物丼吉一值係我嘅首選水準同係日本食到嘅吉列專門店不遑多讓 🥢師傅將食物炸到外表色澤金黃咬落鬆脆得嚟唔鞋口一口咬落去時會有好爽脆嘅「卡」一聲感覺好治癒 🥢🥩吉列豬扒拼蠔定食 - 炸豬扒超級好味，肥瘦比例啱啱好，既香口又保留到肉汁，肉質juicy，做到外脆內鬆軟。反而炸蠔相對有啲失色，蠔比較細隻，口感無咁過癮🍤吉列炸蝦拼帶子定食 – 炸蝦大隻爽口，炸得乾身，連蝦殼都炸得好香口，而蝦肉爽口彈牙，蝦味濃郁。吉列帶子大粒又厚身，炸得啱啱好，口感豐富，炸過後仲保留到帶子嘅鮮甜。呢款定食係必食之選。 🥢每次到訪都無令人失望次次都齒頰留香難怪可以成為我近幾年嘅頭號心水之選吉列豬排專門店呢個名真係當之無愧

一向都中意食日式吉列豬，同事話the one 有間主打吉列豬既餐廳十分唔錯，叫我去試下，襯今日咁岩黎左尖沙咀開會就去食個飯前菜叫左個八爪魚芥辣毛茄，芥辣份量剛剛好，夠味唔會過辣，秋葵好清爽同爽口，同芥辣味好夾！黎到我最期待既吉列黃金豚肉，會跟上一碟芝麻，磨碎後加上醬汁就食得！吉列豚肉表皮烤得非常香脆，唔會食到成口油，內裡既豚肉完全唔乾，保持到好juicy!呢度仲有刺身供應，有三文魚腩，八爪魚、蝦等等，我最中意係蝦刺身，大隻又勁鮮甜，爽口清新！好滿意既一餐，中意吉列豚肉既朋友一定要黎試下

丼吉算係我多年支持既食店之一，每年總會幫襯到3-4次。就算去到唔同分店，佢地個吉列都可以keep 到水準，十分讚。⭐️⭐️⭐️⭐️⭐️今次放工約左一班同事聚餐，選擇左THE ONE 呢間分店，由於book 左枱，預留左卡位俾我地。座位非常闊，坐滿6個人都唔覺迫挾。👍睇完MENU, 大家都心大心細唔知點揀，店員就建議我地叫2個3人set, 呢個set 包括有豬柳，豬扒，蝦，蠔，所以絕對夠3個人食。其實計落都好抵食，一次過食到4款招牌食物。當然仲有前菜，麵豉湯，椰菜絲同白飯（任加）。🐖🦐🥢丼吉最出名係唔油膩，炸粉非常薄，所以唔會好熱氣。豬柳豬排係鎮店之寶，一定唔會令大家失望，另外蝦同蠔都極之出色，吉列蝦好大隻，有成隻手掌咁大，吉列蠔應該係用上廣島蠔，再次要讚下個炸粉控制非常好。飯後店員會主動換上一杯熱茶☕️及西瓜🍉（消暑），食完大家都捧住個肚離開。

仲好記得小時候第一次食丼吉，以當時仲係讀緊書既我，要幾百蚊食個餐實在貴得很，但的確係一試難忘，成日都好想食但細個邊度咁有錢，所以就會係特別日子先去食，隨住自己愈黎愈大個，開始出黎做野，到今時今日，呢15年黎我都無停過間唔中就去食下，原因只有一個，就係真係好好味細個淨係識去銅鑼灣世貿食，而家比小時候多左分店，唔洗過海都有得食，仲要係THE ONE，食到飽飽之後行番屋企當消化下唔錯餐廳有唔少檯都係獨立一隔隔咁，幾有PRIVACY，朋友慢慢坐傾下計唔怕嘈到隔離一段時間無黎食，多左個限定鰻魚飯，吉列種類仲愈黎愈多，連前菜都有多種選擇，而家黎到食野真係有點花多眼亂食吉列一定唔少得呢幾樣醬汁，兩款DRESSING分別係西柚汁同紫菜汁，係用落生菜沙律度食，豬扒汁更加係食吉列豬扒一定唔可以缺少的東西呢度仲有個鐘，禁一下店員好快就會行過黎幫你點完菜就可以玩下芝麻，等食物其間都有野做下無咁悶，用木磨係有坑紋的碗上將白芝麻慢慢磨成粉，再加入豬扒醬就成為一碗芝麻香十足的醬汁八爪魚芥辣毛茄 ($58)、日本醋蕃茄 ($68)八爪魚芥辣毛茄芥辣味都幾濃，毛茄即係秋葵，輕輕的攻鼻感刺激食慾，日本醋蕃茄用上日本蕃茄，

早有聽聞Tonkichi 的<吉列>食品非常有水準一份午餐都需要400元，晚餐更是雙倍價錢！之前曾試過元朗分店的吉列定食，今次到尖沙咀，款式明顯比元朗的多，價錢當然也翻倍了！點了兩款定食，吉列大蝦豬扒定食 及吉列神户牛肉薯蓉伴豬柳定食* 基本上定食套餐上的椰菜是無限任添的吉列豬扒絕對是必試推介因除日本，這家是現時香港少數能把豬扒炸得脆已juicy，再沾上指定的豬扒醬，食到停不了口！相反，吉列神户牛肉薯蓉這配搭則有點奇怪，牛肉味不特出，基本上只吃到薯蓉味，而且味道似乎有點不搭。

來到尖沙咀TheOne這間連鎖日式餐廳，第一感覺就是價錢比同層的餐廳貴。翻看一下餐牌，定食定價在二百多元。不過想到我們很久沒有到訪這集團，就算貴了一點還是光顧一次。餐廳給卡米拉的第一感覺枱與空間足夠。餐廳 部份都是卡座，我們坐的位置有大玻璃窗，可看到開揚的九龍公園景緻。一坐上店員就送上一壺熱茶及介紹餐牌，服務十分專業。點菜後有一些芝麻供客人自行磨碎，過程中蠻有趣的。日式醋蕃茄 （$68）蕃茄被排成心形，很有心思。味道多汁不腥。日式冷豆腐 （$56）豆腐香滑，醬汁清淡得來能有效提升味道。日式冷菠菜 （$58）這是一道相對普通的小食。菠菜不老，味道也正常。吉列京都銀雅豚 （$298）來到今晚的主菜，以吉列豬作招牌也不會太差吧！雖然我們點了幾乎最便宜的一款，但是豬也很多肉汁，咬下去柔韌有口感得來又不硬身。雖然只有4件，但是厚切下也足夠。椰菜及白飯可免費追加。椰菜配上西柚汁很清新，可惜另一紫菜汁不是卡米拉喜歡的口味。吉列廣島生蠔 （$286）廣島生蠔有4大隻，份量充足。生蠔飽滿，雖然炸過仍能保留鮮味。整體來說，炸物雖然有點多，但是吃完後不太感覺到上火。店員有禮，在我們完成用餐後更主動送上兩杯熱