人和月雞煲火鍋店 (已結業)

天氣凍，又係時候開始打邊爐朋友約我黎呢間人和月雞煲火鍋，地點夠曬方便，係尖沙咀A出口附近，食完行去海港城都係幾分鐘👍🏻有幾個套餐揀，今次試左$398 SRF極黑和牛海鮮大滿貫😙首先係前菜，可以係幾款雞煲、炸雞、蜆煲度揀。我地要左卜卜蜆，入面有蝦、肥美既卜卜蜆、粉絲，湯底都好鮮甜，靜係食完呢個前菜都好滿足。食完前菜，又可以轉湯底打邊爐啦！我地要左養生藥膳牛奶鍋，清淡得黎都算夠味，唔錯架👍🏻 同湯底一齊上仲有一客海鮮拼盤，分別係日本扇貝、大連鲍魚、鮮海蝦同幾款貝類，夠曬新鮮😌而牛肉拼盤質素都好唔錯，係高質素既牛👍🏻👍🏻呢度任飲既選擇好多，仲有自家製冷泡茶。甜品都可以自己出去拎，咁多野我地真係試唔曬😂

今日俾朋友拉去食火鍋， 話已經好耐冇出街打邊爐喎， 好吧，就陪她去吧。今次佢搵到間位於尖沙咀的，仲係食完雞煲再打邊爐，一次過滿足兩個願望。餐廳都幾新， 地方好乾淨，雖然唔算大但座位幾寬敞，我地被安排坐卡位，坐得舒適。我地選了海鮮大滿貫， 頭盤就要麻辣雞煲。麻辣雞煲少辣，惹味得嚟唔會辣到條脷冇感覺， 食得好舒服。值得一讚係佢食完雞煲之後會換上湯底俾你打邊爐， 唔似出面咁就咁放湯落雞煲度打咁油。我地揀左懷舊沙爹湯底，因為朋友重口味，嘻！火鍋會先上兩份食材， 分別是海鮮同牛肉。海鮮有扇貝、飽魚、海蝦同幾款蜆貝。牛肉就有黑毛和牛、牛小排、封門柳、牛下肩、牛胸爽、肥牛等等， 其中有啲仲可以添加。肉類嘅質素唔錯，牛肉中我最愛黑和牛同雪花肥牛， 因為入口特別香滑。另外可以用QR code再點其他野食， 我地除左追加牛肉之外，仲加了醉雞件同黑豚五花片， 反而其他太飽肚嘅丸同餃子就少點。蔬菜我朋友一向唔食， 所以我只夾了我自己的份。餐廳仲有一個自助區， 有多款火鍋配料、甜品， 主食及醬料，應有則有。確實係考驗腸胃嘅地方。

好耐冇食雞煲加火鍋了， 今晚忽然興起，就摸到嚟尖沙咀呢間新開的火鍋店。彈性上班有個好處就係可以享受早市優惠。我地5點多就來，點了大滿貫套餐， 有海鮮及靚牛， 其他配料任點任食超多款式的， 特別之處是有一個買選一的頭盤， 今次我地試了麻辣雞煲，下次可以試韓式芝士雞煲又或者酸菜魚。個麻辣雞煲有驚喜，有辣勁但唔會太油，雞件仍然嫩口多肉，特別在佢加左大量蒜頭，蒜頭吸收左雞汁精華沒有辛辣只有甜味，應該送酒。湯底選了懷舊沙爹濃湯， 味道非常香濃，滾牛肉超好味。其實我唔特別太好海鮮， 不過身邊人都愛吃， 而且不得不說有海鮮的湯滾到最後特別的甜， 用來煮烏冬超正！牛肉自上一盤配好的， 有極黑和牛、牛小排、牛下肩、牛胸爽、肥牛等。某部份可無限添加。牛魔王至推。另外QR code加單還有豬、雞及鯇魚等肉類及鮫子、丸類、等等等等。另外自助counter亦有一系列的火鍋配料，唔使等，即拎即煮。當然飲品也是多款任君選擇， 除左罐裝飲品外， 店裡還有三款自家茶飲， 我最愛桂花烏龍。

放左約左人去打邊爐，朋友話想試下呢間新開嘅雞煲店人和月，地點係尖沙咀嘅九龍公園旁，雖然係樓上舖但都唔難搵架。兩小時雞煲火鍋任飲任食，價錢由美國牛二百幾蚊到和牛+海鮮五百幾蚊超，睇下你想食咩級數嘞，我同朋友就先試下佢個入門價$298位，已經有好多野食啦。自助火鍋料區，感覺乾淨衛生，選擇亦不少。飲品櫃都應有盡有，唔想飲凍飲都有個熱水機同茶包㗎。醬料區同甜品區，雖然唔算多但好衞生，有較特別嘅陳醋。有無糖茶梗係要飲啦，總共有四隻味，拎左呢兩支，好清香好飲，特別在樽蓋上有個窿，可以直接插飲管。頭盤四揀一，有雞煲、烤魚或卜卜蜆，我扡揀左韓式芝士雞煲，勁多芝士好邪惡呀。芝士拉絲好正！雞件係無骨雞肉，調味係酸甜微辣嘅，啖啖肉好好味，個煲仲有啲年糕片，煎到燶燶地變成年糕薯片咁好正，煙韌又脆口。火鍋湯底有八款揀，我地揀左個清清地嘅鮮茄粟米甘筍濃湯，之前個芝士雞煲咁heavy，火鍋湯就清返啲啦。先上個牛肉併盤，除左牛下肩，其他全部可以任叫嘅，個人覺得肉嘅質素唔錯，全部都叫左好多round。牛板腱好好味呀，淥一淥就食得，正～韭菜餃、粟米餃同墨魚滑，個墨魚骨好新鮮好彈牙，兩款餃都ok，但係frozen嘅要煲耐少

今次試左間新開嘅火鍋店係120分鐘食到飽嘅晚市放題一開始先選擇頭盤之後就選擇湯底我哋叫左$298果個plan除左有美國極品牛肉之外仲有四十幾款配料任食食完仲可以去自助甜品區嘆甜品另外飲品都係除酒精飲品外任飲醬料區亦有多款醬料任配🔸藥膳養生牛奶湯湯底就簡左藥膳養生牛奶湯，牛奶味聞落幾香濃，但又唔會覆蓋左食物嘅味道。湯底仲有紅棗、人參、花旗參，真係好養生😆🔸老檀酸菜魚頭盤有四款選擇，包括雞煲、酸菜魚、芝士雞同蜆煲，我哋就揀左酸菜魚，酸菜魚份量適中，魚片切得夠薄身而且肉質十分嫩滑，仲完全唔腥，質素完全拍得住出面嘅酸菜魚專門店🤩有驚喜！🔸嚴選美國極品牛肉每枱都會奉送一盤相應返你個plan嘅極品牛肉，我哋呢盤牛就有牛下肩、牛板鍵、牛胸爽、美國肥牛同埋金錢展。其中我最鍾意係牛下肩，肉質鮮嫩，入口即溶，亦好有牛味。其他各款牛都好高質，唔會好重雪藏味。🔸火鍋配料各款丸類蔬菜應有盡有，其中蝦滑同墨魚滑都十分出色，兩款都好足料，另外鴨血都好好味，唔會一夾就散🔸飲品有各款罐裝汽水同自家製飲品選擇，佢嘅蜂蜜菊花露好好飲，唔會太甜之餘亦好濃菊花嘅香味。🔸精選甜品甜品區真係好有驚喜，選擇非常多，除左有大大桶豆腐花

因為個雞煲食過番尋味，所以再次黎，野食依然keep 到水準，上菜速度快，亦都無漏單，我之前試過第間任食唔開名，上野速度慢，亦有漏單情況，所以，如果你地黎食，食幾多就點幾多，今次因我為個朋友想試佢地個新卜卜蜆餐，因個friend食唔到辣😕好彩，個卜卜蜆都好鮮甜，之後我地無再轉湯底，直接用呢個蜆湯打邊爐，更加顯得d 牛有牛味，海鮮有海鮮味🤣，服務我見人手都幾夠，因為食開既放題通常都係叫極都無人🤣🤣，今次係飽到連甜品都吃不下，番去跑多幾個圈先🤣，餐廳有質素價錢又大眾化，我個人覺得幾好，推介墨魚滑蝦滑炸魚皮都好好食🤣🤣

雞煲邊爐就食得多，卜卜蜆配邊爐又有冇試過？銅鑼灣呢間可先選雞煲/韓式芝士雞/烤魚/卜卜蜆，之後再揀湯底打邊爐😋卜卜蜆湯底清清地，好多蒜，味道香口，卜卜蜆隻隻都飽滿鮮甜，食到好想再Encore 😂之後邊爐個湯底就揀咗藥膳湯，真心正！湯頭清甜卻有厚實嘅滋味，用QR code可以落到唔同肉類，牛下肩同牛板腱，肉質鮮嫩而牛味濃，追加咗好幾次出面有自助火鍋料，啲菜新鮮、蟹柳就鮮味~飲品 除咗普通罐裝飲品仲有樽裝自家製飲品，菊蜜甜中帶菊香，絕火鍋一流！最真得推薦係呢到嘅甜品絕不馬虎，有鮮草、芋圓、小丸子，單食甜品都值回票價！！

一到就點了麻辣雞煲食雞煲幾好食 味道夠濃 啱哂重口味的朋友但雞煲系食一次就無得refill 只系有一鍋其實唔夠食跟住叫咗藥膳牛奶鍋 套餐A鍋底食不出藥膳的味道 像一般清湯無疑不過點餐後來的牛肉挺新鮮 幾好食 但不能refill能夠無限添加的牛肉也算新鮮 還算不錯 他們有位置無限拎食材和飲品而食材選擇算少食完雞煲後打邊爐卻只剩大約一個鐘打邊爐中途一邊傾偈一邊食去到他們限定時間兩小時就開始趕人他們會有侍應來直接收爐 爐裏還有不少食物 少少緩衝時間都冇 而且態度不太好有個女侍應來的時候直接說你哋係咪掛住傾偈唔食嘢 先食咁慢 食雞煲打邊爐不嬲都會邊傾偈邊食嘢架啦聽聞後感覺更差可能在尖沙咀地段這間任食火鍋算抵食但在旺角有很多間雞煲無限refill加火鍋任食性價比更高 這間餐廳有較多好評同有廣告 自己對這間餐廳期待更高 真是期望越大失望越大總括而言這間不值得再食 試一次就夠

「人和月雞煲火鍋店」位於尖沙咀海防道中達大廈三樓，位置便利，今日放工買完少少野就同友人食左個$298嘅雞煲及火鍋放題。頭盤四選一，款款精彩，分別有麻辣雞煲、老壇酸菜魚、韓式芝士煲，卜卜蜆煲。先食頭盤雞煲，後食火鍋。麻辣雞鍋放左大量紅蔥、蒜頭、芫荽，以及多款辣椒，辣度揀左中辣，辛麻且濃郁惹味，雞件入味之餘，又夠嫩滑。火鍋共有八款湯底，如川式麻辣、沙嗲、胡椒豬肚、芫荽皮蛋湯等等。另外，就算$298呢個最平嘅套餐，都有大量牛肉、豬肉、海蝦、餃子、時蔬、飲品及甜品任飲任食，包你食唔曬。藥饍養生牛奶鍋：見係餐廳其中一款推介湯底，睇落都幾吸引，奶白色牛乳湯底，帶淡淡藥饍香，口味較淡，感覺健康啲，無咁油膩首輪奉送一客特選牛肉，分別有美國牛板鍵、金錢展、牛胸爽、雪花肥牛，及牛下肩，前四款可無限追加。令我最為滿足嘅係可以任食牛胸爽，雖然灼後好似一舊脂肪，但實為牛胸前肋骨中間嘅軟骨部位，質感爽滑，牛味濃郁，非常美味，好少地方會Offer任食。其他幾款牛肉同樣高質，牛板鍵及金錢展肉味豐富，如想帶點油香及肉質更嫩滑可選雪花肥牛。海蝦同樣係任食，整體新鮮，尺寸適中，蝦肉亦夠鮮甜爽滑。Common Area有多款

而家凍冰冰，夜晚最啱就係打邊爐！見到尖沙咀呢間新開嘅火鍋店嘅任食火鍋好似環境同食物質素都幾好🥰上到去餐廳，其實都已經好多人好旺場。地方都好新淨，座位坐得幾舒服。朋友就喜歡食牛，我地要最貴既餐 $378 大滿貫吃到飽 - 有好多唔同部位嘅牛同海鮮都係飲食，連牛胸爽呢啲特別部位都有😍未打邊爐之前仲有一個頭盤，我哋就要左個老檀酸菜魚試吓，估唔到都好有驚喜👍酸菜魚好嫩滑，啖啖肉唔會有骨，平時喺街食呢個份量都起碼值百幾蚊，即刻覺得今晚抵食咗好多🤣食完酸菜魚就可以打邊爐啦！牛胸爽食落好爽口，充滿牛油嘅味道，但係又唔會話滿口油膩感👍其他部位例如外裙柳同黑安格斯牛小排都非常好食。牛小排就入口好嫩滑，外裙柳就好有牛味😍套餐仲包左一份海鮮拼盤，海蝦同大蜆都好新鮮，爽口鮮甜仲叫咗少少水餃、蝦滑同花膠，不過太飽唔係好食得晒，因為牛真係太正🤣🤣最後見佢有個甜品自助區，可以自己落配料紅豆薏仁仙草凍都有，食埋個紅豆豆腐花就飽晒🥰

天氣又突然間開始轉冷，就知係時候要打邊爐，今次黎左呢間朋友介紹嘅人和月雞煲火鍋，果然冇介紹錯，雖然價錢唔算平，但材料質素的確唔錯我地就揀左個$298套餐就已經包左以下所有野。首先就係打邊爐之前嘅呢個卜卜蜆鍋，大大粒嘅蜆肉鮮甜肥美，而且更加重要嘅係每粒蜆都洗得好乾淨，一粒沙都食唔到。之後嘅火鍋湯底我地簡左鴛鴦鍋，分別係沙嗲湯底同南瓜素翅湯底。落完湯底店員就會送上牛肉拼盤，分別有特選牛下肩、特級牛胸爽、牛板腱、金錢𦟌同埋高級雪花肥牛，而除左特選牛下肩之外，其餘嘅都可以免費再加，成個牛肉併盤都高質，牛肉味濃郁，之後都encore 左幾次。滑類都好高質，蝦滑同墨魚滑都勁彈牙，質素算係我食過任食火鍋之中最高質嘅。其他配料質素都好高飲品款式都相當多，但我就特別推介呢度嘅菊花露，微微嘅甜度可以中和返沙嗲嘅濃味。甜品方面係採用自助形式嘅，有芋圓小丸子同豆腐花等，可以根據個人喜好去選擇。

趁住天氣仲係叫清涼嘅日子，火鍋情緒仍然高漲，今晚就要去呢間新開無耐嘅任食火鍋店開餐5款唔同價位套餐，由美國牛肉去到日本A4和牛，食埋海鮮都仲得，由頭盤到火鍋，再去埋甜品，保證你...................吃到飽先食頭盤四選一，新加呢個味鮮卜卜蜆，以蒜蓉粉絲作湯底，蜆隻入口無沙，食到鮮甜味，仲有鮮蝦，唔想食咁飽可以考慮呢個，留返D戰鬥力去火鍋時間......出去雪櫃自取各式罐品，仲有特色飲品如洛神花蜜，蜂蜜菊花露清潤下火之選 : 未開始火鍋當然要選好湯底先，八選一，雙拼湯底加$30。要搵過下火又同火鍋料夾到嘅當然係芫荽皮蛋湯底，仲有埋豆腐架我地食呢個係$298餐，每枱送上美國極品牛肉拼盤 (一客)，包括5款唔同部位(牛下肩/牛板腱/金錢展/雪花肥牛/牛胸爽)，一次過比你試下邊款岩口味，除咗牛胸爽唔係任食外，其餘都可以任叫!每款都切成薄片，一轉色就食得先食牛下肩，肉味幾出，肉感鬆軟又無咩脂肪位，食多D都無負擔同埋呢個高級雪花肥牛，大片D，帶少少油花位入口又唔同口感，油花位與肉結合更嫩滑，果然雪花肥牛同火鍋係好朋友牛胸爽呢個部位開初見到白色部分以為係肥膏，入口其實又帶點爽感唔係油膩

天氣凍特別想打邊爐，今次去左尖沙咀好多人幫趁嘅任食邊爐，120分鐘任飲任食，分左三個唔同價位，最大分別係牛肉款式唔同，最貴嘅大滿貫套餐仲有海鮮盤。我地七點未到黎到已經有幾枱人，去到7:30基本上已經坐滿人。人和月嘅任食打邊爐分左三個價位，黃金時段$228/$298/$378，除左豬牛海鮮滑類係QR code落單之外，其他醬料、火鍋料、麵食、野飲同甜品都可以喺出面自己拎。自助區嘅火鍋料選擇唔算太多，主要係丸類同蔬菜。麵類方面，除左大路嘅出前一丁同烏冬，仲有火鍋粉，即係類似寬粉咁。野飲方面，除左韓牌果汁汽水，仲有三款自家涼茶。甜品雖然冇雪糕，但就有豆腐花同芋圓，都幾有心思。自家涼茶有三款揀，唔會太甜，都幾潤喉。自家韓式芝士雞 - 人和月同其他任食打邊爐最大唔同，係打邊爐之前除左可以食麻辣雞煲，仲有老檀酸菜魚或者韓式芝士雞揀，我地就揀左後者。芝士雞上面有超多芝士，雞件其實已經熟，只係開火熱溶啲芝士再撈一撈佢就食得。雞件甜味為主，辣度只係BB辣，雞肉唔會太鞋，芝士拉絲效果明顯，中間仲有年糕，所以都幾飽肚。川式麻辣湯 - 湯底有六款揀，鴛鴦湯底另加$30。麻辣湯冇辣度選擇，辣度大約係小辣至中辣之

朋友約我去尖沙咀睇燈飾，見天氣轉凍，我提意先去食火鍋，於是上網揾吓邊間啱食？見到間叫人和月雞煲火鍋店好似唔錯，咁就即管一試。餐廳地方寬敞，食火鍋前可揀雞煲或酸菜魚，我哋揀咗酸菜魚，仲有得分大，中，小同BB辣，我哋選擇咗小辣，廚師採用生魚做酸菜魚，肉質鮮嫩，味道唔錯。食完魚就換上火鍋湯底，湯底有六款選擇，我哋揀咗藥膳牛奶湯底，服務員送上一盤牛，有著牛的不同部分，油脂均勻，牛味濃郁，肉質鮮嫩。又可以手機落order其他火鍋配料，同時有些配料可以在出面自助式取，有我最鍾意食的水魷、牛柏葉及炸魚皮就唔少得。餐廳除供應罐裝飲品外，還有自家制樽裝飲品，我覺得洛神花蜜同蜂蜜菊花露最啱食火鍋時飲。食飽仲有芋㘣同自家制豆腐花做甜品，真係好正，整體朋友話好滿意，下次可以約多幾個朋友一齊再來！

天氣開始咁凍你會唔會想同我打…打… 打邊爐啊😛今次就介紹一間120分鐘任打嘅餐廳就係人和月雞煲火鍋店 ($298/$348)除咗可以打邊爐仲可以食雞煲 一定食到飽😋頭盤除咗可以揀雞煲之外仲有酸菜魚同埋韓式芝士雞🐣雞煲裏面嘅雞肉啖啖肉 嫩滑得來帶點香濃雞醬惹味香同撲鼻 令到雞肉超級入味👍🏻食完雞煲之後 就可以揀湯底打邊爐我就揀咗藥膳養生牛奶湯同懷舊沙嗲濃湯氣血差嘅就可以選擇前者 後者夠香濃帶少辣$298呢個餐 有兩款靚牛食 牛下肩同牛板腱下肩位比較多筋絡同油花 軟嫩適中板腱肉質細嫩啲 食落口就比較有韌勁其他任食嘅選擇都好多 例如牛胸爽 墨魚滑平日打邊爐嘅配料都應有盡有 飲品都係最正係有豆腐花食 最後食一碗就夠哂飽🤗-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂