伊賀日本燒肉料理 (已結業)

$298一位，任食兩小時，另外仲要加一然後野飲又要再加30蚊先有得任飲，我地冇加錢，飲茶算，職員比左一大壺我地自己斟。啲刺身都ok，燒肉都係果啲款，不過不失。另外冇甜品食。最難忘係菜單有樣野叫凱薩沙律，但實物係咁既樣，同麥記漢堡飽果幾條菜加啲沙律醬冇分別。雖然圖片同實物唔同係常識，但都唔洗差咁遠架...仲要幾難食下。職員收碟好快，可能因為今日冇咩客。好鐘意問我地：介唔介意夾埋舊肉落去燒？（等佢可以快啲收碟）呢個價錢黎講，唔值得黎囉。。

燃燒吧🔥🔥 牛肉、豚肉、🦐、🎃、🍄 ...凍冰冰，食燒肉，即刻暖曬又得 ！☺️☺️今日黎到呢間位處於尖沙嘴K11附近既日式燒肉店食任食lunch！唔使就住就住就arm我呢個為食妹🙋🏻‍♀️🙋🏻‍♀️！📌值得一讚呢到仲設有電子化落單功能，每檯都提供一個平板電腦餐牌，有圖望下之餘，之後直接落單。咁樣就可以避免係繁忙時間舉手舉🙋🏻‍♀️到手軟咁叫侍應，又免卻了侍應落錯單既機會！想食咩就叫咩！而且基本上都無漏到單，溫馨小提示：send order之前可以望下個list，睇下有咩需要加減，幾好！任食既食物種類大致分為刺身、小食、野菜類、燒物類、海鮮類、炸物、壽司七大類，裡面各有約十款食物，選擇不算少。📌自問係食肉獸一名，尤其是冬天，更胃口大增！燒肉類一定係首選！非常推介呢度既伊賀一口牛、安格斯牛小排、牛舌、帶骨牛肋肉，其實全部牛肉類都不錯食！入口有牛鮮味，又唔會韌！另外，日式五花叉燒也不錯，🔥把肉裡既肥油逼晒出黎，反而肉變得油香而不膩！燒肉encore再encore啊！📌除了燒物外，呢度都有刺身、壽司，如帶子、三文魚、北寄貝、甜蝦、玉子、鰻魚等，食落都幾新鮮，尤愛❤️帶子，入口鮮甜！🉐️🉐️📌因為食左好多肉，其

#冬日三寶 就係靜電、燒肉、打邊爐！(笑）一埋位侍應哥哥就隊做部ipad黎，當然兩個食得既人就毫不猶豫咁挑了任食。兩個鐘燒到飽食到飽🤤特意早上早餐無食空肚過來既我♥️上菜速度非常快，燒物的選擇幾多，特別推薦日式叉燒同紅酒洋蔥牛肉，醃過燒真係好正，鎖住肉汁之餘所有調味都充分入味，同之後點醬d味流於表面唔同。係食到肉中間都有味道bi出來果下既感動。另外一口牛都好正，細細粒一啖咬，好好味！壽司的話火灸系列值得一試！甜品有炸雙皮奶，同炸抹茶雪糕,嫌食咸野有d寡可以叫下！#bbq #japanesebbq #tsteat #pandaeatshk #meat #fff #buffetbbq #hkeats #beef #roastbeef #pork #shrimp #hkfoodpic #hkfood #hkfoodblogger #hkfoodie #l4l

上網搵日式燒肉，見到有介紹，睇相d肉，刺身都好新鮮，好令。於是訂位一試。到左尖沙咀，店舖地址都易搵，上到去坐低，店員話因爲訂座所以送一板海膽，顏色唔太好，不過送既就唔好要求咁多。到開場肉送泥，嘩！點解同我睇相差咁遠，肉細細片，d色霉霉黑黑咁，仲已經林左。多麼的不新鮮！同平時個d2百蚊任食差唔多！但佢收3百幾蚊的！見到咁已經覺得今舖中伏了！肉好多都細細片細細條，燒完真係得反條肉絲🙄咁刺身是ok的，質素不差，款式都唔算少飲品是要每位加$30（what!!!）無酒精飲品如果飲酒就加$50，可以任食sake.如果會飲酒的話就抵，可惜我地是唔飲的，咁唯有加三十個大洋飲可樂吧！🤦🏻‍♀️除左燒肉，刺身外我地都無無咩食其他野，唔抱期望試了，有生菜夾下肉就算。到最後反而覺得燒菠蘿先係日最好食既.....甜品無。連雪糕都無杯。待應態度是做又36，唔做又36。有時會時運高睇唔到。成日問介唔介意夾埋舊燒肉落爐，因為佢想收左個碟，成爐都滿左了，仲點夾落爐！點解唔問我地：你地介唔介意生食食左去？因為我想收左隻碟。🤣最後埋單人均消費$360咁既價實情唔值✋🏻無下次了，伏已中

咁凍嘅天氣，約朋友食飯都係打邊爐，今個月都打左幾次。今晚又約朋友食飯，終於友人有提議，話食日式燒肉放題，星期一至四 $258 (120分鐘)，仲要4人同行有刺身船送，所以決定一試。餐廳分左右兩邊，右邊係大圓形BAR枱，左邊區域較大，全部都係卡位。餐廳採用平板電腦落單，比其他放題劃紙較環保，但飲品方面就要加錢先有。侍應送上刺身船俾我地，即刻一邊食住刺身，一邊落單。刺身船好大隻，內有八爪魚、三文魚、蟹棒、玉子同魷魚，刺身都算新鮮。刺身船每人得一件，太愛刺身嘅我，又點會夠喉。再追加三文魚、松葉蟹棒、八爪魚、甜蝦、帶子。再黎榮螺、帶子、甜蝦。　壽司當然唔少得啦~ 飯唔係好大舊，咁就可以試多幾款啦。海鮮拼盤有生蠔、青口、蜆、蟶子。除左蟶子朋友食完 feel 到有啲嗱脷之外，其他海鮮都幾新鮮。　芝麻八爪魚、味付螺肉係老公最愛嘅日式小食，味道唔錯，可惜太多醬。安格斯牛小排、帶骨牛肋骨、伊賀一口牛、紅酒洋蔥豚肉片、漬壺牛。肉類方面，最愛食牛嘅我，點左幾款牛。肉質都唔錯，醃得幾入味。雞軟骨、吉列蝦、榴槤炸彈、香芋丸、日式一口甜薯。老公最愛炸物，熱辣辣嘅雞軟骨同吉列蝦，好好食。而大愛榴槤嘅我，因為老公唔食

星期五夜晚突然想同老公食放題係大喜屋同呢間選擇下見呢間有埋日式燒肉食又好耐冇食就簡左呢間但真係極度後悔!!!首先價錢係298+1,野飲另加30先任飲本身眼望飲品都係普通款式冇咩特別口味所以我地只似熱茶其實而家大部份放題都包飲品任飲呢間價錢仲貴過大喜屋點解冇呢！？另外開始叫野食用ipad點野食係方便好多而除左醬汁係幾次都冇比之外其他都冇“溜”單野食方面一開ipad就知中伏...刺身只係有一版！！可能係10款只有基本既帶子，三文魚，榮螺，甜蝦仲有小小蛋咁既野而壽司果版係有倆版好小小既有燒和牛，三文魚子籌司幾款卷物仲係sold out添(講緊我地7點！！)算啦，我當自己黎食燒肉燒肉食有三版到野食全部都係薄切，細細件豬頸肉燒完成條炒牛肉既肉絲咁款仲有燒菠蘿都係薄切！成半cm厚...真係不得不配服佢既刀工食左倆round 都唔想再食..全部都好hea 咁囉..另外炸物就ok 既不過就只係食左一round甜品最後就有一杯movenpick雪糕係要主動問先比你既3百幾呢個價錢真係食到好正常既放題呢間只係值198囉...韓洋院都好過佢囉...燒肉去7080仲多選擇呀！真係估唔到仲會有咁既質素既放題！！

成年無見過老友Edmond,上星期響街撞到就約食飯，佢話之前食過依間OK,想食多次，佢就book左位原來依間野唔係食燒肉咁簡單，仲有刺身任食120分鐘，佢地仲用左平板電腦落單，有別於傳統寫紙仔，除左環保，出餐真係快左，一坐落店員端上刺身船，裏面有三文魚、八爪魚、櫻花魷魚、 甜蝦、帶子、玉子等，三文魚都算新鮮，點了幾轉，有肥既部位，有時又出下瘦，適合唔同朋友嘅喜好，而櫻花魷魚就無encore了。而燒肉拼盤有一口牛，醬油豬頸肉，比利時五花肉，牛舌，有小牛排，雞 翼等，都幾齊吓,豬頸肉很入味，燒完仲好爽口，牛舌充滿油份,有些甘香感，一口牛一啲都唔鞋，豬肉燒完比牛香脆，各適其式。有我喜歡的炸物，有雙皮奶卷， 娘惹山藥，日本南瓜，天婦羅，海苔多春魚，一口甜薯，榴槤炸彈，芝士年糕，唐揚抹茶雪球 等等，比較喜歡雙 皮奶卷， 甜甜的，外面似炸麵包，裏面啲奶漿夠滑，內外都咁正！我就唔推介唐揚抹茶雪 球， 裏面其實係雪米糍， 外而係普通炸漿，一咬落去係溶曬嘅雪糕溶液。Edmond話榴槤炸彈無得頂，咬一小口，成個口充滿香香嘅榴槤，口感似糯米糍，sorry,我真係唔識得欣賞，娘惹藥原來係紫薯，幾真材實料，甜甜

有一日同屋企人講開，好耐無食過燒肉，坐言起行 ，book之前食過嘅伊賀，佢係日式燒肉，原來四人仲送海鮮拼盤，家姐最鍾意食海鮮，咁就最好不過了! 說好的海鮮拼盤有青口，帶殼鮮蠔，帶子，蟶子同象蛂蚌， 雖然就唔係好靚嘅料，但都絕對可以止吓癮..燒燒吓見到如果任飲就要加$30，但見到有道地薑茶，道地菊蜜，可口可樂，零度可樂，而唔係cheap cheap牌汽水或無乜汽嘅百事，就全部都加錢飲，任飲先夠暢快！ 估唔到燒肉放題，除左有蟹籽沙律之外，仲有伊賀沙律 胡麻蕃茄沙律，但有凱撒沙律菜都新鮮，啲汁都像樣，所以都有encore,食咁多燒肉，食啲鮮菜平衡吓. 燒肉都有好多選擇，有香口嘅安格斯牛小排，有咬口嘅伊賀一口牛，伯爵茶漬羊片，滋味日式五花义燒，夠曬辣嘅地獄雞中翼，最開心嘅係用錫紙盤仔放左啲粟米粒式金菇，食燒肉之餘仲可以燒吓啲野菜類，之後仲點左啲即叫即製壽司，有花之戀，鰻魚卷等，另外仲有火炙系列同軍艦系列. 食飽飽就有店員問雪糕要咩味，有士多啤梨，朱古力同雲呢拿味，士多啤梨味有少許果肉，酸酸味同甜甜地，滿足胃部，食後心情舒暢.正如好多人說，人 越大，個胃越細，唔食得好多嘢，其實我

食日本燒肉料理除左係燒牛肉豬肉外最正就應該係佢既海鮮海鮮拼盤D海鮮多到呢, 最窩心係佢中間既呢個蒜蓉醬, 將佢放上海鮮既上面再拎去爆!! 完全將海鮮既鮮味迫哂出黎!!咁多入面我最鐘意係自家制蒜蓉蠔!! 燒過既蒜蓉醬真係勁鐘意呢度既小食類都唔錯, 值得推薦海台多春魚成隻魚連頭連骨連尾都食得, 加上味道咸咸的同多春魚味好夾!!雞軟骨食到格格聲!! 即叫即炸, 仲係熱辣辣的～！牛油粟米勁正!!! 如果多D牛油就更好了, 又係懶人必食既, 就咁放上去燒就得了, 一樣咁好味!!甜蝦勁正...呢度既刺身都係任嗌, 咁就更係要叫我最鐘意既甜蝦, 唔覺唔覺自己食左成碟哈哈

今天到伊賀吃放題一坐下便送上了一個刺身拼盤 和一部IPAD供我們下單刺身拼盤勁多片魚生, 我最鐘意就係個甜蝦, 真係好鮮甜, 一大班FD食岩哂, 因為佢可以再點就會再上!! 比利時五花腩五花腩出去食都係脂肪個PART多過肉個PART, 不過呢間就好D, 肉面積係大D, 食落就冇咁多罪惡感, 辛口海鮮醬豬頸肉因為已經被廚師處理好了, 所以燒好不用點醬已經好夠味, 呢個既爽度係一流的, 又冇我想像中咁辣, 海鮮醬既味道又幾夾下WO鰻魚玉子燒鰻魚玉子燒都係我第一次食, 一開始佢送到上台既時候我地都唔知係咩黎, 原來要放上爐自己燒的, 其實都唔洗咩SKILL, 就咁等佢熟左就食得, D蛋吸收哂鰻魚既香味, 勁香口勁好味, 原本只係叫左一個, 食到我LUMLUM脷之後叫左每人一個哈哈

聖誕前約了一大班朋友Gathering，日本燒確是不錯的選擇。 一入內，只要夠4位便送伊賀刺身船 大大隻的一隻船，刺身新鮮美味，特別是海膽，絕對是鮮甜美味，真的想多點一些來吃。 之後送來的肉拼盤，豬，牛，雞也有 吃過好的，可以到encore。 我個人就喜歡整上牛小排同裡肌肉了，牛肉味香加油脂平均。 除了肉類，蝦同帶子也是極好的選擇 別忙了燒菠蘿同粟米，特別是燒菠蘿，甜甜酸酸，作為飯後甜點真係好好吃的。 順帶一提，點些生菜夾著燒肉一起吃，降火同時吃蔬菜⋯⋯記得喲！ 朋友們也點了些壽司一嚐，想不到的味道也不錯。 你會問價錢方面嗎？都算抵的⋯⋯ 晚市120分鐘放題，星期一至四$258，星期五至日及公眾假期$298，另加$30可任飲無酒精飲品

朋友推介食日式料理，有刺身及燒烤，以放題型式供應，於是就去試試。來到尖沙咀的一幢舊式大廈的樓下，暗淡的電梯大堂小小的面積較為凌亂，大廈剛好在裝修。上到樓上見到這日本料理店子，又頗具特色，每個卡位都有整套燒烤爐連餐桌鑲在一起，整齊潔淨，每張桌上都設有煙囪可以在燒烤時不致弄得煙霧迷漫。不過在午膳時間沒有人在等位置，亦不見很多客人，實在有點奇怪。點餐是用平板電腦，可以自行選擇，餐牌分類清晰，而且圖文並荗，只要剔選食物，再選擇數量就可以，很快就送餐到來。我們選了些刺身，有三文魚、甜蝦、帶子、松葉蟹棒、八爪魚及榮螺等，又要了些食品來燒烤，計有虎蝦、牛油青口、香草龍脷、安格斯牛小排、伊賀一口牛、紅酒洋蔥豚肉片及伯爵茶漬羊片等等，可以一面吃著刺身一面燒烤。雖然魚類的刺身只有三文魚一種，但因為有其他刺身、燒物、炸物、海鮮及壽司等食材可供選擇，所以基本上是可以食到停不了的。食材都很新鮮，三文魚和甜蝦鮮甜可口、帶子都很新鮮甜美，所以我們吃完又再加單。烤物基本上都算滿意，虎蝦很大隻爽甜，牛油青口味道還可以、安格斯牛小排可按自己喜好而決定熟的程度、伊賀一口牛小粒嫩滑，太熟反而不好吃、紅酒洋蔥豚肉片及伯爵茶漬羊

臨近聖誕，幸好這個星期六不用工作，有連續四天假期。於是帶家人吃個放題，為愉快假期作個好開始。現在吃放題較喜歡中午時段吃，有時間消化之餘，晚餐也可自行調節吃少一點，感覺沒那麼邪惡。 是次選址尖沙咀，方便之後活動；而這家是燒肉和刺身均有的放題，生熟任君選擇，比較多元化。這家午市$298 75折，再加一大概是$250，任吃兩小時，如要任喝汽水則要再另加錢。餐廳內大多是卡位，近廚房那邊還有一張大圓圍桌，可以看著廚師做菜表演。裝修以木為主，牆上有江戶時代的掛畫，也頗有特色。每桌也有煙囪，是燒肉的基本格局。加上桌與桌之間空間足夠，即使燒了兩小時肉也不會很大油煙味，衣服跟頭髮都不會帶燒肉味，這是做燒肉店很重要的優點。這裡用tablet點菜，圖文並茂，選後直接按「送單」便會將order傳送到廚房，不用等店員走過來下單，減少等候時間和出錯機會。值得讚的是整餐完全沒有漏單的情況，而且因下單是逐件計而非因應人頭數或份數，件數也沒有錯漏，也更容易預計份量和不會浪費食物。部分餐牌：刺身：經理看我們第一次來，於tablet點單有點生疏，需要一點時間，於是offer我們先來一盤刺身拼盤邊吃邊點，非常貼心。這個拼盤基

朋友話想食韓燒放題，咁我就提議去呢間啦，之前都食咗幾次質素都好好，而且四人同行送刺身一盤就GOGOGO啦。我哋一問就即刻嚟咗盤刺身啦，隻船就好大，刺身就唔係好多，新鮮度都玩OK啦。有蟹棒、魷魚、甜蝦、三文魚等。唔夠可以自己再order! 不過呢度嘅飲品就要另外計錢啦，我哋見呢排party都飲左咁多甜野，都係唔好加錢啦⋯唔知係咪大時大節嘅關係，全場爆滿，坐得都幾迫，有啲辛苦架⋯你知冬天着多衫，真係唔夠位擺外套呀袋呀咁。由我地食前到食完，對面張檯明明冇人但職員都冇安排食客去坐。先食兩款沙律開開胃。還有八爪魚同螺肉～醬汁稍多，不過都幾好味。海鮮今日就爭小小啦，唔知點解我食嘅蟶子有少少「拿」脷，不過其他海鮮都OK嘅。我地點左蠔、青口同沙白。抽風系統就一般啦，油煙好大，尤其是今日人多，成層都煙霧瀰漫，食食吓個煙通仲有一滴油滴出嚟，嚇死人咩。好彩職員處變不驚，幫我地清潔。不過個轉嘅食物就要倒晒佢啦。炸物就有我哋好期待嘅榴槤炸彈！！！好Creamy, 好好食。不過炸山藥就叫左好多次都冇黎到，有啲失望。而個芝士年糕、芝士波啊，叫左幾次先黎一粒。仲有炸雙皮奶，薯格同雞軟骨。推薦雞軟骨，熱辣辣時好好食。燒

最近遇到氣頂的事，個心chok住chok住，真是要發洩一下！所謂「化悲憤為食量」，第一時間便想到食放題。甚麼也不用理，瘋狂將枱面的食物掃進胃裏，那管個肥字點寫。嘩！諗起已覺得好爽。天氣凍凍地，不如對住爐火吃燒肉吧！這間日式燒肉店地點便利，晚市120分鐘放題，星期一至四$258，星期五至日及公眾假期$298，另加$30可任飲無酒精飲品，價錢合理。甫進餐廳，便看到個巨型圓吧枱，開揚熱鬧。另一邊則設有卡座，並以屏風相隔，保持適當的私隱度。餐廳並非以傳統的劃紙仔點餐，而是採用平板電腦落單，較為環保。操作亦很簡單，全程沒有漏單情況，上菜速度亦快。食物種類大致分為刺身、壽司、小食、野菜、肉類、海鮮、炸物和飲品，部份需要額外收費，全部明碼實價羅列出來，十分清晰。餓得發荒，當然要以肉類打頭陣。第一輪先點伊賀一口牛、紅酒洋蔥豚肉片、芝麻雞翼、安格斯牛小排、薄切裏肌肉和比利時五花腩。迅速把全部食物放進爐裏，即聽到美妙的滋滋聲，香氣不斷飄來。看見猛火飆出的情況甚是過癮，叫人越等越流口水。個人最喜歡薄切安格斯牛小排，肉質軟嫩，周邊的位置燒至微脆，帶點焦香。牛小排的油花均勻，頓時讓口腔潤澤起來。芝麻雞翼只有單骨