南記粉麵 (香港仔大道)

营业中

休息中

我發覺好多朋友都一樣同我好鍾意食南記嘅春捲，過一段時間就會好想食，今日我就嗌咗酸度春捲米線，春卷彈牙，酸菜酸得啱啱好，加埋小辣驚米線湯底，我都唔知點解你唔好睇，絕對令人食指大動。

每次在其他地區看到有南記這家粉麵店，都會覺得在香港仔的這間才是最正宗的。當年就是因為他出名的春卷，才從香港仔殺出一條血路在其他地方也能開出不同的分店。很久沒有去吃過我今次再去一次果然名不虛傳。今次我去了也是吃最經典的魚蛋魚皮河粉，再配上它的最經典的春卷。真的在其他地方不可能能吃到這樣味道的春卷，他有一點鹹也非常彈牙，實在找不到其他的更好的替代品。而他的魚蛋魚皮配上辣醬之後跟粉麵造成一種非常之好的配搭。

南區人相信都無幾個無食過南記，以前只限港島區有，呢幾年都開咗好多分店係其他區，造福大家，因為真係幾好食又唔貴。呢間分店食咗好多年啦，算叫做乾淨企理，因為腸胃比較差，未試過無食到肚痛，都算係咁。春卷係必點食品，第一次食嘅時候真係覺得好奇怪，點解春卷係淋嘅，不過食落又好好味，食咗咁多年，已經好習慣啦，所以每次無論1定其中一款餸一定揀春卷，其他餸就隨意搭配啦，今次揀咗貢丸，够大粒又彈牙，好食，蔥怪一定多蔥。必加辣椒醬，食南記先會加辣椒醬，其他鋪頭食麵一定係辣椒油。

呢晚心思思嚟到南記，揾返幾年前嘅記憶。一坐低就忍唔住嗌咗碗酸辣米線，食落去竟然有一種家嘅感覺。😋 米線出奇嘅滑，湯底帶嚟嘅酸辣感覺刺激晒味蕾，仲有埋酸菜嘅清新，正！而家咁涼快，食碗熱辣辣嘅米線真係舒服到不得了。春卷係必點，外皮脆得嚟唔油膩，入口嘅瞬間感覺到內餡嘅鮮味同爽口😍，真係令我回味無窮。腩肉同豬大腸賣相晶瑩剔透，個個都想試一試。結果腩肉Q彈中帶微微嫩滑，豬大腸又清、又華麗，啖啖肉香，完全冇想像中嘅腥味！雖然牛展嘅味道稍嫌平平，但魚餃嘅咬勁同樂趣都補咗返來。最後輕輕地嗌罐凍檸茶，啱啱好打住喉，飲品同食物之間嘅配合，真係整個體驗提升到另一層次。🍋 唔免俗套咁講，真係一次平民又精彩嘅飲食體驗，南記，我仲會再來！

行過南記，一間洋溢著濃濃街坊氣息嘅食店，心諗今晚就打住吓餓肚，歎返一頓！入面啲噴香鴛鴦粉麵，真係令人回味無窮，啫啫嘅魚蛋、彈牙牛丸同個酥脆春卷，你話豐富唔豐富？麵條Q彈得黎唔會過腍，順滑過喉嘅感覺，正！星期天嘅食客多，要等位都值得。揀返個經典款叉燒魚餃瀨，加料都唔手軟，足料冬菜，拌埋成碗大口食，豆瓣醬夠晒火喉，食完連心都暖笠笠🥣。呢啲本土風味，講起上嚟就係一口老香港嘅滋味。最後唔得唔提下依家小窩米線嘅進步，等得時間短咗，湯頭都清而鮮美得滯。微酸嘅酸菜喺湯裏邊跳舞，突出咗料同蔥花嘅每一啖香，糖心蛋夠潤，肉感十足，啱晒想吃得健康嘅你！食完呢啲，真心覺得香港嘅美食文化，就係喺呢啲平民小食當中最發光。😋💯

平時食米線都係會去譚仔 今次難得你香港仔就試吓香港仔出名嘅南記 嚟到見到價錢以連鎖米線黎講都唔係好親民 因為格局係自助式比較似係快餐店咁樣 第一次食南記 就試咗佢期間限定嘅胡椒豬肚湯米線 本身就鍾意食潮州嘢嘅我有啲期待 但係一飲個湯底就覺得有啲伏 一般嘅味精湯底帶上小小嘅胡椒味 整體口味比較鹹同重 豆卜索晒啲湯汁都比較鹹 豬肚份量算係多但係口感比較韌 建議下次黎都係試返佢嘅招牌春卷好啲食完之後雖然冇乜點飲湯但係都幾口渴下

每次去到南記必定會叫嘅係春卷，春卷炸到金黃色，裏面嘅魚肉好香口，味道鮮甜，餃皮和肉餡好夾，令到成碗河粉高一個層次。未到一如以往幾好。仲有佢哋嘅生菜，份量好夠，可以兩個人share食都得，配上蠔油，好好味。

平民美食 - 南記粉麵⭐️最愛吃珍寶酸小窩米線中辣呢碗野好多餸☺️☺️有墨魚丸，魚旦，牛丸，魚皮餃同埋最招牌既春卷🤤.中辣對我嚟講岩岩好辣得過癮✅無晚市下基本每個星期叫外賣一次😎😎

今日試新推出的「胡椒豬肚湯雞翼米線」。胡椒豬肚湯底清甜暖胃；配料有多種：豬肚份量充足，可是較薄，口感爽硬；雞翼冇乜特別；旋風豆腐串吸盡湯底精華，好吃；花生芽第一次食，很硬，比大豆芽更硬。只需加$18可加「辣爽爽豬肚」（原價$28），好辣🔥，不過又好惹味。豬肚一樣是偏爽唔夠腍。套餐價$53送特飲「香蘭葉桂圓茶」，清甜滋潤，連杯中的龍眼肉（桂圓）都好好味，記得食埋呀。整體來說幾好味，係硬咗少少。豬肚唔夠厚又唔夠腍，花生芽硬，連米線都唔知點解偏硬。

平時去南記多數食酸辣小鍋米線，今日試咗新出的擔擔米線，個湯底又幾OK喎。擔擔米線有三款餸可選：風沙脆豚，風沙春卷脆粒和春卷加菜肉餃。春卷成日食，所以叫咗豚肉。風沙脆豚即是炸豬扒條，炸得較乾無肉汁，而且肉身較薄。幸好醃得入味。所謂風沙是有大堆辣椒炸蒜，怕辣的可以不蘸也夠味。豚肉麻麻，但個擔擔湯米線幾好，湯夠濃味，又有榨菜、豆卜條、肉碎等。不過米線偏少，只有另一碗酸辣米線的三分二份量。擔擔麵送芒果冷泡鐵觀音，真係有個鐵觀音茶包。芒果糖漿都幾甜，飲完自己再加梳打水，反而啱啱好。

香港仔南記真係好耐歷史，隔左咁多年都仲係個陣味。食左碗紫菜四寶河，分量十足，湯頭同童年一樣，特別個秘製辣醬真係正，如果有番冬菜就無敵，一定要叫杯凍大豆漿飲舒服晒！另外，南記最近出左麻辣既粉麵下次一定要試下新野。

今日去淺水灣遊覽，好多年都冇去過淺水灣，淺水灣變化得好大，有好多高樓大廈，又有一個觀音像的廟宇，之前聽朋友講話這裏個觀音像好靚，今日真是大開眼界了，再行過沙灘這邊，好多人在 游水，又有好多人在曬太陽，有好多小朋友在砌城堡，玩得好開心，好了有點肚餓，在淺水灣看看有什麼東西吃吧，嘩餐廳這麼多人嘅，算吧我出香港仔食好啦，於是我就坐巴士出咗香港仔，香港仔都好多食店哦，我看見有間南記，南記都好耐歷史，於是我入去叫咗一碗魚蛋粉，一碟油菜，南記魚旦爽口彈牙，保持得好好，好有水準。

南記就食過好多次，但南記嘅發源地香港仔總店就第一次。一入到餐廳，發現餐廳比較細，人數多所以比較難搵位😅😅😅今次一樣點了套餐B-招牌滋選小窩米線。咁樣先可以同到其他比較😂😂😂😂今次點了馬勒中辣，辣味啱啱好，個湯底比之前食過嘅更濃，還另外點了炸魚片頭👍🏻👍🏻👍🏻👍🏻不過每一次食完都好口渴😅，可能味精比較多了一點。總括嚟講不是每天都吃，間中吃也很好味👍🏻👍🏻👍🏻

今日去開香港仔，做完嘢肚餓，就去咗南記食嘢。😁😁😁😁我點餐嘅時候，一直都諗緊佢招牌嘅春卷，好想叫。😃😃😃😃😃點知我潛意識一直覺得佢叫做魚腐，所以就叫咗魚腐。結果，來嘅就真係魚腐😂😂味道係唔錯，因為叫咗個60蚊嘅餐，有個魚片頭送，個魚片頭上有加胡椒，所以佢個陣香味就好似係台灣夜市個種味。👍👍👍👍我加咗5蚊，換佢個杯仙草凍奶茶，放棄咗佢本來送嘅免費跟餐凍豆漿✌️✌️✌️✌️

來到香港仔，想專登食南記總店試試，行左個圈都搵唔到，朋友們唔想搵所以最後都係去左間分店食😅叫左招牌春卷米線好好食，湯底好夠味，叫左麻辣，但湯底唔會比辛辣味搶左個鮮味👍 魚肉春卷保持高水準，唔會比d 湯整淋哂👍整體質素真係唔錯。