八寶煮意 (已搬遷) 新店位置

全場被女仕佔據，真係咁好食？還是有美顏、瘦身之效呢？辣椒油，辣得異常含畜又微弱，香辣皆欠突出，要大量大量再大量的辣椒肉掛滿麵條才能滿足到我呢 ﹗淨崩砂腩，好食到無朋友，無得輸 ﹗筋膜嚥韌又帶膠，夾著鬆軟腩肉滋味無窮。藥材清湯已滲進每條肉絲之中，啖啖美味水潤。最後要滴湯不漏地一飲而盡，大滿足。魚蛋金錢肚麵走蔥，無要貪新鮮，食招牌菜牛腩已足夠。金錢肚腍劈劈，不爽不彈，居然腍中帶渣，技術高超。魚蛋趙到索索聲，假得離譜又無味，劣。幼麵有點腍有點漿，麻麻爽彈，非常一般。藥材湯常然隱陣香甜，蘿蔔爽而多汁都不錯，但可以更甜。牛三寶撈粗走蔥，估不到三寶浸湯另上。清湯腩一向價錢都比較貴，多謝 $80 蚊。普通牛腩，鬆化有咬口帶一絲鞋感。牛筋，非常軟棉滑滑，我鍾意。微暖藥材湯底依舊甜美，無投訴。粗麵好濕而黏喎，而且過腍一丁點，撈上大量辣椒肉快速地啜晒入口，合格。

以前呢間係西餐廳，經常會約 banker lunch, 地方大座位夠晒闊落。呢度近一兩年轉左用麵店，Lunch time 就有好多抵食嘅意粉快餐.但最近睇返 OpenRice 有人介紹，原來碗牛腩麵＄80係有來頭嘅。清湯蘿蔔牛腩三寶，蘿蔔夠晒清甜。牛筋好軟腍好入味彈得三小件，份量真係好少。啖湯確實係好清甜好好味。反而主角嘅牛坑腩我就唔係好識得分，比普通好味d反而要讚下魚皮，脆卜卜又簿。仲要好大份兩個人share都好多油菜芥蘭就太老啦價錢有啲貴，但可以接受，因為質素幾好唔錯.

在我心目中，八寶清湯腩是其中一家我喜愛的清湯腩店。湯底獨特，藥材味濃但後段帶甜香，蘿蔔入味，牛腩又淋又香。可惜兩年前結業，一直沒有重新回來。去年底聽到朋友說八寶清湯腩換址再戰，改名「八寶煮意」，所以滿心歡喜，打算回來一嘗如何。地方轉到了紅磡，原來就是Stanley Deli的前址吧！店鋪大了不少，座位也多了，不知道味道如何呢？所以一口氣滿足個人所想，一碗淨崩沙腩，一碗金錢肚河，再加一個咖喱飯。先來的是金錢肚河，因為八寶清湯腩的精髓在於它的湯底，所以先試湯底。一試，有點失望，因為以前的藥材濃味不見了，味道略淡。當中最少當歸的味道比以前要少，而以前所述的二十多種藥材做成的湯，相信也少了不少，因為當中的複雜感不如以前，而回甜感覺也淡。我估作為湯粉，不需要太濃湯底，所以半勺湯頭，一勺清湯便可，相信淨腩不會這樣吧！金錢肚有彈性，表面淋，但質感依然有點韌。蘿蔔還好，吸入藥材湯的味道，始終也是挺匹配的。河粉卻是簡單的來料貨式，不厚不薄，算是順滑。咖喱飯於我是緩衝而已，讓我等淨崩沙腩的到來，配上香而惹味的咖喱想是另一番風味。不過可惜咖喱只是很普通，不香也不濃，與一般茶餐廳的咖喱多了一種南洋味道吧。而另

向來食清湯腩最喜歡大埔的群記，九龍這邊總找不到合意的。而在紅磡一工廈地下這間位置隱閉的「八寶煮意」，卻隱藏著極品的清湯腩，若非一位在附近工作的朋友介紹，真的會錯過此等美食。這天叫了個爽腩麵，比正常的牛腩麵要賣貴廿幾蚊。牛腩本身已出色，軟硬度剛好，愛爽腩因貪愛其有咬口，屬麻甩佬的心頭好。至於蘿蔔清甜無渣，並非配角也，但最讚的還是那個牛骨清湯底，居然令我把它喝到一滴不留。總的來說，這店的清湯腩水準可說已列入我心中的九龍第一了！

以前已經食開係紅磡蕪湖街既舊店 -八寶清湯腩, 但之後執左, 難免失望之後發現原來係紅磡鶴園街重開, 之前無留意營業日子, 係星期日去, 變左摸門釘, 因為係記慣左舊鋪, 星期日係開既終於這次來到新鋪, 實在唔熟路,  位置有D 隱敝, 都幾難搵入到去, 感覺怪怪, 因為係西餐廳格局, 唔知係咪去錯地方睇過MENU, 的確無去錯叫了一碗普通牛腩河, 同埋一碗侍應話最淋既坑腩米呢個係坑腩, 肥瘦適中, 的確很軟稔, 蘿蔔仲好甜, 湯底保持水準, 濃得黎, 帶有藥材味呢個係牛腩, 同朋友交換左塊腩比較下, 普通牛腩瘦D,  較有咬口, 其實都唔錯, 但比較之下, 當然係坑腩好味D, 但價錢又貴D

無意間經過呢間舖頭，見到門面幾好，就入去試下作品湯王嘅我，當然唔會放過分別叫咗牛腩到崩沙腩，湯底好正，真係老火湯，蘿蔔6月份唔係當造，味道一般！主角牛腩同崩沙腩一絕，入味，夠焾！麵底軟硬度都啱啱好！順帶一提，個辣椒油都好好，好香，夠辣

餐廳前身係 Stanley Deli，座位keep住一樣咁闊落，連續食咗好多日肉，今日想食個沙律清減啲冇咁肥沙律賣相好靚菜夠新鮮仲有啲吞拿魚刺身不過就冇乜鮮味整體都唔錯下次我都會再食呢個沙律至於個餐湯就普通咗啲，淡淡的

經過見到有位就食個午餐，坐低店員服務態度都幾好。見到周圍嘅食客都食焗豬扒飯，諗都唔使諗即刻叫一個set lunch, ＄60都唔使真係幾抵食! 如果可以多啲汁就更加好，豬扒就有少少o鞋, 不過都幾支持呢間小店，只因服務態度好👍🏻iced coffee 水準一般.

放假好友約我去紅磡區食飯，記得之前阿頭買過呢間清湯腩外賣比我哋試，今次帶好友來試，5點幾去到，門口門面似西餐廳，入內無客，裝修似西餐廳，一啲都唔似食清湯腩嘅地方，好乾淨企理，店員有禮放低餐牌，朋友問店員坑腩同崩沙腩嘅分別，店員話坑腩淋，崩沙腩就三層肉好似三文治咁，落單之後食物好快到！撈麵：幼麵彈牙，撈豉油汁，味道好味，不過豉油偏鹹，所以近底部嘅麵太鹹，菜心爽脆好味！清湯蘿蔔崩沙腩撈麵（$75）牛腩係浸湯度（平時撈麵通常牛腩放麵上，再配碗湯）崩沙腩肥瘦相間，好淋身，牛肉牛味濃！好味，蘿蔔大件，炆得入味，而且無渣，好味！啲湯先係精華，湯頭濃帶藥材味，又唔會似飲補湯！牛味濃！加咁蔥花提味！超級正！清湯蘿蔔坑腩撈麵（$75）坑腩仲帶啲肥膏，肉質仲淋，夾起會甩肉嗰隻，肉質較崩沙嚡！湯底及蘿蔔一樣好味！炸魚皮（$15）小竹籃加膠袋，魚皮大塊又脆，浸湯食外濃味又脆口！正！辣椒油：香又唔會攻，只有微辣！可以帶出肉嘅味道！好味！店員有禮又幾細心，落單時會問定要唔要辣椒油及走蔥！中間又來加幾次水！我本來想叫油菜，佢又提我撈麵都會跟幾條菜，唔會由得我叫！西餐環境及服務嘅清湯腩

好好食，牛腩湯好正！位置不太好找，但入裡面發現裝修好新，服務態度也超級好。兩人吃了181，很滿意。還點了咖喱牛腩，也好正啊！份量很足，炸魚皮配湯好正。推薦這家！

舖位前世為法國餐廳，幾乎原用所有裝修、擺設、掛畫、廚房、傢私檯椅、大門，confusion 得十分有趣！其實得知八寶清湯腩重開都有段時間，但一直都未有機會黎幫襯。今日專登走過黎棒場，但行來行去都唔見門口係邊既？原來大門跟大廈及街道融為一體，唔容易發現呢，完全都唔顯眼，行過左幾次都唔知，老闆要諗諗計喎。西餐廳中的潮州粉麵，包裝得十分高檔 ﹗Menu 仲加埋焗飯、意粉、湯飯、沙律、牛扒，真係好鬼得意架啫，funny funny！價錢比起舊舖略有調整，都明白天價舖租不易應付，幫業主打工。當然要食招牌清湯腩啦，樣樣都想食，連西餐我都想試埋，但我一個人食得幾多喎。一早諗定食咩，menu 都唔洗睇一坐底就 order，趕住去銀行啊 ﹗見到大半數食客都係食西餐喎，只有少數食粉麵呢，可能套餐抵食掛。清湯蘿蔔淨牛寶走蔥，有分牛寶及三寶，三寶較為普通，只有牛腩、牛肚、牛筋。份量十足，都好大碗喎，如果再熱一點就更好，只係暖暖地始終無咁好食。牛寶件件精挑細選，頂級高質。入口精彩美味，香甜鬆化，爽腩黏黏膠膠、坑腩超彈有咬口、崩砂軟棉而邊位爽脆！肉汁澎湃，併上香甜藥材湯底，每口軟棉水潤，牛味濃厚，無得彈。清湯蘿蔔

今日雲遊四海工作，在紅磡區落腳食飯，同事住呢區，極力推薦呢間嘅牛腩，仲特登行去買外賣攞上酒樓比我哋試，攞到上來仲熱辣辣！外賣碗可以入微波爐。清湯蘿蔔淨坑腩（$128）坑腩厚切，肥瘦夾雜，咬落有咬口（唔係韌）牛味濃！正！清湯蘿蔔淨崩沙腩（$128）崩沙腩好似牛腩嘅邊位，肥脂多，好香牛脂味，食落比較肥美，但相對自己喜歡坑腩有咬口多啲！藥材湯：呢啖湯令我覺得特別，唔係平時清湯腩嘅味！多了點藥材味，藥材又唔會太濃，飲完個身好暖！食完飯行開見到店面，唔係門口嘅介紹都唔知係食牛腩嘅！以為食西餐嘅！好難估係食牛腩

2015年9月13日, 蕪湖街店結業, 以為無得再食, 點知不出半年, 竟然係崇潔街見翻佢, 此鋪最初是做高級法國菜, 店名好似叫 Stanley, 據聞是由此地區一班好食好玩的廠佬夾錢開. So...., 夾份開餐廳, 重要成班人, 執笠?! 是常識吧... 之後, 由韓國菜接手, 唔使講...都知道結果吧... 現在再由一間藥膳清湯腩店接力, 心諗... 如此好嘢, 開鋪於此位置, 確實浪費. 此位置只有一優勢, 就是"平租", 但平租...無人行, 有Q用... 咩...要了全店最貴的一款麵: 清湯蘿蔔三寶撈麵 $80. 三寶, 即: 牛肚、牛腩、牛筋, 份量足, 牛肚是常用的蜂巢肚, 顏色與質感都有水準, 軟而彈牙不韌, 牛腩屬於崩沙腩, 肥瘦位置不太平均, 並非最喜歡的八二比例, 但牛腩肉質尚算不錯, 炆得夠淋. 牛筋切得十分整齊, 條條圓柱狀, 入口咬落, 少少漿口, 但也不失軟滑, 同時也有彈力. 蛋麵應該是入翻來的貨, 水準合格以上, 爽口度只是中等, 彈力夠, 鹼水味低. 反而藥材湯底的味道, 好似有些少變化, 感覺上, 藥材味道輕淡了, 當歸味道不重, 可能為了中午

終於返來了。。。以前舊店細小，位不多。新店超大，位好坐。但依舊好吃。牛腩依舊有不同部位選，爽口，軟腍，多肉也有得選。可以問下老闆講述下。。。。正。牛肚爽口入味，牛根軟綿中在彈性。湯底依舊味道十足，羅白因入味後，更鬆化入味。他們現更多了西餐，價錢ok.午餐多人，推薦晚餐時間來。。。大把位。

寫文章這麼久，最難過莫過於喜歡的餐廳無情被結業。說過幾趟，一直希望能為無名小店出力，讓他們都可以開花結果。這幾年間，都不知傷心過多少次。不過，每次心中都抱著一個冀盼。離開，是為了回來。上次八寶結業，不單傷了我心，相信也有不少愛牛腩的朋友也為了那碗甘之如飴的牛骨湯惋惜，這大半年，都不知去哪裡才吃到一碗價廉物美的清湯腩飯。常笑說，像個無主孤魂，不知往哪裡落腳。昨晚，收到個短訊，一看，大叫了出來。「西打哥，我們八寶重開了，快點來吧。」驚喜在於八寶終於重開，更驚喜是我跟老闆我任何一位員工皆不相識，究竟如何找上門？不等了，第二天立時下班拉了朋友便一同殺過去新店由八寶清湯腩易名成八寶煮意，看來裡裡外外改動不少。新店子從紅磡蕪湖街搬到鶴園街，遠離鬧市，遷入工廈。不免替老闆擔心客源，到門口，原來剛好在加太賀街的轉角，也算是食街的一隅，加上白天工廈打工仔穩定客源，可能也是條新出路。店子比舊日寬敞了許多，黃吊燈，大方桌，高背椅，像家西式店子多於賣清湯腩。朋友連忙笑說；「想不到今天吃清湯腩也可以如此cozy。」之前吃了許多前，暗中寫了許多次，每次也像萍水相逢朋友般，笑笑，點頭。這次終於透露身分，也第一次跟老