利苑酒家 (德福廣場1期)

营业中

休息中

尋晚去德福行街 , 一家人一行五人見間間食市都排晒人等位 , 但係行過利苑見到唔駛等位所以就入去試下 . 入到去覺得D服務同環境都唔差 , D職員又幾有禮 . 而當時果個叫陳淋x的女職員介紹咗個翅俾我($600) , 之後再叫一份龍蝦加伊麵($420) , 生蠔煲 , 軟殼蟹X2 , 蟹肉豆苗 , 咕嚕肉 , 炸乳鴿 . 首先上嘅就係個翅 , 但係我就只係見到個煲入面有舊炸魚同Ｄ汁 , 於是我就問個職員嚟個係乜野 , 職員就講嚟個係蘇睸炆翅 , 之後我就再問個職員Ｄ翅喺邊 , 佢就指住舊炸魚條魚鯕講:「嚟個就係喇!」 , 我當堂真係O咀 , 咁D翅點食呀????個職員就話:「可以"啜"下D汁嘅, 但係唔食得 .」 ><......嚟個就係翅?魚鯕就真,重要唔食得!!!!而味道........可以 , 但係好多味精 . 講到尾唔值六舊水 , 一心想食翅變

今年收到朋友送既利苑出產,低糖雙黃白蓮蓉月餅!真係第一次食呀~平時都係食開其他牌子~包裝普通,用紙盒包裝......但入面有附送刀叉,抵讚~(因某大品牌今年無刀叉附送,很不方面).....一盒四個月餅,外型老套......帶點古代feel......而味道就一般啦~因為低糖,所以無咁甜,但蓮蓉同蛋黃不夠香!!而價錢唔知幾多~不過如果我自己買既就唔會揀呢間月餅先........

一個朋友突然的約會，讓我毫無選擇下被廹到德福廣場找地方吃飯。朋友說要吃中式的，否則定去Ruby Tuesday吃西餐。也知這裏沒什好評，但叫做還算得體吧，便去了德福的利苑。星期五晚還是大量空位任坐，已覺事有蹺蹊，不過既來之，則安之，便吃吧。點了上次在尖東利苑覺得滿意的菜式，有金銀菜白肺湯，不像尖東，這裏不用預訂，也不知就是這個原因，還是杏汁與金銀菜的分別，湯既沒那麼濃，肺也沒那麼白滑(是了，利苑的豬肺湯沒氣管的部分，我記得兒時媽煮的有，亦是我最喜歡吃的)，有待改進鮮龍蝦球蒸蛋白，這個還不錯龍蝦頭爪拆肉做西施泡飯，保持水準，是全晚最好的堂煎和牛扒，比尖東的薄，我要五成煎了變最少七成，我認為不成！幸而這次醒目只叫了一片兩份分，損失沒那麼大另叫了上次尖東利苑沒叫的，有上湯莧菜，普通一個侍應介紹的甜品好像是什麼萬壽果，只覺酸，完全沒甜品feel總的來說，水準中等，與收費不符，不改進遲早關門

30-8-2009是日勁多嘢都要到德福做, 索性喺食埋晚飯吧, 一行 4 人嚟到印象不錯, 又好耐無幫襯的利苑. 叫了 3 餸 1 湯送飯, 食到好飽:湯係燉響螺, 味道鮮甜住家 feel, 正 響螺亦好軟熟, 蘸點豉油, 最後俾我哋食晒 其他湯渣就有雞, 豬肉, 紅棗 etc., 不過當然無食啦 油鹽焗珊瑚蟹:「珊瑚蟹」即「阿拉斯加長腳蟹」(waitress 話), serve 時有一堆炸過的蟹腳, 下面就有大量炸米粉, 淋上杰身芡汁... 蟹腳已搣殼, 食得方便, 肉地一般不過都幾鮮甜, 唔油唔膩, 都幾好食.雙冬炆龍躉翅: waitress 話「翅」即「條魚撥水嗰度」,「包好食」咁話... 龍躉翅十分好肉地, 膠質重, 肉爽實味道又濃鮮, 枝竹, 冬筍及蒜子就十分索汁, 香口惹味, 正 蒜蓉炒莧菜: 簡單的一碟, 菜夠嫩腍, 但食落成陣燶 /「煙」味, 怪怪的.食物 ok, 環境亦一貫利苑的靚裝, 不過 service 就認真麻麻:1) 坐低無耐, 問 waitress 攞餐牌, 佢指一指檯上的 cylinder 形「是日推介」菜單, 就話「餐牌呀? 呢個囉!」

事晚慶賀同事升職, 又有口福 , 一行十六人包了一個房, 侍應送來....甘蔗水, 汽水, 啤酒, 熱茶, 熱誠有禮, 老闆訓練員工果真有質素! 接近七時開始上菜....1. 琥珀合桃…蜜糖均勻地鋪面, 合桃本身亦鬆化, 不"確"喉, 沒有油"嗌"味, 後生仔最啱!2. 江南小品有….和味貢菜 - 酸酸地, 辣辣地, 刺激味蕾, 微脆, 紫薑糖心皮蛋 - 賣相不俗, 但皮蛋沒有什麼味道, 子薑也是!3. 滋補龍蝦燉湯, 湯渣有龍蝦殼 (肉不見), 瘦肉, 雞腳, 啖湯幾甜, 輕微味精敏感, 不知是餸還是湯作怪了!4. 翠玉蔥爆玉帶…帶子稍為切薄了一點點, 咬口不夠, 蜜糖豆炒得乾身不油, 味道剛好, 吃人眼中可能會覺得略淡!5. 脆炸活軟殼蟹…份量足, 每人也能分上一大件, 蟹味很鮮很濃, 少食多滋味!6. 紅寶百合蒸老虎斑…侍應介紹是用古法蒸, 底層墊了木耳, 金針, 魚肉切了一片片, 排得整整齊齊, 嫩滑, 魚頭大得駭人!7. 日式石窩醬燒海參件…類似廣東啫啫菜式, 石窩燒得火熱, 持續良久, 海參質感一般, 但夠入味, 我卻鍾愛綠葉 - 蔥白, 爽口!8. 秘制貴妃雞…有隻半份量

回想起來，西打於四五年前已經吃過一次利苑。那時還沒有懂太多，不知道利苑的名氣也不知道利苑的名菜，糊里糊塗的吃了一頓飯。到開始找找吃和寫blog後，便常在想一定要再吃利苑，要讓大家看看甚麼叫創新好吃的精緻點心。這天終於來了！朋友點的壽眉，不錯喝的茶，生津解喝。訂位時西打已經先預留了一份三層肉,三層肉就是一層脆皮，一脆脂肪和一層瘦肉，說穿了就是燒腩仔。有別於一般燒腩仔，利苑只留下燒腩最好吃的一小段，切成小丁塊，單是看就覺得好好吃！西打夢寐以求想吃的一道菜！拍完照西打就忍不住夾了一塊送入口，皮非常酥脆，肉帶一點點咸香，不會過咸，也沒有太清淡，濃淡控制得宜。但有一點點惟憾是略嫌不夠肥美，失卻了燒腩仔應有的甘香。女生應該很愛這道菜！健康卻不失美味。和風牛肉金網卷在米網紙裏包著丁點牛肉，香酥又不油膩，只是有點不知道在吃甚麼！哈哈，奇奇怪怪的。上湯牛肉球改良了一般的牛肉球，把牛肉球浸到加入了芹菜的清香上湯中。吸收了湯汁牛肉除了有荸薺的清爽外，也添加了一重上湯味道。再加一點點喼汁，是甜是酸，滿滿都是複雜的味道。鮮蝦腸粉好久沒有吃過如此好吃的腸粉。粉皮薄得底下的蝦子都透了出來。夾一點點，又黏又滑的粉皮先

為咗食片皮鴨而來, 呢度環境比APM利苑好, 光猛又人少, 坐得幾舒服, 但上菜好慢, 我地叫左半隻鴨2食, 等成差唔多半粒鐘先見到隻鴨, 食完片皮鴨要再等半粒鐘先上炒鴨絲, 除咗包鴨皮果D白色皮係暖暖地外, 粥係熱之外, 其他都唔熱, 真係涼晒, 但味道無問題, 下次會去返APM 利苑食lu.

Had dinner the other day with a 長輩 and he picked 利苑 @ 德福廣場. To show my respect as a 晚輩, I had her all the dishes for us. We started off with two appetizers, the vegetarian goose (素鵝) and marinated cloud fungus (醋雲耳). 素鵝 was expertly prepared with a very hot and crispy skin, an indication of it being freshly fried. 醋雲耳 was as simple as it sounded, with the crunchy 雲耳 marinated in a vinegary dressing. I liked that it wasn’t soggy like what I got in some other restaurants due to improper soak

平時見沙田分店好多人,又要電話訂位.我哋 11點幾經過 lee 間分店見無咩人就試下問吓會唔會有位啦,咁個知客就話有張枱訂咗就 12點幾先到, 咁我諗住食完就走唔會座好耐就試下啦先個人都未座低就有人嚟,推介食咩食.同佢講唔要 轉頭又有人嚟 , 食食吓嘢又有人嚟推介 , 點呀先嚟個人未座定有人嚟,座定又有人嚟 點咗10樣嘢. 普通嘢 蝦餃,燒賣,粉果,鳳爪,叉燒包,叉燒腸,咸水角,蔥油餅,千層糕,牛肉... 整體嚟講味一般同普通酒樓無分別. 但價錢呢 食咗 $209 整體嚟講係錯誤的選擇

2個人好少去食中餐，因為2個人真係好難叫菜。就係因為成條街都係人，行黎行去就行左入唔駛等位既利苑。呢類中價菜館最討厭既就係你叫既菜式佢地永遠會counter propose一款更高檔次既比你直至係發老皮為止，就好似：我叫：中式牛柳； 佢提議：鵝肝和牛我叫：海味野菜煲；佢提議：試下個蟹皇翅丫，唔食得蟹呀，要個海螺燉ｘｘ啦！唔大煲，2個人岩岩好呀，每人5﹑6碗，細細碗咁我叫：燒味拼盤；佢提議：同你落個乳豬拼盤啦，想食叉燒呀……咁叉燒拼燒腩仔啦，加少少錢jee。（開始露出不耐煩既態度……） 我叫：羅漢果茶；佢提議：要個川貝麥冬燉秋梨啦，咪一樣化痰止咳！！收得呢個價錢，我expect佢地既service都要去到ok既level 囉，掉底碟菜，轉頭走左去呢D係咩態度?呢餐便飯4舊水落樓，受左一肚氣，頂到上心口。

中國芳結業後, 利苑在原址開分店。開業時, 曾經想試試, 但接待人士安排不周, 令人卻步。今晚, 不用等位了, 但結果還是一肚氣地離開!時間大概是晚上八點八左右, 坐下, 叫茶, 下一步自然是點菜。先選平煸東山乳羊, 侍應說, 所有羊肉都售罄, 好, 再叫冰燒三層肉, 侍應轉頭說, 所有燒味賣剩叉燒。好, 再叫黃金蝦, 又話冇啦。好, 發誓, 再叫一個沒有, 即走 ------- 所選的是最普通的原湯野菌娃娃菜, 侍應又走去問人, 問完, 答案, 一點也不戲劇性: 賣晒喇!我當佢十一點閂門, 咁, 佢希望剩低呢兩個鐘來客食d咩? 位都唔駛等, 生意唔係咁好吧? 都可以「百無」? 於是, 我同侍應講「咁我走喇」, 唔係我白撞, 而係佢趕客戶

2008年8月31日同屋企人食飯, 但又唔知食乜好, 突然諗起九龍灣德福間利苑已開業, 唔知同官塘apm嗰間有乜分別, 即管嚟試吓啦! 有個鱷魚湯都ok, 冇乜味精(因我唔慣食街外嘢, 一食便知), 同埋個waitress recommend西蘭花炒珍珠蚌, 清淡得嚟好好味, 服務態度又好, 環境比apm光猛好多, 埋單前都問妳評價, 幾好, 值得一試!

見新開張, 想坐低飲茶好幾次,都因為冇訂枱而過其門而不得坐低,專登一早打電話訂張枱飲茶,十一點半一行三人準時報到,叫左蝦餃, - 個皮係淋 ge, 好似蒸左好耐咁待應推介 : xo炒腸粉, 好得...... 不愧係好介紹荷葉飯..... 一般啦, 係幾多料但冇乜荷香..... 亦係待應推介千層糕...... 唔夠香其他唔記得仲食左乜野添但一路都有野埋來推介,捧住 ge 又有, 冇捧住 ge 又有,總之煩到你嘔, 我唔係淨係來食野 ge ma,飲下茶, relax 下, 同個仔星期日傾下偈,總之不斷咁埋來, 最後個介紹係月餅,真係怕左佢地, 買左合金華火腿月就埋單走人,當然唔計月餅盛惠三百幾一句講晒...... very annoying......

來這邊吃飯，要選一間比較「見得人」的，來了這裡。坐進了小菜廳，雖然以吃小菜為主，但要點心也並無不可。簡單的點了些吃的，先來例湯，是老根炆豬展。都煲得幾老火，喝起來還隱隱透著椰子的甜味，不錯。燒味雙併是最基本的燒肉併叉燒。燒肉切成丁方的，吃起來也算是皮脆，但肉方面，當然以燒全豬的好一點。叉燒好吃，軟腍又有咬口，簡單一句，因為是枚頭肉，好的肉質，當然有好的味道。干煸四季豆煸得油瀝瀝的，連帶四季豆也腍腍的，加上部份連硬根也未去淨的，完全唔掂的一味。同樣是油瀝瀝的是荷葉飯，只是將炒飯包在荷葉中，當然亦不會有荷菜香味。總結來說，以利苑的名聲，是日的幾味菜色，水準是差強人意。也要了幾味點心，水準最好的是芋角，先不說已越來越少酒家有芋角供應，這裡的炸得夠鬆，不油膩，略稱芋頭餡不夠多。包類也做得不錯，尤其是叉燒包，外皮鬆軟，不要看只是簡的叉燒包，但做得好的地方，已經越來越少。腸粉皮厚厚的，完全不滑。春卷不熱不脆，一吃已知不對頭。連酒水，四人吃也只是七百多，不算貴。但比較起其他幾間利苑，這間又好像是差一點。