北海道爐端燒 (已結業)

同同事黎呢間樓上鋪happy hour呢間鋪頭主打串燒，啱晒我地一路食一路飲一路吹水我地叫左好多野食，包括有華味鳥雞翼，鮑魚，甲羅燒，茄子燒，日本蕃薯，炸八爪魚同鵝肝壽司，帶子壽司😂😂華味鳥雞翼燒得幾香脆茄子燒是三粒小茄子組成的，味道可以日本蕃薯好好味，最喜歡！炸八爪魚好好味，炸到勁香口，一粒接一粒咁食🤭鮑魚都燒得不錯，切成小片，好似入口甲羅燒好鮮味，蟹肉蟹膏不會太鹹，好味！鵝肝壽司，表層炸過，外脆內軟，油脂豐腴，真的罪過罪過🤤🤤帶子壽司，價錢不貴，但質素不差，帶子很大顆，也是甜甜膩膩的！大吃大喝的，真開心！

朋友近來多事煩，我能做到就係同佢吃餐好 餐廳有細小居酒屋既感覺，更設有幾抬榻榻米可以坐；海膽$98夾起一啖嚐嚐鮮味，加少少豉油用紫菜包住食又不一樣既口感，鮮甜甘香炙烤三文魚押壽司$88三文魚新鮮微微炙烤，再放上三文魚籽脹卜卜，咬開咸香味湧出鹽燒味增燒三文魚腩$52咸香惹味加上三文魚腩少少既油，唔會好乾，魚油仲要係OME+3唔怕肥稻草烤安格斯牛扒$168未試過稻草烤既味道，但食得到有熏制既口感和風鹽味椰菜$28椰菜 好新鮮非常脆口，將調味搞拌均勻就唔怕太咸

早一日訂左枱黎食生日飯, 不過就得返TATAMI既座位咋! 要除左鞋先可以入去坐(坦白講坐一個晚餐既時間其實都幾辛苦, 下次我寧願揀正常既位)(煙肉芝士奶油意大利麵 - 2人份) 侍應同我地講會好大兜, 叫我地4個人點2人份就ok。其實就唔算好大兜, 但咁樣都好, 我地可以試多d其他食物! 味道方面都幾滿意, 芝士味唔算濃, 但就好creamy, 好豐富既口感!(黑芝麻汁煙肉沙律) 用料新鮮, 份量都算多。(味噌茄子) 不過不失, 唔太特別。當前菜食住先係ok既!(牛油醬油燒白子) 我地見未食過白子, 就叫黎試下。原來白子係魚類既精巢,  有豐富蛋白質、維他命D, 日本人係當白子係女人美膚之寶架! 可能本身白子難入味, 食落好似冇乜味咁。(明太子雞蛋卷) 依個係必點呀, 一定要試! 明太子有少少辣, 配著濃濃蛋香, 好滿足! 但我覺得個蛋可以再厚D~(薑汁豬肉野菜+什錦海鮮膾) 野菜有D普通, 食唔到薑味!  什錦海鮮膾細細兜, 但都幾高質, 加埋隻溫泉蛋撈埋好好味!整體都幾抵食, 試左好多野每人都唔駛$200! 下次有機會會再黎試其他野呀(現場見到有D居港日本人都黎食呀!)

秋天已經不經不覺黎左，要開始食啲熱野暖下胃，所以約左朋友去食爐端燒。我地叫左浜燒三式蟹蓋 (HKD 128)，明太子雞蛋卷 (HKD 68)，香味醬油燒鱈場蟹 (HKD 188)，日式炸豆腐 (HKD 58)，抹茶心太軟 (HKD 48)。先黎係個蟹蓋，賣相唔錯，有好大粒既蟹籽，大大塊海膽同有啖啖肉既蟹肉。味道唔錯，口感都幾豐富，可算係色香味俱全。跟住黎既就係明太子卷(有6舊)，個蛋非常嫩滑又大舊，有埋明太子做涵，味道唔錯。個鱈場蟹肉質鮮嫩又清甜，都係啖啖肉。可惜既係分量細左啲，多番少少就好。個豆腐賣相唔錯，上面有隻溫泉蛋，口感特別，炸得好鬆脆。至於個心太軟，好重抹茶味，內面流出黎既朱古力熱哄哄咁，正。此外，佢仲有軟雪糕伴隨，味道尚可。最尾我都叫左杯薑茶飲(HKD 28)，好夠薑味

和爸媽來晚餐好彩我地早到，店子已經九成滿想不到這小小的樓上鋪都咁多識途老馬會搵上黎！開放式廚房可以看到廚師在燒烤旁邊就是巨型酒架，放滿一支支清酒這間日式居酒屋確實是上班族放工消遣的好地方！聞到咁香口，我地都先叫點串燒暖下胃叫了牛舌，華味鳥雞翼雞腎，日本番薯牛舌不錯，不會太厚而太韌雞翼燒得很香脆！雞腎也很香口番薯超好味，點少少牛油，鹹香出晒黎！👍見到餐牌有九洲產呼子魷魚爸好想試下新鮮滋味，就叫了一客來嘗賣相相當精美魷魚不韌，愈𡁻愈鮮甜真的很特別！而且仲可以一雞兩味魷魚身做成剌身，魷魚鬚就去脆炸香酥魷魚鬚實在超美味！爸媽也吃到停不了即使知道之後會喉嚨痛都照清晒😂😂三文魚魚籽飯刺身新鮮壽司飯帶點點醋味不錯！所以呢間鋪咁旺場一定是有原因的！

今日約左朋友食呢間爐端燒，其實更似居酒屋，叫下刺身，串燒，酒，慢慢食，又真係幾似日本人果種放工既生活文化😍因為可以少少咁叫，我地都叫左好多個item，試左好多唔同既野食，咁先正架嘛，可以食多啲野！野飲，叫左一杯梅子酒，算係cocktail甜甜地酒精唔重燒雪場蟹，即叫即燒，好香，肉食落去好鮮甜😍鹽燒魷魚蘇，同出面通常用燒汁唔一樣，清少少，更食到魷魚既鮮味。最期待既海膽到啦🤤🤤🤤食高級既日本野，我一定最期待係海膽，因為平時食平壽司，海膽係伏既機會係，99%，所以超期待呢到。夾埋紫菜一齊食落去，無伏！係鮮甜既海膽🤤🤤🤤，一啲腥味都無，入口即融，好好味呀。北海道蟹蓋蟹肉蟹膏燒，店員教我地點撈黎食，撈完之後筆一啖，蟹膏既鮮味好出，如果蟹肉比例再多返少少會更正。鵝肝帆立貝壽司，原來鵝肝可以同帆立貝咁夾既，入口即融既鵝肝，加埋帆立貝，正呀。牛油燒帆立貝，大大粒咁上，牛油味好濃郁。最後吃多件串燒，大蔥雞肉串，平時我唔食大蔥既，但呢個我又食到，因為都幾甜，然後雞肉係食得出同出面既雞唔一樣，肉比較有咬口。

最近突然迷上了日本菜，所以男朋友也幫忙找找吃日本菜的好地方，好讓我吃的痛快、開心這天他就帶我來到北海道爐端燒，雖名為「爐端燒」，但這𥚃除了燒物，也有其他日式餐點，如刺身、壽司、拉麵等。面對著琳琅滿目的菜式，我們也挑了很久才下單還好我們沒有一次過把所有想吃的都點，因為食物份量也不少。北海道蟹蓋魚籽海膽蟹膏燒($128)：這是我的必食推介，因為蟹膏實在是太鮮味了蟹蓋的底部鋪了蟹膏，上面放有魚籽、海膽和蟹肉，稍稍拌了一下，幾種食材的鮮味混合在一起，非常滋味黑芝麻汁煙肉沙律($48)：這個沙律的亮點是那黑芝麻汁，味道與胡麻汁相似，有芝麻香又帶有少許酸味，但就多添一份黑芝麻香另外，一般日式食店供應的沙律都很細碟，但這個沙律的分量很大，cp很不錯明太子雞蛋($68)：充滿蛋香的玉子燒包著厚厚的明太子，明太子像半溶芝士般流出，令人垂涎欲滴明太子鹹鹹的帶微辣，配上清淡的玉子燒很不錯但如果玉子的部分再厚一點便更好～日本蕃薯($28)：日本蕃薯出名香甜，所以這裡放的調味不多，只有少許鹽巴，喜歡的話可抺上一點牛油，令蕃薯更香

我想食串燒，朋友仔又話怕熱氣，佢要食魚生，呢度啱晒，可以各有各食。舖面放滿好多酒樽裝飾。睇下有咩食先。牛舌串燒，燒得唔錯，牛舌夠稔身又唔乾。帆立貝串燒大大粒，超好味。鹽燒味噌漬鮭魚腩，呢個一定要試，魚皮燒到香脆，肉軟而不鬆散，魚肉油脂豐富，咬落香口柔滑。炸日本生蠔，炸得又熱又香脆，裡面蠔肉脹卜卜，外脆內軟。精選刺身拼盤，刺身片片都色澤紅潤，睇落新鮮，吃落更鮮味。海鮮丼，諗唔到食咩壽司好，海鮮丼都係一個唔錯既選擇，每樣都有D，又有飯底，滿足貪食既我地。

日本菜無論係壽司，丼飯，燒烤，火鍋都係我最愛🤤 今日特別少少，食爐端燒。咁當然要叫啲爐端燒先啦🤤 北海道甲羅燒 ($78) 同汁燒翡翠螺 ($68) 各叫咗2份，2樣都好鮮，翡翠螺好多汁好有咬口。甲羅燒有粒生既鵪𪂹蛋係面，燒果陣撈埋落啲蟹膏度係別有一番滋味👍🏻會燒到特別香同相對比較稠身。明太子雞蛋卷 ($68) 好正既玉子燒，入面有大量既明太子，食落少少辣，超級惹味😆 蛋食落亦都好滑好香。炸明太子雞翼 ($52/2支) 一咬開入面都係明太子，將明太子既味同雞味混合，味道都幾好。明太子牛油燒魷魚鬚 ($58) 呢個感覺冇咁特別，明太子同牛油味都唔係好突岀。當普通既魷魚鬚黎食就不錯。地獄拉麵 ($88)，本身諗住專門食爐端燒既店，拉麵未必好食。但個地獄拉麵係岀奇地好食，雖然個辣味唔算辣，但個味就真係冇得輸，麵質又夠煙韌。

今日同朋友約左去尖沙咀一間日本野食野，一入到去已經好有日本居酒屋既感覺！我地一坐底，好快一本又大又厚嘅餐牌就出現啦，上面有好多唔同嘅小食，如果你鍾意飲酒嘅話，一定好喜歡呢個餐牌，因為全部都好岩用嚟做下酒小菜！我地都叫左兩杯試下，都真係唔錯架！我地即刻叫左鹽燒魷魚鬚，同落足料嘅明太子雞蛋卷，聽落平凡，但絕對做得出色！一咬落去，啲明太子即刻標岀黎！我地仲叫咗鹽燒鮭魚腩，配上檸檬汁新鮮開胃。呢度嘅煎餃子配上酸酸辣辣嘅柚子汁都好值得一試，侍應仲特地提醒我哋柚子汁微辣要小心，十分窩心。

好耐冇同朋友一齊聚下，所以今日揀咗一個輕鬆啲安靜啲嘅餐廳聚會！入到黎餐廳就當然要講下環境啦，首先講下一入門口，就有一大排由日本清酒空樽拼砌而成嘅裝飾牆，好有日本風味。 然後侍應帶我地埋位坐低，仲聽到隔離枱有日本人用緊日文傾計，就好似真係去咗日本一樣。首先我地點左三杯唔同嘅酒，都幾好味架，有杯仲好特別有雪糕！接住有醬油燒鵪鶉蛋，細細粒蛋入面係留心嘅，咬落去外脆內軟。日式炸雞大大份新鮮炸嘅炸雞，咬落去脆卜卜，作酒岩曬！下酒小菜就是都差唔多啦，飲左少少酒就有啲肚餓，所以就叫左呢個我最想推介嘅煙肉芝士奶油意粉！啲芝士多到好似湯咁，彈牙嘅意粉再埋上亦creamy芝士汁，你絕對唔會失望！好建議大家加配海膽，佢地係絕配！creamy嘅芝士奶油醬汁，好配合到海膽嘅口感，配搭完美！大家不妨一試！

是夜突然有點想念日本的居酒屋美食, 剛好友人想了一下便有心水, 就事不宜遲出動了我們到達的時候還不到7時, 可是已有不少捧場客啊~~~餐牌琳瑯滿目, 有他們的自家推介, 有各式海鮮、刺身、壽司等等當然也少不了居酒屋必備的日本酒海膽刺身 ($98)以這價錢來說, 量屬不少之餘, 質素也為上乘鮮甜肥美, 配著附上的紫菜吃更添層次香味醬油燒鱈場蟹 ($188)熟度剛好, 富蟹鮮味浜燒蟹蓋 ($78)各種食材相配得而, 味道很夾, 也夠鮮味大蔥雞肉串 ($24)雞肉保持嫩滑, 大蔥夠香, 不錯吃!各種壽司用料夠新鮮明太子牛油燒烏賊 ($58)明太子味不重, 牛油味倒挺香的, 烏賊十分彈牙丸燒大帶子 ($48)比想像中油膩了些, 帶子減點熟度就更好了甜瓜冰淇淋小丸子 ($52)比較一般... 還是主菜好吃就是了哈哈總的來說, 店家的主食均相當不俗, 要是想找一個可以把酒談心, 品嚐美食的居酒屋, 不妨到此一訪啊

一向也是無飯家庭的我，放工又相約好同事吃晚飯啦，由於很快就要與好同事一起出遊，順便傾傾旅遊大計！環境氣氛一流，用上不少酒作裝飾呀！餐廳選擇繁多，又小食及壽司等而且也有不少下酒小菜，酒鬼最愛呀！油甘魚刺身色澤紅潤，入口柔軟帶有魚的甘香，十分厚切，大愛是也呀！日本豆紙左口魚邊壽司（左）、三文魚壽司🍣一口一件，剛剛好！三文魚脂肪比例好，很肥美！好想食多幾件呀！露筍豚肉串（後）、醬油燒青海苔鵪鶉蛋（右）食完魚生，係時候吃點串燒香口小食啦！很少在日式餐廳吃到鵪鶉蛋，一口一粒，入口有淡淡的醬油香味，雖然邪惡但食唔停口！稻草烤塩鰹刺身同樣是小見的日本菜式，此魚魚味十分濃郁，外層已經燒熟，內層仍是刺身的狀態！同時能享受兩種感覺！鹽燒味噌漬鮭魚腩同事與我也是愛鮭魚之人，我們再點了這個菜式！鮭魚腩十分肥美，魚燒得很香口，很快把它KO了！抹茶心太軟最後當然要食埋甜品先得啦！抹茶心太軟茶味香濃，入口軟棉棉的，配上雪糕一同吃更是滋味！如喜歡chill 一chill歎歎晚餐，居酒屋是好選擇，而且CP值高，又有開心大發現啦！

網上面見到大家話呢間海膽好抵食，一行三人慕名而嚟，又的確真係抵食喎！同時我地有叫刺身拼盤，所以就一齊上，都幾靚。海膽賣到呢個價錢，估唔到都幾新鮮，都無腥味，仲有啲鮮甜添！夾住紫菜食，唔錯其他刺身都新鮮又厚切，好味呢度主打浜燒，餐牌有兩頁都係浜燒，我地叫咗3隻蝦，$50幾蚊隻，坦白講，又細隻又平平無其，非常唔抵食失望！一向我都好鍾意食明太子蛋卷，呢度就整得醜樣咗啲啦，個蛋爛咗，又可能明太子多得滯，包唔晒不過味道唔錯既。店員推介招牌炸雞，又的確唔錯喎，味道好濃，稍為咸咗少少，不過炸粉唔多，雞肉嫩口，都幾好食三文魚腩就真係同餐牌個樣差好遠⋯味道不過不失啦⋯後加單個招牌炒麵，等咗好耐，而嚟到食落係超級咸⋯又乾，唔好食另一個失望菜式，只係煮熟咗蓮藕加啲甜酸醬⋯同辛辣蓮藕個名好唔配，呢道菜未免太hea太求其了。我點咗杯橙汁蜜桃酒，飲落只有橙汁味偏甜啲咁，唔太覺有酒。總括而言，呢度既海膽同其他刺身都值得食，不過以外既食物，尤其浜燒真係不值一提。

另一位朋友約我去尖沙咀食爐端燒，食店是位於區內較靜的一條街道上，但仍是食店林立。雖然已經訂了位，但上到去已經差不多坐滿了客人，我們只有坐在大廚前面的吧枱，好處是可以看著大廚做串燒，不好的地方是接近油煙，而且坐吧枱就不能自己做爐端燒，要靠廚房代勞了。這裡餐牌的菜色種類繁多，可分為推介、華味鳥、前菜、沙律、壽司、刺身、逸品、唐揚、串燒、浜燒、爐端燒、品端與飯麵及湯等多種。我們就點了串燒5款($118)、稻草燒鹽鰹刺身($98)、北海道蟹蓋蟹肉蟹膏燒($78)、香草羊架燒($58)、明太子牛油燒烏賊鬚($58)、黑芝麻汁煙肉沙律($48)、什錦海鮮膾($48)及神奇炒麵第二代($62)，這位朋友只食不飲酒，我們也點得相當豐富。一開始是黑芝麻汁煙肉沙律，份量頗多，除沙律菜外，內有煙肉、蕃茄、青瓜，豆腐及粟米等，蔬菜新鮮，青瓜爽脆，煙肉脆口，黑芝麻汁也好味，價錢又抵食，是個好開始。明太子牛油燒烏賊鬚的烏賊鬚有點像魷魚鬚，都很爽脆，醬汁上帶有一些小粒子，應該是明太子燒爆了的「殘骸」，牛油味濃，有汁而不乾，味道還算不錯，只是吧枱面積細小，需要食得快點，不然其他菜色到來就沒位置擺放。香草羊架燒外面香口