京滬佳餚 (Fashion Walk) (已結業)

咁耐冇得番北京，我真係好掛住國家名菜，北京烤鴨！我在網上面搵，好多地方都推介呢間烤鴨，我見價錢又唔貴，一於黎試試！我地都叫左好多其他小菜同點心，例如呢個招牌小籠包，食落真係好驚喜，佢個味道夠濃，個皮係彈牙唔會太淋，幾有質素酲醋小排骨都好有特色，雖然話係涼盤但係上到枱都仲有微溫，肉質幾乾身，唔錯奶油津白就真係好夠奶油味，津白爽口鮮嫩，食落都唔會覺得好滯。爆汁牛肉煎餅因為真係爆汁，所以食嘅時候要好小心，如果唔係就會變爆口㗎喇。佢嘅汁真係幾好味，我每滴都飲晒，食完唔覺口乾終於到今日嘅主菜，半例嘅烤鴨。份量絕對夠兩個人食而唔會唔夠喉。佢鴨皮同鴨肉分別都有好多。鴨皮有幾塊仲十分之厚，咬落去油香四溢，成件事係大大大滿足豆沙高力就食得多，杏汁高力都真係第一次食。佢入面係一啲白色嘅濃汁，唔太杰，唔會太甜，而個香味係好令人難忘的，有驚喜。我覺得可以同朋友再黎，但記得要早啲訂位，真係幾多人食㗎～

今日同朋友過咗嚟銅鑼灣做嘢，最後我哋決定去試吓片皮鴨，餐廳位於銅鑼灣fashion walk附近紅油抄手抄手一客有6粒，每顆也很大粒，滑溜溜嘅外皮沾滿了紅油，口感紮實，帶着美味的辣香入口酸辣度適中，吃著吃著令人吃上癮奶油津白來到上海菜館必點菜式之一，雖然呢道菜自己整都唔難，但係對於我哋呢啲無飯家庭，都係出去食為主，香濃嘅忌廉汁完全被津白吸收了，奶香撲鼻，再配埋鹹鮮的金華火腿，質素吾錯賽螃蟹🦀️ 一係賽螃蟹都係嗰啲非常之邪惡嘅嘢，滑溜嘅蛋白其實充滿油份，但比起之前出邊食到嘅，唔知點解好似少咗個蛋黃，而且這個味道偏向清淡，最後加咗喼汁一齊食，反而提升左蟹肉嘅鮮味香酥烤片皮鴨 $228配搭六款配料成日都會周圍搵好食嘅片皮鴨🐤油香肉滑最喜歡就是第一下咬落去💕鴨皮熱辣辣🔥同埋幾脆口，滿口油香而鴨肉的肉質甘香可口，帶有少許膻味。除咗有傳統嘅烤鴨醬之外；另外更配有蒜蓉、砂糖、京蔥、青瓜、蘿蔔條可以配埋一齊食個人幾喜愛烤鴨醬配砂糖，食落減低油膩香菇醬火鴨炒飯全晚最精彩竟然係個炒飯，炒飯粒粒分明，而且米飯有彈性，配埋炸咗嘅芋頭粒，令到炒飯更加有風味。楊枝甘露配雪糕食飽咗梗係要食返個甜品啦，楊枝甘露唔會太甜

真係好耐未食過咁好味嘅中式飯, 正確嚟講應該話京滬菜!! 我同朋友去食飯嘅時候 , 二人都並不是處於肚餓的狀態! 但仍然覺得食物非常之美味。 加上去到個環境十分之好, 服務亦都十分周到, 仲要有一個吧枱嘅位置可以選擇不同嘅cocktail, 可惜我有啲唔舒服先唔到佢嘅cocktail。 但係品茶都唔錯呀! 一入門口就見到一個鴨仔嘅標誌 雖然我冇試但係我估計片皮鴨都會好出色! 環境乾淨舒適又寬敞! 兩個人叫咗個小籠包有六粒, 皮薄餡靚砂鍋雲吞雞 用料足, 有六粒雲吞仲有多片花膠, 湯味濃唔覺有味精孜然小羊排, 有羊味但又唔太騷仲要肉質好鮮嫩羊肉拉麵 呢個冇得頂湯味濃沃黃金四季豆 ,呢個同想像中有啲不一樣因為每條四季豆都尖咗一啲炸粉, 而個黃金鹹蛋 真係冇得輸 ,用料上乘 落足心機!本身仲想叫個炒飯 但係真係頂唔順 。 諗住食高力豆沙做甜品但係我哋無能為力, 因為已經飽到唔喐得! 決定下次嚟再試過! 埋單九百蚊, 地段銅鑼灣有service有環境 絕對係超值!

Shanghai Spot closed its doors recently and it appears that its head chef has moved over to King’s Delicacy in Causeway Bay, a Chinese restaurant with a duck logo. The restaurant is possibly the largest on Fashion Walk food street, occupying the corner area facing Gloucester Road, where the row of restaurants seems always to capture the imagination of those driving by.Expecting a rather traditional and more down-to-earth vibe, I was a bit surprised to find that the restaurant was fairly contempo

約咗朋友喺銅鑼灣食lunch，行咗陣街見到呢間餐廳有烤鴨食！我哋兩個都勁鍾意食烤鴨，就入咗去食～京滬香酥烤鴨 (半例)因為兩個人食，所以我哋叫咗半例～有6種配料:分別係青瓜、京蔥、蒜蓉、砂糖等。鴨皮烤得好酥化而且有油香！入口就一啲都唔油膩，鴨肉口感香嫩～超好味😋雲吞鴨肉湯有濃郁鴨肉香嘅湯，完全無油膩感！味道特別香濃，而且好足料。小籠包一籠有6隻～皮薄餡靚，每個小籠包都勁多肉汁！埕醋小排骨嚟到個擺盆已經覺得好靚～食落酸酸甜甜，好味又開胃！老上海炒飯個飯炒得幾好，好有鹹香味。配料都有蝦、煙肉、什菜等山楂楊梅果呢度嘅甜品款式幾特別，賣相都好靚！用咗山楂蓉做餡料，食落口感煙韌，味道酸酸甜甜。杏汁高力平時出面食到多數都係豆沙餡，今次呢個係用左杏汁餡，我幾鍾意呢個味道！唔會太甜，幾清香。

今次同朋友去了一間食京滬菜主打扁皮鴨(烤鴨)的餐廳,餐廳裝潢好華麗,一入門口已有一道雲石牆,牆中間的四葉招牌正中間正是一隻鴨Logo😎每款菜式賣相好吸引 好正宗的京滬菜尤其烤鴨較為出色😋適合三五知己飯聚閒聊的好地方!京滬酥香烤鴨(半例)專程來到就係為了叫鴨😂😂這道菜是必點的,未食過唔好話我知你黎過,扁皮鴨一上菜時已被金黃色的鴨皮吸引住,侍應仲好細心講解教我地點食👍首先要將鴨皮沾砂糖食,口感好似食緊棉花糖油脂分佈較多,所以有入口即溶的感覺但本人覺得甜了一點。 之後輪到食鴨片,將包皮包住鴨皮和鴨肉沾醬汁加埋配料(京蔥,青瓜,蜜瓜,山渣條,酸蘿蔔)一齊食口感非常豐富😋又可以解除到鴨皮的多餘油脂,真心不錯!但本人建議每次加2-3款配料食已足夠,因為太多會食唔到鴨的香酥味😎🐑孜然小羊排羊排一遞上已聞到好大陣孜然味,食落本人覺得味道較為麻辣了一點,整體🐑的味道唔羶,肉汁都幾多下好惹味加上份量都算多😗招牌小籠包皮薄餡靚又多汁的小籠包,黎到真係一定要點!😋🐟上海炭燒燻魚甜甜的燻魚作開胃前菜最適合不過,但進食時要小心因為魚骨都偏多😉🐷酲醋小排骨另一味適合作開胃菜的選擇之一,甜甜酸酸的味道有點似薑醋,本人

上海炭燒燻魚外皮燒至焦脆香口，裡面嘅魚肉軟腍多汁，非常香甜可口。酲醋小排骨同樣係味道偏甜，肉質軟腍得嚟有口感，多咗小小醋嘅酸味，感覺冇咁膩。孜然小羊排一上枱孜然嘅香味已經撲鼻而來，皮有嚼口又唔會太韌，底下一層薄薄充滿油香嘅脂肪，肉質爽口有嚼頭，小小羶味令羊肉味更濃郁。味道唔會太重口，反而係有啲辣，而且後勁十足。招牌小籠包(6隻)皮嘅厚薄適中，湯汁鮮美，餡料足，味道中規中矩。蟲草花炒翡翠苗(素)草青味濃郁，食落爽脆清甜，蟲草花味都出，係好fresh嘅菜。老上海炒飯(辣)米係珍珠米，軟糯煙韌，有鮮蝦、煙肉、粟米等配料，香口好食。京滬香酥烤鴨(例)四人份量都ok嘅，面頭有幾塊皮，食落非常有空氣感，似棉花糖咁入口即溶，而且油份較重，蘸糖食稍為中和下。鴨皮甘香，鴨肉嫩滑，味道則偏淡，可以夾埋青瓜、山渣、蜜瓜、日本蘿蔔、大蔥一齊食。鴨脾就可以蘸蒜蓉食。值得一提係個粉皮，薄得嚟煙煙韌韌，口感唔錯。酥炸杏仁豆腐外皮酥脆，裡面嘅豆腐軟滑，杏仁味好濃，仲有士多啤梨、奇異果、藍莓伴碟。楊枝甘露伴雪糕好有gimmick嘅甜品，底下放咗乾冰營造煙霧嘅效果。楊枝甘露甜味適中，有西米同柚子，雪糕溶在其中增加咗軟滑嘅

近排返工好大壓力，一放假就想食好嘢，媽咪提議食中菜，知道銅鑼灣有間環境不錯嘅餐廳，餐廳主打新派摩登京滬菜，可以同媽咪嚟chill下💗呢度有好多選擇，真係滿足晒我哋嘅食慾呀🥳午市時候勁多客人😚安排左嗰靚景位俾我💖北京招牌菜，又點少得片皮鴨喎，點了京滬酥香烤鴨，呢度嘅片皮鴨係必食推介架，重點講明係即嗌即烤架，份量超多添架，酥脆嘅烤鴨皮，真係好脆身，夾上蒸籠上既餅皮和配料一起吃，中和所有油膩既感覺，令人食極都仲想食呀❤️孜然小羊排係我嗌既，一上抬滿溢的羊香，食指大動，羊排表面相當酥脆，而內裡既肉質好軟嫩，好juicy，用上孜然調味料，令羊肉味更加出😍外婆紅燒肉有驚喜，肥瘦均匀的五花肉，將醬汁吸收曬，而醬汁濃稠，甜甜地，好餸飯，所以最後忍唔住嗌左碗白飯🥰招牌小籠包，幾乎係枱枱客人必點，湯包皮薄，而且咬落去啲肉汁必哂出黎，皮薄餡靚👍🏻蟲草花炒翡翠苗好嫩綠呀，大大碟，清甜❤️最得嗌左碗京滬雲吞鴨肉湯👍金華火腿相當甜美，配上鴨肉🤩🤩正

唔知大家有冇發現, 最迎疫情在香港稍為緩和, 街上的餐廳便開始人流擠擁!今天來到京滬佳餚, 真係令我覺得超值!首先, 餐廳定位是中價位的價錢, 所以我在惠顧之前, 就對餐廳抱有期望!在環境和服務質素方面, 不詳述了。餐廳是做到90分的!食物, 我們一行二人, 點了以下的食物1. (半例)的京滬酥香烤鴨 $228味道極佳, 入口溶化, 特別是店員也很用心教我們要怎樣享用, 原來可以有數種吃法!我只能說這個食物必需要點! 二人來說, 這份半例份量也是很足夠了!2. 酲醋小排骨 - $88 味道酸酸甜甜, 開胃菜首選3. 招牌小籠包 - $68這個有6件, 皮薄多汁, 質素極高4. 爆汁牛肉餅 $68這個我一般, 反而女友很欣賞這個的味道5. 老上海炒飯 $108微辣, 傳統的上海式炒飯, 獲氣充足!6. 擂沙湯圓 $38 這個中上質素7. 楊枝甘露配雪糕 $48如果你的友人是女性, 建議要點這個!除了味道不錯之外, 這個食物的出場時候, 情況是仙氣十足!!整體而言, 食物質素很好, 我覺得如果人多一點, 會更好, 因為可以品嚐更多的各種美食!但是, 二人行, 這家餐廳也是不錯的選擇!推薦給

名店坊這條街有很多新的食店，還以為只是西餐廳、咖啡店及飲酒的地方，聽朋友說走到盡頭有間京滬菜酒樓，是日晚上跟隨她一起過來吃京菜吧。平日都很滿座，連外面的位置都坐了人客，等一會才安排到座位。我們坐的兩人位偏細，放了茶壺及碗筷後，都沒有太多位放置幾盤食物了，唯有先快快吃完那些小碟及點心吧。四喜烤麩先來一客經典的上海冷盤小碟。入面有乾香菇、金針乾、鮮筍、烤麩及毛豆。這些食材都吸盡醬汁，很入味。招牌小籠包一打開蒸籠，煙徐徐地冒出，小心翼翼咬一口。剛蒸好小籠包，入面燙熱的湯汁慢慢從口中溢出，湯汁帶濃香的豬肉味，皮薄豬肉餡剛好。珍珠糯米燒賣精緻的點心，小小的形狀，薄且煙靭的外皮，裹著糯米飯作餡的就像燒賣一樣。脆皮香辣口水雞這款簡直顛覆口水雞在我心中的模樣。比起一般口水雞，它像台式鹽酥雞扒，外層酥炸過的皮，入面是滑嫩雞肉，配上麻辣口水雞醬汁，另一番滋味。嫩雞煨麵 吃了濃味的菜餚，口腔略為乾涸，所以來碗湯麵濕潤一下喉嚨。清雞湯湯底，切成碎碎的菜佈滿湯裡，嫩雞肉粒不帶骨及雞皮，很健康。惟米線有點腍，欠缺爽彈口感。

對我來講，我最喜歡鴨的食法就是「北京填鴨」，薄薄的皮包住一片片鴨肉，加上一少撮配菜，沾上醬汁再送入口，就夠美味了😚想到京滬佳餚吃它號稱香港第一北京填鴨已久，今日趁放假就約朋友一起到銅鑼灣Fashion Walk這分店來品嚐。我們像餓鬼一樣，一下子就點了滿桌食物👉🏻北京填鴨（半例）、酥炸鮑鯨、酥炸廣島蠔、酸湯海斑片、四川擔擔麵、招牌小籠包、京香蜜汁叉燒包等...每一款食物都有水準，而北京填鴨同酸湯海斑片是最出色，前者賣相靚、鴨肉不肥膩、包皮夠薄，入口融化，正！後者海斑片十分嫩滑，與酸菜十分配，配料亦足，好開胃！最抵食一定是價值$18的小籠包，一籠6隻，包皮好薄，汁多好juicy。整體是高質的，唯價格略偏高。

專食京滬菜的京滬佳餚位於fashion walk的分店， 有室外用餐區， 不過天氣太熱啦，都係坐返有冷氣嘅室內位好啲點了菊花茶，但菊花味不太突出， 反而前菜蓮藕幾好食，爽口又香花椒油味招牌小籠包($68/六件)夠湯汁，肉餡都算多孜然小羊排($208)， 惹味的菜式，初頭怕太辣，所以孜然粉另上，有少少肥， 不過肉質軟腍，有一些部分比較乾身 Guiness($78) 送小羊排一流半隻酥香烤鴨($228) 是餐廳的招牌菜，鴨皮香脆， 本身有一點油， 加醬汁和配料用面皮包著吃， 令人垂涎欲滴杏汁高力($88/四件)，顏色白雪雪，形狀脹卜卜，有一點像雲朵，咬落很輕軟，空氣感十足，中間是用杏汁做成的餡料， 帶出陣陣的杏仁香

We went there for dinner tonight - food was amazing, and reasonably priced. Service was fantastic too - all the staff were attentive. Appreciate it was a weekend evening (Sunday), but the tables were far too close to each other (let alone during a pandemic...!), there were hardly any space for the staff to walk in between tables. It was not comfortable at all, throughout the whole dinner, I had staff just walking right pass me, holding dishes right behind my head. I will definitely go back - but

唔知有冇人同我一樣 廿幾歲人但又好鍾意食中餐呢😂 呢間上海菜有兩間分店分別喺銅鑼灣同將軍澳 主打京滬菜式 必食嘅招牌菜就肯定係香酥烤鴨喇🦆 餐廳專門挑選大約兩個月大鴨 雖然體型較細 但皮下脂肪會無咁厚 再需要兩星期前就放入凍櫃凝固脂肪 加上繁複嘅工序排走鴨油去減低油膩感 先可以做到咬落鴨皮酥化帶油香 鴨肉口感軟嫩👍🏻

平日夜晚來到，未夠1930就已經全院滿座。雖然餐廳係食中菜，但都有個水吧位調酒！酥炸廣島蠔，薄薄嘅炸漿包住肥美嘅廣島蠔，配埋甜酸醬，脆口惹味！裡面熱辣辣，仲會爆汁添！每隻廣島蠔都好大隻，就算炸左都唔會縮哂水，真材實料！孜然小羊排，孜然味好重，食落帶點微辣，少少羊蘇味，好juicy，肥瘦均勻，唔會乾柴。新疆羊肉燴湯麵，湯底偏稠身濃味，配料有羊肉同蛙蛙菜，麵條掛湯，不過整體咸左少少。主角有例牌京滬酥香烤鴨，職員會教食用方法，分左皮、肉同脾。鴨皮油脂豐富，好邪惡，沾少少糖可以消除油膩感。鴨肉好嫩，配埋香蔥 蘿白 青瓜 醬料一齊包住食，正！一籠皮有好多塊，每塊都有紙隔住，唔驚痴住哂！鴨脾就最濃味！例牌2人用都好飽肚！