云手工火鍋店

营业中

休息中

天氣開始涼少少，就crave for火鍋~本來想食重慶麻辣，但係小王子麻麻地，咁就不如explore下未去過嘅火鍋店啦！見到OpenRice評分唔錯，就揀咗呢間。佢啲火焰湯底好似好吸引。我叫小王子揀湯底，佢揀咗呢個火焰三椰雞湯鍋底。食開深圳嗰啲，心中已經準備評分。竟然係估唔到香港嘅椰子雞咁好食!!!!! （我想講，以後想食椰子雞煲，唔需要上深圳了）佢個三椰湯底：有椰皇、椰青（係喺你面前一個個椰青椰皇倒落個鍋入面）、椰子肉。隻雞目測係黃油雞、好滑好香！我同小王子一路食一路點頭，表示極度滿意！好開心！除咗三椰雞湯做得好好之外，其他全部食物都做得很骨緻，好少打邊爐可以每一樣嘢都做得好食：1）鼓勵全部餃子、雲吞都嗌。餃子啲皮係自己搓嘅，彈牙，唔會太厚。水餃/雲吞，啲料好足！(牛肉小湯包、黑松露蟹肉水餃、韭菜餃、水餃、全部都有湯汁！正！）2）手打鹹蛋蝦丸3） 手打香煎鵝肝墨丸4） 手打蝦滑5） 手打墨魚滑 （極度推介，唔知點解可以咁彈！仲曉自己爆汁）6） 水蓮 （唔係度度有，真係超級好食、索晒啲椰子雞湯，好夾）7） 貴妃蚌 （真係爽脆，好好食！啲椰子雞湯索咗入去，好鮮甜+清甜，味道極致提升！）8

好耐冇食過咁好食嘅椰子雞湯火鍋🍲呢間好值得推介俾平時鍾意打邊爐嘅朋友佢首先會落酒燒香啲雞同湯料之後再加椰皇同椰青見到已經流晒口水🤤成個過程都有專人服務湯滾起之後都有人嚟幫手撇油飲完湯之後食雞先再打邊爐個湯甜到覺得一定要配返個稻庭烏冬😆嗌咗手工黑松露墨魚丸同蝦丸兩款都爽口彈牙又新鮮另外嘅鳳城水餃同腐皮餃一樣咁正最欣賞嘅可以嗌半份咁就算少人去食都可以試多幾款加上呢度有酒飲有小食有串燒推薦大家book間房趁住年尾可以盡興吓🤣

在尖沙咀都有不少好食的樓上舖推介，今次同朋友來到云手工火鍋店打邊爐，因餐廳的裝修新淨，而且座位寬闊坐得又夠舒服，可以盡情地大吃大喝一番，真是放工的賞心樂事。🍲👭🍽️😙✨ 火焰三椰雞鍋（$348），這裏的特色湯底是由專人過來調製，同時也可見是真材實料。打邊爐就選了較為滋潤的三爺雞鍋湯底，店員先拿了半隻雞過來，然後放進鍋子裏連同椰子、蘿蔔一起炒熱，再加上白酒，然後用火燒一下就造成了火焰的效果，店員一路炒的時候，雞的油脂迫哂出來，之後落椰皇水、椰青水和椰漿水，雞的精華融入湯裡，真是純天然湯料。待湯滾後，先來一碗椰子雞湯，煲得好入味，雞件塊塊嫩滑，真是夠晒健康，感覺很有營養。🐥🥥🧉🔥✨ 自製響鈴卷（$68），新鮮炸起的響鈴卷，浸在湯底裡約3秒，熱辣辣吸收了椰子雞湯的精華，帶點脆口，所以打邊爐又點少得必點的響鈴卷呢！😎🫶🏼✨ 花雕醉滑牛（$128），這款滑牛的賣相粉嫩，落鍋前可自行調製花雕酒的濃度，花雕酒令牛變得更加軟身。本地滑牛每一片都帶點厚度，食落去都好有質感，而且薄薄的一層花雕酒香，令味道更昇華。🐮🥩✨ 招牌韭菜餃（$48），這店的手工餃也是店員極力推介的款式。韭菜餃放在湯鍋裡，可以見到餃子

搵個地方食嘢傾下偈，同朋友嚟咗尖沙咀酒店樓上的云手工火鍋店，雖然係樓上舖，但全店滿座，所有vip房book滿曬㗎。店員好快安排入座，坐低睇下餐牌先，除咗火鍋料，餐紙上仲有串燒、刺身、各款小食等，飲品有紅酒、清酒、特調飲品等，選擇甚多。⭐醬料先送上調味架，按個人喜好整返碗混醬先，有至愛嘅藤椒油同芫茜，正喎。⭐火焰三椰雞鍋湯底揀咗最近好興嘅椰子水雞鍋，店員先炒香雞件，落酒點火再放上椰青水，視覺效果一流之餘，椰子味甚香濃，未打邊爐前先飲碗靚雞湯啦😋⭐冬菇串 & ⭐牛舌心湯底未滾前食返串串燒先，叫咗冬菇串同牛舌心，燒得好香口，牛舌心爽脆，冬菇有菌香。⭐秘製蝴蝶腩朋友一睇餐紙就話要點呢份蝴蝶腩，入口口感嫩滑有質感，用嚟打邊爐原來好好食㗎🤤⭐紐西蘭羊肉片羊肉片有羊香味，但唔騷，正呀。⭐皇帝菜再加左份皇帝菜，吸滿雞湯好好食。個湯底真係好好味🤤飲咗幾大碗雞湯，而且飲完冇口渴，真材實料喎。

今日我同朋友去咗試火鍋啊，我們叫左：火焰沙白蟹窩做湯底有蟹，蜆肉，仲落咗好多芫荽有個好濃味嘅湯底。我哋又叫咗兩串串燒-荔枝豚肉串豚肉串搭配荔枝真係絕配-雞三角軟骨呢道雞三角軟骨真係超嫩打邊爐我哋就叫咗：-牛骨牛汁丸牛骨丸簡直暖心又暖胃。-手打芝心牛丸牛丸中間藏著芝士心，咬開後芝士會流出來-豬頸肉豬頸肉無論點樣搭配都好食水晶滑牛（配滑蛋）水晶滑牛的牛肉搭配滑蛋，食落去真係入口即化。另外服務態度超貼心，有哥哥幫我哋開爐，🔥🔥可以打卡🥰Today, I went to try hot pot with my friends. We ordered a flaming crab and clam soup base, which had crab, clam meat, and a lot of coriander, giving it a rich flavor. We also ordered two skewers:- Lychee Pork Skewers: The combination of pork skewers with lychee is truly a match mad

云手工火鍋係一間專注做手工料既火鍋店餐廳走木系時尚風格，桌椅舒適，啲枱同位都好闊落 , 坐得好舒服火鍋醬料上碟都幾精緻，九宮格托盤俾客人自己選擇，有生蒜、炸蒜、芫荽、蔥粒、辣椒粒、芝麻醬、沙嗲醬、沙茶醬同秘製辣油✨火焰沙白蟹鍋店員先用白酒炒一炒啲蟹同沙白，之後會問清楚客人要唔要芫荽再落鑊炒，再加火爆香，最後加埋湯煲滾就得啦！點火個下真係幾震撼，蟹肉鮮甜同都幾多膏，沙白脹卜卜 , 味道鮮甜，湯底完全吸收了沙白和蟹的精華 , 淨係個湯底都好多野食，足料！✨美國安格斯牛肉上枱有乾冰冒煙嘅效果牛肉油花均勻，口感柔軟，食落牛味濃郁 , 質素好好✨西班牙黑毛豬肉黑毛豬都幾大塊，咬落唔鞋口，肉質細嫩，味道濃郁✨手打墨魚滑這款墨魚滑經過精心製作 , 新鮮的墨魚滑，口感細膩順滑✨雜菜拼盤拼盤有超甜粟米、蕃茄、生菜、娃娃菜、油麥菜等而且仲有我最愛既皇帝菜！✨台灣寬粉好大碟寬粉，寬粉索曬個火鍋湯底好入味好好食✨荔枝豚肉串/雞腎外面燒得香脆，入面荔枝肉甜絲絲，呢個配搭好好食✨阿波尾手羽先即叫即燒熱辣辣上枱 , 燒得皮脆肉嫩 , 惹味香口

火焰三椰雞鍋 店員即場加入牛油同白酒 點火炒香雞件火焰燃起既視覺效果一流 之後再加入新鮮既椰青、椰皇、雞湯煲滾鍋內配料椰子雞湯底非常清甜，雞件肉質嫩滑花雕醉滑牛 將牛肉浸泡在花雕酒，再放入火鍋牛肉充滿花雕酒香，每一片都大大塊 自家製腐皮餃薄薄既腐皮包住豬肉，鮮味十足避風塘雞軟骨 份量都幾多，雞軟骨非常酥脆爽口手打黑松露墨魚丸 手打蝦丸 黑松露墨魚丸，黑松露味道濃郁蝦丸非常新鮮，爽口彈牙冬菇串 冬菇串多汁

天氣開始轉涼，又係打邊爐好日子，云手工火鍋環境相當舒適，現代化設計配合柔和燈光讓人感到放鬆。呢到除咗火鍋仲有串燒食，我地叫左串雞軟骨過下口癮，加入了七味粉同孜然粉調味，很惹味，我地擇左呢到既招牌湯底，火焰椰子雞火鍋，店員會幫手炒雞同椰子，半熟後加酒，點起火一刻嘩左一聲，過程又香又吸精😍。最後加上椰皇、椰青水滾多幾分鐘就食得，首先飲番碗椰子雞湯，湯底香濃，味道超級清甜，而雞肉夠哂鮮嫩，好滋潤。響鈴，口感脆嫩，吸收晒椰子湯底精華，非常美味。萵筍口感爽脆，清甜健康，啱晒打邊爐。豆腐滑嫩的口感又係打邊爐必備既材料。香煎鵝肝墨魚丸口感獨特，鵝肝香氣令人驚喜，以前未試過嘅配搭，估唔到咁夾。而另一款手打鹹蛋黃蝦丸口感豐富，鹹蛋黃既濃郁味道配合爽彈既蝦，口感十足。皇帝菜，好新鮮，最後配合埋出前一丁食用，真係超級滿足。

天氣變凍，又是打邊爐的季節了從網路🔍到了這家在飯店裡的火鍋店，沒想到一吃有驚喜位置在瑞生飯店的3樓，叫雲手工火鍋阿媽愛吃海鮮，所以點了火焰三白蟹鍋，裡面有一整隻膏蟹，還有蜆一上桌服務生就會炒海鮮，然後倒上白酒一圈，火燒火鍋，所以要準備相機拍影片但真的不是只有噱頭！他的食材好新鮮好吃首先鍋底很鮮，蜆的汁都在湯裡了點的⭐水晶牛肉超嫩，又嫩又彈牙⭐鹹蛋黃蝦丸⭐墨魚丸很好食，蝦丸和墨魚丸同樣彈牙，黑松露味和夾心的鹹蛋黃都很香⭐山藥，凍豆腐，雜菜拼盤都很好食，山藥綿密，凍豆腐吸湯，雜菜新鮮⭐雞軟骨串燒餐廳除左火鍋，還提供串燒，味道不錯呢間火鍋店裝潢很雅緻，很乾淨，廚房隔著透明玻璃窗能看到，食材新鮮，很推薦大家去試試。餐廳因為在飯店的三樓，要專門上去，但絕對是寶藏餐廳，要是來香港旅遊住這家旅館或附近也可以吃！

云手工火鍋尖沙咀加連威老道20號瑞生尖沙咀酒店3樓味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：火焰沙白蟹鍋 $348，花雕醉滑牛 $128，牛胸爽 $138，串燒美國安格斯牛小排 $68，串燒牛舌心 $58火焰沙白蟹鍋：鮮美的沙白蟹，蟹肉甜美可口又鮮香，很多蟹膏，加埋大量大大隻花甲，鮮甜而不油膩，做火鍋湯底絕對一流，廚師在客人面前用火焰烹調，聲色藝和色香味皆俱全！😄😄😄花雕醉滑牛：牛肉經過花雕酒的腌制，吸收了酒香的味道，肉質變得更加滑嫩。花雕酒的香氣與牛肉的鮮味相互融合，帶來獨特的風味！👍👍👍牛胸爽：純白的顏色，肉質富有彈性且帶有細膩的肉紋，口感非常嫩滑，快速燙煮便可食用，油脂的含量適中，每一口都充滿肉汁的鮮美！😍😍😍串燒美國安格斯牛小排：牛小排肉質鮮嫩，雪花分布均勻，口感滑嫩多汁，醃製得非常入味，醬油和黑胡椒等能夠充分滲透肉質，入口即化好味道！😋😋😋串燒牛舌心：牛舌心是牛舌的中心部分，肉質特別嫩滑，纖維結構細膩，經過烤製後，外皮微焦，內部則保持了鮮嫩的口感，味道濃郁充滿肉香！❤️❤️❤️

久唔久約朋友而朋友又鍾意打邊爐嘅話，就會嚟呢度，除咗座位寬闊，環境舒服之外，服務都係重點，而火鍋材料都係高質，唔係求其做俾你嗰隻，定期都會嚟呢度，因為好掛住佢嗰啲手打丸😃今日同老友嚟咗呢度，吹水傾偈同埋食好嘢。火焰沙白蟹鍋：店員首先端上放滿38嘅鍋，炒兩炒之後，放咗啲酒，點起火，好香呀。跟住再「贊」上等清湯，逼出蟹嘅鮮味。店員話首先飲咗幾碗湯先，再慢慢打邊爐，我哋每人飲咗三碗😃自家製炸魚皮：每次嚟都必點，薄薄地脆卜卜咁，新鮮即炸，再加咗即炸嘅黃金蒜蓉，同埋有啲准鹽，好惹味。手打黑松露墨魚丸：呢個喺第二度真係食唔到，入邊有啲流心黑松露醬，出邊包住既墨魚丸超彈牙，高質嘅做法。手打鹹蛋黃蝦丸：少少邪惡，但係邪惡嘅嘢先好食，鹹蛋黃入邊都係流心，出邊嘅蝦係選用黃蝦，味道夠特別，亦都係非常之彈牙。自家製黑松露蟹肉餃：首先要讚吓佢水餃個皮好薄，然之後入邊夾雜着黑松露加香噴噴嘅蟹肉，兩者非常之配合。蔬菜拼盤：一啲都唔啱嘅蔬菜拼盤，新鮮又豐滿，每樣蔬菜都有一啲，賣相很吸引。雞軟骨串燒：燒到脆卜卜，唔會好韌，雞味冇雪藏味，非常好。荔枝豚肉串燒：幾特別嘅做法，入邊夾雜着荔枝，令到整個豚肉串好清新。

呢日係尖沙咀食晚餐，朋友帶咗我去一間酒店的火鍋店打邊爐。估唔到餐廳仲有串燒食，而且係好好食。🩵火焰三椰雞煲 $348個人覺得係必點，用酒炒香半隻雞同2種椰子肉，再用2種唔同嘅椰子水再煲滾，湯汁一個人都可以飲兩碗！職員好貼心，會幫手筆走雞油。🩵水晶滑牛 $128真係軟滑到不得了，秘訣係要將牛肉沾上蛋液再燙熟。🩵手打黑松露墨魚丸（半份）$52🩵手打芝心牛丸（半份）$52🩵自家黑松露蟹肉餃（半份）$68餐廳有唔少自家製嘅丸類，呢幾種食咗都真心唔錯。🩵雜菜拼盤 $88菜類拼盤份量好多，喺椰子雞湯內煮熟，食落都有浸浸椰子清香。🩵廣島蠔 $48🩵荔枝豚肉串 $48好推介食串燒，少少焦香脆口好惹味，調味料醬汁都唔錯。🩵檸檬梳打 $68 味道好夠檸檬香，都有四杯。餐廳好適合朋友聚會，家庭聚會，餐品真材實料，手工製作，位置在酒店入面，質素有保證。

喺尖沙咀行咗全日街，晚餐當然要食返個滿足嘅火鍋好好慰勞吓自己！呢間云手工火鍋主打粵式火鍋、刺身同埋串燒等等！餐廳嘅裝修亦非常之典雅精緻～火焰三椰雞鍋💰HK$348店員會幫手將雞件炒香，先落少少酒，再加椰漿水、椰皇水同椰汁雞湯，炒果陣有火焰🔥，令人大開眼界！湯底味道與別不同，雞肉嘅鮮甜味更為突出，椰子味就輕柔而隱約，為成個湯增添咗一絲清新嘅層次感，真係令人忍唔住飲多幾碗！雞件亦肉質嫩滑～水晶滑牛💰HK$128滑牛肉質新鮮，帶有微甜嘅牛肉香氣，口感亦特別滑嫩～手打蝦滑💰HK$98手打蝦滑口感滑嫩，彈性十足～娃娃菜💰HK$48娃娃菜爽口清甜，吸收咗湯底嘅精華～美國安格斯牛小排(1串)💰HK$68牛小排肉質厚實，一咬落去肉汁四溢，味道濃郁而香醇～廣島蠔(1串)💰HK$47廣島蠔好肥美，用咗孜然粉去調味之後，味道變得獨特而誘人～無糖可口可樂💰HK$18

冇揀錯 打邊爐首選 前幾日朋友生日 去咗一間係尖沙咀嘅手工火鍋店 佢除咗有火鍋 仲有刺身 串燒 可以滿足不同人嘅需要👍 環境好靚 高檔裝修🥰 ✨火焰沙白蟹鍋348好有儀式感 沙白蟹鍋上枱後 職員係我哋面前幫我哋炒，差唔多就加洒 再點火 再炒多幾下就加湯落去 滾一陣就可以食蟹加飲湯啦 沙白及蟹都好肥美 蟹好多膏添 湯底都超甜😋 ✨美國安格斯牛肉$268分量都好多 雪花均勻 好鮮甜 好高質 鍾意食牛嘅唔好錯過😋 ✨花雕醉雞件（半隻）$138雞件好新鮮 好似新鮮雞 鮮嫩彈牙 好食🥰 ✨自家製黑松露蟹肉餃$68黑松露味道香濃 係推介的餃子🥟 ✨雜菜拼盤$88✨豆腐$38每種菜都好新鮮 娃娃菜塑咗啲湯嘅味 特別鮮甜 豆腐非常滑溜😋 ✨稻庭烏冬$48咁靚嘅湯底 一定要食烏冬 先至完美😍 ✨燒雞軟骨$48✨燒粟米$28我鍾意食燒粟米同雞軟骨 水準都好高👍 ✨酸梅湯$68自家製酸梅湯都好正 可以下火 唔會太甜 啱晒我😉 整體嚟講 地點方便 食材高質 有服務 係打邊爐嘅好地方😎😎 🎈云手工火鍋店 (尖沙咀)尖沙咀加連威老道20號瑞生尖沙咀酒店3樓

最愛打邊爐嘅我，有朋友介紹呢間嘅火鍋湯底超正👍🏻我當然要即刻去試吓～～裝修好企理，坐位好舒服，而且仲有VIP房，一大班人去食都係唔錯選擇😉😉去到坐底店員好熱心介紹邊啲係必食推介，係大陸食椰子雞就多，香港嘅反而未試過！🤣店員用牛油炒香咗雞件，之後再落酒點火，最後加椰皇椰青同雞湯再煲滾，個湯超級香甜！😋雞肉雖然唔係同超濃雞味，但都十分之嫩滑，同大陸食嘅椰子雞係不同感覺～😲飲完湯食完雞就試吓個小食酥炸惹味茄子🍆，茄子炸得剛好唔會太油，調味好香辣惹味！👍🏻另外佢哋仲有刺身、串燒！超級多元化😂😂我就揀咗自己最愛嘅牛舌～厚度岩岩好，仲跟咗黃芥末籽吊一吊味😝😝配料方面揀咗啲幾得意嘅手工丸，包括係香煎鵝肝墨魚丸同手打咸蛋黃蝦丸。兩款都好好味，好有趣～出面係未必食到！😃😃仲有叫咗本地手切牛頸脊、新鮮鵝腸、黑松露蟹肉餃同手工腐皮餃，每款料都唔令人失望～🥰🥰呢個火鍋好多野都主打手工～係好有特色，唔似平時普通打邊爐！鍾意食特別野嘅真係要黎試吓啦🤣