千上日本料理 (已結業)

昨日星期六第一次試這間在一間酒店內的日本菜，發現假日都有set lunch，仲要全部set都非常抵食！有部分波有魚生的set只需58蚊，有晒salad，茶碗蒸，湯，甜品等，食物質素十分好。叫了個三文魚飯，亦只需88，抵食又好味

這間充滿日本風的日本餐廳，就位於重新裝修的尖沙咀粵海酒店一樓。餐廳非常寬敞，座位亦很舒適，內裏有數個包廂，跟朋友聚會或是跟客人食飯，亦是不錯的選擇。服務員均穿上日本浴衣，令餐廳更具日本風。這裏的食物種類非常繁多，價錢在尖沙咀區屬於中等水平。千上魚生沙律新鮮翠綠的沙律菜上，配上切成方粒的魚刺身，有三文魚、鯛魚和三文魚子等，刺身很新鮮。北寄貝刺身北寄貝刺身大大片，味道甚為鮮味，令人滿意。枝豆枝豆是我最喜愛的日本餐前小食之一，外殻沾上海鹽，內裡一粒粒鮮嫩的綠豆，讓我忍不住一條又一條，一下子就吃完一碗了。醬油炒飯炒飯炒得很香很夠鑊氣，但卻又不會感覺油膩。泡菜豚肉鍋雖然天氣炎熱，但仍阻擋不了我對鍋物的喜愛。鍋物中的薄切豚肉，味道甚為鮮嫩，配上泡菜來吃，少少辣甚為惹味。鍋中的韓國粉絲，充分吸收了泡菜鍋的精華，味道突出。我們吃完熱辣辣的鍋物，最後店員送上冰凍的雪糕糯米糍，給我們來一下溫度的平衡，亦為我們這晚舒適又美味的晚餐完美作結。

今天特意約了朋友去尖沙咀食日本餐！ 我們來到寶勒巷尋寶，看見這間在酒店裡面的千上日本料理，酒店來說價錢也不算貴，所以我們就試一試了。 一進餐廳，很有日式簡約的風格，我們兩人的座位很闊落，人多還可以book VIP房,但要消費滿$2000！ 我們星期日晚上來吃，餐廳人比較小，最適合女孩聊天、聚舊👍🏻👍🏻👍🏻我們點了二人套餐，套餐很豐富 有蟹籽沙律 🥗作開胃小吃 刺身三品 有吞拿魚、三文魚和帶子，刺身很厚，口感十足特色卷物 有三文魚🍣最驚喜是裡面包了紫蘇葉，很清爽、很香，可以中和三文魚的肥膩感😬😬天盛 原來是指天婦羅 有炸蝦🍤 ，蝦也蠻大隻，很有炸南瓜和紫薯，口感脆脆的👍🏻👍🏻然後再來四款串燒、紐西蘭羊鞍，串燒得很香，有雞軟骨、雞腎等等，可惜我不太喜歡食羊肉，但賣相也蠻吸引人的最後還有 稻庭湯烏冬，吃完大滿足！ 驚喜的是店員很好，還送了我們每人一個茶碗蒸👍🏻👍🏻 我非常喜歡食茶碗蒸，所以就算很碗我也把它食光光！ 這頓晚餐我們吃得很滿意也很滿足，餐廳很舒適，服務又很好，不限時，可以慢慢享受食物

尖沙咀人多車到，要搵一間私隱度高、又靜靜地傾到計既日本料理的確唔簡單。朋友介紹下，知道寶勒巷好多餐廳都轉左，即管黎睇下邊間岩食。行到粵海酒店旁邊見到有間上樓既日本料理，好似幾神秘咁。經樓梯上去一層，舖面環境幾大，座位舒適。裝修幾傳統，企企理理。見到旁邊有VIP房，多人黎包房私隱度會更高。MENU食物中位價，亦有二人餐/四人餐供選擇。總括來說，店員著和服帶點氣氛，算有禮貌，張單都跟得幾足。食物不過不失。二人餐食材都算豐富，食哂一定好夠飽。由前菜、刺身、卷物、天婦羅、串燒都有，樣樣有D，連最諗唔到既羊鞍都有得食，唔錯。🔸 二人餐 $588蟹籽沙律刺身三品香蔥拖羅卷天盛紐西蘭羊鞍串燒四款湯稻庭甜品及飲品．by VIN

睇到呢間日本餐廳係Openrice有好多正評，所以就黎試一下，地點就正正係粵海酒店旁邊同友人嗌咗個二人餐 $588 蟹籽沙律正常份量 幾好食既刺身三品望落幾新鮮！食落唔腥 不錯不錯特色卷物係蟹肉卷 蟹肉鋪係上面都係第一次見到幾有特色！天盛姐係天婦羅，有蝦同南瓜炸漿外層稍厚，但係都有香脆口感紐西蘭羊鞍估唔到日本餐廳都有羊鞍食，剛剛好七成熟 有咬口得黎又唔蘇！串燒牛舌最正！一口份量 秋葵同雞軟骨都唔錯湯稻庭結尾再上一碗熱騰騰既烏冬！滿足

好耐沒食日本野，門面個姐姐幾熱心地招呼，態度親切。於是我和朋友選擇食這間。內環境乾淨企理，時間還早未有太多客人，不過獨立房內也坐滿客人了。從門縫可以看到其他的食客。我和朋友叫了一份二人套餐($588)。食物還未到時先喝茶聊天。店員都很勤快地每次在喝到差不多時禮貌地為我們倒滿茶杯。首先是蟹子沙律。青瓜很爽脆，蟹子也很有口感，每一口咬下去都有清脆的聲音。然後是一個海膽卷物。非常鮮甜濃郁。Wasabi還是手磨的天然山葵，不會太辣而且沒有人工的化學味道。四款串燒，雞腎、雞軟骨、番薯和牛舌。熟透的同時也能保持肉汁鮮味。烤羊架，分量十足肥瘦適中，而且很易咬。不過右邊那醬料就麻麻呢，太酸了。陸續有來的還有天婦羅，蝦肉鮮嫩沒有雪藏味，連尾部的殼也脆得可以咬碎。值得推薦的是這個稻庭烏冬。烏冬煙韌湯汁鮮甜，就算吃了前面的食物還能把整碗吃完。把烏冬拉起來一看，是不規則的形狀，似乎還是人手打的呢。最後還有甜品，店員一直耐心地為我們倒茶，可以一直享受在乾淨舒適的環境聊天的時間，真的不錯

千上日本料理在尖沙咀粤海酒店一樓，酒店內有升降機直達，也可從酒店門外的專門樓梯上去。 內有廂房、大廳和吧枱。我們一行二人，可能由於天雨關係，人不是太多，不用等位。 飯廳比較寬敞, 沒有擠迫感覺，服務員態度也十分殷勤有禮！店員奉上兩款前菜。我們先叫了汽水、三文魚和茶碗蒸，都是一般的食品，没甚特別。枝豆較可取，帶有些少清新的鹹味，溫熱的，外層有鹽花，豆也香脆。主打叫了黑豚火鍋，備有一大鍋湯底。 雜菜盤擺盤精美，冬菇和金針菇較好。黑豚肉來自日本，新鮮、軟綿、肉味突出，是全晚最好味道的菜式。及後送上雪米糍，滋潤一下。整體來說，環境好，服務佳！

同朋友行行下尖沙咀，講起想食日本野，所以黎到呢間餐廳。見到呢個入口後，行一條長樓梯就到。一坐底，店員就幫我地斟茶，重比左小食我地，係味付螺肉，好爽口，又開胃。之後，我地就點左個二人餐。蟹籽沙律好新鮮，青瓜砌絲，爽口得黎又冇苦澀味。刺身三品刺身色澤幾令，切得岩岩好，有口感。三文魚同吞拿魚新鮮，最後一款魚雖然吾知叫咩，但爽口，好食。特色卷物蟹籽加洲卷，有蟹柳、牛油果同青瓜，配撘好fresh。天盛係最愛既天婦羅蝦同蕃薯，炸得好鬆脆，又吾油膩，好好食。串燒特別推薦食牛舌，非常爽口，又入味，配上檸檬汁，一流。而紫薯都好甜，燒得好香。紐西蘭羊鞍羊鞍燒得好香，配上芥茉醬，好好食，又吾羶。最後每人重有一碗烏冬，好滿足。飯後甜品，雪米糍

夜晚同朋友搵餐廳食飯，咁o岩係呢間餐廳附近，睇見樓下宣傳牌覺得好似唔錯，而且上網睇評價亦幾好，於是就上來食晚飯。呢間餐廳係樓上，侍應全部都著和服，佈置好平實簡約，坐得好舒服，而且裡面有廂房，私隱度幾高，無論朋友食飯或者來傾公事都適合。我地叫左三樣刺身，分別係三文魚、北寄貝同甜蝦。三文魚刺身好肥美新鮮；北寄貝好爽口；甜蝦刺身亦都幾滑又鮮甜，刺身質素相當唔錯！野菜蟹籽沙律；個沙律撈得幾好食，食到粒粒蟹籽！炸物方面，我地叫左個迷你甘茨同燒日本有機豆腐。日本豆腐外層嘅脆皮配裡面軟滑嘅豆腐，燒得好好食。迷你金茨姐係日本甜番薯，同平時出面係放題食既相比，佢同樣係燒到外皮微脆，內裡又甜又軟，唔同既係，佢表皮應該輕輕塗左層牛油先燒，所以食果陣會食到牛油味，一串都有四粒，每粒都好飽滿，一d都唔乾爭爭！泡菜豚肉鍋好足料，豚肉有好多塊，裡面仲有菜、金菇、豆腐等，味道唔算太辣，幾好味！

想食日本嘢，OpenRice 下尖沙咀有邊頭好食男朋友話見到呢間好多好評，一齊去試下本身以為酒店入面會好華麗但係呢到畀我嘅感覺似舊式港味濃嘅日式餐廳可能多遊客有啲嘈同我想像有少少落差男朋友見我面色唔對拿拿林叫嘢食😂😂😂好快決定要二人餐勝在咩都有唔使諗Hungry 加angry 真係變hangry 但係食落覺得前菜都唔差蟹籽沙律啲醬唔算重手青瓜幾爽脆立即下火😂🙈一嚟刺身即刻心花怒放啲刺身新鮮👍微微凍👍仲要好厚身卷物好好味上面舖咗蟹膏同蟹肉👍👏串燒有四款食物❤️🤡最好味係雞軟骨同腎，微焦唔油！好爽口仲有小甜薯😍好煙un 好甜👏出色羊鞍都唔輸蝕好夠肉地天婦羅啱啱炸起炸粉唔算厚入面個餡都好夠味最後仲有烏冬，呢個麵就還好最後仲有雪米糍做甜品係芒果同雲尼拿味男朋友見我對食物都叫滿意即刻放心晒下次都係學識do not judge a book by its cover啦🤕

朋友帶左我黎尖沙咀食好西，位於粵海酒店上面呢道環境裝修得非常有日本風味，而店員都著上和服👘 感覺好似去左日本咁而呢道都有幾間廂房，好高私隱度呀！蟹籽沙律🥗先黎左個沙律開下胃先😋有青瓜絲、蟹柳絲，食得岀d蔬菜好清新😃枝豆份量十足既枝豆，暖暖地再加上小小鹽，好快就俾我食哂！🙈薯片點埋沙律醬一齊食，口感都唔錯！送酒一流呀🍻👍🏻雜錦刺身有三文魚🍣、帶子、北寄貝、蝦🦐剌身全部都好鮮甜、好新鮮😍牛肉鍋除左牛肉外，仲有菜、滑豆腐、甘菇、冬菇、薯粉......d牛肉好嫩滑，湯底好清甜，唔會太鹹👍🏻醬油炒飯個炒飯炒得好香😍雪花啤酒🍻雪糕糯米糍😍

同朋友尖沙咀行街，得完後就係附近搵左間日本野食埋飯我地行到入黎，見到全部店員都係著浴衣，第一次係香港見到，覺得幾得意。望左個餐牌好耐，唔知揀咩好，所以揀左個二人套餐。叫左個啤酒，佢地上左先，唔識飲，係覺得幾好飲～個套餐有個中華沙律前菜，意外地個海帶好嫩，同埋都幾厚身，細細碟夠2個人開胃黎日本餐廳叫蟹子沙律是常識吧，不過我地無叫，係個餐包埋碗沙律好大碗，啲沙律菜都幾新鮮。然後佢地上左魚生先。唔同口味一人一塊。只係識得三文魚同吞拿魚，另一款魚生唔知叫咩名，但我覺得佢最好食，啲肉好細實有咬口。個壽司細細件，但佢上面啲魚生好足料，比較岩岩 ，幾乎一半魚生一半飯。然後到我最愛既烤物～～最右邊個烤牛舌真係好出色仲要厚身，吱埋檸檬汁好fresh好好味佢地啲熟食都係一齊上，個澳洲羊架好嫩滑，我覺得羊味無咁出，但勝在入口即溶，好好味。天婦羅唔係我杯茶哈哈，但都試左個炸虾，唔油，個蝦好嫩口，朋友話個南瓜好甜，佢話好好味。跟住我地另叫左個炸河蝦，佢既胡椒味同個蝦好夾，一邊飲啤酒一邊食，比我清左大半碟最後上個烏冬，其實已經好飽，但都清曬佢，唔好曬。食埋個甜品，行唔郁喇。

寶勒巷呢度酒店一樓有間睇落幾高級嘅日本料理 一直都想試 今次終於同丫媽黎左 第一個感覺就係服務態度勁好 個個都笑容親切咁招呼客人 今次叫左個$588嘅2人餐當中有幾款食物特別出眾 印象深刻 首先一定要講嘅係個蟹籽沙律 除左平日整沙律會用嘅生菜等等之外 佢仲加左冰菜 好特別 之前呢種菜未試過生食 點知又幾正喎 好fresh 另一個正野就係刺生三品啦 顧名思義 就係有3種刺身啦 勁新鮮 三文魚係前所未有食過咁甜 而且油甘魚平日係腥味比較重嘅一種 但今次由於好新鮮 真係一啲腥味都冇 食得幾enjoy 哈哈 最後一樣要講嘅係羊鞍 首先佢好貼心用錫紙包住左嚿骨 好似我咁生番中意用手食都吾驚會整污糟 另外佢烤得剛剛好 做到外脆內軟 冇羶味 吾錯 同時佢亦比左啲芥末籽醬我地 酸酸地 查左上去好開胃 即時吾會膩

自從上次食完日本野，最近都好想食番，就揀咗呢間試試。上網睇啲好係日式嘅，侍應係著和服嘅。我就同朋友叫咗個兩人餐同汽水比緊係揀啤酒🍻啦，應該抵啲。呢支就中國產嘅，飲落又幾順口，唔錯前菜就爭鮮水準，唔難食/好食沙律🥗多沙律醬，青瓜爽口，同之後嘅菜幾配。到劇玉了🙂 都算新鮮，哇沙比好食，夠攻鼻。串燒普普羊肉一啲都唔穌😍 驚羊嘅都可以食，肉都幾淋。估唔到係蕃薯🍠最好食，炸完好似仲甜。最後仲有甜品，每人都有兩粒架。食到最後先記得影😂

前幾日心血來潮，好想食下日本野，諸事經過尖沙咀就決定試吓呢間千上啦🙈🙈而我同朋友就決定叫一個二人餐share🤤🤤刺身三品三款刺身都好厚，感覺好抵食，而且都食得出好鮮甜，證明左都幾新鮮🤤🤤而個人認為最好食嘅係透明嘅魚，佢嘅味道係比較爽口鮮甜特色卷物嗰日食嘅特色卷物係蟹膏壽司，壽司上面放咗一層蟹膏，識落好濃好香，二壽司入面包住一舊蟹柳，令到口感變得好特別，一人得兩舊真係有啲唔夠喉🙈🙈天盛天盛嘅即係天婦羅，而呢一份天盛入面就包左蝦，蕃薯同埋南瓜，佢既炸粉只係薄薄一層，所以食落都唔會覺得太熱氣紐西蘭羊鞍羊鞍既size比我想像中大，羊肉味都算濃，但就唔會過騷，加埋芥末醬食味道真係好夾🥰🥰串燒4款串燒包括左有牛舌、豬腩肉、紫薯同埋豆，個人覺得最好味既係牛舌，燒得好香而且調味岩岩好😍😍湯稻庭最後每人中分別有一碗小烏冬，烏冬煮得岩岩好，夠曬彈牙