勝博殿日式炸豬排 (已結業)

有一段時間工作關係成日去泰國，食得Thai food多會有啲悶。而shopping天堂central world 附近商場就有一間勝博殿分店，又平又抵食又好服務，所以經常去。佢哋係香港開咗分店都一段時間，依家少飛咗，有啲掛住就同朋友去咗試。我哋唔想諗食啲咩就叫咗個特上豐盛拼盤share。 以前最鍾意食佢哋嘅椰菜絲，個餐包埋而且無限refill.不過今次就要加＄20。拼盤有特上炸豬扒炸豬柳，炸大蝦同炸忌廉蟹肉餅。炸豬扒夠肥，豬柳就淋身嫩d。大蝦新鮮爽囗，忌廉蟹餅creamy。重點係麵包糠上得好，香脆唔油又唔會過厚。最鍾意就係佢哋個豬扒醬，酸酸甜甜好開胃。如果係香港想食炸豬扒都會選擇返依度。

勝博殿聽就聽得多，但今晚都係第一次食。相信黎勝博殿就必食佢既炸物啦叫左個雜錦炸物套餐，有炸海蝦、一口炸豬柳、忌廉蟹肉餅！wow，一啲都唔厚粉，好薄身，又脆又冇乜油喎！最鐘意個炸豬柳同蝦，好正，令到好少食吉列野既我，都覺得好食！忌廉蟹肉反而麻麻地其實勝博騰可以任添飯架，唔夠飯可以隨便加其實係未食野之前，都會有一盆椰菜絲，加芝麻醬，好野味，仲可以任添今晚仲叫左個日式豚肉豆腐鍋！一路煲，豆味湯或愈黎愈濃，正呀！呢個時候落埋豚肉一齊煲，口感好夾，好味喎其實疏菜配料都好有豆腐味呢間餐廳既野食好味，服務態度都幾好，地點就腳，可以再黎

話說兩個人夜晚晚係尖咀睇完戲行完街八點幾九點鐘，諗住黎「勝博殿」應該無咁多人，點知都係等左差唔多廿幾三十分鐘先入到。如果之前唔係有人等唔切走左，我想等得重耐。有樣東西要彈，已經差唔多九點先入到去食，「勝博殿」又收十一點，做乜鬼係九點後進場都要限時個半鐘呢？著實好耐無乜食過炸物，果晚又忽然慶起想食，於是去「勝博殿」。可能太耐無去，都唔知「勝博殿」宜家有二人套餐；對於咁夜想食野又唔想多諗野既人黎講係件好事，於是點叫左「季節二人套餐」同「醬油燒野菌」。同其他食炸物的日式料理店一樣，白飯、椰菜絲和麵豉湯係任叫的；雖然係任叫食物，但是大家都唔好浪費食物。日本珍珠米飯果日唔知係咪個廚師心情唔好定心不在焉，落水多個頭搞到米飯過黏。不過，呢到個椰菜絲和麵豉湯都唔錯，加埋「勝博殿」既獨家醬油，基本上可以食飽人。到前菜了，「醬油燒野菌」加埋檸檬汁，配搭幾新鮮；食落口時唔係太覺得似燒物般乾身，似是錫紙入焗爐焗多一點。正菜既「季節二人套餐」有吉列廣島蠔兩件，炸海蝦兩件，忌廉蟹肉餅一塊，特上豬扒一塊。吉列廣島蠔一點都唔腥，食落雖然還有一點海味，但感覺唔錯，同埋夠大隻；對於鍾意食蠔既人來說可能是浪費左隻蠔。炸海蝦

又是來呢度食炸豬扒了😛我有兩間心水 一間係呢間 另一間就係梅林XX兩間都係食炸豬扒既好地方 名有千秋首先就梗係同男友叫返兩個SET食先啦由於假日係無LUNCH SET既 ☹️ SET就包無限refill 既菜,面鼓湯,飯同你叫既炸物我就最中意麻醬加菜食 同男友二人食了三碗服務都好好好快加菜炸豬排SET 小 (上圖)炸豬柳 大 (上圖)我講下個分別了豬扒呢就有d豬肉 比較薄身豬柳呢就厚身d 啖啖肉加埋專for炸物既汁真係雖然都未係好似日本咁令我再三回味但香港來講 算好好 合乎性價比仲有小磨菇幾得意~~~~下次再去試上級的豬扒

去尖咀睇完戲搵野食，遇著有啲落雨唔想走咁遠就試試勝博殿，好彩唔駛等位，門口小姐話要10 點交檯，當時都係8 點零都覺得無問題。 當我地仲研究緊個餐牌個時門口小姐已經衝埋黎問落得單未。 係佢既凌厲眼神下叫左個季節二人餐，有特級炸豬扒，炸蠔2件，炸海老2件同一個蟹肉忌廉薯餅。 飯，椰菜同味噌湯係可以無限追加既。 點完菜我請佢地留底一本menu 睇下會唔會叫啲小食咁，點知轉個頭又有人黎問我地想收返個menu, 我話睇緊就打發左佢啦，點知再隔多一陣又有人要收我本menu, 既然你咁唔想我加單，我惟有俾返你啦。 轉個頭椰菜就上黎，侍應哥哥會介紹一下啲醬汁同配料既配搭。 用黎襯椰菜食既有日式胡麻醬同柚子醋。 我無試胡麻醬，但同行男人話乜味都無、平是見到胡麻醬就心心眼既佢都轉黎同我一齊食柚子醋。 啲野食未黎到我地已經瞬間KO左一兜椰菜，侍應哥哥主動問我地要唔要添，當然話好。 好快味噌湯，飯，漬物同主菜就黎到。 湯唔會太咸，昆布份量都算多。時間許可既話其實我會追加。 飯亦都好煙韌，以我平時晚黑唔食白米都食左半碗，唔錯唔錯。炸物黎喇，碟上有檸檬，岩鹽同沙律師俾你點唔同既炸物。講返炸物質素，特級豬扒，好！

市面可以食到日式炸豬排的餐廳很多, 但要食得質素高一點的炸豬排, 一直以黎都覺得勝博殿係其中一間, 但今餐之後, 覺得整體差左已經黎食過好多次, 最好就係有印花卡可以儲, 要在半年內蓋滿, 可以當$50用所以每隔1-2個月總有藉口黎食勝博殿自己都係最鍾意食傳統吉列風味, 自己任加枱上的豬排汁和自己即磨的黑白芝麻粒 點了個特上豐盛拼盤, 係兩人份量, 包括特上炸豬排, 特上炸豬柳, 炸海蝦, 忌廉蟹肉餅特上炸豬排, 有舊肥豬肉係一邊, 叫得就唔怕肥, 口感juicy, 係比較膩, 不過無肥豬肉個邊係比較鞋少少今晚廚房唔知做咩, 個吉列皮雖然脆,  亦不算厚, 但好鬆散, 皮肉分離 特上豬柳就無咁juicy, 但肉質較嫩炸海蝦, 新鮮又大隻忌廉蟹肉餅, 食到忌廉比較多, 無乜特別, 可有可無之前只有椰菜是任添, 但而家每位需要另加$20, 白飯味噌湯都可以任添第一轉的椰菜絲竟然有d 硬有d乾, 似乎係廚房擺耐左, 都唯有照食啦, 好彩之後再添既椰菜絲就好d; 而味噌湯正常, 但感覺比以前淡味了可惜今晚被安排左係個角落位, 感覺被忽略, 仲要俾d繩遮住, 想添野都要留意侍應幾時行過, 希望會

以吉列炸豬排著名的日本名店，每次食都無失望。豬排夠厚，但一啲都唔「鞋」。炸得夠香脆，但一啲都唔「油膩」。滿滿的厚豬排充斥著牙齒裏，好好味呀！上面係炸豬柳（最貴嗰款豬排定食）下面係炸豬排（普通的豬排定食）一分錢果然一分貨另外，落order後店員就會送上沙津菜，而且無限添加的。很欣賞店家的慷慨，但希望他們可以多做一點，將沙津嘅份量讓客人選擇，以減少浪費食物。

Friend子生日請佢食炸豬排飯，都唔係第一次食勝博殿，貪佢Cp值夠高。吉列豬排質素有保證，今次除左豬排之外，試埋佢個炸蝦，都幾好食，炸粉唔會好厚。不過最美中不足就係冇得無限添飯同椰菜。

看演唱會前，先醫一醫肚，吃個日式吉列。日式吉列豬扒餐有味噌湯、漬物、白飯及日本椰菜絲。吉列豬扒十分之脆，肉汁猶存，而且不覺油膩，水準相當不俗。一定要提的是椰菜絲，爽口而甜，完全中和到豬扒的肥膩感，小人吃了很多！簡簡單單，就是美味。

豬好食想同朋友坐低傾計食飯好地方正常日本食物質素地方舒服好禮貌幾個知己的好地方一個餐先夠一個女仔食拍拖搵唔到好地方可以一試唔使排隊等lift 係一樓行上去都得星期六七點幾去無人排隊好滿意

同柑太係尖沙咀搵晚飯吃，我提議去吃日本菜，但她卻不想吃拉麵之類的東西，於是便去光顧勝博殿，在銅鑼灣的分店已光顧多次，每次去吃都覺得物超所值，今次首次到尖沙咀的分店，首先發覺是光顧的客人並不是太多，與銅鑼灣分店每次要排長龍的情況有很大分別。其次是這裡並沒有免費的無限添飯及椰菜，銅鑼灣分店的特色，這裡卻沒有，而且套餐只有椰菜，白飯要加錢，而要無限添飯，要加20元，兩人便要40，實在感到如對著獅子張大口般，最後點了一個特上雜錦餐，不添白飯。椰菜上檯後發覺分量仍很多，至少足夠二人份量。特上豬排雜錦套餐($278)，左起是炸蝦，中間的應該是特上豬柳，但分量和特上豬排差很多。然後是炸忌廉蟹肉餅，和最後的特上豬排特上豬排看到很明顯的肥糕在一旁，油膩感十足，皮脆，但不能稱為肥瘦肉均勻，我以為是點了普通級數的豬排。豬柳肉質嫩滑，可惜就是太薄了，而且分量只有豬排的三分之一，加上太薄的關係，入口時無法充分感受到豬柳的多汁及嫩肉，就算煮得再好，也要顧一顧客人的感受呢。忌廉蟹肉餅，炸得香口，一咬時，忌廉汁快要全部流出來，不過蟹肉的分量也較少，如果多些蟹肉，口感和味道會更佳。炸蝦入口雖然多肉，而外層脆皮的厚度可以

店鋪燈光比較暗，每張台都有自己私人空間，格開晒吉烈豬扒好正，厚得黎唔靭，咬落口鬆軟，有肉汁，外皮炸到超脆。椰菜絲配芝麻醬，食極都仲想食，酸酸甜甜好開胃，配合吉烈豬成個就變得不會油膩

呢間炸豬扒聽就聽得多，今晚終於有機會試下。waiter 都好有禮貌，介紹加$20升級的內容。20蚊加飯，湯，前菜。或者湯烏冬不過當日冇曬湯烏冬，但係要全枱人都升級先可以無限refill. 椰菜就無限refill.柚子汁，芝麻醬，豬扒汁叫左個特上級炸豬扒$138，同埋一個雜錦$128特上呢塊豬扒肥瘦均勻，個皮炸得好薄，唔油。雜錦有炸蝦，炸忌廉蟹餅，炸豬扒呢塊豬扒冇特上咁肥，係全瘦豬扒，但唔un ，豬味比特上豬扒濃些少。蟹餅偏淡味但都好食，建議唔好點汁。炸蝦正常，啖啖肉，但未算彈牙。

其實本來想食同一幢樓嘅食肆， 但可惜無位，但已經又攰又餓，就入咗黎食飯啦蝦餅配豬柳： 蝦餅的確有一粒粒嘅蝦係入面， 但係完全無味， 要點醬食先得， 本身好期待佢， 但係令我失望。豬柳反而幾好， 但一夾見炸皮同豬柳分離咗， 都會有d失落… 豬柳夾佢個豬扒醬都係好好味。當然仲有冰凍爽脆嘅椰菜絲啦， 係炸物未上已經吃咗一盤， 加上酸酸嘅柚子醋，就已經簡單好味！另外仲點咗一個忌廉蟹肉餅， 呢個都幾好， 充滿忌廉香， 再配上一絲絲嘅蟹肉， 真係想食多件豚肉烏冬鍋： 烏冬鍋長期係我嘅朋友， 食乾爭爭嘅炸物又食下d湯粉先平衡d ga ma~ 不過不失嘅味道， 個湯清清地， 飲落都好舒服， 但個豚肉就好騷啦…服務: 雖然佢哋上漏飯同湯， 但同佢地反應時， 佢地都好快跟返。添菜， 添菜亦都好勤快， good!環境： 非常舒適，平日夜晚少人， 所以個場夠靜， 慢慢食野傾偈arm哂！而且冷氣又夠， 坐得亦夠舒服！

五月天既日子！梗係搵野食啦！今日約埋朋友一齊食完先入場！去到可以直入喇！要澎澎聲叫餐喇！叫左個兩人餐！有一件蟹餅、兩款豬扒/豬柳、兩件蝦餅！任食椰菜絲呢一點都已經不得了！兩個醬汁我每次都唔個點選好！兩隻都好吸引麻醬同柚子醋！當然...每次都好平均架！食完一碟又一碟！唔知點解覺得銅鑼灣店覺得好食d！明明記得連醃菜湯同飯都可以任食！呢道仲要加錢 38蚊先配飯同醃菜...點解咁！Anyway 講番炸物啦！炸豬扒比豬柳好食！都真係唔邪惡唔食！豬扒側邊有一層肥膏真係香到爆燈！蟹餅唔漏！但得一塊...有d難分！蝦餅好正！蝦味勁濃！炸衣夠薄夠脆！都係果句...唔知點解...都係覺得銅鑼灣鋪比較好食 😂😂