京滬佳餚 (Fashion Walk) (已結業)

🇭🇰京滬佳餚·好耐無食過片皮鴨又突然想食啦 今次呢間我都係第一次食 不過我自己覺得呢間既小菜好食過佢既片皮鴨😂😂·京滬香酥烤鴨(半例)$228佢呢度有半例揀 所以超適合我地兩個人食😌😌不過佢既烤鴨偏乾 唔知係咪因為佢D鴨比較瘦呢 所以食落油脂味唔算話好濃咁🤔之後佢個餅皮都薄既 但係佢凍得超快 所以大家一定要食快D🤣🤣·京滬雲吞鴨肉湯 l 花膠黃魚羹 $68我自己幾中意佢個鴨肉湯 佢係好好飲既上湯 而且入面個雲吞都好食 不過就無咩鴨肉味咁😂之後個黃魚羹都唔錯 佢入面真係好多魚肉 而且仲有D花膠仔 唔錯唔錯🤤·瑤柱濃湯浸茭白$168 l 冰鎮柚子鮑魚$148佢個茭白浸完瑤柱濃湯入曬味 味道唔錯 不過始終茭白個口感無箭筍咁爽脆 所以口感無咁豐富😈之後佢個鮑魚都好好味 超級彈牙 而且好大隻 配埋微微既柚子味超級開胃🤤🤤·#rbyeat#rby中菜#rby銅鑼灣 #rby將軍澳·📍銅鑼灣加寧街13-15號Fashion Walk地下A,C-D號舖📍將軍澳康城路1號The LOHAS3樓333號舖

好耐冇食過北京填鴨喇🦆突然間好想食就同老公去咗銅鑼灣Fashion Walk食～原來呢度仲有Bartener即場調製cocktail🍸我都order咗一杯花語飲，有玫瑰花🌹荔枝同菠蘿～完全係我當晚嘅口味🥰 食物方面當然一定要order烤鴨，我哋叫咗烤鴨半隻，皮又香又薄😙脂油好香！配埋暖笠笠嘅餅皮同配料，一流嘅享受！兩個人清哂半隻鴨完全冇難度😆 我哋仲叫咗其他食物，小籠包皮又薄又軟，入面嘅肉juicy又夠熱👍 擔擔麵，份量剛剛好，麵條新鮮好味😋雲吞鴨肉湯個人認為比較濃味，但老公好中意😁清脆萵筍都菜如其名，夠清脆～最後點咗杏汁高力做甜品，熱辣辣軟綿綿嘅高力入面有好香嘅杏汁，唔會太甜剛剛好🤍🤍🤍劃上完美句號。下次一定要帶屋企人嚟食！

朋友生日話想食中菜，專登搵咗呢間同佢食餐好嘅！喺銅鑼灣fashion walk呢條街本身已經食肆林立，條街好有氣氛，餐廳內裡裝潢都好有質素，食個生日飯絕對唔失禮。蟲草花炒翡翠苗先來食個菜先，翡翠苗青嫩配埋蟲草花感覺好滋補，味道適中唔會太鹹，二人份量剛剛好京滬酥香烤鴨作為呢度嘅招牌菜絕對冇令人失望，外皮香脆，油份肥肉都剛剛好唔會太油膩，肉質嫩滑，必食！脆皮三支骨睇個名初頭以為骨頭多，點知原來牛肉份量十足！如果4個人食都夠食，呢道菜味道偏向濃味少少，所以夾埋其他清淡啲嘅餸一齊食都好唔錯招牌小籠包果然係招牌菜！小籠包入面好多汁，湯汁清甜唔會太濃味，食完頭先比較油膩嘅菜式，再食小籠包中和番，感覺好舒服！亦做到皮薄餡靚👍🏻 十分推薦！擂沙湯圓呢個甜品食上海菜通常都會食，熱辣辣唔太甜，煙煙韌韌好好味😋呢度其中一個特色係有啲好fusion及特色嘅酒精飲品，由調酒師即場炮製，我哋當然有試吓啦。花語呢杯酒一聽個名就覺得好飲，外觀好適合打卡，飲落都冇令人失望，荔枝、檸檬、菠蘿令杯酒覺得好清新又唔係好甜，仲有少少玫瑰花香，好啱女仔飲。京滬時代呢杯酒相當有特色，相信唔係好多地方可以飲到，威士忌配上燒過嘅鴨皮，

一直都好好好鐘意食片皮鴨。疫情無得飛，好彩搵倒呢間超水準嘅京滬菜！經理介紹必食嘅香酥烤鴨三食1-香酥烤鴨2-雲吞鴨肉湯3-椒鹽香酥鴨架個鴨有咁多不同嘅配菜配搭真係第一次食，口感好豐富！又可以中和返鴨嘅油味！鴨皮鬆化又有油香。入口即溶嘅感覺！超推介！！個湯好香有鴨味但又唔會話好油膩！非常足料。最後個鴨架好香口惹味，送啤酒真係岩晒！其他菜式仲有：黑醋脆鱔 好難得食倒呢味好開胃嘅小食。招牌小籠包皮薄。入面好多湯夠晒熱好好味！孜然小羊排外層好脆，肉質鮮嫩又juicy 唔會話乾爭爭！羊味好香 岩晒鐘意食羊嘅朋友。清脆萵筍最後黎個清d 嘅菜。又係唔係周圍食倒。脆脆地好鮮味！杏汁高力呢個真係好特別。唔係豆沙溶，係杏汁餡，唔會好甜。

留意到哩間中菜廳，想黎試下片皮鴨，平日夜晚黎到坐滿食客，勁！京滬香酥烤鴨 $228一坐低就落左例牌半隻香酥烤鴨，今晚既主菜。一上台，店員細心介紹食法，面頭幾塊既鴨皮油脂豐富，入口即溶，點白砂糖夾埋食。當一擺落口一咬，哇！真係好鬆化，之後就好似平時食片皮鴨咁，夾埋青瓜、京蔥一齊食，好味。外婆紅燒肉 $98五花腩肉炆得好入味、好林，好考驗師傅功夫的一道菜，送飯一流。老上海炒飯 $108炒飯粒粒乾身夠鑊氣，配有蝦仁、煙肉、什菜粒同辣椒乾。京滬雲吞鴨肉湯 $68奶白色既燉湯，飲到啖啖金華火腿同鴨肉既咸香味。招牌小籠包 $68小籠包皮薄，包住鮮味既肉汁，一啖一粒，好食。滋補潤喉羮 $48哩個糖水好食，推介，滋補養生。啖啖桃膠，食到粒粒陳皮，健喉美顏。

整體來說味道幾好，值得一試環境有點擠迫，如果枱與枱之間疏落些會較好服務態度不錯，會提你叫左烤鴨先，因為較為需時小籠包多汁，好食牛肉煎餅多汁味道幾好，服務員俾我地另加一件for每人一件小羊排比較肥，但味道ok雲吞鴨肉湯(位)味道正常，沒有特色酲醋小排骨酸酸甜甜，開胃香酥烤鴨(半例)好味，加砂糖食意外地夾，3個人食剛剛好，不會太多或太少鱔糊炒麵好味，麵身脆口配上濃郁醬汁希望下次來試其他菜式，如八寶鴨、松鼠黃魚等

叫左幾樣野食，都好難揀最中意，好多有好好食！孜鵬小羊排，完全冇蘇味，而且唔會韌，塊皮孜好脆口，調味亦唔會太鹹，我覺得中意食羊一定要試！松鼠黃魚係超出左我既想像，真係即刻炸起，上枱時仲係好熱，好脆口，好香，味道有d似甜酸骨，十分開胃，個樣仲炸得好靚，必食！片皮鴨我地只係叫左半份，估唔到都好多😦 每塊皮都係好脆身！！放心，食落唔會話好膩！仲有好多款醬同京蔥加埋再包埋食，好滿足！我地仲叫左兩個小食，包括牛肉煎餅同脆鱔，牛肉煎餅一定要趁熱食，但小心辣口，佢入面勁多味，一啖咬成個口都係汁，好食！脆鱔就味道仲焦糖，朋友話係琥珀合核既味，又係好香口🤪成餐飯都好滿足！服務態度不錯！

邪惡指數:🐽🐽🐽好食指數:🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️有機會放假就梗係約好朋友去食好西啦😌呢間主打京滬菜嘅餐廳係銅鑼灣fashion walk開咗冇耐，裝修都幾靚同埋坐得舒服。至於嘢食都絕對無令我失望：⭕️京滬香酥烤鴨 - 即叫即烤，喺呢度嘅招牌。啲皮烤到脆卜卜，又唔會好油，加埋香嫩嘅鴨肉同配料包埋一齊，剛剛好嘅油香同多重口感，得喎🙌🏻 佢塊餅皮都值得一讚，夠薄，口感夠煙煙韌韌，令整體口感味道提升‍（最怕啲又硬又粉嘅餅皮破壞片皮鴨整體嘅口感同味道 - 你明嘅😉）⭕️爆汁牛肉煎餅 - 佢真係冇呃我，咬一啖就爆汁🤤個面煎到黃金色，唔會好油，入面啲肉調味調得啱啱好，加埋勁多嘅湯汁，真心推介💁🏻‍♀️⭕️招牌小籠包 - 熱辣辣，皮薄餡靚又多汁。⭕️砂鍋花膠雲吞雞 - 貪靚嘅我對花膠雞湯絕對無say no 🧏🏻‍♀️ 飲落鮮甜順喉，唔覺有味精。雲吞大大粒又入味，加埋花膠同埋超大隻嘅雞髀，好飲之餘又足料抵飲。⭕️酲醋小排骨 - 相比起呢個就比較普通，就酸酸甜甜幾開胃咁。

呢日同另外三個好耐冇見既朋友聚會，我地搵左一間中餐廳食dinner。打開餐牌，見到有好多望落好精緻既中菜，我地點左經典填鴨四位套餐。首先有啲涼拌菜。冷盤有呢個老陳醋肴肉，味道幾開胃。另外仲有花雕醉雞，雞肉好嫩滑，酒味香濃。小菜方面，呢個楊枝沙律蝦球好惹味，蝦肉彈牙，醬汁好夾。茶樹菇爆炒牛柳好香，夠哂入味。食上海菜點少得小籠包呢，皮薄多汁，正啊。仲有重頭戲北京填鴨，佢個皮燒到好脆，正啊。仲有健康既番茄翡翠苗。香濃既花膠雲吞雞。老上海炒飯夠鑊氣。煙韌既擂沙湯圓。

最近工作稍微輕鬆一些，但心情依然沈重，不知道什麼原因，只好約朋友出來解悶。餐廳有不少廂房，供家庭或朋友聚會，另有少量卡座，其他都是多人長方桌。餐牌有不少特色中菜，例如小籠包、烤鴨、中式甜品等等。⭐️泡菜$20中式餐廳少不了小菜，小菜是青瓜和花生。另外茗茶$36兩位。⭐️酲醋小排骨$88小排骨瘦肉多些，入口酸酸甜甜。⭐️花膠黃魚羹$68/碗花膠黃魚羹由於湯底是魚湯，所以入口味道較香淡，靠胡椒調味，花膠煮得脆且甘。⭐️京滬香酥烤鴨$328半隻烤鴨，烤鴨皮很有韌性，厚度適中，入口烤鴨皮略脆，加入蔥可以中和油膩感。⭐️招牌小籠包$68小籠包皮薄餡靚，一咬下去，肉汁都在口腔迸發，味道鮮甜，應該叫多幾籠。⭐️山楂楊梅果$48甜品外型是楊梅，很吸睛呢！外面是酸香煙韌，裡面是山楂餡，也不會太甜，不俗。

今日同朋友去左銅鑼灣既京滬佳餚食中式菜餚。一進入餐廳，感覺置身於典雅設計既宮庭中，與即將享用既美食十分配合。有著宮庭特色既設計，我們的用餐體驗十分良好。當晚最愛的食物當然是片皮鴨，京滬香酥烤鴨（半例/6款配料），鴨皮烤得金黃香脆，配合6種配料和麵皮包著食用能中和鴨皮澎湃既油脂感，食完齒頰留香，但不會油膩。另外松鼠黃魚都好食，擺盤精美，魚炸得香脆可口。我地仲叫了幾樣小食：爆汁牛肉煎餅（2件）、招牌小籠包 （6隻）、花膠黃魚羹 $68/位小籠包有驚喜，一咬入面既肉汁噴晒出啦，皮亦厚薄適中，十分高水平。爆汁牛肉煎餅都唔錯，幾香口，都有爆汁既效果。花膠黃魚羹比想像中更好食，調味好，量足，食過番層味！！另外仲有前菜：餐廳具宮庭環境，再配合著中式美食，真係幾享受，大家唔好錯過呀haha!!

今日約咗幾個朋友來到銅記的『京滬·佳餚』食京滬菜，點咗個經典填鴨四人餐。依上菜次序，先係『老陳醋肴肉』，的的士士有8件，人人有份，仲有2件，過吓口瘾，跟住就係『花雕醉雞』，雞件中有頗為濃郁的花雕酒味; 再來一味小食『楊枝沙律蝦球』，大舊的蝦仁+楊枝甘露之味好特别呢。美食陸續有來，『花膠雲吞雞』雞湯足料，濃郁芳香，花膠大件有口感，人人食得满足；下一個係上海『招牌小籠包』，皮薄如紙但又會漏汁，功夫十足；而『京滬香酥烤鴨』鴨皮薄又脆，點砂糖已好够味，而鴨肉配埋青瓜，心裡美及韭黄加sauce真係美味之極，係我食過的最好味烤鴨之一。其他如『茶樹菇爆炒牛柳』、『蕃茄翡翠苗』、『老上海炒飯』都唔錯，好飽及好满足。

第一個印象就是服務有待改善，話說我兩姊妹帶母親去銅記行街買衫食午飯，細妹提議這家京滬茶館，去到門口企左五分鐘正正女帶位面前，兩位阿姐視作無人，我終於按耐不住問門口是口是否這邊入，答案冷淡：係😓，答完都沒有再理會我們。難道那天我們運吉嗎？😩坐定定下來留意環境，裝修格局係有質素的，座位空間感大。🥢松鼠黃魚 $208黃魚最巧功夫，魚身炸起小小似菊花，外脆肉嫩醮點汁滋味可口。🥢招牌小籠包 $68皮算薄餡料比較鬆散，湯汁味濃。🥢爆汁牛肉煎餅 $68 + $34 三個真的爆汁一口咬落已爆啖啖牛肉汁，餅皮香口牛肉有牛香味口感嫩有嚼勁。👍🥢杏汁高力 $88賣相漂亮可惜油味勁重，口感是鬆軟甜度剛好，微微有杏香。😅有點貴

本身以為fashion walk得西嘢食 望入呢間中嘢咁full 我地又湊熱鬧入去試下 其實想食佢個片皮鴨 🌯但系二個人又真系好難食得曬同埋感覺上片皮鴨一大班人食先開心🥳我哋叫咗招牌小籠包🥟雞絲粉皮🫓賽螃蟹🦀️蟲草花炒翡翠苗🥢外婆👵🏻紅燒肉嫩雞煨面 🥡小籠包嚟到每一粒都熱辣辣夠晒湯汁第一次成功食三粒都唔會夾破🤣🤣🤣 賽螃蟹同埋外婆紅燒肉都系送飯一流外婆紅燒肉每一口都系一層層肉加脂肪豬皮位置煨到好淋 好重骨膠感 蟲草花炒翡翠苗用咗上湯嚟煮好入味 嫩雞煨面系老公兒時回憶 所以食下食下成碗俾佢一個人清左🥲仲要多咗一個楊枝甘露配雪糕🍦食完先發覺原來唔記得咗影相🫖掛住食 順便一提呢度仲有室外位置 啱晒煙friend 不過呢啲天氣都係坐住室內先啦😝食中菜都係一大班人食先過癮下次要嚟試佢片皮鴨真係差唔多每一台都叫

傳說中堪稱第一的北京填鴨，一早就卜定枱去食，千祈唔好唸住walk in，因為walk in係唔會有位，如果唔卜枱，就白行一淌啦。，無作大，真係咁誇張全場爆滿就知道食物質素掂….掂……掂……價錢公道環境…食物….價錢…..服務👍👍👍👍👍——————————-鐵觀音茶🍵：茶味香濃，清香又芬芳，連裝住茶嘅茶壼質地都可以令茶一路飲一路保溫，茶味香濃就是這樣☕️的芬香——————————-🟨京滬雲吞鴨肉湯🥣：湯甜鴨滑，菜夠甜夠爽、雲吞皮薄餡肉夠鮮味，足料湯甜👍——————————-一一🟩花膠黃魚羹🐠：蛋花蟹肉菜夠濃、啖啖足料每羹吃落都是花膠，夠滑又夠味、越食越滋味——————————-🟧松鼠黃魚🐟：又香又熱又脆，外皮全是烤得脆，內裏魚肉軟熟又香滑、酸甜昧道醒胃惹味、吃一啖就已經停不了，實在太好味了😋—————————-🟫一品脆碎香🥗：上枱時，店員告訴我們菜包是荷蘭產地，葉帶微苦：碎肉內有鴨肉、芹菜、芫茜、青豆、紅椒🌶️、黃椒、青椒🫑、菜莆、花生⋯⋯等等。菜包我覺得好爽好清甜，至於微苦我就覺得吃落好甘香，相信那微苦的味道就是我所説的甘香吧😋和肉碎包一起吃，吃得滋味又清爽，有着同甘共苦的一個小菜式⋯⋯😋