千上日本料理 (已結業)

於星期三中午經Openrice 訂星期五7:30pm並得到確認, 到今天星期五1:15pm收到餐廳打來通知今晚包場提供不了枱，說是有員工沒有留意網上訂枱，我只是被通知，如果不能提供枱早點通知客人是尊重、客人亦能有時間另作安排，今晚原本是和客人的appointment, 現距離booking 只有6小時，要重新可訂到尖沙咀7:30pm 乎合我所需食物、地點及budget 要求的日本餐廳十分困難，亦要重新和客人交待，如果這餐廳並不重視網上訂位的客人，請不要提供網上訂位服務，今次經驗十分不快

冬天除左鐘意留係被窩外, 就最鐘意打邊燈食火鍋，今日同朋友在尖沙咀逛兩逛，然後兩個吃貨去到寶勒巷那一邊找到一間坐得舒服嘅既【千上日本料理】。對的...日本料理？不是火鍋嗎？就是經過樓下的時候看到它的日式火鍋挺吸引，所以就上去了。【千上日本料理】位於尖沙咀寶勒巷，即香港粵海酒店1樓，從寶勒巷就要拾級而上，如果酒店內便可搭電梯到達。日式餐廳來說，門面低調，室內設計簡約平實，店中分左右兩邊，亦設有數間廂房，私隱度高。以淺木色為主調，又有些油畫，充滿和風味。身穿和服既職員為我地點菜，食物主要是刺身、壽司、炸物、燒物和鍋物等。但為鍋物而來就點鍋物吧！前菜方面，蟹籽沙律和枝豆。枝豆＄48 暖暖地到來，加上有鹽巴作簡單調味真係比想像中好食。好快食晒啦！而蟹籽沙律呢＄68就將它完全撈匀咁就可以粒粒蟹籽都溶係蔬菜，蟹柳絲，青瓜絲度。好爽啊，蔬菜好清新大。好開胃呢。和牛壽喜燒火鍋 $468 2人份日式壽喜燒會跟一大盤配料，看上去很豐富呢。有金菇、南瓜、洋蔥、娃娃菜、小棠菜、薯粉、滑豆腐等等...先烚菜，湯更濃郁更甜。豚骨湯，湯底可以飲多兩碗，薯粉是壽喜燒火鍋的精髓，因為會慢慢入晒味，煙韌與滑溜，吸滿豚骨汁

約左個朋友飯聚， 大家都想食日本嘢，揾到呢間喺酒店入面嘅日本料理，價錢ok,一於試下。 我哋好早去到，唔算太多人， 兩張枱之間有好多空間，唔會好迫，好舒服，傾計啱曬！另外有幾間大房， 可以一班人gathering用。我哋叫咗兩款小食，就係枝豆同炸河蝦。 兩款小食的分量都多，四個人食都夠， 熱辣辣嘅枝豆鹹鹹地，都幾好味，炸河蝦又香又脆，連殼食，最後俾我地清曬><仲叫左蟹子沙律， 食得出啲青瓜絲好新鮮，似即製嘅！主菜就叫左泡菜豚肉鍋同鐵板蒜片牛柳粒，豚肉鍋加入泡菜味道，好夾，好醒胃，多款新鮮蔬菜同菇類，同豚肉一齊食，唔覺油膩。最出色就係鐵板牛柳粒，燒得好香，加埋蒜片，冇得彈！ 牛柳好嫩滑，唔靳，冇乜根，鍾意食牛嘅人呢個必試！因為我好鍾意食蛋，所以決定叫埋 茶碗蒸黎試下，即日式蒸蛋，好滑既水蛋，入面有幾款配料，食完好滿足。 總括嚟講，所有菜色嘅材料 都好新鮮， 感覺餐廳好有誠意，絕不求其，一定會再黎！

雖然香港有數唔清咁多間既日式餐廳，但今次同朋友訂既餐廳，無論係其內部日本風既裝潢，定係食物既水準都令人好驚喜! . 從尖沙咀A2 出口行大約5分鐘就可以到達餐廳門口，一踏入門就好似置身日本一樣，邊上樓梯邊欣賞兩側掛著日本幅畫。一坐低，身穿和服既職員為我地點菜，前菜方面，我地點左蟹籽沙律和枝豆。好快職員就上菜。枝豆一盤份量十足，因為烘過既關係，入口微溫，而且粒粒軟熟香甜。大華沙律係贈送既~呢間餐廳特別出名涮涮鍋，所以我地決定試下和牛壽喜燒鍋湯底清甜，材料十分豐富。牛肉新鮮易咬，金針茹，娃娃菜，豆腐入味，吸哂牛肉湯底既甜味。如果鐘意日本火鍋既朋友就一定要試下呢到既涮涮鍋啦。.除左牛肉涮涮鍋，仲有個日式汁炒飯同乾身港式炒飯唔同，呢個炒飯軟身好夾炒蛋金針茹爽口既口感，十分易入口。.鐵板蒜片牛柳粒牛肉唔老唔生，岩岩好係七成熟，只用蒜片提味，所以食到既牛肉原味十分突出。一口牛既大小亦十分方便食用。

琴晚同朋友去呢間粵海酒店既1樓日本料理度食飯真係唔上網睇都唔知呢度有間日本嘢相信食客多數都係住呢間酒店既旅客環境唔錯 好大 坐得舒服雖然店員好多都係國語人 但服務真係唔錯.2個人食到好飽大約1人$350刺身叫左三文魚 北寄貝 甜蝦 鮮帶子甜蝦同三文魚較出色 甜蝦大隻 鮮甜三文魚厚身 魚味香.另外叫左醬油炒飯 茶碗蒸係推薦既2款 雖然醬油炒飯唔係好多料但炒得幾好食 好香茶碗蒸個蛋超滑 朋友話應該係加左高湯黎蒸.小食叫左枝豆 炸河蝦 同迷你甘茨 燒日本有機豆腐枝豆份量好多 建議2-3人share 加左鹽少少咸好開胃迷你甘茨即係我地平時講既迷你蕃薯🍠細得黎都幾飽滿有機豆腐有啲似魚蛋加豆腐既質感會比較實啲 又不失豆腐清香氣點wasabi食效果不錯。

今日同朋友突然之間想食日本嘢喺屋企搵到呢間餐廳環境同你乜都好似唔錯所以就聽日過嚟試下。 呢間餐廳嘅前菜都幾特別，除咗平時會有嘅支豆之外仲有炸得好脆嘅炸河蝦做前菜。 河蝦仔酥脆惹味食到停唔到口。 煮菜非常推介鐵板牛肉粒， 牛肉粒 size啱啱好 , 一啖一粒。牛味幾濃，鐵板上菜時仲熱辣辣呀。 另外試咗茶碗蒸都唔錯啲蛋非常嫩滑，淡淡蛋香~ 總括嚟講 呢間日本料理環境寧靜， 地方寬敞都算坐得幾舒服。

入到呢間餐廳入面既燈光昏暗 比較relax 叫左一煲二人前既和牛火鍋 🍲⋯⋯ 首先上台既係一大盤蔬菜 🥬 ⋯⋯有娃娃菜 生菜 南瓜 🎃 金菇菜等等 由於係湯底壽喜燒 所以食呢啲菜好入味 帶少少微甜 雖然店員比左芝麻醬同柚子醋我地點 但其實湯底本身都夠濃味 另外日本和牛既脂肪分佈好平均 由於係薄切⋯⋯所以好快就會熟 本身唔懶慣食太熟既牛 所以淥兩淥好快就食得😃最後仲有兩味小食 一個係枝豆 甜甜地既枝豆外面加左啲鹽 兩種味道配合得唔錯 另外仲有一味係炸蝦 🍤 細細隻蝦仔炸得好脆口 怕熱氣既話可以點柚子醋尼食 😃👌🏻

星期日同女朋友係尖沙咀行完街佢話想食日本野上網搵左陣 見到呢間日本野好似唔錯 就決定去試試門面同裝修格局都好似日本居酒屋坐低就送左兩碟前菜俾我地食分別係中華沙律同螺肉 坐左陣 叫返支啤酒同埋支豆食住先飲下酒再諗下食咩支豆有灑鹽 同係日本食居酒屋一樣配埋啤酒 風味十足諗左陣 最後決定叫個蟹子沙律,燒三文魚頭同黑豚火鍋 二人前沙律菜夠新鮮,沙律醬份量剛剛好,整體感覺Balance燒三文魚頭一上黎 已經聞到陣陣魚香火喉夠 外皮燒得香脆 內裏魚肉香滑魚頭夠哂油脂 好味黑豚火鍋 除左豚肉 仲有雜菜拼盤同埋豆腐跟埋一齊火鍋湯底用上清湯 一開始味道較平日的港底火鍋清淡但當加入多種蔬菜同豚肉之後 湯頭清甜 食到食物既真味各種蔬菜都十分新鮮 豚肉有口感 肉味濃郁食完所有野 仲送埋雪米糍俾我地做甜品 整餐相當豐富

之前有一次發掘咗呢一間日本料理，食過覺得唔錯佢位於粵海酒店入面，地方仲坐得唔錯，幾舒服。而且午市有多款日本料理揀，又唔貴，仲唔使加一添 最平60蚊左右有交易上次試過魚生飯覺得唔錯，今日就嗌咗火炙帶子吞拿魚蓉飯試下。火炙帶子及吞拿魚蓉份量都好多，而且非常新鮮，不過帶子略嫌冇乜味。近睇睇到帶子有幾多，相當抵食另外鹽燒鯖魚定食， 鯖魚都算幾大條肉質唔錯，燒得幾香。午市定食跟麵豉湯、蒸蛋、前菜及甜品，非常之豐富。價錢經濟實惠，坐得好，最適合家庭聚會。

千上位置方便 系寶勒巷個頭今日算系pre birthday celebration 🎉 梗系要豪少少😋😋炸雞軟骨上枱熱辣辣 食落shok shok聲 炸得幾好幾脆😇😇😇😇炸櫻花蝦小編好中意食櫻花蝦😍每次飯啤酒都會點 呢間整得幾好食Haha 有d蝦鬚長長的 好得意和牛火鍋 (2位)分量十足 食落好飽 有菜 金菇 鮮冬菇etc湯底味道唔算濃 加上配菜食剛剛好和牛系重點!!! 入口系有少少慢慢溶化 正😋質素不錯 牛味重牛油果壽司呢款看似簡單嘅款式 其實好好食 必點牛油果🥑+蟹籽+沙律醬 😋😋

2019年1月6日。旺角。晴。日日都打邊爐，唔通日日都打邊爐咩？呢日打嘅係日式邊爐～a.k.a.壽喜燒～第一次食壽喜燒係細細個跟團去日本嘅時候第一次食壽喜燒：嘩～好味啊～第二餐繼續壽喜燒：咦，乜又係你啊，壽生？第二日再食壽喜燒：日本人係咪除咗食壽司就係壽喜燒？跟團竟然日日都係食壽喜燒。。。所以之後好多年都無再食過呢樣嘢啦～呢日相隔多年，再次同壽生相遇～寶勒巷有間酒店裝修緊，間餐廳就照常營業上到去就見到着住繽紛浴衣嘅店員～嗌咗和牛壽喜燒～先有中華沙律同螺肉做小食～另外仲嗌咗枝豆同蟹籽沙律和牛壽喜燒會跟一大盤配料～有娃娃菜、小棠菜、大蔥、冬菇、魚板、金菇、南瓜同薯粉～兩個人絶對夠飽～仲有非常滑溜、豆味濃郁嘅香滑豆腐～主角和牛出場～～～～～和牛肉質嫩滑，牛味香濃湯底係甜醬油咁嘅～就咁飲都可以飲幾碗～好清甜！烚完菜同牛肉，湯又會更濃郁～呢個時候又可以再飲多兩碗～非常暖胃，非常滿足～最最後，仲有雪米糍添啊～為與壽喜燒嘅重逢畫上完美嘅句號。

冬天有甚麼節目比火鍋更加吸引？不過近期經常吃中式火鍋和麻辣火鍋，今晚想轉換口味，便來一個日式火鍋。這裡是在酒店內的日式料理店，店內裝修好有和風感覺。枝豆$48，枝豆外面有點鹽，令到枝豆變得更加好好味。鍋㡳未滾時吃著又是另一番滋味。日式黑豚肉鍋$328，包兩枝啤酒、沙律、豬骨湯底、豚骨、蔬菜盤、豆腐、甜品。啤酒是來自中國的雪花品牌，想不到很容易入口，而且帶點麥香味。沙律夠清爽，作為前菜一流。豬骨湯底，味道像日清食品的豬骨拉麵湯底，這個真是廚師的功力吧了。豚骨有十幾片，沒有豬羶味，而有香甜的豚肉味。蔬菜盤內有津白、南瓜、日式魚旦、日本葛絲、金菇菜、冬菇、小棠菜、紅蘿蔔，其中以日本葛𢇁，晶瑩通透，最為好味。豆腐非常香滑又好味，不過不能放在湯裡太久，如果不是會變成碎，就浪費了這麼美味的豆腐。甜品是綠茶和牛奶雪糕，兩種味道都不錯。吃完感覺非常健康，因為今天晚餐以蔬菜為主。

呢幾日禁凍，最岩食火煱，但又唔想同人迫，想靜靜地嘅話，可以揀日式shabu shabu. 肉類同 蔬菜都好新鮮好正，呢外其他熱食同壽司都好有水準！鐘意食日本嘢又想多選擇可以嚟呢度呀

這間日式餐廳是位置香港尖沙咀粤海酒店的一樓他們是在馬路旁掛著小小的招牌如果沒用心留意很容易路過這間餐廳也不知道來到先來點小菜中華沙津還有點了枝豆枝豆的外皮鹹鹹的加上了枝豆獨特的味道令人一口接一口吃下去不會想停難怪日本人那麼喜歡吃枝豆之後有炸小河蝦這河蝦雖然水什麼肉但是炸得香香酥酥的十分吸引黑豚肉火鍋這火鍋的蔬菜配料好新鮮每根菜也是飽滿飽滿的黑豚肉片每一片也好大片份量也蠻多的而這裡的待應速度也好快沒茶的話待應好快就會加上

因有事嚟到尖沙咀附近處理，順便食埋晚飯，男朋友話成日經過寶勒巷見到都幾多餐廳，咁就揀左呢間係酒店入面嘅千上日本料理。咁岩地下裝修無左停車場，對面街嘅車又抄曬牌，唯有泊入對面停車場啦，都要＄３２／鐘，食到半碟刺身架喇呢間舖嘅裝潢都幾得體，而且店員姐姐都好好招呼，送埋我上樓梯，餐廳唔算好大，但有吧枱亦有卡位。店員安排我地坐獨立房，有需要可以按鐘叫人，我地見天氣凍凍地，就試下呢度推介嘅豚肉火鍋暖下身啦。前菜枝豆鹹鹹地幾好味，唔覺意食左好多火鍋湯底都係豚骨湯，先嚟左個蔬菜盤，份量都幾豐富，最後我地兩個人都食唔曬，主角豚肉出場喇，油花分佈得幾平均，食落唔會好韌。豆腐好滑，落煲都唔會散，但又唔會好實。仲有讚歧烏冬，好彈牙。Sauce方面有芝麻醬，同埋柚子醬油，幾清新。 為食嘅我叫多左份三文魚刺身，都幾厚，夠曬肥美！坐房真係幾寫意，夠曬私人空間，下次再嚟嘅話會想試下其他日本料理。